Morgunblaðið - 27.08.2008, Blaðsíða 26

26 MIÐVIKUDAGUR 27. ÁGÚST 2008 MORGUNBLAÐIÐ
UMRÆÐAN
BIRGIR H. Sig-
urðsson, sviðsstjóri
skipulags- og um-
hverfissviðs Kópa-
vogsbæjar, ritaði fyr-
ir nokkru grein í
Morgunblaðið þar
sem hann lýsti því í
hve miklu sam-
komulagi við íbúa
Kársnes skipulagsmál
á nesinu væru. Það
var þá helst. Hinn 22.
júlí síðastliðinn var
haldin fundur með
íbúum hluta Kárs-
nesbrautar, Marbakkabrautar og
Huldubrautar. Það fór ekki
framhjá neinum sem þann fund
sóttu að íbúar þessara gatna eru
flestir mjög ósáttir við tillögur um
svokallaða húsagötu við Kárs-
nesbraut. Við framkvæmd húsa-
götu verður nauðsynlegt skerða
húsalóðir við götuna en engar
bætur hafa verið boðnar íbúum
vegna þessarar hugmyndar. Í
staðinn hafa skipulagsyfirvöld
boðist til að ganga snyrtilega frá
að framkvæmdum loknum. Þessu
má líkja við að innbrotsþjófur
bjóðist til að moppa yfir gólfið áð-
ur en hann fer út með ránsfeng-
inn.
Áður en þeirri spurningu er
svarað hvernig framtíðin verði á
Kársnesinu er kannski ekki úr
vegi að svara þeirri spurningu
hvernig þar er umhorfs nú en
undirrituð býr í húsi á horni
Kárnsesbrautar og Urðarbrautar.
Þegar ég horfi út um stofuglugg-
ann hjá mér blasir eftirfarandi
við:1) Fimm hektara landfylling
sem fór aldrei í umhverfismat en
þar er ætlunin að reisa bryggju-
hverfi norður. 2) Gríðarleg bíla-
umferð um götuna
þ. á m. frá steypustöð-
inni Borg sem nýlega
sótti um framlenginu
á lóðarsamningi á
Kársnesinu um fjögur
ár. Einnig er gríð-
arleg umferð verk-
taka sem keyra í
gegnum hverfið dag-
inn út og inn með
verðmætan
landfyllingarfarm
sinn. 3) Lítil umferð
gangandi vegfarenda
og þekki ég foreldra í
hverfinu sem keyra börn sín frek-
ar en að vita af þeim í návígi
Kársnesbrautar vegna mikillar
umferðar þar.
Samkvæmt núverandi skipulagi
er reiknað með að bílaumferð á
Kársnesbrautinni aukist um 5.000
bíla á sólarhring og verði 19.000
bílar þegar uppbyggingu lýkur.
Þessi spá er gerð með þeim þeim
formerkjum að 2,2 íbúar verði í
hverri íbúð sem mun rísa á nes-
inu. Þetta þýðir m.ö.o. að fimmta
hvert par má eiga börn! Það segir
sig sjálft að þessir útreikingar eru
út í hött og fjölgun íbúa verulega
vanáætlaður og þar með fjöldi bíla
um Kársnesbraut. Hljóðmæling
sem gerð var á horni Kárs-
nesbrautar og Urðarbrautar fyrir
fjórtán árum sýndi að umferð-
arhávaði þar mældist rétt innan
viðmiðunarmarka. Síðan þá hefur
umferð aukist til muna og þegar
ég sit úti á svölum er hávaðinn frá
umferðinni slíkur að vonlaust er
að tala í síma. Þegar umferð hefur
aukist í kjölfar fyrirhugaðrar upp-
byggingar á Kársnesinu mun ég
líklega ekki heyra þótt síminn
hringi.
Greinarhöfundi þykir mikilvægt
að gerðar verði nýjar hljóðmæl-
ingar á áðurnefndum gatnamótum
og víðar við Kársnesbrautina til að
kanna í raun hve hávaðinn er mik-
ill þar nú. Á Kársnesbraut er
hvorki að finna þrengingar né
hraðahindranir. Til samanburðar
má geta þess að á Digranesveg-
inum eru þær tíu og á Álfhólsveg-
inum eru hraðahindranir nokkuð
reglulega með 60-70 metra milli-
bili. Þó svo að Kársnesbrautin sé
stofnbraut er aðkallandi að reyna
að hægja á umferðinni þar með
einhverjum ráðum og minnka þar
með hávaða frá bílaumferð. Það er
mat flestra sem búa við Kárs-
nesbrautina og nærliggjandi götur
að stokkur á Kársnesbraut sé eina
raunhæfa lausnin til að leysa þann
gríðarlega umferðarvanda sem í
vændum er ef uppbyggingu á
Kársnesinu verður haldið áfram
samkvæmt núverandi skipulagi.
Kársnesbrautina í stokk
Hugrún Sigurjónsdóttir fjallar
um umferð og skipulagsmál
á Kársnesi » Það er mat flestrasem búa við Kárs-
nesbraut og nærliggj-
andi götur að stokkur á
Kársnesbraut sé eina
raunhæfa lausnin til að
taka við aukinni um-
ferð.
Hugrún Sigurjónsdóttir
Höfundur er íbúi við Kársnesbraut og
meðlimur í samtökunum Betri byggð
á Kársnesi.
HAFT var eftir for-
sætisráðherra nýlega
að mikill misskiln-
ingur væri í gangi í
sambandi við eft-
irlaunalögin. Fyrir
flesta þingmenn væru
lögin síst betri en
gömlu lögin. Rétt er
að halda til haga að
enginn þingmaður mun tapa neinu
sem máli skiptir og forréttindi
annarra voru aukin stórlega. Þing-
menn sem stóðu að lagasetning-
unni munu reyndar aldrei bíða
neinn skaða. Þeir geta valið á milli
gamla forréttindakerfisins og þess
nýja frá árinu 2003 þegar þeir
hefja töku eftirlauna. Athugasemd
Geirs er því rétt – svo langt sem
hún nær. Verra er að Geir mis-
skilur – vísvitandi – kröfuna um
afnám eftirlaunaósómans. Það ger-
ir Ingibjörg Sólrún Gísladóttir
einnig. Sama á við um Guðjón Arn-
ar Kristjánsson og
Guðna Ágústsson.
Samkvæmt síðustu
fréttum hefur Stein-
grímur J. Sigfússon
látið af misskiln-
ingnum. Hann er
maður að meiri fyrir
vikið.
Hvað þýðir afnám
eftirlaunaósómans?
Afnám eftirlauna-
ósómans þýðir að Geir
H. Haarde og Ingi-
björg S. Gísladóttir
uni – í grundvallaratriðum – við
sömu lífeyrisréttindi og aðrir op-
inberir starfsmenn. Ekki dugir að
færa eftirlaunalögin til fyrra horfs
og taka upp gamla forrétt-
indakerfið að nýju. Almenningur á
Íslandi vill réttlæti, að stjórn-
arflokkarnir, að fulltrúar á Alþingi,
afnemi misréttið og sætti sig við
jafnrétti.
Með alræmdu lagafrumvarpi ár-
ið 2003 varð almenningi ljóst – það
sem honum var lítt kunnugt um
áður – að þingmenn og ráðherrar
byggju við sérstakt forrétt-
indakerfi í lífeyrismálum. For-
menn flokkanna vildu samt meira,
miklu meira. Nú kannast þeir við
að það hafi verið mistök. Þeir
þurfa líka að láta af vísvitandi mis-
skilningi sínum í sambandi við
kröfuna um afnám eftirlaunaósóm-
ans.
Í greinargerð með eftirlauna-
frumvarpinu frá árinu 2003 voru
aukin forréttindi ráðherra og þing-
manna réttlætt með ýmsum hætti.
Meðal annars væri lögunum ætlað
að koma í veg fyrir að fyrrverandi
alþingismenn sæktu í opinber
embætti og sættu svo ámæli fyrir
að njóta forgangs vegna stjórn-
málastarfa sinna. Þeir ættu líka
erfitt með að finna störf á almenn-
um vinnumarkaði. Einnig þótti
rétt að huga að þeirri „lýðræð-
islegu nauðsyn“ að stjórn-
málamenn sem lengi hefðu setið á
Alþingi gætu vikið til hliðar fyrir
ungu efnisfólki, „án þess að hætta
fjárhagslegri afkomu sinni“. Allt
er þetta með áþekkum blæ og hjá
svínunum í sögu Orwells, Dýrabæ,
þegar þau réttlættu forréttindi sín.
„Við svínin vinnum með heilanum.
Öll skipulagning og rekstur bú-
skaparins hvílir á herðum okkar.
Dag og nótt vökum við yfir velferð
ykkar. Það er ykkar vegna að við
drekkum mjólkina og étum eplin.“
Langdregin hálfvelgja, hik og
ræfildómur flestra þingmanna hef-
ur nú stýrt efirlaunamálinu í hend-
ur formanna stjórnmálaflokkanna.
Formennirnir hafa þar persónu-
legra og fjárhagslegra hagsmuna
að gæta umfram alla aðra. Hags-
muna sem geta numið mörgum
tugum milljóna. Ekki er máls-
meðferðin því í anda lýðræðis eða
nútímahugmynda um stjórnsýslu.
En úr því sem komið er þurfa
þingmenn að taka höndum saman
við formenn flokka sinna og leysa
málið. Ekki eins og svín Orwells
heldur eins og menn. Sóma-
samlega. Frumvarp Valgerðar
Bjarnadóttur um afnám eftirlauna-
ósómans miðar að því á hugvits-
samlegan og einfaldan hátt.
Áunninn misskilningur um
afnám eftirlaunaósómans
Hjörtur Hjartarson
skrifar um eft-
irlaunalög þing-
manna
»Rekstur búskaparins
hvílir á herðum okk-
ar. Dag og nótt vökum
við yfir velferð ykkar.
Það er ykkar vegna að
við drekkum mjólkina
og étum eplin.
Hjörtur Hjartarson
Höfundur er sagnfræðingur.
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
ÞESS eru of
mörg dæmi að
skammsýni, þekk-
ingarskortur og í
versta falli sér-
hagsmunir leiði til
alvarlegra mis-
taka í ákvörð-
unum stjórnvalda
og óbætanlegs
skaða á umhverf-
inu. Vitlausum ákvörðunum er ekki
svo auðveldlega breytt, jafnvel þó vel
rökstuddar ábendingar komi fram.
Þess vegna er mikilvægt að til séu
einstaklingar sem sýni staðfestu og
úthald til að koma í veg fyrir að illa
fari. Slíkur maður er Pétur M. Jón-
asson prófessor, virtur vísindamaður
nú á háum aldri, sem hefur stefnt
Vegagerðinni til að koma í veg fyrir
vegagerð sem mun valda óaft-
urkræfum spjöllum á Þingvallvatni
og umhverfi þess. Í stefnu, sem tekin
verður fyrir héraðsdómi Reykjavíkur
28. ágúst nk., krefst Pétur þess að
mat á umhverfisáhrifum Gjábakka-
vegar milli Laugarvatns og Þingvalla
verði ógilt. Ferkari upplýsingar um
málið má finna á heimasíðu Land-
verndar (sjá: http://landvernd.is/
frettirpage.asp?ID=2244).
Málavextir eru þeir að Vegagerðin
vill leggja nýjan veg, svo kallaðan
Gjábakkaveg, á milli Laugarvatns og
Þingvalla. Pétur og margir aðilar
hafa gert ítrekaðar og vel rökstuddar
athugasemdir við þessi áform og var-
að við neikvæðum áhrifum þeirra.
Telja þeir best að núverandi vegur
verði lagfærður sem ferðamannvegur
í stað þess að brjóta óraskað land
undir veg og skapa aukna hættu fyrir
lífríki vatnsins. Helstu fagstofnanir,
m.a. Umhverfisstofnun, hafa bent á
að vegagerð samkvæmt áformum
Vegagerðarinnar geti haft afar nei-
kvæð áhrif á landslag, náttúru svæð-
isins og lífríkið í vatninu. Þá hefur
Heimsminjanefnd Íslands mælt gegn
framkvæmdinni þar sem nefndin tel-
ur að hún muni auka gegnumstreym-
isumferð um þjóðgarðinn á Þingvöll-
um, og þar með spilla svæði sem er
skráð á heimsminjaskrá Unesco.
Einnig hefur menntamálaráðherra
óskað eftir því að fundin yrði önnur
leið til að bæta samgöngur á svæðinu,
en sýnt hefur verið að aðrir og betri
valkostir eru fyrir hendi.
Þrátt fyrir vel rökstudd andmæli
hefur Vegagerðin nú fengið öll til-
skilin leyfi fyrir nýjan veg og hefur
samið við verktaka um framkvæmd-
ina og hafið eignarnám á landi.
Síðasta vonin til að koma í veg fyrir
þá eyðileggingu sem er í uppsiglingu
er að dómstólar dæmi umhverf-
ismatið ólöglegt vegna alvarlegra lög-
formlegra galla á meðferð málsins.
Stefna Péturs verður tekin fyrir í
Héraðsdómi Reykjavíkur 28. ágúst.
Lögverndarsjóður náttúru og um-
hverfis styður Pétur í málferlunum
(sjá: http://landvernd.is/yflokk-
ar.asp?flokkur=1692). Lögvernd-
arsjóður byggir á frjálsum fram-
lögum og því hefur verið stofnað til
sérstakrar söfnunar í sjóðinn. Þeir
sem vilja leggja baráttu Péturs lið
geta lagt fé í sjóðinn á bankareikning
nr. 1155-15-30252, kt. 630802-2370.
TRYGGVI FELIXSON,
hagfræðingur og áhugamaður
um náttúruvernd
Verndum Þingvalla-
vatn, styðjum Pétur
M. Jónasson
Frá Tryggva Felixssyni
Tryggvi Felixson
Sími 551 3010
HEIMI flóttamanna kynntist ég síð-
astliðinn vetur með því að starfa sem
stuðningskennari kólumbísku
barnanna sem fluttu hingað í október.
Verkefnið var unnið á vegum Þjón-
ustumiðstöðvar Miðborgar og Hlíða
og í samstarfi við skólana sem börnin
fóru til bæði á grunn- og framhalds-
skólastigi. Alþjóðahús tók einnig þátt
í undirbúningi í byrjun verkefnisins.
Margt stóð upp úr en ekki síst hversu
nauðsynlegt reyndist að skilja bak-
grunn barnanna og forsendur hvers
og eins þeirra. Þrátt fyrir að hafa
dvalið og ferðast víða um Suður–
Ameríku var margt sem kom mér á
óvart varðandi skólamenningu nem-
enda minna en umfram allt, hversu
þakklát og viljug þau voru til að tak-
ast á við ný heimkynni. En að venjast
þessu nýja og ólíka umhverfi, eins og
við öll getum ímyndað okkur, reynd-
ist erfitt og þreytandi, fyrst og fremst
vegna tungumálaörðugleika. Starf
mitt var einkum fólgið í því að að-
stoða börnin við að mynda tengsl við
nýja skólaumhverfið sitt. Með því að
heimsækja þau í skólana, kynnast
kennurum þeirra, meta hvar þau
voru stödd námslega og hitta foreldr-
ana tókst að búa til net í kringum þau.
Vissulega eru aðstæður þessara
barna ólíkar þeim aðstæðum sem ein-
kenna raunveruleika íslenskra barna.
Samt sem áður er þetta skilvirk og
áhrifarík nálgun sem mætti tíðkast
víðar í skólakerfinu óháð uppruna,
fjölskylduaðstæðum og námsgetu.
Það er staðreynd að sum börn þurfa
meiri stuðning en önnur. Að mæta
þörfum nemendanna á öllum stigum
er skilyrði fyrir því að námsgetan
aukist, sérstaklega hjá börnum sem
koma frá erfiðum aðstæðum. Öflugra
stuðningskerfi gæti einnig tryggt það
að æ fleiri nemendur vilji „læra sem
mest“ eins og eitt flóttamanna-
barnanna tók til orða nýlega. Fögn-
um nýjum leiðum fyrir alla.
FERNANDO GONZALEZ,
framhaldsskólakennari.
Farkennsla fyrir flótta-
börn – Að læra sem mest
Frá Fernando Gonzalez
MORGUNBLAÐIÐ birtir alla útgáfudaga aðsendar umræðugreinar frá
lesendum. Blaðið áskilur sér rétt til að hafna greinum, stytta texta í samráði
við höfunda og ákveða hvort grein birtist í umræðunni, í bréfum til blaðsins
eða á vefnum mbl.is. Blaðið birtir ekki greinar, sem eru skrifaðar fyrst og
fremst til að kynna starfsemi einstakra stofnana, fyrirtækja eða samtaka eða
til að kynna viðburði, svo sem fundi og ráðstefnur.
Þeir sem þurfa að senda Morgunblaðinu greinar eru vinsamlega beðnir að
nota innsendikerfi blaðsins. Formið er undir liðnum „Senda inn efni“ ofarlega
á forsíðu mbl.is. Einnig er hægt að slá inn slóðina www.mbl.is/sendagrein
Ekki er lengur tekið við greinum sem sendar eru í tölvupósti.
Í fyrsta skipti sem formið er notað þarf notandinn að nýskrá sig inn í kerf-
ið, en næst þegar kerfið er notað er nóg að slá inn netfang og lykilorð og er þá
notandasvæðið virkt.
Móttaka aðsendra greina