Fréttablaðið - 06.05.2004, Blaðsíða 4
4 6. maí 2004 FIMMTUDAGUR
Er rétt að breyta lögum og reglum
um skipan dómara?
Spurning dagsins í dag:
Á Björn Bjarnason að segja af sér sem
dómsmálaráðherra?
Niðurstöður gærdagsins
á www.frett.is
32%
68%
Nei
Já
Kjörkassinn
Farðu inn á visir.is og segðu þína skoðun
visir.is
Jón Kristjánsson heilbrigðisráðherra um glasafrjóvgunardeildina:
Æskilegt að eyða allir óvissu
GLASAFRJÓVGUNARDEILD „Við mun-
um fara yfir þessi mál mjög
fljótlega, enda er æskilegt að
eyða allri óvissu,“ segir Jón
Kristjánsson, heilbrigðisráð-
herra, um þann vanda sem blasir
við vegna lokunar glasafrjóvg-
unardeildar Landspítalans. Allir
sérfræðingar á deildinni hafa
sagt starfi sínu lausu, en heil-
brigðisyfirvöld höfnuðu í mars
síðastliðnum beiðni þeirra um að
fá starfsleyfi til að reka glasa-
frjóvgunardeild utan spítalans.
Heilbrigðisráðherra gaf fyrir-
heit um að starfsleyfið yrði aftur
tekið til skoðunar, þegar niður-
stöður um heildarrekstur Land-
spítalans myndu liggja fyrir í
vor, en vegna uppsagnanna á
glasafrjóvgunardeildinni telur
ráðherra brýnt að skoða þetta
sem fyrst.
„Ég hef orð spítalans fyrir því
að meðferð verður lokið hjá
þeim sem þegar hafa byrjað í
slíku ferli, en það er óvíst hvað
verður með deildina eftir 1.
ágúst. Ég mun kappkosta að
þessi þjónusta haldi áfram í
landinu og því þarf ég í ljósi
þeirrar stöðu sem uppi er núna
að fara yfir málið. Ákvarðanir
verða að liggja fyrir sem fyrst til
að óvissunni linni,“ segir heil-
brigðisráðherra. ■
Sparnaði frestað og
uppbyggingu hraðað
Læknaráð Landspítala háskólasjúkrahúss fer fram á það við heilbrigðis-
ráðherra, alþingismenn og stjórnarnefnd spítalans, að frekari sparnað-
araðgerðum verði frestað. Þær muni bitna á sjúklingum.
HEILBRIGÐISMÁL Læknaráð Land-
spítala háskólasjúkrahúss segir,
að frekari sparnaðaraðgerðir á
spítalanum séu ekki gott vega-
nesti í þá miklu uppbyggingu sem
framundan sé. Þar er ráðið að vísa
til áætlana um uppbyggingu LSH
við Hringbraut, sem kynnt var ný-
lega. Gengið hefur verið frá lóða-
skiptum Reykjavíkurborgar og
spítalans, þannig að byggingar-
rými á svæðinu er fullnægjandi.
Í ályktun sem læknaráðið sam-
þykkti á fundi sínum nýverið og
send hefur verið til Jóns Krist-
jánssonar heilbrigðisráðherra, al-
þingismanna og stjórnarnefndar
spítalans, segir að þótt mismun-
andi skoðanir hafi verið á því
meðal lækna hvar best væri að
framtíðaruppbygging LSH yrði,
skipti mestu að sameiningu
sjúkrahúsanna ljúki með upp-
byggingu á einum stað og að henni
verði hraðað.
Brýnt sé að framkvæmdir við
nýtt sjúkrahús hefjist strax og að
fyrsta áfanga verði hagað þannig
að unnt verði að sameina bráða-
þjónustu og stoðdeildir hennar á
einum stað sem fyrst.
Læknaráð LSH lýsir stuðningi
við þá forgangsröðun sem sett er
fram í skýrslunni, þar sem upp-
bygging á slysa- og bráðaþjónustu
er sett í forgang ásamt uppbygg-
ingu rannsóknareininga.
„Það hefur verulega háð þjón-
ustu LSH að ekki hefur verið
hægt að ljúka sameiningu sjúkra-
hússins. Verulegur vandi, rekstr-
arlegur ekki síður en faglegur,
hlýst af því að sérgreinar lækn-
inga eru ekki á einum stað. Þá er
aðstaða fyrir sjúklinga ekki nógu
góð og starfsaðstaða lækna og
annars starfsfólks ófullnægj-
andi,“ segir í ályktuninni.
Þá leggur Læknaráðið til við
stjórnvöld að frekari sparnaðar-
aðgerðum á LSH verði frestað.
Þær samdráttaraðgerðir, sem fyr-
irhugaðar eru til viðbótar á árnum
2004-2005, muni bitna á sjúkling-
um sjúkrahússins og koma niður á
þjónustu og starfsanda. Þá séu
þær ekki gott vegarnesti í þá
miklu uppbyggingarvinnu sem
framundan er.
Læknaráð leggur mikla
áherslu á að sameiningunni verði
lokið sem fyrst með uppbyggingu
nýs sjúkrahúss og að fjármögnun
til verksins verði tryggð, þannig
að framkvæmdum verði lokið á
stuttum tíma. Þá fyrst sé að vænta
möguleika á raunverulegri hag-
ræðingu í þjónustu og rekstri
LSH.
jss@frettabladid.is
Stafangursránið:
Tveir voru
handteknir
OSLÓ Fjölmennt lið vopnaðra lög-
reglumanna tók þátt í aðgerðum á
tveimur stöðum í Osló í gær í
tengslum við bankaránið í
Stafangri fyrir rúmum mánuði
þar sem einn lögreglumaður var
myrtur.
Tveir voru handteknir í að-
gerðunum og hafa þeir stöðu vitna
að sögn yfirmanna lögreglunnar.
Grunur hefur nú beinst að manni
sem hafði ekki verið talið að teng-
ist málinu, hann var þó ekki með-
al þeirra handteknu. Fimm til við-
bótar voru handteknir en þeir
tengjast ekki bankaráninu heldur
eru þeir viðriðnir fíkniefnasölu. ■
Sveitarfélag:
Nefnt eftir
áfengum
drykk
BANDARÍKIN, AP Íbúar í sveitarfé-
laginu Richland í New Jersey hafa
samþykkt að nefna sveitarfélagið
eftir áfenga drykknum Mojito.
Fyrir að breyta nafninu um hálfs
mánaðar skeið fær sveitarsjóður
andvirði tæpra 400.000 króna frá
framleiðanda rommsins Bacardi
sem hyggst nota uppátækið í
nýrri auglýsingaherferð.
Flestir íbúar sveitarfélagsins
eru bændur og framleiða nokkrir
þeirra hráefni í Bacardi. Þeir telja
að með þessu hagnist sveitarsjóð-
ur og aukin sala rommsins geti
bætt afkomu þeirra. ■
LAUSN SAMVISKUFANGA Vaclav
Havel, fyrrum
forseti Tékk-
lands, hefur
boðið fram
stuðning sinn
við að stofna
alþjóðasamtök
samvisku-
fanga. Mark-
mið þeirra
yrði að fá þá
leysta úr fang-
elsi sem er
haldið vegna skoðana sinna.
MANNLEG MISTÖK Mistök sem
áhöfn flugvélar Branko heitins
Dokic, forseta Makedóníu, gerði
urðu til þess að flugvél forsetans
hrapaði 26. febrúar síðastliðinn.
Allir sem voru um borð í flugvél-
inni létust.
SJAKALINN Í HUNGURVERKFALL
Hryðjuverkamaðurinn Ilich
Ramirez Sanchez, betur þekktur
sem Sjakalinn, er kominn í hung-
urverkfall. Sanchez er haldið í
frönsku fangelsi. Þegar átti að
flytja hann í einangrunarklefa.
VIÐ GRAFREIT Í FALLUJA
Mannfallið í bardögum í Falluja var það
mikið að fótboltavelli var breytt í grafreit.
Ættingjar fallinna Íraka:
Vilja bætur
LONDON, AP Tólf íraskar fjölskyld-
ur hafa höfðað mál á hendur
breskum stjórnvöldum þar sem
þær krefjast skaðabóta vegna
dauða ættingja sinna sem hafa lát-
ist eftir að völdin í landinu færð-
ust í hendur Bandaríkjamanna og
Breta. Lögmaður þeirra segir að
sumir þeirra sem krafist er bóta
fyrir hafi verið skotnir af bresk-
um hermönnum, ýmist heima við
eða undir stýri bíla sinna.
„Við segjum að allt þetta fólk
var að sinna eðlilegum hversdags-
verkum,“ sagði lögmaðurinn Phil
Shiner í samtali við BBC. ■
Washington-borg:
Þrettán börn
skotin í ár
BANDARÍKIN Þrettán börn og ung-
lingar undir lögaldri hafa látist af
völdum ofbeldisverka í Was-
hington, höfuðborg Bandaríkj-
anna, það sem af er þessu ári. Það
er einu barni fleira en dó af
völdum skotsára og líkamsárása í
borginni allt síðasta ár að því er
kemur fram í Washington Post.
Síðasta fórnarlambið er átta
ára stúlka sem varð fyrir skotum
í skotbardaga tveggja glæpa-
gengja. Hún og frænka hennar
urðu fyrir skotum þar sem þær
voru á göngu ásamt móður
stúlkunnar og fimm ára bróður
hennar. ■
Verðbólguspár hækkaðar:
Lítil breyting á langtímaspá
VERÐBÓLGAN Vísitala neysluverðs
mun hækka um 0,3 til 0,4 prósent
milli apríl og maí ef marka má
greiningardeildir bankanna. Ný-
leg eldsneytishækkun hefur leitt
til hækkunar á verðbólguspá
bankanna. Verðhjöðnun varð milli
sömu mánaða í fyrra. Gangi
spárnar eftir er verðbólga síðustu
tólf mánaða 2,7 til 2,8 prósent sem
er yfir verðbólgu markmiðum
Seðlabankans. Verðbólgumark-
mið Seðlabankans eru 2,5 prósent,
en einstök yfirskot yfir markmið-
in munu ekki hafa áhrif á vaxtaá-
kvarðanir bankans. Flestir búast
við því að stýrivextir verði hækk-
aðir í júní.
Sérfræðingar telja að þrátt
fyrir meiri hækkun verðbólgu
nú en gert var ráð fyrir hafi
langtímahorfur ekki breyst
verulega. Verðbólgan síðustu
tólf mánuði, talið frá apríl, var
2,2 prósent og má rekja ríflega
þrjá fjórðu hluta verðbólgunnar
til hækkunnar húsnæðisliðar
vísitölunnar sem hækkaði um
6,9 prósent á tólf mánaða tíma-
bili. ■
HÆKKANIR OG LÆKKANIR
Hækkun húsnæðis um 6,8 prósent hefur haft mest áhrif á verðbólgu síðustu tólf mánuði.
Matvara lækkaði hins vegar um 0,9 prósent á sama tíma.
FR
ÉT
TA
B
LA
Ð
IÐ
/R
Ó
B
ER
T
FR
ÉT
TA
B
LA
Ð
IÐ
/H
AR
I
LÆKNAR
Læknaráð Landspítala háskólasjúkrahúss leggur áherslu á að frekari sparnaði verði frestað
og uppbyggingu hraðað. Þá fyrst sé að vænta möguleika á raunverulegri hagræðingu í
þjónustu og rekstri LSH.
■ Evrópa
JÓN KRISTJÁNSSON
Heilbrigðisráðherra segist fljótlega ætla að
taka ákvörðun um hvort þeir sérfræðingar,
sem sagt hafa starfi sínu lausu á glasa-
frjóvgunardeild, fái starfsleyfi til að reka
þjónustuna utan spítalans.