Fréttablaðið - 07.05.2008, Blaðsíða 9

H A U S
MARKAÐURINN 9MIÐVIKUDAGUR 7. MAÍ 2008
Ú T T E K T
Það hefur ekki verið stefna
stærstu eigenda í Icelandair
Group að selja frá sér stóran
eignarhlut í fyrirtækinu. Stefna
Máttar ehf. og Nausts ehf., sem
eru þau félög sem ég sit fyrir í
stjórn Icelandair Group og fara
með hátt í fjörutíu prósenta
eignarhlut í félaginu, er óbreytt
hvað þetta varðar, við erum ekki
að leita að kaupanda að okkar
hlut,“ segir Gunnlaugur M. Sig-
mundsson, fyrrverandi alþingis-
maður og forstjóri Kögunar, sem
nú hefur tekið við sem stjórnar-
formaður Icelandair.
Eigendur að Fjárfestingar-
félaginu Mætti ehf. eru annars
vegar Milestone og hins vegar
félögin Hrómundur og Hafsilfur
sem eru í eigu bræðranna Einars
og Benedikts Sveinssona, auk
þess sem Gunnlaugur á sjálf-
ur lítinn hlut í félaginu. Naust
er til helminga í eigu Máttar og
BNT (eiganda N1), en Máttur á
um þrjátíu prósenta hlut í BNT
og bræðurnir eiga jafnframt að
auki um helmingshlut í því fé-
lagi, svo unnt er að halda því
fram að þessir hlutir í Icelandair
séu mjög tengdir.
„Nýverið var í fréttum að aðrir
stórir hluthafar væru að bjóða
hlutabréf sín til sölu erlendis,
en mér vitanlega er sú frétt ekki
rétt. Hitt er svo annað mál að
það væri hagur að því fyrir alla
að fá fleiri öfluga fjárfesta að fé-
laginu, til dæmis lífeyrissjóði,“
bætir Gunnlaugur við og bendir
á að miðað við gengi félagsins á
markaði núna ættu kaup á hluta-
fé í félaginu að vera góður fjár-
festingarkostur.
Stjórnarformaðurinn segist
ekki treysta sér til að dæma um
hve líklegt það sé að erlendir
aðilar eignist umtalsverðan hlut
í Icelandair eða allt hlutafé fé-
lagsins á næstu árum. „Fyrir
liggur að stór erlendur aðili lýsti
áhuga á því síðastliðinn vetur
að kaupa félagið allt en hlut-
hafar sem réðu yfir því magni
atkvæða sem sóst var eftir sáu
sér þá ekki hag í að selja sín
hlutabréf. Sú afstaða er óbreytt,
að minnsta kosti hvað varðar þá
hluthafa sem ég fer með umboð
fyrir. Á hitt ber þó jafnframt að
líta að hlutabréf í fyrirtæki sem
skráð er á markað ganga kaup-
um og sölum og ómögulegt er að
segja fyrir um hvernig einstakir
hluthafar bregðast við í framtíð-
inni ef hagstæð kauptilboð ber-
ast,“ segir hann, en samkvæmt
heimildum Markaðarins er þar
vísað til áhuga forsvarsmanna
SAS á aðkomu að rekstri Ice-
landair fyrir um ári síðan.
Gunnlaugur segir að stjórn
Icelandair hafi á bak við sig
mjög sterkan eignarhlut í félag-
inu og í hugum stjórnarmanna
ríki engin óvissa um eignarhald
félagsins. „Eigendahópar þeir
sem standa að vali á einstökum
stjórnarmönnum eru óháðir hver
öðrum en samt sem áður hefur
reynslan verið sú að stjórn fé-
lagsins er afar samstíga í verk-
um sínum, svo samstíga að ég
hygg að fátítt sé með stjórnir fé-
laga með jafn ólíkan eigendabak-
grunn. Ég sé því engin vanda-
mál tengd eigendahópi félagsins
né að eignarhald félagsins sé að
veikja það í samkeppni við önnur
félög. Það sem mest veikir félag-
ið bæði í samkeppni og á mark-
aði er ef einstakir starfshópar
innan félagsins hóta að trufla
starfsemi þess, eins og því miður
hefur gerst á liðnum vetri. Slíkar
uppákomur valda usla meðal við-
skiptavina félagsins og vantrú
markaðarins á félaginu. Hótanir
um rekstrarstöðvun eða rekstr-
artruflanir geta valdið skaða í
markaðssetningu félagsins sem
mörg ár tekur að lagfæra,“ bætir
hann við.
Gunnlaugur segir að í sjálfu
sér hafi ekki margt komið sér á
óvart í rekstri Icelandair. „Mér
hefur hins vegar komið mjög á
óvart hversu margir hafa skoð-
un á fyrirtækinu og eru ósparir
á að láta mann heyra þá skoðun.
Það er ljóst að Icelandair skip-
ar stóran sess í þjóðarsálinni og
þjóðin gerir miklar kröfur til
þess að félagið haldi áfram að
þjóna samgöngumálum þjóðar-
innar jafn myndarlega og gert
hefur verið áratugum saman. Sú
mikla ferðatíðni sem Íslending-
ar eiga völ á frá Íslandi til Evr-
ópu og Bandaríkjanna er langt
í frá sjálfgefin fyrir svona lít-
inn markað eins og Ísland er.
Áframhald þeirrar miklu þjón-
ustu sem Icelandair er að veita
Íslendingum byggist á því að
áfram verði hægt að halda uppi
arðbæru flugi milli Evrópu og
Bandaríkjanna með viðkomu á
Íslandi. Ef sá flugrekstur hætt-
ir að vera arðbær er sjálfgefið
að ekki verður haldið út lengi;
til þess hefur félagið enga burði,
né er vilji til þess meðal hlut-
hafa að standa í rekstri sem ekki
skilar viðunandi afkomu. Oft
virðist gleymast að á leiðinni
yfir Atlantshafið á Icelandair í
harðri samkeppni við risastór
erlend flugfélög og Icelandair
á ekki möguleika í þeirri sam-
keppni nema geta boðið sam-
keppnishæft verð og góða og ör-
ugga þjónustu. Eldsneytiskostn-
aður er nú í hæstu hæðum og
stærra hlutfall af tekjum félags-
ins en verið hefur áður. Við slík-
ar aðstæður er róðurinn þungur
og því þurfa allir sem vilja hag
félagsins sem mestan að leggjast
á árarnar saman ef við eigum að
geta haldið úti jafn öflugri starf-
semi og verið hefur.“
Flugið verður að vera arðbært
Gunnlaugur M. Sigmundsson, stjórnarformaður Icelandair
il lengri tíma
ð breytingarnar er nálægt þremur millj-
Björn Ingi Hrafnsson fór með fyrsta fluginu
ytinga á eignarhaldi að undanförnu.
GUNNLAUGUR M. SIGMUNDSSON
FRÁ MÓTTÖKUATHÖFN eftir fyrsta flugið frá Keflavík til
Toronto í Kanada sl. föstudag. Utanríkisráðherra var heiðursgestur
í flugferðinni og er hér ásamt stjórnendum Icelandair og áhöfn-
inni við komuna.
SÆTIN heita eftir frægum sögupersónum úr Íslandssögunni.