Morgunblaðið - 23.12.2006, Blaðsíða 48
Eftir Birtu Björnsdóttur
birta@mbl.is
Einar Bárðarson er stund-um kallaður „umboðs-maður Íslands“ og þaðekki að ástæðulausu. Ár-
ið hefur verið viðburðaríkt hjá
Einari. Hann ferðaðist með Nylon
í leit að frægð og frama í Bretlandi
og stóð fyrir komu Mikhaíls Gor-
batsjovs, fyrrverandi aðalritara
kommúnistaflokksins og leiðtoga
Sovétríkjanna, hingað til lands svo
fátt eitt sé nefnt. Á allt þetta
skyggði svo frumburður Einars
sem fæddist á árinu.
Líkt og undanfarin átta ár verð-
ur á meðal hans síðustu verkefna
þetta árið að blása til stórtónleika
til styrktar krabbameinssjúkum
börnum.
„Það voru veikindi frænda míns
sem lifði af krabbameinsmeðferð
sem urðu kveikjan að þessum tón-
leikum fyrir átta árum. Ég fékk
fólk sem hefur verið að vinna með
mér í bransanum í lið með mér,
bæði listamenn og bakvinnslu-
menn, og fór þess á leit við Há-
skólabíó að þeir myndu lána okkur
húsið. Þetta gekk allt eins og í
sögu,“ segir Einar.
„Það var algerlega óviljandi að
þetta varð svo að árlegum við-
burði. Þetta fer að verða hluti af
jólaundirbúningnum, þegar jóla-
lögin fara að hljóma í útvarpinu
fer ég í símann og spyr vini og
kunningja hvort þeir vilji ekki vera
með í ár,“ segir Einar og bætir við
að þátttaka listamannanna og allra
hinna sé auðvitað forsenda þess að
þetta geti orðið að veruleika.
„Ég er ekki viss um að Há-
skólabíó myndi fyllast ef til stæði
að ég stæði einn uppi á sviði.“
Allar poppstjörnur Íslands
Meðal þeirra listamanna sem
troða upp á tónleikunum og gefa
að sjálfsögðu vinnu sína eru Sálin
hans Jóns míns, Gospelkór
Reykjavíkur, Bubbi Morthens,
Magni og Á móti sól, Páll Óskar,
Paparnir, Skítamórall, Garðar
Thor Cortes, Stebbi og Eyvi, Ny-
lon, Birgitta Haukdal og fleiri.
„Þegar ég renni yfir listann má
ekki betur sjá en að allar popp-
stjörnur Íslands verði þarna sam-
an komnar,“ segir Einar.
„Ég missti mig aðeins í ár, ég
hringdi bara og hringdi og gleymdi
að skrifa niður þá sem ég var kom-
inn með. Dagskráin gæti því
teygst um nokkrar mínútur.“
Áhorfendur erfa það nú varla
við Einar enda, eins og hann segir
sjálfur, „engir leiðindaskarfar
þarna á ferð.“
Einar vill taka fram að á hverju
ári hafi hver einasta króna runnið
óskipt til Styrktarfélagsins.
„Það tekur enginn listamaður
frekar en nokkur annar starfs-
maður eina einustu krónu fyrir
sína aðkomu að tónleikunum,“ full-
yrðir Einar.
„Við höfum náð að safna rúmum
14 milljónum króna á þessum 7 ár-
um og stefnum á að komast yfir 16
milljón króna markið í ár.“
Hvalveiðarnar settu
strik í reikninginn
Árið var viðburðaríkt hjá hljóm-
sveitinni Nylon, sem Einar er um-
boðsmaður fyrir, en hann var einn-
ig stofnandi sveitarinnar.
„Í febrúar fóru stelpurnar fyrst
út og við tókum tónleikaferðir með
sveitum á borð við McFly, Westlife
og Girls Aloud,“ segir Einar.
„Við náðum þeim árangri í
fyrsta sinn, ég og stelpurnar, að
eiga hlut í lagi sem komst inn á
topp 40 á breska vinsældarlist-
anum, sem var mikil hamingja.
Síðari smáskífan náði ekki eins
hátt á listanum og þar spilar
margt inn í.“
Einar nefnir bæði harðnandi
samkeppni á markaðnum þegar
nær dregur jólum og svo þá stað-
reynd að platan kom út á mánu-
degi eftir helgina þegar fyrstu
fréttir og myndir af hvalveiðum Ís-
lendinga birtust um heim allan.
„Myndirnar af því þegar verið
var að rista fyrsta hvalinn á hol
birtust í öllum fréttatímum á
sunnudagskvöldinu og hvalveið-
arnar voru umtalsefni í hinum
ýmsu spjallþáttum svo það var
margt sem varð þess valdandi að
við náðum ekki eins góðum árangri
með síðari smáskífuna.“
Mikið hefur verið skrafað og
skrifað um árangur Nylon. Er ár-
angurinn betri eða verri en búist
var við í upphafi?
„Ég held að maður verði að vera
mjög hógvær þegar maður fer í
landvinninga í Bretlandi, en maður
á ekki tilkall til neins þar,“ segir
Einar. „Mér finnst mikill árangur
að hafa komið fyrstu smáskífunni
inn á breska vinsældalistann og
myndbandinu í spilun út um allar
trissur. Þetta hefur verið löng og
ströng æfing fyrir stelpurnar, við
getum orðað þetta þannig. Ég hef
líka lært sjálfur mikið inn á þenn-
an markað.“
Vika mikilmennanna
„Já, ég vippaði einum Sov-
étleiðtoga hingað yfir í helgarfrí,“
segir Einar þegar talið berst að
komu Gorbatsjovs hingað til lands.
„Þetta var mjög sérstakur við-
burður og gaman að takast á við
þetta, þó svo að þetta hafi verið
mjög strembið. Tveimur dögum
fyrr sá ég svo einnig um dvöl Yoko
Ono hér á landi svo það var svona
vika mikilmennanna hjá mér.“
Einar segir það vissulega fela í
sér áhættu að veðja á hverja sé
vænlegt að flytja hingað til lands,
koma Gorbatsjovs hafi kostaði tugi
milljóna króna.
„Maður verður bara að hafa trú
á því að fólk vilji hlusta og sjá.“
Friður á jörð
Þótt árið hafi verið viðburðaríkt
hjá Einari í vinnunni segir hann
fæðingu frumburðarins fyrr á
árinu að sjálfsögðu standa upp úr.
„Allt þetta brambolt verður svo-
lítið lítið í samanburði við þá upp-
lifun,“ segir Einar.
„Ég man það þegar ég sat heima
hjá mér með nýfætt barnið í fang-
inu og var að horfa á Sky-
sjónvarpsstöðina og sá í fyrsta
skipti myndband með Nylon á
breskri sjónvarpsstöð. Undir eðli-
legum kringumstæðum hefði mað-
ur fagnað gífurlega og blásið til
veislu en það náði ekki að toppa þá
tilfinningu að halda á tveggja daga
gömlu barni sínu í fanginu.“
Einar er þó hvergi nærri hættur
í vinnunni.
„„A man has got to make a li-
ving,“ eins og maðurinn sagði,“
segir Einar að lokum og biður fyr-
ir jólakveðjur til allra landsmanna
„með óskum um gleðileg jól og frið
á jörð.“
Trúin á að fólk vilji hlusta og sjá
Morgunblaðið/Ásdís
Umboðsmaðurinn Einar Bárðarson segir fæðingu barnsins síns standa uppúr á annars viðburðaríku ári.
Morgunblaðið/Eyþór
Nylon Einar hefur á árinu unnið að því að koma Nylon á framfæri í Bret-
landi, en stúlkurnar troða upp á styrktartónleikunum í Háskólabíói.
Einar Bárðarson lítur yfir viðburðaríkt ár og hlakkar til árlegra styrktartónleika 28. desember
Í HNOTSKURN
»Tónleikar til styrktarStyrktarfélagi krabba-
meinssjúkra barna verða
haldnir í Háskólabíói þann 28.
desember næstkomandi.
»Þetta er í áttunda sinn semtónleikarnir eru haldnir.
»Miðasala er hafin og allurágóði rennur óskiptur til
styrktarfélagsins.
»Allir þeir listamenn ogstarfsmenn sem að tónleik-
unum koma gefa vinnu sína.
staðurstund
Ingveldur Geirsdóttir veltir fyr-
ir sér algengum misskilningi
sem kemur fram í flutningi ís-
lenskra jólalagatexta. » 49
af listum
Það er komið að frumsýningu
Fána feðranna í leikstjórn ósk-
arsverðlaunaleikstjórans Clints
Eastwoods. » 50
kvikmyndir
Bergþóra Jónsdóttir fjallar um
sögulega útgáfu á sönglögum
Sigvalda Kaldalóns í flutningi
ýmissa listamanna. » 53
tónlist
Adam Goldstein leitar nú að
nýrri frægri kærustu eftir að
upp úr slitnaði hjá honum og Ni-
cole Richie. » 50
fólk
Gagnrýnandi segir Hversdags-
heimspeki Róberts Jacks
prýðilegt yfirlit yfir tilraunir til
að nota heimspekina. » 57
bækur
|laugardagur|23. 12. 2006| mbl.is