Morgunblaðið - 15.08.2008, Blaðsíða 9

MORGUNBLAÐIÐ FÖSTUDAGUR 15. ÁGÚST 2008 9
Eftir Halldór Armand Ásgeirsson
haa@mbl.is
UNDIRSKRIFTARÁTAKIÐ Segj-
um nei við ofbeldi gegn konum hófst
í gær. Utanríkisráðherra, sam-
gönguráðherra og heilbrigð-
isráðherra undirrituðu áskorunina
fyrir hönd ríkisstjórnarinnar en
átakið er hvatning til ríkisstjórna
heims að grípa til aðgerða til að
binda enda á ofbeldi gegn konum.
Auka réttindi kvenna
Ingibjörg Sólrún Gísladóttir, ut-
anríkisráðherra, sagði á fjölmiðla-
fundi hjá UNIFEM á Íslandi í gær-
morgun að miklu máli skipti fyrir
samfélög heimsins að bæta stöðu og
auka réttindi kvenna. Slíkt kæmi
ekki aðeins konum vel heldur sam-
félögum í heild sinni. „Við skulum
ekki gleyma því að konur eru ekki
bara fórnarlömb heldur einnig ger-
endur í eigin lífi. Konur um allan
heim taka málin í sínar hendur og
þess vegna er svona átak mikilvægt
því að það styður þær í því.“
Í nóvember síðastliðnum fór UNI-
FEM af stað með átakið „Say NO to
Violence against Women“ í sam-
starfi við velgjörðarsendiherra sinn
Nicole Kidman, leikkonuna þekktu.
Það átak mun standa yfir í eitt ár.
Landsnefnd UNIFEM á Íslandi
opnaði í gær sérstaka íslenska
heimasíðu tileinkaða átakinu til þess
að hvetja Íslendinga til þess að ljá
málefninu lið og skrifa nafn sitt und-
ir áskorun til ríkisstjórna heims.
Getur ekki beðið
„Ofbeldi gegn konum er málefni
sem getur ekki beðið. Að minnsta
kosti ein af hverjum þremur konum
er barin, þvinguð til kynlífs eða mis-
notuð á annan hátt einhvern tímann
á lífsleiðinni. Fimmta hver kona
verður fórnarlamb nauðgunar eða
tilraunar til nauðgunar.
Ekkert land, engin menning, eng-
in kona ung eða gömul, er ónæm fyr-
ir þessari plágu. Alltof oft komast
menn upp með þessa glæpi án þess
að refsað sé fyrir og ofbeldismenn-
irnir ganga lausir, “ sagði Regína
Bjarnadóttir stjórnarformaður
UNIFEM á fundinum.
Átakið mun standa yfir í 12 vikur
og lýkur hinn 6. nóvember næstkom-
andi. Þá munu undirskriftirnar
verða sendar formlega til höf-
uðstöðva UNIFEM í New York, en
heimsátakinu lýkur hinn 25. nóv-
ember á baráttudegi Sameinuðu
þjóðanna gegn kynbundnu ofbeldi.
Ofbeldi gegn kon-
um verði ekki liðið
 Nýtt undirskriftarátak hvetur ríkisstjórnir til mótaðgerða
Morgunblaðið/Valdís Thor
Fundur Regína Bjarnadóttir, Steinunn Gyðu- og Guðjónsdóttir og Ingibjörg Sólrún Gísladóttir tóku til máls.
UMHVERFISNEFND Alþingis
fjallaði í gær um úrskurð umhverf-
isráðherra um sameiginlegt mat á
umhverfisáhrifum álvers á Bakka. Á
fund nefndarinn-
ar kom á annan
tug gesta vegna
málsins. Í þeim
hópi voru fulltrú-
ar allra
framkvæmda-
aðila, heima-
manna, náttúru-
verndarsamtaka
og umhverfis-
ráðuneytisins.
Helgi Hjörvar, formaður um-
hverfisnefndar, taldi að umfjöllunin
hefði verið mjög gagnleg fyrir nefnd-
ina. Ekki síst ábendingar um að lög-
gjöfin hefði ekki tryggt skýrar regl-
ur um hvernig ætti að framkvæma
hið sameiginlega mat.
„Það er eðlilegt að framkvæmda-
aðilunum þyki þeir búa við óvissu
þess vegna. En þeir áttu eftir hádeg-
ið [í gær] fund með Skipulagsstofnun
og ég treysti því að þar hafi þeir
fengið góðar leiðbeiningar um
hvernig standa megi að framkvæmd-
inni,“ sagði Helgi. Hann sagði að
andstaða við úrskurð umhverfisráð-
herra kæmi á óvart, að öðru leyti en
því sem lýtur að óskýrum reglum um
framkvæmd sameiginlegs umhverf-
ismats. Fyrir úrskurðinum lægi mál-
efnaleg og rökstudd sjónarmið sem
lyti að því að mikilvægt væri að
vanda sem mest til undirbúnings
jafnáhrifamikilla framkvæmda og
hér um ræðir.
Skiljanleg óánægja norðan-
manna með ákvörðun
Helgi sagði að sér þætti skiljan-
legt að norðanmönnum þætti súrt í
broti að Helguvík hefði ekki farið í
sömu meðferð og Bakki varðandi
umhverfismat.
„Ég tel að það sé óheppilegt að
ekki hafi einnig verið farið í sameig-
inlegt mat í Helguvík. En þegar kom
að núverandi umhverfisráðherra að
úrskurða um það mál var málið of
langt komið að hans mati. Ég tel að
menn verði að treysta því að að baki
því liggi áhersla á vandaða stjórn-
sýslu,“ sagði Helgi. gudni@mbl.is
Óskýrar reglur um
sameiginlegt mat
Helgi Hjörvar
Hversu algengt er ofbeldi
gegn konum?
Samkvæmt því sem fram kemur í
tilkynningu frá UNIFEM er að með-
altali þriðja hver kona barin, þvinguð
í kynlífsathafnir eða misnotuð á ann-
an hátt einhvern tímann á lífsleið-
inni. Algengast er að líkamlegt of-
beldi sem konur upplifa sé af hálfu
maka eða annars nákomins.
Hvar er hægt að skrifa undir?
Hægt er að ljá átakinu lið með því
að fara inn á heimasíðu UNIFEM á Ís-
landi – www.unifem.is og rita þar
nafn sitt. Undirskriftum verður skilað
til New York 25. nóvember.
S&S
Opið virka daga frá kl. 10-18 Laugardaga frá kl. 10-16
• Engjateigi 5
• Sími 581 2141
Útsölulok
Allt á að seljast
Komdu og prúttaðu
Eddufelli 2 Bæjarlind 6
sími 557 1730 sími 554 7030
Nýjar
vörur í
Bæjarlind
Verðhrun
á útsölu í
Eddufelli
ÚTSALA
30-75%
afsláttur
Alþjóðleg ferðamarkaðsfræði
„Að geta sýnt fram á lokapróf í Alþjóðlegri ferða-
markaðsfræði frá jafn virtri stofnun sem IATA/UFTAA
er, hlýtur að teljast gulltrygging fyrir atvinnu innan
ferðaþjónustunnar hvar sem er í heiminum.“
Sigurlaug Valdís Jóhannsdóttir,
Allrahanda.
Námsefnið kemur frá IATA/UFTAA og tekin eru próf í mars nk. og
veitir því alþjóðlega viðurkenningu, en kennslan fer fram á íslensku.
Námið hentar öllum þeim, sem áhuga hafa
og vilja auka þekkingu sína á ferðaþjónustu.
www.menntun.is
Bíldshöfða 18 • Sími 567 1466 • Opið frá kl. 8—22
Bjóðum upp á starfstengd
námskeið fyrir heilbrigðis- og
félagsstéttir, skólaritara- og
skrifstofustjóranám, íslensku
fyrir útlendinga o.fl.
Fylgist með á
www.framvegis.is
Fáðu úrslitin
send í símann þinn