Morgunblaðið - 03.08.2006, Blaðsíða 1
2006 FIMMTUDAGUR 3. ÁGÚST BLAÐ C
FH-INGAR FÉLLU ÚR LEIK Í PÓLLANDI / C3
BLIKINN Marel Baldvinsson hefur gefið draum-
inn um frekari atvinnumennsku upp á bátinn.
Þetta kemur fram í viðtali við Marel í aukablaði
Morgunblaðsins í dag um Landsbankadeildina.
Marel var atvinnumaður í tæp sex ár í Noregi og
Belgíu auk þess að leika með landsliðinu um tíma.
„Ég er búinn að gefa atvinnumennsku upp á
bátinn vegna hnémeiðsla, eins fúlt og það nú er.
Ég held að ég eigi bara ekki möguleika á því að
vera atvinnumaður út af líkamlegu ástandi.
Brjóskið er farið í hnénu og þess vegna kom ég
heim og er að koma mér fyrir hér. Læknarnir
segjast ekki geta gert neitt fyrir mig og ég myndi
aldrei geta æft meira en einu sinni á dag. Slíkt er
ekki vinsælt hjá atvinnumannaliðum. Ég er bólg-
inn í hnénu eftir alla leiki en þegar vel gengur
tekur maður ekki eins mikið eftir því,“ sagði
Marel Baldvinsson. | D3
Draumurinn úti
hjá Marel
B L A Ð A L L R A L A N D S M A N N AB L A Ð A L L R A L A N D S M A N N A
FRANSKI miðvallarleikmað-
urinn Patrick Vieira gekk í
gær frá samningi við Inter
Mílanó – frá Juventus. Samn-
ingur hans við Inter er til fjög-
urra ára og kaupverðið var 6,5
milljónir punda, eða sem nem-
ur um 900 milljónum krónum.
Vieira er enn einn leikmað-
urinn sem yfirgefur Juventus
eftir hneykslismálið mikla en
nokkur lið höfðu áhuga á
kappanum, þar á meðal Barce-
lona, Manchester United og
Newcastle.
Juventus keypti Vieira frá
Arsenal fyrir síðustu leiktíð og
greiddi 13,7 milljónir punda
fyrir hann, eða um 1,9 millj-
arða króna. Það má því segja
að Inter sé að gera kostakaup,
en þess má geta að Vieira lék á
sínum tíma með AC Milan
þannig að nú gengur hann í lið
erkifjendanna.
Vieira fer
til Inter
JAKOB Jóhann Sveinsson, sund-
maður úr Ægi, bætti í gær sitt eigið
Íslandsmet í 200 m bringusundi á
Evrópumeistaramótinu í sundi þeg-
ar hann synti á 2.14,7 mín., en gamla
metið var 2.15,27 mín. Metið fleytti
honum í undanúrslit þar sem hann
synti á 2.15,11 mín en það nægði þó
ekki til að komast alla leið í úrslit.
Árni Már Árnason, Ægi, varð í 38.
sæti í 200 m bringusundi á tímanum
2.20,73 mín. en komst ekki í undan-
úrslit. Brian Marshall, þjálfari ís-
lenska sundlandsliðsins, er staddur í
Búdapest í Ungverjalandi þar sem
mótið fer fram og segist hann mjög
ánægður með frammistöðu Jakobs í
200 m bringusundinu í gær.
„Hann getur verið mjög ánægður
með sjálfan sig og ég er mjög stoltur
af honum. Hann er búinn að þrosk-
ast mjög mikið andlega. Hann og
Eyleifur þjálfari hans eru búnir að
undirbúa sig mjög vel og samvinna
þeirra undanfarin ár er að skila sér
mjög vel. Eyleifur hefur líka verið
mjög duglegur að sækja sér nýjar
hugmyndir hvað varðar þjálfunar-
aðferðir og það er að miklu leyti
lykillinn að bættum árangri Jakobs.
Hann getur alveg náð lengra næstu
tvö árin og framtíð hans er mjög
björt,“ sagði Brian sem er mjög
ánægður með frammistöðu íslensku
keppendanna á mótinu. „Það er
ótrúlegt hvað þetta mót er sterkt og
í raun mun sterkara en heimsmeist-
aramótið í fyrra sem er dálítið ein-
kennilegt og því er mjög góður ár-
angur að hafa náð tveimur í
undanúrslit.“
Íslensku keppendurnir fá frí í dag
en á morgun keppa þeir Jakob
Jóhann og Árni Már í 50 m bringu-
sundi og Örn Arnarson keppir í 100
m flugsundi. Þá keppir Ragnheiður
Ragnarsdóttir í 50 m skriðsundi á
laugardag.
Morgunblaðið/JAK
Jakob Jóhann Sveinsson, sundkappi úr Ægi, setti Íslandsmet í 200 m bringusundi í Búdapest.
Íslandsmet Jakobs í Búdapest
Ég var ekki búinn að gefast uppsem þjálfari liðsins en ég taldi
að eitthvað þyrfti að gera til þess að
liðið myndi ná sér á strik á loka-
sprettinum. Tapið gegn Val, 5:0, í
síðustu umferð var eins og að fá
blauta tusku framan í sig eftir góðan
leik gegn KR í bikarkeppninni. Eftir
þann leik sá ég að þau atriði sem liðið
átti að vinna út frá voru ekki að
ganga upp,“ sagði Guðlaugur en
hann var sammála því að starf þjálf-
ara í efstu deild á Íslandi væri erfitt.
„Það er alveg rétt. Kröfurnar sem
eru gerðar til þjálfara eru miklar en
það er skiljanlegt og við veljum það
sjálfir að fara í þetta starf.“ Guðlaug-
ur bætti því við að hann hefði átt
góðar stundir í Eyjum og vonast
hann til þess að liðinu gangi sem
best.
„Ég get ekki annað en hrósað því
starfi sem stjórn ÍBV og leikmenn
liðsins hafa lagt á sig í gegnum tíð-
ina. Það eru fá lið sem þurfa að vinna
við sömu aðstæður og ÍBV yfir vetr-
artímann, með leikmannahópinn úti
um allt fram að Íslandsmóti,“ sagði
Guðlaugur Baldursson. Heimir Hall-
grímsson stjórnaði liðinu á fyrstu
æfingu sinni í gærkvöldi, en hann er
fyrrum leikmaður liðsins og hefur
starfað sem þjálfari kvennaliðs ÍBV.
Guðlaugur tók við ÍBV-liðinu fyrir
keppnistímabilið 2005 en liðið bjarg-
aði sér frá falli í lokaumferðinni.
Hann er þriðji þjálfarinn sem hættir
störfum í Landsbankadeildinni í
sumar. Ólafur Þórðarson hætti hjá
ÍA eftir leik í 8. umferð þar sem ÍA
tapaði gegn Víkingnum á heimavelli,
4:1. Arnar og Bjarki Gunnlaugssynir
tóku við af Ólafi í kjölfarið. Bjarni
Jóhannsson sagði upp störfum hjá
Breiðabliki eftir að liðið hafði tapað
5:0 á útivelli gegn Keflavík. Arnar
Bill Guðmundsson tók við af Bjarna.
Heimir
tekur við
liði ÍBV
GUÐLAUGUR Baldursson og stjórn knattspyrnudeildar ÍBV komust
að samkomulagi í gær þess efnis að Guðlaugur hætti sem þjálfari
Eyjamanna. Liðið er í neðsta sæti Landsbankadeildarinnar að lokn-
um 12 umferðum. Heimir Hallgrímsson hefur verið ráðinn til þess
að þjálfa liðið það sem eftir lifir keppnistímabilsins.
Eftir Sigurð Elvar Þórólfsson
seth@mbl.is