Fréttablaðið - 28.10.2005, Blaðsíða 19
28. október 2005 FÖSTUDAGUR18
nær og fjær
„ORÐRÉTT“
UPPÁHALDSBJÓR MARGRA KYNSLÓÐA
Tíu sinnum
lengur í bruggun
Hinn margverðlaunaði
Budweiser Budvar
er heimsþekktur
fyrir gæði og natni
í framleiðslu.
Budweiser Budvar er
bruggaður í 100 daga.
Það er tíu sinnum
lengri tími en flestir
lagerbjórar!
LÉ
TT
Ö
L
Ef og þegar
„Ég ætla að sjá til
fram að mánaðamót-
um og þá er ég hætt-
ur - ef ég hætti.“
Jónatan Garðarsson, dag-
skrárgerðarmaður hjá RÚV,
er ósáttur við hlut menn-
ingarefnis í nýju Kastljósi.
Fréttablaðið.
Gaman að því
„Mér finnst gaman
að tala.“
Dögg Hjaltalín, fjárfesta-
tengill hjá Avion Group, um
áhugamál sín í Morgun-
blaðinu.
Fréttir af mannskæðum
hamförum úti í heimi
hreyfa mismikið við fólki.
Elías Sveinsson, uppfinn-
ingamaður og fyrrum
tugþrautarkappi, skellir
þó ekki skollaeyrum við
slíkum fréttum. Hann hefur
boðið Rauða krossi Íslands
uppfinningu sína sem hann
segir að bjargað gæti þús-
undum mannslífa á ham-
farasvæðunum í Pakistan.
„Við Íslendingar höfum það
bara allt of gott til að láta ekki
til okkar taka þegar fólk er unn-
vörpum að láta lífið,“ segir Elías
fullur ákafa. „Þess vegna kom
þessi uppfinning mér í hug um
leið og ég heyrði að skortur væri
á tjöldum fyrir fólkið í Pakistan
sem misst hefur allt sitt í jarð-
skjálftanum.“
Uppfinning hans er í raun sára-
einföld en hún byggist á því að sex
spýtur, jafnar að lengd, eru gatað-
ar við annan endann, reipi strengt
í gegnum götin og þá er hægt að
láta þær standa og mynda þær þá
stoð fyrir tjald. „Svona gerðu ind-
jánarnir þetta og það dugði þeim
í margar aldir svo þetta ætti að
geta komið hjálparþurfandi fólki
að gagni,“ segir Elías meðan hann
bregður upp spýtunum sem síðan
standa stöðugar.
„Við þurfum bara að senda
þeim hugvitið því nóg er af tim-
bri á þessum slóðum og eins
dúkum sem síðan á að bregða
yfir stoðirnar og þá er komið hið
burðugusta tjald.“
Elías kynnti hugmynd sína
fyrir David Lynch, verkefnis-
stjóra neyðaraðstoðar erlendis
hjá Rauða krossi Íslands. „Þetta
virðist ágætasta hugmynd,“
segir David, sem tók mynd af
sköpunarverkinu og sendi til
höfuðstöðvanna í Genf. „Það eru
reyndar reist tjöld á hamfara-
svæðunum eftir ákveðnum stöðl-
um en það er aldrei að vita hvað
mennirnir segja í höfuðstöðvun-
um,“ bætir David við.
Elías segist ekki vera umhug-
að að græða formúu fjár á hug-
viti sínu. „Ég bara keppi að því
að gera þetta líf aðeins betra
fyrir þá sem verst hafa það.“
Og það vantar ekki keppn-
isandann í kappann en það vita
þeir sem muna eftir Ólympíu-
leikunum í Montreal 1976. Elías
keppti þar í tugþraut og gerði sér
lítið fyrir og vann eina keppnis-
greinina. jse@frettabladid.is
Íslendingur finnur lausn
fyrir fórnarlömb hamfara
ELÍAS SVEINSSON Uppfinningamaðurinn stendur stoltur við sköpunarverkið. Hann vonast
til að það hljóti náð hjá toppunum í Genf því það geti bjargað þúsundum mannlífa á
hamfarasvæðunum í Pakistan.
MEÐ DANNEBROG Á HÚDDINU Dönskum ráðherrum á Norðurlandaráðsþingi var ekið á
milli staða undir danska fánanum. Bifreiðin er vitaskuld gljáfægð og glansandi.
FRÉTTABLAÐIÐ/E.ÓL.
„Það er ósköp lítið að frétta, ég sit hér bara og stari í
loftið,“ sagði Flosi Ólafsson, hrossabóndi og rithöf-
undur, þegar blaðamaður spurði frétta í Borgarfirð-
inum í gær. „Eða jú, reyndar á ég afmæli í dag en
það er nú kannski ekki fréttnæmt. Nema þá að
ég á allt eins von á því að sveitungar kíki inn
í heimsókn og þá ber vel í veiði fyrir mig því
það er siður hér í sveit að baka pönnukökur og
annað góðgæti þegar gesti ber að garði. Það er í
einu skiptin sem ég kemst í ætan bita því flest
góðgæti er álitið bannvarningur þegar ég er
annars vegar.“
Hægt og rólega virðist rifjast upp fyrir Flosa
að nóg er að gerast. „Nú er sá tími ársins
að við förum að draga undan hrossunum
og gefa þeim útreiðarfrí. Það er nú svo
komið að ég hef dregið svolítið saman
seglin en sonur minn sem býr hér á næsta
bæ er í rauninni óðalsbóndi á 300 hektara
jörð svo ég hef flest hrossin þar. En það vantar ekki óðalsheit-
ið á kotið mitt, þegar ég keypti jörðina hét hún reyndar bara
Berg en ég varð fyrir barðinu á þingeysku tilhneigingunni
sem er sú að skjóta „Stór“ og „Aðal“ við öll nöfn svo nú er ég
orðinn stórbóndi að Stóra Aðalbergi,“ sagði Flosi og hló.
Hann skreppur annað slagið í bæinn þó sveitin
sé honum kærust. „Ég safna saman erindum
og skrepp í bæinn svona á viku eða hálfs
mánaðar fresti. Svo er ég nú þannig í sveit
settur að það tekur ekki nema hálfan
annan klukkutíma að skjótast í bæinn svo
ef okkur hjónin langar á leiksýningu, nú
þá rjúkum við bara í okkar fjallabíl og
förum í leikhús,“ sagði afmælisbarnið.
Að lokum mundi Flosi svo eftir helstu
tíðindunum. „Það hlýtur nú að
teljast til stórtíðinda að engin bók
kemur út eftir mig fyrir þessi jól.“
HVAÐ ER AÐ FRÉTTA? FLOSI ÓLAFSSON HROSSABÓNDI OG RITHÖFUNDUR
Stórbóndi að Stóra Aðalbergi
„Samkvæmt lögum eiga börnin
rétt á einstaklingsmiðuðu námi en
það er allur gangur á því hvern-
ig það gengur,“ segir Hallfríður
Kristinsdóttir, móðir hjartveikr-
ar stúlku og gjaldkeri Styrktar-
sjóðs hjartveikra barna. Málþing
um skólagöngu hjartveikra barna
verður haldið í Gerðubergi í dag
en af orðum Hallfríðar að dæma
er mikilvægt að hlutaðeigendur
kippi málum í liðinn.
Árlega greinast á bilinu 50
til 60 börn með hjartasjúkdóma
og þurfa mörg þeirra að gang-
ast undir nokkrar hjartaaðgerð-
ir á skólaárunum og missa þá úr
námi. „Það er allur gangur á hvað
þau eru lengi að jafna sig. Að auki
eru þau afar viðkvæm fyrir öllum
pestum og ef flensa gengur fá þau
hana. Á tíu ára skólagöngu geta
fjarvistirnar safnast upp í nokkra
mánuði,“ segir Hallfríður og bætir
við að börnin glími líka við þreytu
og þróttleysi þó ekki sjáist það á
þeim og fyrir vikið getur námið
reynst þeim enn örðugra.
Á málþinginu í Gerðubergi í
dag flytja bæði sérfræðingar og
foreldrar hjartveikra barna erindi
og í lokin verða umræður.
Yfirskrift þess er „Mér um
hug og hjarta nú“, og er það vísað
til ljóðs Steingríms Thorsteins-
son. „Kór lítilla hjartabarna söng
þetta lag í söfnun á Stöð tvö í mars
1997,“ segir Hallfríður. „Það er
svo fallegt og höfðar svo vel til
okkar að við notum þessar línur
svona.“
HALLFRÍÐUR KRISTINSDÓTTIR, GJALDKERI
STYRKTARSJÓÐS HJARTVEIKRA BARNA
Rætt um skólagöngu hjartveikra barna á málþingi í Gerðubergi í dag:
Lög brotin á hjartveikum börnum