Morgunblaðið - 21.06.2007, Blaðsíða 46
46 FIMMTUDAGUR 21. JÚNÍ 2007 MORGUNBLAÐIÐ
Eftir Sverri Norland
sverrirn@mbl.is
KVENNAHLJÓMSVEITIN Dúkkulísur held-
ur uppá 25 ára afmæli sitt í ár. Í tilefni þess mun
hún gefa út afmælisdisk í ágúst næstkomandi.
Platan inniheldur 8 glæný lög. Þá skartar hún 10
eldri lögum: fjórum nýlegum og áður óútgefn-
um, frá árunum 2001–2006, og sex stykkjum frá
gamalli tíð. Hið elsta er frá árinu 1984. Lagavalið
spannar því skemmtilega langt tímabil.
Ný smáskífa
„Við vorum að klára upptökur,“ segir Erla
Ragnarsdóttir, dúkkulísa. „Nú erum við að
hljóðblanda og svona.“ Þá bætir hún því við að
lagið „Hvað á að gefa konum?“ hafi komið út í
fyrradag, á kvenréttindadaginn 19. júní. Þá voru
einmitt 22 ár liðin frá því að fyrsta hljómplata
sveitarinnar kom út. Lagið gefur því forsmekk-
inn að nýju plötunni. En hvað á að gefa konum?
„Jafnrétti, réttlæti, ekkert múður og ekkert ves-
en,“ segir Erla.
Tónsmiðja fyrir ungar stelpur
Sama dag og „Hvað á að gefa konum“ kom út
opnuðu Dúkkulísurnar einnig nýja vefsíðu,
www.dukkulisur.net. „Svo vorum við á kynning-
arfundi á Austulandi í gær,“ segir Erla, „en við
ætlum að efna til tónsmiðju fyrir ungar stúlkur í
sumar.“ Þetta tónlistarnámskeið mun fara fram
í ágúst dagana 7.-10. ágúst á Ormsteiti, lista- og
menningarhátíð Fljótsdalshéraðs. „Við leggjum
til aðstöðu, hljóðfæri og leiðsögn. Svo ætlum við
bara að reyna að búa til slagverks-„kombó“, dú-
etta, tríó, rokkhljómsveit; allt sem okkur dettur
í hug. Þetta er hugsað sem tækifæri fyrir stelp-
ur sem langar að prófa að syngja, spila og
semja.“
Erla vonast eftir góðri mætingu á námskeiðið.
„Á kynningarfundinn var ágætlega mætt, og svo
vitum við um ýmsar stelpur sem voru einfaldega
bara of feimnar til að mæta.“ Erla hvetur þessar
stúlkur til að láta af allri feimni og fjölmenna í
tónsmiðjuna þegar þar að kemur. „Þær stúlkur
sem hafa áhuga eiga endilega að hafa samband
við okkur, til dæmis á netfangið okkar, dukkul-
isur@gmail.com.“
Afrakstur tónsmiðjunnar mun svo berast al-
menningi til eyrna hin 25. ágúst, en þá munu
þátttakendur spila á tónleikum með Dúkkulís-
unum.
Morgunblaðið/Árni Sæberg
Dúkkulísur Ein allt of fárra kvennahljómsveita á Íslandi.
Í denn Dúkkulísur á tónleikum í gamla daga.
Dúkkulísur
www.dukkulisur.net
www.myspace.com/dukkulisur