Tíminn - 25.04.1989, Blaðsíða 20
AUGLYSINGASIMAR: 680001 —686300
RÍKISSKIP
NÚTÍMA FLUTNINGAB
Holnorhúsinu v/Tryggvagölu,
S 28822
„LÍFSBJÖRG í NORDURHÖFUM"
VT> Útvegsbankinn Seltj.
VERflBRÉFAVKISKIPn Gíró—1990
SAMVINNUBANKANS SUÐURLANDSBRAUT 18. SlMI: 688568 Gegn náttúruvernd á villigötum
PÓSTFAX
TÍMANS
687691
Tíniiiui
ÞRIÐJUDAGUR 25. APRÍL 1989
Húsnæðismálafrumvarpinu haldiðföstu í félagsmálanefnd. Ekki þingmeirihluti fyrirmálinu
_________ og reynt að finna útgönguleið fyrir Jóhönnu:
Sprengiefni í félags-
málanefnd neðri deildar
Frumvarp Jóhönnu Sigurðardóttur félagsmálaráð-
herra um húsnæðismál var ekki afgreitt út úr félagsmála-
nefnd neðri deildar Alþingis í gær, eins og gert hafði
verið ráð fyrir. Óvíst er hvenær frumvarpið kemur úr
nefndinni, en fundur er í nefndinni í fyrramálið og þar er
húsbréfakerfið ekki á dagskrá. Er talið líklegt að málið
verði í nefnd fram yfir helgi.
Svo virðist sem húsnæðismála-
frumvarpið sé að verða að veru-
legu vandamáli innan ríkisstjórn-
arinnar. Félagsmálaráðherra hef-
ur lýst því yfir að hún muni segja
af sér ráðherraembætti nái málið
ekki fram að ganga fyrir þinglok.
Þessu lýsti hún yfir þrátt fyrir að
ljóst væri að ekki var þingmeiri-
hluti fyrir að málið kæmist í gegn.
Eins og kunnugt er hafa Alexand-
er Stefánsson og fleiri þingmenn
Framsóknarflokksins lýst því yfir
að þeir muni ekki geta fallist á að
frumvarpið, eða öllu heldur sá
kafli þess er fjallar um húsbéf,
verði að lögum án þess að málið
sé skoðað betur. Lítill tími er til
stefnu, en stefnt var að þinglausn-
um 6. maí. Nú þykir líklegt að
þær dragist að minnsta kosti fram
að hvítasunnu. Þá ber á það að
líta að ein umræða hefur farið
fram um húsnæðisfrumvarpið í
neðri deild, þar eru tvær eftir og
aðrar þrjár í efri deild þingsins.
Steingrímur Hermannsson for-
sætisráðherra mun í gær hafa lagt
fram málamiðlunartillögu sem
tekin var fyrir á þingflokksfundi
Alþýðuflokksins í gær. Hvorki
náðist í Jón Baldvin Hannibals-
son formann flokksins, né félags-
málaráðherra í gærkvöld, en að
sögn kunnugra fer að verða erfitt
að finna lendingu sem félags-
málaráðherra geti samþykkt án
þess að þurfa að draga í land með
sínar fyrri yfirlýsingar. Stjórnar-
liðar innan Framsóknarflokks og
Alþýðubandalags hafa einnig velt
þeirri spurningu fyrir sér hvort
Jóhanna vilji ef til vill í raun
sprengja stjórnina, láta kjósa og
fara síðan í stjórn með Sjálf-
stæðisflokki.
Stjórnarandstöðuflokkarnir
hafa lýst því yfir að þeir vilji að
málinu verði vísað til ríkisstjórn-
arinnar og að kosin verði nefnd
er fari betur yfir frumvarpsdrögin
milli þinga. Fulltrúar Sjálfstæðis-
flokksins í félagsmálanefnd neðri
deildar munu leggja það formlega
til í nefndaráliti þegar málið verð-
ur aftur tekið upp í deildinni.
Alexander Stefánsson er einn af
nefndarmönnum og hann hefur
bent á að fáránlegt sé að ráðherra
treysti á að fulltrúar stjórnarand-
stöðu verji stjórnarfrumvörp á
þingi, ella segi hann af sér. Alex-
ander segir að sín afstaða hafi
alltaf legið ljós fyrir og hún hafi
ekkert breyst síðan framlagning
húsnæðismálafrumvarpsins var
heimiluð.
Spurningin er ekki einungis
hvort málamiðlunartillaga finnst
á milli Jóhönnu Sigurðardóttur
og annarra ráðherra innan ríkis-
stjórnarinnar, heldur einnig
hvernig Alexander Stefánsson og
aðrir efasemdarmenn húsbréfa-
kerfis í röðum stjórnarliða greiða
frávísunartillögu sjálfstæðis-
manna atkvæði. Þá má einnig
minna á að húsnæðismálin eru
ekki einu stórmálin frá félags-
málaráðuneytinu sem bíða af-
greiðslu þingsins. Meðal mála
sem brýnt er talið að komist í
gegn á þessu þingi er frumvarp
um verkaskiptingu ríkis og sveit-
arfélags og breytta tekjustofna
svéitarfélaga. Reyndar hefur ver-
ið bent á að vegna mikillar
óánægju sveitarstjórnarmanna
var þeim málum í fyrra vt'sað til
milliþinganefnda með þeim ár-
angri að frumvörpunum var
breytt svo báðir aðilar, ríki og
sveitarfélög, gátu verði sáttir við
sinn hlut. -ÁG
Jón Baldvin Hannibalsson utanríkisráðherra segirað þátttak-
endum verði fækkað um 1/3 í væntanlegum heræfingum í júní:
Æfingum frestað
þar til 20.júní
Jón Baldvin Hannibalsson utan-
ríkisráðherra hefur ákveðið að fresta
heræfingum varaliðs Bandaríkjahers
hér á landi, eráttu að hefjast 17. júní
n.k., þar til 20. sama mánaðar.
Jafnframt hefur verið ákveðið að
þátttakendum í æfingunum fækki
um 1/3. Ráðherrar Alþýðubanda-
lagsins í ríksstjórninni segjast vera
sáttir við þessa málamiðlun.
Þetta þýðir að í stað um 1.000
manna æfingaliðs, sem í fyrstu var
áætlað að tæki þátt í „Northern
Viking" æfingunni, munu um 670
hermenn varaliðsins æfa hér á landi,
frá 20. júní og fram í byrjun júlí.
Flestir þeirra munu verða á íslandi í
nokkra daga aðeins til að æfa við-
töku varaliðssveita af fastasveitum.
Þessar upplýsingar komu m.a. fram
í ræðu utanríkisráðherra á þingi í
gær, þar sem hann gerði grein fyrir
skýrslu sinni um utanríkismál fyrir
árið 1989.
Jón Baldvin vék í máli sínu að
umbótastefnu Sovétmanna og sagði
að ef hugmyndafræði perestrojku
Gorbatsjovs næði fram að ganga
Jón Baldvin Hannibalsson.
væri hugmyndafræði kaldastríðsins
liðin undir lok. Ráðherrann varaði
samt við óhóflegri bjartsýni og sagði
að þótt náðst hefði umtalsverður
árangur í bættum samskiptum aust-
urs og vesturs, væri enn óleystur
grundvallarágreiningur þar á milli.
Hann taldi Sovétleiðtogann hafa
treyst sig í sessi innan valdakerfis
Sovétríkjanna, en þó væri óráðið
ennþá hvort hann næði að fylgja
umbótastefnu sinni eftir. Jón Baldv-
in sagði það sem sína skoðun að
yfirburðir Sovétmanna í hefðbundn-
um vopnabúnaði á landi og í lang-
drægum kjarnorkueldflaugum væri
einn helsti þröskuldur fyrir gagn-
kvæmri afvopnun austurs og vesturs.
Utanríkisráðherra sagði æskilegt
að íslendingar ásamt bandalagsríkj-
um sínum ættu frumkvæði að fækk-
un kjarnorkuvígbúnaðar í og á
höfunum, ásamt því að koma í veg
fyrir mengun hafsins. Fækkun land-
herja og vígbúnaðar á landi gæti leitt
til samsvarandi aukningar í vígbún-
aði á höfum úti, slíkt gæti haft
alvarlegar afleiðingar fyrir ríki sem
ísland er sæktu lífsafkomu sína að
verulegu leyti til hafsins. Minnti
utanríkisráðherra í því sambandi á
nýlegt strand sovésks kafbáts norð-
vestur af Jan Mayen.
Umræður um skýrslu utanríkis-
ráðherra urðu ekki í gær, en þær
verða teknar upp í dag og er búist
viðaðþærstandiframánótt. -ÁG
Tveir pollar fylgjast með sinubruna í Fossvogsdal. Timamynd: Arni Bjarna
Slökkviliðið kallað 12 sinnum út í gær:
SINUELDAR SLÖKKTIR
Slökkviliðið í Reykjavík var
kallað út tólf sinnum í gær til að
slökkva sinubruna, sem kveiktir
höfðu verið víðsvegar á opnum
svæðum í borginni.
Að sögn varðstjóra hjá slökkvi-
liðinu, var mikið um sinubruna í
Fossvoginum og upp Elliðaárdal-
inn. Aðspurður sagði hann að
engin veruleg hætta hefði stafað af
sinubrunum í gær, en hins vegar
væri þetta bagalegt og til óþæginda
einkum í kringum Borgarspítal-
ann, því reykur hefði borist inn á
spítalann og þeir því þurft að sinna
slíkum sinubruna eins og skot.
Sem kunnugt er, er bannað að
kveikja í sinu innan borgarlandsins
og eru foreldrar hvattir til að brýna
það fyrir börnum sínum að vera
ekki að kveikja í sinu. - ABÓ