Fréttablaðið - 19.07.2008, Blaðsíða 42
22 19. júlí 2008 LAUGARDAGUR
GÓÐ VIKA / SLÆM VIKA
KLEMENS ÓLAFUR ÞRASTARSON
KÍKIR Í ERLEND BLÖÐ
HELGARKROSSGÁTAN
Góð vika fyrir...
Jónínu Benediktsdóttur Hún mætti í viðtal hjá Sverri
Stormsker á Útvarpi Sögu þrátt fyrir að hafa eldað
grátt silfur við útvarpsstjórann Arnþrúði Karlsdótt-
ur. Og fór gersamlega á kostum. Sverrir tók sérstak-
lega til þess hversu glæsileg Jónína var
en hún hefur misst 17 kíló samkvæmt
Séð og heyrt. Jónína kom víða við,
svaraði fimlega ósmekklegum spurn-
ingum Sverris um stólpípumeðferðir í
Póllandi, svaraði svo vel að Sverrir
pantaði ferð í slíka ásamt Geira á
Goldfinger, sem Sverrir lítur á sem
föður sinn. Og Jónína hjólaði vita-
skuld í Baugsmálið og upplýsti að
Davíð Oddsson hefði komið þar að málum. Það fer
Jónínu vel að vera í sviðsljósinu og því er þetta vikan
hennar.
Jens Guð Ofurbloggarinn hefur nú verið keyptur af
Moggablogginu yfir á DV-bloggið af Reyni Trausta-
syni sem vélaði Jens til sín með að ausa eyru hans lofi
og fyrirheitum um gull og græna skóga. Jens mun fá
fyrir sinn snúð ýmis launuð smáverkefni fyrir
DV auk þess sem honum verður gert hátt
undir höfði sem bloggara undir hatt-
barði Reynis. Ef undan er skilin skamm-
vinn tilraun til að smella bloggurum á
laun (Gumma Steingríms, Ellý, Sóley
Tómasar og Óla Birni) þá er Jens blogg-
ari númer tvö sem er beinlínis keypt-
ur. Fyrsti bloggarinn í þeim flokki
hlýtur að teljast Egill Helgason sem
fær vitaskuld greitt fyrir sitt Eyju-
blogg. Þessu hljóta bloggarar, sem
skrifa kannski mest um eigið mikilvægi í fréttaflutn-
ingi og umræðunni almennt, að fagna því kannski er
þetta staðfesting á mikilvægi þeirra.
Ingibjörgu Þórðardóttur Formaður félags fasteigna-
sala er öflugur foringi sinna manna. Eftir gósentíð,
þegar umboðslaunin streymdu fyrirhafnarlítið inn á
reikning fasteignasala í upphæðum sem voru í réttu
hlutfalli við stjarnfræðilega hækkun húsnæðisverðs,
sat allt pikkfast. Ríkið á að sjálfsögðu að hlaupa undir
bagga og barátta Ingibjargar er að skila sér. Árni
Matt gerir nú sitt besta til að afnema stimpilgjöld og
efla og auka svigrúm Íbúðalánasjóðs. En betur má ef
duga skal. Því enn situr allt fast en það jákvæða, að
mati Ingibjargar, er að verð húsnæðis heldur sér
nokkurn veginn. Sem er skammgóður vermir ef ekk-
ert selst en það hlýtur að fara að koma með fulltingi
ríkisins.
Slæm vika fyrir...
Stefán Ólafsson, prófessor í félagsvísindum Og af
öllum mönnum er það Matthías Johannessen,
gamli Moggaritstjórinn, sem er að koma honum í
klandur með því að greina frá því á vef sínum að
Stefán hafi í aðdraganda forsetakosninganna 1996
komið til þeirra Styrmis Gunnarssonar og sagt
þeim í trúnaði að leynileg skoðanakönnun sem
stuðningsmenn Davíðs Oddssonar fengu Félags-
vísindastofnun til að gera leiddi í ljós að Davíð
ætti ekki séns í Ólaf Ragnar Grímsson. Hvað er
Stefán að tilkynna Moggaritstjórum um þetta?
Það sem gerir þetta mál svo enn sérkennilegra er
að dagbókarskrif Matthíasar leiða í ljós að þrátt
fyrir stórkarlalegar yfirlýsingar um vammleysi
Moggamanna: „Það er ekkert skítgult í hjarta
þeirra, enginn svartur strengur í hugarfarinu,“
svo vitnað sé í Málsvörn og minningabók Matthí-
asar, þá virðist Matthías gulari en allt sem gult er
á vef sínum.
Þórunni Sveinbjarnardóttur Ekki að þessi vika
hafi verið venju fremur slæm fyrir umhverfisráð-
herra sem er, eðli málsins samkvæmt, milli steins
og sleggju. En nú er altalað á Norður-
landi, ef marka má Kristján B. Jón-
asson, formann félags bókaútgef-
enda, að þriðji ísbjörninn hafi
komið, verið skotinn með leynd af
Stefáni Vagni lögreglustjóra, graf-
inn á heiði í þoku og sé nú X-skýrsla
í dómsmálaráðuneytinu. Þórunni
var ekki svo mikið sem sagt af
þessu. Og Kristján heldur áfram
á bloggi sínu og segir að Þórunn
hafi ekki einu sinni fengið að segja „gó“ þegar
ísbjörn númer tvö var skotinn.
Björn Bjarnason Útspil hans um evruna reyndist
afbragðs smjörklípa. Fjölmörg óþægileg mál, svo
sem þetta með að henda Paul Ramses úr landi,
hurfu úr umræðunni. Og Björn keypti sér vin-
sældir innan Sjálfstæðisflokksins meðal vaxandi
hóps Evrópusinna. En þetta reyndist furðu skamm-
góður vermir því hugmyndir Björns
voru slegnar út af borðinu nánast sam-
dægurs af bæði forsætis- og utanríkis-
ráðherra sem sögðu þetta ekki tækni-
lega gerlegt án aðildar. Þannig að
þegar allt kemur til alls reyndist
smjörklípan verða til að veikja
stöðu Björns innan stjórnar
meira en orðið er.
Glæpsamlegir íbúar eyjunnar
Jamaíka í Karíbahafi geta andað
léttar. Reneto DeCordiva Valenti-
no Adams, kallaður Rambó, hefur
sest í helgan stein.
Hinn sextugi Reneto Rambó
hefur í fjörutíu ár verið frægasti
lögreglumaður landsins. Hann lék
sjálfan sig í sápusjónvarpi og söng
inn á plötur. Frægasta lagið er To
Protect and Serve, sem sló í gegn á
diskótekum. Í dagblöðum
var hann Verndarinn.
Hann, sem gekk
keikur inn í dimman
dal ranglætisins og
var þar stafur bæði
og sproti alþýðunn-
ar. Hann lét sig
dynja á ljótum
útsendurum hins illa.
Börnin grátbiðja
Rambó um eiginhandar-
áritun, þegar hann birtist á
götunni, nema þau hlaupi í felur.
Karlarnir standa álútir afsíðis
meðan konurnar hlaupa til og
reyna að fá snortið Valentino,
ímynd karlmennskunnar.
Hann birtist alltaf í gallanum
með flugmannasólgleraugu og
hjálm á hausnum. Hann gekk um
héruð stórborgarinnar eins og
John Wesley Harding, með byssu í
hvorri hendi, og stjórnaði sprækri
andglæpa-sérsveit hollra sveina.
Tónlistarmenn hafa enda lof-
sungið Reneto og líkt honum í dæg-
urlögum við ekki bara Rambó
heldur Dirty Harry og fleiri bar-
áttumenn réttlætisins.
Óvinirnir, ófétin sem lifa utan
laga og aðrir hatursmenn réttar-
ríkisins, gáfu honum ekki minni
gaum. Hann hefur fengið minnst
69 morðhótanir og í verstu kreðs-
um er hann rægður og uppnefndur
Saddam.
Mannréttindahræsnarar neru
honum um nasir að fara ekki að
laganna bókstaf frá a til ö sjálfur.
Þessir óvildarmenn gerðu að
verkum að Reneto var á tímabili
gert að hætta störfum meðan
afdrifaríkari embættisfærslurnar
sættu rannsókn. Sat meira að segja
í fangaklefa.
Já, hann beið víst ekki allt-
af eftir einhverjum dóm-
araúrskurði, áður en
hann plaffaði niður
saur samfélagsins.
Jamaica Observer
telur til að sjö ungir
menn hafi eitt sinn
geispað golunni, við
skyldustörf sérsveit-
arinnar. Aðrir 27 létust í
forvirkri aðgerð í Tívolí-
garðinum og fjórir enn urðu
fyrir kúlum réttvísinnar í litlu
þorpi. En Rambó hefur líka ætíð
sagt að byssumenn, en ekki lög-
hlýðnir borgarar, skuli lifa í ótta.
Hann var alinn upp frá fæðingu
til að verða löggæslumaður og lék
ávallt lögguna í leikjum æskunnar.
Óheppnir vinir hans þurftu að leika
krimmadólga. Hann leiddi æ hjá
sér varúðarskilti samfélagsins og
var svoddan töffari að jafnaldrar
kölluðu hann Fídel Kastró.
Verndarinn heldur ótrauður
áfram í ellinni og ætlar nú að helga
sig leiklistinni og skrifa ævisögu.
Þar mun hann meðal annars rifja
upp þá góðu tíma þegar lögreglu-
menn á Jamaíka gátu gengið að
jómfrúnum vísum.
Hann hefur gert sitt til að endur-
heimta þann unaðsreit. Og telur
það bestu eftirmælin.
Rambó sem syngur
Lausn krossgátunnar, ásamt eldri gátum og lausnum, er birt á vefnum, www.this.is/krossgatur
99
kr
.s
m
si
ð
99
k
r.
sm
si
ð
Dæmi hvernig SMS gæti litið út ef svarið er Jón: i i i li i i :
Þá sendir þú SMS-ið: JA LAUSN JON i i :
Þú gætir unnið
Jumper
á DVD!
Þú sendir SMS skeytið
JA LAUSN LAUSNARORÐ
á númerið 1900!
Leystu
krossgát
una!