Morgunblaðið - 02.08.2008, Blaðsíða 1

L A U G A R D A G U R 2. Á G Ú S T 2 0 0 8
STOFNAÐ 1913
210. tölublað
96. árgangur
Landsprent ehf.
MBL.IS
Morgunblaðið
hvar sem er
hvenær sem er
DAGLEGTLÍF
BROSAÐ ÚT Í ANNAÐ
Á BRÚÐKAUPSDAGINN
REYKJAVÍKREYKJAVÍK
Sólveig Anspach
frumsýnir Skrapp út
„HIN nýja öld getur ótvírætt orðið okkar besti tími,“ sagði Ólafur Ragn-
ar Grímsson í innsetningarræðu sinni eftir að hafa svarið embættiseið
sem forseti lýðveldisins í fjórða skipti í gær. Hann var jákvæður um
stöðu þjóðarinnar og sagði að Íslendingar hefðu áður siglt um úfinn sjó
en engu að síður náð heilir til hafnar. Því væri engin ástæða til að ör-
vænta nú – „þótt margslunginn vandi blasi við [...] þá er þjóðin betur bú-
in til að ná farsælli lendingu en oftast áður.“ Hann lagði áherslu á marg-
þættar auðlindir Íslands sem grundvöll fyrir enn meiri hagsæld. | 2
Morgunblaðið/Frikki
Ólafur Ragnar Grímsson forseti í fjórða sinn
SAMKVÆMT verðlaunatillögu
+Arkitekta að nýju húsi fyrir
Listaháskóla Íslands við Laugaveg
er gert ráð fyrir 10.513 fermetrum
ofanjarðar sem er rúmlega 2.000 fer-
metrum meira en leyfilegt er sam-
kvæmt skipulagi.
Verðlaunatillagan er unnin á þeim
forsendum að núgildandi deiliskipu-
lag á svæðinu gefi leyfi til bygging-
armagns sem svari til 14.511 fer-
metra, þar af 8.329 ofanjarðar,
samkvæmt tölum frá eignarhalds-
félaginu Samson sem er eigandi
reitsins ásamt Landsbankanum.
4.234 fermetrar eiga að vera neð-
anjarðar en í heildina á byggingin að
vera 14.747 fermetrar sem er lítil-
lega yfir leyfilegu byggingarmagni á
reitnum. Segja má að ríflega 2.000
fermetrar hafi því verið færðir upp á
yfirborðið.
Aðrar tölur hjá
Borgarskipulagi
Hjá Borgarskipulagi Reykjavík-
urborgar fengust aðrar tölur um
leyfilegt byggingarmagn á reitnum.
Samkvæmt upplýsingum frá Jó-
hannesi Kjarval, arkitekt og umsjón-
armanni deiliskipulags miðborgar-
innar hjá Skipulags- og bygginga-
sviði Reykjavíkurborgar, er hægt að
teygja deiliskipulag á svæðinu upp í
8.000 fermetra.
Sé tekið mið af auknu byggingar-
magni neðanjarðar, halla svæðisins
og stöðum innan hússins, sem sam-
kvæmt áætlunum byggjenda þurfi
ekki sólar með, sé hins vegar hægt
að teygja byggingarmagn upp í
10.000 fermetra, enda liggi þá við-
komandi bygging að háum gafli aust-
an við húsið sem nú hýsir Regnbog-
ann. Á tölum eigenda reitsins og
borgarskipulags munar því 4.511
fermetrum. trhe@mbl.is
Fer yfir leyfileg mörk
Misræmi er í tölum um byggingarmagn
á lóð Listaháskólans við Laugaveg
Í HNOTSKURN
»Gagnrýnisraddir meðalarkitekta lúta einkum að
umfangi byggingarinnar.
»Rektor Listaháskólans seg-ir að ef kippt verði í undir-
stöður verksins þá hrynji það
en hægt sé að laga útfærsluna
að hugmyndum skipulagsráðs.
 Afbökun eða lyftistöng | Lesbók
 „Já, ég get
staðfest að svo
sé. Við teljum
okkur þurfa að
bregðast við eins
og aðrir rekstr-
araðilar á Kefla-
víkurflugvelli,“
segir Jóhann R.
Benediktsson,
lögreglustjóri á
Suðurnesjum,
um uppsagnir níu af um sjötíu
fastráðnum starfsmönnum sem
sinnt hafa vopnaleit og örygg-
isvörslu á vellinum.
Aðspurður um aðdragandann
segir Jóhann að mönnunum hafi
verið gerð grein fyrir ákvörð-
uninni fyrir helgi. Ástæða upp-
sagnanna sé fyrirhugaður sam-
dráttur í flugumferð á Keflavíkur-
flugvelli í haust og að Icelandair
og flugþjónustan IGS hafi boðað
fækkun starfsfólks af sömu sökum.
Jóhann kveðst hins vegar ekki
vilja gefa upp hversu mikill sá
samdráttur í flugi sé áætlaður.
Hitt sé skýrt að uppsagnirnar
tengist á engan hátt þeim styr sem
stóð um lögregluna á Suðurnesjum
fyrr í ár.
Ögmundur Jónasson, formaður
Bandalags starfsmanna ríkis og
bæja, BSRB, kveðst óttast að
meira kunni að vera í bígerð á
vellinum, en hann telur einnig að
uppsagnirnar séu í hróplegri mót-
sögn við vilja þjóðarinnar.bald-
ura@mbl.is
Níu sagt upp störfum
á Keflavíkurflugvelli
Jóhann R.
Bendiktsson
 Þeir hafa í
nógu að snúast
afgreiðslumenn-
irnir í fataversl-
un einni í Cleve-
land í Banda-
ríkjunum, enda
ekki heiglum
hent að hræra
kokkteila og
finna réttu
skyrtustærðina fyrir bargestinn í
sömu andránni.
Til að krydda þjónustuna enn
frekar hefur kvenfötum nýlega ver-
ið bætt við úrvalið í versluninni, svo
að viðskiptavinirnir geta nú vænst
þess að komast í kynni við hitt kyn-
ið í búðarferðinni. „Nei, mikið fer
þetta þér vel!“ gæti þá verið upp-
hafslínan, um leið og suðrænum
kokkteilum er bætt við reikning-
inn.baldura@mbl.is
Bar við mátunarklefann
Mojito-kokkteill
SÖFNIN Í LANDINU
síða 15 í Lesbók
Má Garðar Thór Cortes syngja
popplög? Jónas Sen svarar þessari
spurningu játandi og óskar söngv-
aranum til hamingju með frelsið.
Er Garðar Thór
Cortes poppari?
Íslenskir pönkarar spruttu úr öðr-
um jarðvegi en pönkarar í stór-
borgum heimsins. Þeir höfnuðu
ekki íslenskum menningararfi.
Voru íslenskir
pönkarar alvöru?
Hollenskt landslag er slétt og him-
inninn stór. En meira býr að baki.
Anna Jóa rýnir í landslagsmálverk
hollensku meistaranna.
Hollensku lands-
lagsmeistararnir
LESBÓK
„ÉG hef alltaf litið á forsetaemb-
ættið sem vettvang verkefna. Ég hef
aldrei litið á það sem hægindi eða
þægilegt líf,“ segir Ólafur Ragnar
Grímsson, forseti Íslands, í viðtali
við Kolbrúnu Bergþórsdóttur í
Morgunblaðinu í dag.
Ólafur segist alla tíð hafa reynt að
beita áhrifum sínum sem þjóðhöfð-
ingi á alþjóðlegum vettvangi í þágu
þjóðarinnar á sviði vísinda, rann-
sókna, menningar og lista. Í því
skyni hafi hann lagt áherslu á að
styrkja tengsl Íslands við þá heims-
hluta sem skipta muni máli á þessari
öld. „Það krefst þess að ég sæki
þessar þjóðir heim, kynnist ráða-
mönnum þeirra og greiði þannig
götu Íslendinga.“
M.a. segir Ólafur frá því þegar
hann afhenti Li Peng mannréttinda-
yfirlýsingu Sameinuðu þjóðanna á
kínversku þegar hann sótti Bessa-
staði heim og uppskar langan reiði-
lestur kínverska forsetans fyrir vik-
ið. Annir forsetaembættisins eru
miklar að sögn Ólafs, sem blæs á
þær sögur að hann sé á sífelldum
skemmtiferðum.
„Forsetinn getur ekki sinnt þessu
verkefni nema vera á vettvangi víða
um veröld.“ | 22-23
Ákvörðun um að vera
áfram var ekki auðveld