Morgunblaðið - 17.06.2008, Blaðsíða 4

4 ÞRIÐJUDAGUR 17. JÚNÍ 2008 MORGUNBLAÐIÐ
FRÉTTIR
Eftir Skúla Á. Sigurðsson
skulias@mbl.is
ALLT frá árinu 1918 hefur loft-
skeytastöð Reykjavíkur sinnt fjar-
skiptum við skip úti fyrir ströndum
Íslands og tryggt öryggi og björgun
sjófarenda. Í dag fagnar loft-
skeytastöð Reykjavíkur, eða
Reykjavíkurradíó, níutíu ára starfs-
afmæli sínu.
„Þessi stöð hefur getu til að hafa
fjarskipti við skip hvar sem það er á
hnettinum ef út í það er farið,“ seg-
ir Hjalti Sæmundsson, aðalvarð-
stjóri í stjórnstöð Landhelgisgæsl-
unnar. Stöðin lætur sér þó nægja
að sjá um fjarskipti við skip á ís-
lensku hafsvæði og sinnir hún eft-
irliti með öllum skipaferðum kring-
um landið undir merkjum
tilkynningaskyldunnar.
Láta þjóðhátíð duga
Á næstu mánuðum stendur til að
endurnýja tækjakost loftskeyta-
stöðvanna og taka í notkun stafræn-
an búnað. Hjalti segir það löngu
tímabært og verða til þess að
tryggja enn frekar öryggi skipverja
á hafi úti. Meðal annars muni bún-
aðurinn gera skipum kleift að hafa
nánara og hraðvirkara samband sín
á milli sem geti verið ómetanlegt
þegar skip lenda í háska.
Það er viðeigandi að afmæli
stöðvarinnar beri upp á sjálfan
þjóðhátíðardaginn en Hjalti segir
loftskeytin á vissan hátt hafa verið
hluta af sjálfstæðisbaráttunni þar
sem þau voru lengi vel eini milliliða-
lausi fjarskiptamáti Íslendinga við
útlönd. Önnur samskipti fóru fram
gegnum herraþjóðina Dani. Hann
telur loftskeytastöðina þó ekki síður
mikilvæga í dag. „Mikilvægi þess-
arar starfsemi hefur síst minnkað
þrátt fyrir miklar tækniframfarir,
þörfin fyrir starfsemi eins og þessa
er enn mjög mikil og það kemur
ekki til með að breytast eitt eða
neitt“.
Að sögn Sigríðar R. Sverr-
isdóttur, upplýsingafulltrúa Land-
helgisgæslunnar, verða engin form-
leg hátíðarhöld í tilefni afmælisins,
heldur verði fagnaður vegna 65 ára
afmælis lýðveldisins látin nægja.
Morgunblaðið/Árni Sæberg
Í stjórnstöð Að sögn Hjalta Sæmundssonar aðalvarðstjóra voru loftskeytin lengi vel eini milliliðalausi fjarskiptamáti Íslendinga við útlönd.
Loftskeyti í níutíu ár
 Loftskeytastöð Reykjavíkur, Reykjavíkurradíóið, fagnar níræðisafmæli sínu
 Tók til starfa þann 17. júní 1918  Mikilvægi starfsins síst minna nú en áður
 1912 – Titanic sekkur. Slysið vek-
ur fólk til umhugsunar um fjarskipta-
og öryggismál á hafi úti.
 1918 – Loftskeytastöðin í Reykja-
vík, Reykjavíkurradíó, tekur til starfa.
 1919 – Íslandi er úthlutað kenni-
stöfunum TF; eitt langt, tvö stutt,
eitt langt og eitt stutt á Morse-kóða.
 1954 – Loftskeytastöð Landhelg-
isgæslunnar hefur störf.
 1999 – Íslenskar loftskeytastöðv-
ar hætta alfarið að nota Morse-kóða.
 2005 – Starfsemi loftskeyta-
stöðvarinnar í Vestmannaeyjum lögð
niður. Öllum loftskeytastöðvum
landsins fjarstýrt frá Reykjavík.
Stiklur
SÉRA Ágúst George, stað-
gengill kaþólska biskupsins í
Reykjavík og fyrrverandi
skólastjóri Landakotsskóla,
lést að morgni 16. júní á
Landspítalanum í Reykjavík,
áttræður að aldri.
Sr. George fæddist 5. apríl
1928 í þorpinu Wijlre í Limb-
urg-héraði í Hollandi, hinn
fimmti í hópi sex systkina.
Hann gekk í drengjaskóla
Montfort-reglunnar í Schim-
mert og síðar í prestaskóla
reglunnar í Oirschot í Hol-
landi. Hann vígðist til prests
11. mars 1956.
Sr. George var sendur til
Íslands þá um haustið og
starfaði hér óslitið síðan eða í
rúmlega hálfa öld. Hann fór
fljótlega að kenna við Landa-
kotsskóla og tók við stjórn
hans eftir að séra Jósef Hack-
ing lést árið 1964 og stýrði
honum í 34 ár.
Vigdís Finnbogadóttir, for-
seti Íslands, veitti honum
hina íslensku fálkaorðu árið
1994 fyrir störf að fræðslu-
málum. Frá árinu 1969 var
séra George jafnframt stað-
gengill biskups. Meðan bisk-
upslaust var hér á landi árin
1986-1988 og 1994-1995 stýrði
hann biskupsdæminu sem
postullegur umsjónarmaður
þess.
Frá árinu 1998 var hann
einnig fjármálastjóri biskups-
dæmisins.
Ágúst
George
Andlát
FRÉTTASKÝRING
Eftir Þorbjörn Þórðarson
thorbjorn@mbl.is
ENGINN samræmdur einkunnaskali er til
staðar hjá íslenskum háskólum. Þetta þýðir að
einkunnina 7,5 á BS-prófi í viðskiptafræði úr
einum háskóla má ekki endilega leggja að
jöfnu við sömu einkunn úr öðrum. Vinnuveit-
endur hafa oft staðið frammi fyrir þessari
spurningu þegar þeir eru að ráða í störf og 2
umsækjendur með sömu einkunn hvor úr sín-
um skólanum eru að sækja um. Víða erlendis
hafa slíkir skalar verið teknir upp.
Þyngd prófa yrði sambærileg
milli deilda
„Einkaskólarnir hafa annan skala en hinir
og jafnvel innan Háskóla Íslands eru sumar
deildir þekktar fyrir að gefa lægri einkunnir
en aðrar. Það væri mjög gagnlegt ef mennta-
málaráðherra myndi beita sér fyrir því að
smíðaður yrði samræmdur skali þannig að
þyngd prófa yrði sambærileg á milli deilda
sem eru að kenna sömu fög,“ segir háttsettur
viðmælandi Morgunblaðsins í háskólasamfé-
laginu.
Skiptar skoðanir eru um nauðsyn þess að
teknir verði upp samræmdir einkunnaskalar.
„Íslendingar hafa ekki borið gæfu til þess að
hafa samræmd próf í framhaldsskólum, þannig
að háskólarnir vissu hvernig bera mætti sam-
an einkunnir á milli þeirra. En það er eina
raunhæfa leiðin til að vita hvað einkunn úr ein-
um skóla þýðir borin saman við einkunn úr
öðrum. Þetta er miklu erfiðara og nánast úti-
lokað á háskólastiginu, einfaldlega vegna þess
að mismunandi efni er kennt í viðskiptadeild-
um háskólanna,“ segir Hrefna Sigríður Briem,
forstöðumaður BS-náms við viðskiptadeild
Háskólans í Reykjavík.
Í kjölfar aukinnar samkeppni á háskólastig-
inu í ákveðnum greinum hefur skapast um-
ræða um það hvort sú freisting sé fyrir hendi
að minnka kröfur til nemenda í íslenskum há-
skólum. Er það samdóma álit þeirra sem
Morgunblaðið ræddi við að slíkt myndi
kannski auka ánægju nemenda til skamms
tíma en hefði slæmar afleiðingar til lengri tíma
litið. Gæði námsins yrðu minni. „Það er mik-
ilvægt að stjórnvöld tryggi að tveir nemendur
sem hafa sömu meðaleinkunn hvor frá sínum
háskóla hafi sambærilega kunnáttu, þ.e.a.s. að
þyngd prófa og reglur við einkunnagjöf séu
sambærilegar. Slíkt opinbert eftirlit er ekki
fyrir hendi núna. Einnig er erfitt fyrir einstaka
nemendur að komast að því hvernig þeim hef-
ur vegnað í samanburði við nemendur annarra
skóla vegna þess að þeir þekkja einungis
sinn eigin,“ segir Gylfi Zoëga, prófessor í hag-
fræði og skorarformaður hagfræðiskorar við
viðskipta- og hagfræðideild HÍ.
Skortur á skölun
 Ráðherra beiti sér fyrir samræmdum skala  Tíðkast víða erlendis
 Nemendur vita ekki hvar þeir standa í samanburði  Skiptar skoðanir um þörf
Morgunblaðið/Þorkell
Próflestur Mikilvægt að þyngd prófa og regl-
ur við einkunnagjöf verði sambærilegar.
Í HNOTSKURN
»Sífellt fleiri stunda nám á há-skólastigi.
»Fjölmennasta brautskráning í sögu Háskóla Íslands fór fram sl.
laugardag þegar 1.082 kandídatar
voru brautskráðir frá skólanum.
» Fjórir háskólar á Íslandi bjóða uppá viðskiptafræðinám til BS-gráðu.
» Námskrá og áherslur í skólunumeru ólíkar þótt einingafjöldi sé hinn
sami.