Morgunblaðið - 21.06.2007, Blaðsíða 16
16 FIMMTUDAGUR 21. JÚNÍ 2007 MORGUNBLAÐIÐ
MENNING
SVO virðist sem
Nóbelsskáldið
spænska, Juan
Ramón Jiménez
heitinn, hafi átt í
ástarævintýrum
með þremur
nunnum. Það
lesa menn út úr
óbirtum ljóðum
skáldsins sem
stendur til að gefa út, en ekki er
ljóst hvort þau byggja á ímyndun
eða veruleika. Nunnur úr reglu
hins heilaga talnabands í Madríd
hafa brugðist illa við ljóðunum og
krefjast þess að hætt verði við út-
gáfuna.
Jiménez hlaut bókmenntaverð-
laun Nóbels árið 1956. Hann dvaldi
um tveggja ára skeið, frá 1901-3, á
hjúkrunarheimili í klaustri regl-
unnar fyrrnefndu í Madríd, sam-
kvæmt læknisráði. Jiménez sagði
síðar frá því að þetta hefðu verið
sín bestu ár, en hann var tvítugur
þegar hann hóf dvölina.
Abbadísin rak hann á dyr að lok-
um og hafði þá áður sent í það
minnsta eina nunnu í annað klaust-
ur. Jiménez vildi ekki birta fyrr-
nefnd ljóð af ótta við að ganga fram
af eiginkonu sinni og íhaldssamri
tengdamóður.
„Þessi ljóð munu koma mörgum
á óvart því þau eru klúr og kyn-
æsandi,“ segir ritstjórinn José Ant-
onio Expósito, sem hyggst gefa þau
út á bók með titlinum „Bækur ást-
arinnar“.
Erótísk
nunnuljóð
Nunnur ósáttar
við ljóð Jiménez
Juan R. Jiménez
BRESKI lista-
verkasafnarinn
Charles Saatchi
keypti öll verk
hins nýútskrifaða
listamanns
James Howard,
46 talsins, á út-
skriftarsýningu
Royal Academy
listaskólans í
Lundúnum í síðustu viku. Fyrir þau
greiddi hann 4.500 pund, um
560.000 krónur.
Saatchi varð milljónamæringur
af auglýsingastörfum en er nú
þekktur fyrir að reka listasafn í
sínu nafni og taka listamenn upp á
arma sína, en af þeim er Damien
Hirst líklega þekktastur. Howard
er 26 ára og lauk nýverið fram-
haldsnámi í myndlist. Útskrift-
arverk hans voru útprent af klippi-
myndum sem hann vann í tölvu, og
líktust dæmigerðum auglýsingum á
Netinu.
Howard sagðist alls ekki hafa átt
von á því að Saatchi myndi hringja.
Sér hafi verið brugðið enda mikil
viðurkenning fyrir nýútskrifaðan
listamann að Saatchi sýni verkum
hans slíkan áhuga.
Listaverkakaup Saatchi hafa
jafnan mikil áhrif á listaverkamark-
aðinn og þeir listamenn sem hann
kaupir verk eftir hafa skotist upp á
stjörnuhimininn á seinustu árum og
verð á verkum þeirra hækkað gíf-
urlega. Gagnrýnendur Saatchi gera
hins vegar lítið úr áhrifum hans á
listamarkaðinn og segja hann of-
metinn safnara. Saatchi á það til að
kaupa öll verk listamanna og selja
þau svo öll í einu, sem getur valdið
miklum verðsveiflum.
Keypti öll
verkin
Charles Saatchi
MAR er yfirskrift sýningar
Helgu Sigurðardóttur sem
opnuð verður í Art-iceland á
Skólavörðustíg 1a í dag. Inn-
blástur verkanna sækir lista-
konan í hafið; orku þess og
kraft. Upplifun hennar eftir
dvöl á lítilli suðrænni eyju
kemur sterklega fram í skær-
um litum. Ósjálfrátt kemur
þessi lífsreynsla fram í mynd-
unum. Andstæður hafsins hafa
áhrif, annars vegar magnþrungnar fyssandi öldur
og hins vegar stemningin sem verður þegar sólin
sindrar á spegilsléttum haffletinum. Helga lætur
litina flæða og leggur mikla áherslu á litaspil.
Myndlist
Sæheimar Helgu
Sigurðardóttur
Úr einu af verkum
Helgu.
SÝNING Leirlistafélags Ís-
lands, Vösumst, verður opnuð í
Ketilhúsinu á Listasumri á Ak-
ureyri í dag kl. 17. Þátttak-
endur í sýningunni eru 30 og
þema sýningarinnar vasar.
Leirlistafélagið var stofnað
árið 1981 og er takmark félags-
ins að efla veg og virðingu
greinarinnar á Íslandi. Mennt-
un leirlistafólks er fjölþætt, allir
félagar eru að minnsta kosti
með fjögurra ára menntun í myndlist og sumir með
háskólagráðu. Sýningin stendur til 8. júlí og er opin
alla daga nema mánudaga frá kl. 13 til 17.
Allir eru velkomnir á opnun sýningarinnar í dag.
Myndlist
Vasast í vösum
í Ketilhúsi
Vasi eftir Ragnar
Kjartansson og
Dieter Roth.
KÁRI Þormar, organisti Ás-
kirkju í Reykjavík, leikur á há-
degistónleikum Alþjóðlega
orgelsumarsins í Hallgríms-
kirkju kl. 12 í dag. Áður en
Kári Þormar hélt til fram-
haldsnáms í orgelleik og
kirkjutónlist í Düsseldorf í
Þýskalandi var hann fyrsti
nemandinn sem lauk org-
elnámi hér heima með tón-
leikum á hið glæsilega Klais-
orgel í Hallgrímskirkju. Kennari hans hérna var
Hörður Áskelsson. Að námi loknu var Kári org-
anisti Kópavogskirkju, Fríkirkjunnar í Reykjavík
en frá 2001 hefur hann verið organisti Áskirkju.
Tónlist
Kári spilar Franck
og Couperin
Kári Þormar og
sonur.
Eftir Jóhann Bjarna Kolbeinsson
jbk@mbl.is
SÆNSKA dagblaðið Metro hefur
bryddað upp á þeirri nýjung að
borga bloggurum á vefsvæði sínu
fyrir hverja heimsókn sem þeir fá.
Um er að ræða þrjá sænska aura
fyrir hverja heimsókn, sem nemur
um 27 íslenskum aurum fyrir skatt.
Til þess að komast á slíka launaskrá
þarf viðkomandi bloggari þó að fá í
það minnsta 5 þúsund heimsóknir
fyrsta mánuðinn.
Vinsælustu bloggarar Íslands, á
borð við Egil Helgason og Ellý Ár-
mannsdóttur, fá um þessar mundir
50 til 60 þúsund heimsóknir í hverj-
um mánuði, og miðað við sænska
módelið gætu þau því haft 13 til 16
þúsund krónur í tekjur af því. Ef
þau hins vegar myndu blogga fyrir
Metro, og 1/6 hluti sænsku þjóðar-
innar myndi heimsækja bloggið líkt
og hér, væru tekjurnar um 400 þús-
und á mánuði.
Ekki slæm hugmynd
„Við höfum
ekki greitt blogg-
urum til þessa,
þótt vissulega
megi færa rök
fyrir því að þeir
séu að eyða tíma í
að skrifa efni sem
er vinsælt. Þann-
ig að það er ekki
hægt að horfa
framhjá því að
þetta er þróun sem við þurfum að
horfa til,“ segir Ingvar Hjálmars-
son, vefstjóri Mbl.is. „Fyrirtækið
Mediacom keypti hins vegar fast
auglýsingapláss á blog.is og bauð í
framhaldi þeim bloggurum sem því
þótti vænlegir að setja inn auglýs-
ingar á þeirra síður. Þessum blogg-
urum var síðan greiddur ákveðinn
hluti af auglýsingatekjunum,“ segir
Ingvar. „Við höfum hins vegar ekki
selt auglýsingar inn á stakar blogg-
síður því við höfum litið svo á að það
sé árás inn á það svæði sem viðkom-
andi hefur hannað.“ Ingvar segir
hugmynd sænska dagblaðsins ekki
slæma og þetta sé því nokkuð sem
Mbl.is muni skoða. „Auðvitað verð-
um við að horfa til þess að í ein-
hverjum tilfellum geti sú staða kom-
ið upp að það þurfi að borga þessu
fólki.“
Ekki á dagskrá
„Við höfum aðeins rætt það hvort
rétt væri að borga bloggurum,“ seg-
ir Þórir Guð-
mundsson, frétta-
stjóri Vísis.is.
„Hingað til hefur
niðurstaðan verið
sú að gera það
ekki vegna þess
að flestir eru að
blogga af eigin
hvötum. Það eru
áhugaverðustu
bloggin, þar sem
menn eru að gera það af tjáningar-
þörf, en ekki vegna þess að menn
eru að fá borgað fyrir það,“ segir
Þórir, og bendir á að í Bandaríkj-
unum sé mikið um að vefmiðlar hafi
bloggara á launaskrá, en þá sé hins
vegar oftast um sérfræðinga í
ákveðnum málefnum að ræða. „Enn
sem komið er höfum við ákveðið að
halda þessu frjálsa bloggi, og fara
ekki þá leið sem Metro eða Morg-
unblaðið hafa farið, að greiða blogg-
urum,“ segir Þórir sem sér þessa
aðferð því ekki fyrir sér á Vísi.is í
nánustu framtíð.
Eðlileg þróun
„Við höfum
íhugað þetta en
ekki ennþá út-
fært þetta,“ segir
Andrés Jónsson,
einn þeirra sem
vinna nú að stofn-
un nýs vefmiðils
sem nefnist
Eyjan.is. „Þegar
fólk er að leggja
mikla vinnu í eitthvað sem margir
lesa er eðlilegt að þróunin verði að
einhverju leyti sú að menn geti haft
tekjur af því. Víða erlendis geta vin-
sælir bloggarar til dæmis aflað sér
tekna með ýmsum hætti,“ segir
Andrés og bætir við að auglýsendur
geti auðveldlega náð til afmarkaðra
hópa á bloggsvæðum, og farið til
dæmis eftir atvinnugreinum eða
áhugamálum bloggaranna.
Á nýja vefsvæðinu verða fasta-
pennar sem notið hafa vinsælda að
undanförnu, en Andrés segir að
þeim verði ekki borgað fyrst um
sinn. „Við munum hins vegar bjóða
þeim upp á þann möguleika að selja
auglýsingar hjá sér, við fettum ekki
fingur út í það,“ segir Andrés, sem
útilokar ekki að hér á landi verði
svipuð leið farin og í Svíþjóð. „Mér
finnst ekki ólíklegt að þessi þróun
geti átt sér stað hér eins og þar.
Fyrst auglýsendur eru að auglýsa á
bloggsíðum er eðlilegt að það fé endi
í vösum bloggaranna sjálfra.“
Borgað fyrir bloggfærslur
Hugsanlegt að íslenskir bloggarar fái borgað fyrir hverja heimsókn sem þeir fá
Morgunblaðið/Kristinn
Vinsæl Ellý gæti haft um 400.000 kr. í tekjur á mánuði af bloggi í Svíþjóð.
Ingvar
Hjálmarsson
Þórir
Guðmundsson
Andrés Jónsson
Eftir Bergþóru Jónsdóttur
begga@mbl.is
„ÞETTA er viðleitni til að stunda heimspeki í
hversdagslegu umhverfi og á hversdagslegum
forsendum,“ segir Ólafur Páll Jónsson heimspek-
ingur, en í kvöld kl. 20 stendur hann fyrir Heim-
spekikaffi á Súfistanum í Máli og menningu á
Laugaveginum. „Hugmyndin er öðrum þræði sú
að hver sem er geti tekið þátt í heimspekilegri
umræðu og þurfi ekki að vera skólagenginn.“
Verðið þið heimspekingar þá varir við að fólk
veigri sér við þátttöku í heimspekilegum um-
ræðum eða finnist þær flóknar og erfiðar?
„Stundum. Á köflum eru heimspekingar há-
fleygir. Þar togast tvennt á. Heimspekin er há-
skólagrein; fræðigrein, og við tölum hver við ann-
an á fræðilegum nótum sem eru ekki alltaf
aðgengilegar venjulegu fólki. Á hinn bóginn eru
margir sem vilja halda í þessar sókratísku rætur,
þar sem maður lítur á heimspekina sem aðferð;
umræðuhefð eða rökræðuhefð. Þetta er hins veg-
ar vídd sem hefur í meira mæli verið tekin upp
aftur í heimspeki menntunarinnar, og er til dæmis
fyrirferðamikil í barnaheimspeki. Í menntun er
lögð áhersla á það hvert svo sem viðfangsefnið er,
að hin heimspekilega aðferð sé gagnleg. Þessir
þræðir koma saman í hugmyndinni um heim-
spekikaffihúsið.“
Umræðuefni á Heimspekikaffihúsinu í kvöld
verður náttúran, vald og verðmæti, en fyrir
skömmu gaf Ólafur Páll út bók með því heiti, og
efnið honum hugleikið. En er þetta þá ekki ekki
bara það sem kallast hversdagslegar samræður?
„Hlutverk heimspekingsins í þessum kring-
umstæðum er ekki að vera sérfræðingur, heldur
að stýra umræðunni; halda þræðinum og kannski
segja eitthvað, ef hann hefur eitthvað til málanna
að leggja.“
Hugmyndin um heimspekikaffihús á rætur að
rekja til morgunfundar heimspekings og nokk-
urra kunningja hans á kaffihúsi í París árið 1992.
Það var Róbert Jack, heimspekingur og höfundur
bókarinnar Hversdagsheimspeki (Háskóla-
útgáfan 2006), sem stóð fyrir fyrsta íslenska heim-
spekikaffihúsinu haustið 2005.
Heimspekin er félagslynd
TENGLAR
...............................................................
www.heimspeki.hi.is/?greinasafn/annad/
cafe_philo
Morgunblaðið/Ásdís
Heimspekingurinn Ólafur Páll Jónsson.
♦♦♦
Á SÍÐU 15 í blaðinu í gær urðu þau
mistök að Sveinbjörn I. Baldvinsson,
var sagður Baldursson. Beðist er
velvirðingar á rangfærslunni.
Leiðrétting
♦♦♦