Fréttablaðið - 28.10.2005, Blaðsíða 6
6 28. október 2005 FÖSTUDAGUR
��
��
��
��
��
��
��
��
��
�����������������������������
��������
�����������������
�����������������������
���������������������
������������������������
����������������������
������������������������
������������������������
�����������������������������
����������������������������
������������������
�������������������������
�����������������������
����������������������������
����������������������
�����������������
����������������������������
�������������������������
�������������������������
���������������������������
�����������������������
��������������������
����������������������
Eiga Íslendingar að hækka fram-
lög sín til þróunaraðstoðar?
Já 58%
Nei 42%
SPURNING DAGSINS Í DAG:
Viltu sjá aukið samstarf milli
Norðurlandanna?
Láttu skoðun þína í ljós á Vísi.is
KJÖRKASSINN
DÓMSMÁL Héraðsdómur Reykja-
ness hefur dæmt 26 ára gamlan
mann í fimm mánaða fangelsi, þar
af þrjá skilorðsbundna til tveggja
ára, fyrir líkamsárás.
Maðurinn játaði að hafa ráð-
ist á tvo menn á bifreiðastæði
fyrir utan heimili sitt í Kópavogi
í febrúar á þessu ári, með þeim
afleiðingum að annar þeirra nef-
brotnaði en hinn rifbeinsbrotnaði
og tognaði.
Annar mannanna leigði íbúð
hjá móður ákærða og upphóf-
ust átökin vegna ágreinings um
leigu. Honum var ekki gert að
greiða mönnunum neinar bóta-
kröfur. ■
Dæmdur fyrir líkamsárás:
Réðist á tvo
og beinbraut
Þarf ekki að sitja inni Átján ára
piltur sem rauf skilorð í annað sinn þarf
ekki að sitja inni, samkvæmt dómi Hér-
aðsdóms Reykjavíkur í vikunni. Er það
þar sem að brot hans nú varðaði aðeins
170.000 króna sekt.
HÉRAÐSDÓMUR
Áfram gegn flutningi flugvallar
Áfram, hagsmunasamtök Dalvíkurbyggð-
ar, standa nú fyrir undirskriftasöfnun
gegn flutningi Reykjavíkurflugvallar úr
Vatnsmýri.
LANDSBYGGÐIN
STJÓRNMÁL Ole Stavad, þingmaður
danskra jafnaðarmanna, var ein-
róma kjörinn forseti Norðurlanda-
ráðs áður en þingi þess var slitið í
Reykjavík í gær.
Danir taka við forystu í Norð-
urlandaráði um næstu áramót en
Rannveig Guðmundsdóttir, þing-
maður Samfylkingarinnar, gegnir
embættinu fram að þeim tíma.
Ákveðið var í lok þinghaldsins
að næsti fundur Norðurlandaráðs
yrði í Kaupmannahöfn í nóvember
á næsta ári.
Ole Stavad segir gagnrýni á
Norðurlandasamstarfið ekki nýja
af nálinni. „Frá bæjardyrum fjöl-
miðla kann að virðast sem Norð-
urlandasamstarfið sé lítið frétt-
næmt einmitt vegna þess að málin
eru leyst, líka nú þegar við höfum
ákveðið að endurskipuleggja starf-
semina.“
Ole lítur til þess sem Norðurlönd-
in hafa áorkað og hversu framar-
lega þau standi í margvíslegu tilliti.
„Sérstaða okkar Norðurlandabúa
fellur ekki af himnum ofan. Við
eigum að gaumgæfa það sem við
gerum vel og halda því sameigin-
lega á lofti. Það er ótrúlegt að Norð-
urlöndin fimm hafa verið mæld og
vegin af óháðum aðilum og eru öll
á lista yfir þau tíu ríki í veröldinni
sem sýna mesta samkeppnishæfni,
bestan árangur á tæknisviði eða
mestan sköpunarkraft.“
Ole Stavad segir að töluleg gögn,
sem Norðurlöndin afla, veiti leið-
sögn um það hvernig þjóðirnar
geta sameiginlega myndað sigurlið.
„Nýjar tölulegar upplýsingar sýna
til dæmis að Danir standa Finn-
um og Íslendingum langt að baki
um þessar mundir á sviði háskóla-
menntunar. Ef við gerum ekkert í
málinu verðum við Danir ekki í sig-
urliðinu eftir tíu ár. En vegna þess
hversu lík norrænu þjóðfélögin
eru getum við tekið mið af því sem
nágrannar okkar gera vel og unnið
að sameiginlegum lausnum,“
Ole Stavad segir mikilvægt að
halda áfram umbótum á Norður-
landaráði. „Við eigum nú að beina
sjónum okkar að því að bæta til
dæmis stöðu Grænlands og Fær-
eyja í samstarfinu, styrkja Norð-
vestursvæðið. Sömuleiðis beinum
við sjónum okkar að úrlausnar-
efnum sem Norðurlöndin þurfa að
ræða við Rússa svo dæmi sé tekið,“
segir Ole Stavad.
johannh@frettabladid.is
Saman erum við í
liði sigurvegarans
Þingi Norðurlandaráðs lauk í Reykjavík í gær. Danir taka við formennsku í ráð-
inu um næstu áramót og var Ole Stavad, þingmaður danskra jafnaðarmanna,
einróma kjörinn forseti þess áður en þinginu var slitið í gær.
OLE STAVAD ÞINGMAÐUR DANSKRA JAFN-
AÐARMANNA ER NÝR FORSETI RÁÐSINS
„Norðurlöndin eru öll á lista yfir þau tíu ríki
í veröldinni sem sýna mesta samkeppn-
ishæfni, bestan árangur á tæknisviði eða
mestan sköpunarkraft.“
ÞING NORÐURLANDARÁÐS Á HÓTEL NORDICA
VERKALÝÐSMÁL Vinnumálastofnun
synjaði beiðni starfsmannaleigunn-
ar 2B ehf. um atvinnuleyfi fyrir
36 Pólverja sem hér hafa verið við
störf á hennar vegum.
Verkamenn á vegum 2B hafa
starfað hjá nokkrum fyrirtækjum
hér á landi, en án atvinnuleyfa.
Slíks leyfis þarf ekki að afla fyrir
þá sem hér eru skemur en þrjá
mánuði á ferðamannaáritun. Giss-
ur Pétursson, forstjóri Vinnumála-
stofnunar, staðfestir að ekki hafi
verið gefin út leyfi til 2B áður.
Sveinn Andri Sveinsson, lögmað-
ur 2B, segir fátt að gera við synjun
Vinnumálastofnunar, en þó verði
skoðað hvort ákvörðunin verði
kærð. „Ætli verði ekki bara notað
þetta klassíska úrræði að menn fari
í helgarferð til Köben og komi svo
aftur,“ segir hann, en við það myndi
hefjast nýtt þriggja mánaða tímabil
ferðamannaáritunar.
Fimm félög innan samiðnar
hafa krafið sex fyrirtæki um upp-
lýsingar um vinnutíma og kjör
starfsmanna en þau eru öll með
menn frá 2B í vinnu. Fyrirtækin
eru Suðurverk á Kárahnjúkum,
Dynkur í Mosfellsbæ, Völvusteinn
á Akureyri, Timbursmiðjan á
Akureyri og svo Fagsmíði í Kópa-
vogi og Ístak í Reykjavík, bæði með
starfsmenn við Grundartanga. Þá
hafa aðildarfélög innan Samiðnar
og Starfsgreinasambands Íslands
sent frá sér tilkynningu um að þau
séu reiðubúin „að gera allt sem í
þeirra valdi stendur“ til að liðka
fyrir því að erlendu starfsmennirn-
ir sem verið hafa hér á vegum 2B
fái atvinnuleyfi hjá fyrirtækjun-
um sem þeir starfa hjá „eða eftir
atvikum öðrum fyrirtækjum.“ Þá
segjast félögin tilbúin til samstarfs
við Vinnumálastofnun og hlutaðeig-
andi fyrirtæki um „farsæla lausn“
mála starfsmannanna. - óká
Erlendir verkamenn á vegum starfsmannaleigunnar 2B ehf.:
Rétturinn endurnýjaður
með helgarferð til útlanda
LÖGMAÐUR 2B Sveinn Andri Sveinsson,
lögmaður 2B, segir viðbúið að verkamenn
á vegum fyrirtækisins verði sendir úr landi
eftir að Vinnumálastofnun neitaði þeim um
atvinnuleyfi og snúi svo von bráðar aftur.
FRÉTTABLAÐIÐ/GVA
VEIÐAR Verðmæti síldarafla fyrstu
sjö mánuði ársins er tæpum 76
prósentum meira en á sama tíma
í fyrra. Munurinn er um 2,5 millj-
arðar króna.
Alls var aflaverðmæti íslenskra
skipa 41,8 milljarðar á tímabilinu,
samanborið við 41,7 milljarða
í fyrra, en það er 0,2 prósenta
aukning. - grs
Fá 2,5 milljörðum meira:
Síldarafli eykst
FJARSKIPTI Hrafnkell V. Gíslason,
forstjóri Póst- og fjarskiptastofn-
unar, segir unnið að því að fara
yfir lagaákvæði sem lúta að vernd
fjarskipta og starfsháttum fjar-
skiptafyrirtækja með það fyrir
augum að búa hugsanlega til vinn-
ureglur þar að lútandi.
Þetta er gert í kjölfar þess að
Sturla Böðvarsson samgönguráð-
herra fól stofnuninni að bregð-
ast sérstaklega við vegna frétta í
Fréttablaðinu um upphaf Baugs-
málsins, en þær byggðu á skjölum
sem blaðið komst yfir.
Hrafnkell áréttar að hugsan-
legum leka á töluvpósti Jónínu
Benediktsdóttur hafi ekki verið
vísað til stofnunarinnar. „Mér
vitanlega hefur hún ekki kosið að
kæra ólöglegan aðgang að tölvu-
pósti sínum til yfirvalda, hvorki
til okkar né lögreglu,“ segir hann.
Í vinnu stofnunarinnar er
aðallega horft til 47. greinar fjar-
skiptalaga um öryggi og þagnar-
skyldu. Þar segir að fjarskipta-
fyrirtæki skuli gera viðeigandi
ráðstafanir til að tryggja öryggi
fjarskiptanna. „Við vinnum að því
að setja upp annað hvort reglur
eða leiðbeiningar um með hvaða
hætti við munum framfylgja
þessu í framtíðinni.“ Hrafnkell
vonast til að þessari vinnu ljúki
fyrir áramót, en fyrirtækjum
verður gefinn kostur á að koma
að athugasemdum áður en nýjar
reglur taka gildi. - óká
PFS hugar að framkvæmd lagaákvæða um öryggi og þagnarskyldu:
Reglur tilbúnar fyrir áramót
HRAFNKELL V. GÍSLASON Forstjóri Póst- og
fjarskiptastofnunar segir stærri fjarskipta-
fyrirtækið meðvituð um skyldur sínar
varðandi öryggi fjarskipta.