Tímarit lögfræðinga - 01.11.1973, Blaðsíða 40
Ávíð
02 dreif
FÉLAG HÁSKÓLAMENNTAÐRA
STARFSMANNA STJÓRNARRÁÐSINS
Hinn 23. ágúst s.ll var stofnað Félag háskólamenntaðra starfsmanna stjórn-
arráðsins. Stofnendur voru 64 talsins og stjórn félagsins skipa eftirtaldir:
Jón Ingimarsson skrifstofustjóri, formaður.
Ólafur Steinar Valdimarsson skrifstofustjóri, varaformaður.
Hannes Hafstein deildarstjóri, gjaldkeri.
Hörður Lárusson fulltrúi, ritari, og
Jón Thors deildarstjóri, meðstjórnandi.
í varastjórn eru:
Hörður Sigurgestsson deildarstjóri,
Þorsteinn Ólafsson deildarstjóri og
Vigfús Gunnarsson endurskoðandi.
Aðaltilefni þessarar félagsstofnunar var hin breytta skipan aðildar að kjara-
samningum opinberra starfsmanna, sem leiðir af lögum 46/1973. Allur þorri
félagsmanna var áður í Starfsmannafélagi stjórnarráðsins, en það félag var og
er aðili að Bandalagi starfsmanna ríkis og bæja. Nokkur hluti félagsmannanna
hefði átt kost á þvf að eiga aðild að kjarasamningum gegnum sín fagfélög,
svo sem lögfræðingar, viðskiptafræðingar og hagfræðingar, en aðrir áttu ekki
í nein slík hús að venda og hefðu því annað tveggja orðið að vera algerlega
án aðildar að kjarasamningum nú, eða þá að vera áfram í Starfsmannafélagi
stjórnarráðsins og þá aðilar að BSRB.
Félagið sótti um aðild að Bandalagi háskólamanna hinn 27. ágúst s.l. og
óskaði jafnframt eftir því, að tilkynnt yrði, að það færi með samninga fyrir
félagsmenn sína, að því er varðar skipan starfsheita og röðun í launaflokka skv.
lögum 46/1973.
Með þeirri stefnu, sem mörkuð hefur verið af ríkisins hálfu um verkaskipt-
ingu í samningsréttarmálum starfsmanna ríkisins og að stóðu bæði for-
ustumenn BHM og BSRB, opnast ýmsir valkostir fyrir háskólamenn innan
stjórnarráðsins um, hvernig þeir skuli öðlast aðild að samningum um kjör
sín. Þessi kostir eru helztir:
1 Að vera áfram í Starfsmannafélagi stjórnarráðsins og fela þannig BSRB
samningsrétt fyrir hönd félagsmanna.
38