Morgunblaðið - 01.12.2006, Blaðsíða 1

STOFNAÐ 1913 327. TBL. 94. ÁRG. FÖSTUDAGUR 1. DESEMBER 2006 PRENTSMIÐJA MORGUNBLAÐSINS mbl.is
TÓNLEIKABANDIÐ
TODMOBILE HELDUR ÚTGÁFUTÓNLEIKA
FYRIR ALÞJÓÐ Í SJÓNVARPSSAL >> 54
23
dagar
til jóla
Metsölulisti Mbl. 30. nóv.
Barnabækur
2.
sæti
Eftirlæti íslenskra
bókaorma ár eftir ár.
VONAST er til að ljósaskreytingar Orkuveitu Reykjavíkur (OR) verði allar
komnar upp 9. desember nk. Alls munu um 85 þúsund perur loga á 70 jóla-
trjám og á um 250 upplýstum skreytingum af ýmsu tagi víðsvegar á höfuð-
borgarsvæðinu. Áhersla er lögð á að öll ljósin logi um jól og áramót.
Morgunblaðið/Ómar
85 þúsund jólaljós
Róm. AFP. | Húsdýrahald veldur
meiri gróðurhúsaáhrifum en bílar og
önnur flutningatæki, að því er fram
kemur í nýrri skýrslu frá Matvæla-
og landbúnaðarstofnun Sameinuðu
þjóðanna. Einnig veldur greinin
miklum spjöllum á jarðvegi og vatni.
Kjötneysla í heiminum er talin
munu tvöfaldast vegna breyttra
neysluhátta á tímabilinu 2001–2050
og sama er að segja um mjólk-
urneyslu. „Þegar losun [á gróð-
urhúsalofttegundum] vegna land-
nýtingar og breytinga á landi er
tekin með í reikninginn veldur hús-
dýrahald um 9% af allri losun kol-
díoxíðs (CO2) af mannavöldum en á
sök á mun hærra hlutfalli losunar á
jafnvel enn skaðlegri gróðurhúsa-
lofttegundum,“ segir í skýrslunni.
Um 37% af öllu metangasi sem at-
hafnir manna valda kemur frá gerj-
un í meltingarfærum nautgripa og
annarra húsdýra. Metan veldur 23
sinnum meiri hlýnun en samsvar-
andi magn af CO2. Nituroxíð, sem
mykja gefur frá sér, er sagt nær 300
sinnum afkastameira en CO2 við að
valda gróðurhúsaáhrifum.
Morgunblaðið/Ásdís Haraldsdóttir
Mengun Hægt er að minnka iðra-
gas frá skepnum með breyttu fóðri.
Húsdýrin
hita loftið
Washington. AFP. | Talsmaður banda-
ríska utanríkisráðuneytisins, Tom
Casey, sagði í gær að ekkert mark
bæri að taka á ummælum sem höfð
voru eftir starfsmanni ráðuneytisins,
Kendall Myers, um að samskiptin
við Breta væru einhliða og Banda-
ríkin réðu algerlega ferðinni. Myers
sagði að ekkert væri hlustað á sjón-
armið Tony Blairs, forsætisráðherra
Breta, og það væri miður.
„Venjulega hunsum við þá og tök-
um ekkert tillit til þeirra … Þetta er
dapurlegt,“ sagði Myers. Ummæli
hans voru birt á forsíðu breska dag-
blaðsins The Times.
„Hann hafði enga heimild til að
tala sem embættismaður ráðuneyt-
isins eða í nafni þess,“ sagði Casey
um Myers. „Þegar búið verður að
fara í saumana á málinu mun ráðu-
neytið ákveða hvað gera skuli.“
Kallaður
á teppið

Breska | 20
Eftir Kristján Jónsson
kjon@mbl.is
TALSMAÐUR Jegors Gajdars,
fyrrverandi forsætisráðherra Rúss-
lands, hefur eftir læknum hans í
Moskvu að eitrað hafi verið fyrir
hann en Gajdar veiktist skyndilega
er hann sótti ráðstefnu í Írlandi á
föstudag. Líðan hans var betri í gær
og var hann ekki talinn í lífshættu.
Miklar vangaveltur eru um að
tengsl séu milli málsins og dauða
fyrrverandi liðsmanns rússnesku
leyniþjónustunnar, Alexanders Lítv-
ínenkos, í London en eitrað var fyrir
hann með geislavirku efni. Einnig er
rifjað upp morðið á blaðakonunni
Önnu Polítovskaju sem var harður
andstæðingur rússneskra stjórn-
valda eins og Lítvínenko.
Stuðningsmenn Vladímírs Pútíns
forseta gefa m.a. í
skyn að auðkýf-
ingurinn Borís
Berezovskí, sem
er landflótta í
Bretlandi, hafi
skipulagt morðin
til að sverta
ímynd forsetans.
En aðrir benda á
að gamlir félagar
Pútíns úr sovésku
leyniþjónustunni,
KGB, vilji valda
ringulreið í von um að Pútín sitji
áfram í embætti eftir 2008. Þá renn-
ur kjörtímabil hans út.
„Það er á döfinni samsæri um að
skapa aðstæður sem myndu útiloka
að Pútín hætti,“ skrifar dálkahöf-
undurinn Natalía Gevorkían á net-
blaðinu gazeta.ru.
Einnig eitrað
fyrir Gajdar
Jegor Gajdar
♦♦♦
Eftir Brján Jónasson
brjann@mbl.is
MARGRÉTI Sverrisdóttur var í gærkvöldi sagt
upp störfum sem framkvæmdastjóra þingflokks
Frjálslynda flokksins og gert að hætta störfum 1.
mars nk. Hún segist ekki í vafa um að uppsögnin
stafi af því að hún hafi mótmælt rasískum hug-
myndum Jóns Magnússonar og ætlar að leggja
málið fyrir miðstjórn flokksins.
„Þetta kom mér gersamlega í opna skjöldu, ég
átti ekki von á þessu eftir tæplega tíu ára starf fyr-
ir flokkinn,“ sagði Margrét þegar Morgunblaðið
hafði samband við hana vegna málsins á tólfta tím-
anum í gærkvöldi.
„Ég vildi ræða málefni útlendinga og þennan
vanda sem vinnumarkaðsmál, en ég fullyrði að ég
hafi verið rekin fyrir að mót-
mæla rasískum hugmyndum
Jóns Magnússonar og að vilja
halda fast í stefnu flokksins.“
Margrét hefur gegnt starfi
framkvæmdastjóra og ritara
Frjálslynda flokksins, auk
starfs framkvæmdastjóra
þingflokksins. Hún segir að í
bréfi frá Guðjóni A. Kristjáns-
syni, formanni flokksins, sem
henni barst kl. 15 í gærdag, hafi
hún verið spurð hvort hún ætlaði að bjóða sig fram
til þingsetu fyrir flokkinn í komandi alþingiskosn-
ingum og það tekið fram að slíkt samrýmdist ekki
starfi hennar sem framkvæmdastjóra flokksins.
Margrét segist hafa ákveðið að bjóða sig fram
til fyrsta sætis á lista flokksins í Reykjavíkurkjör-
dæmi suður og hafa svarað því til. Það hafi hingað
til ekki þótt ósamrýmanlegt öðrum störfum henn-
ar að vera í framboði, hvorki í síðustu alþingis-
kosningum, þegar hún fór fyrir listanum í sama
kjördæmi, eða í borgarstjórnarkosningum á síð-
asta ári. Óskiljanlegt sé hvað breyst hafi síðan þá.
Seint í gærkvöldi barst Margréti svo uppsagn-
arbréf, en þar var henni sagt upp sem fram-
kvæmdastjóra þingflokksins, ekki framkvæmda-
stjóra flokksins alls eins og talað var um í fyrra
bréfinu. Hún segir það ekki breyta neinu um
áform sín um framboð, en ljóst sé af þessu að for-
ysta flokksins beri ekki traust til hennar. Hún seg-
ist ætla að gegna störfum framkvæmdastjóra og
ritara flokksins áfram, enda geti þingflokkurinn
ekki sagt henni upp þeim störfum.
Margréti Sverrisdóttur
sagt upp hjá Frjálslyndum

Segist vera rekin fyrir að mótmæla rasískum hugmyndum Jóns Magnússonar
Margrét
Sverrisdóttir