Fréttablaðið - 22.08.2011, Blaðsíða 50
22. ágúst 2011 MÁNUDAGUR30
FÉLAGAR MEÐ PREMIUM ICELANDAIR
AMERICAN EXPRESS® FRÁ
KREDITKORTI GREIÐA EKKERT
ÁRGJALD Í ICELANDAIR GOLFERS
+ Skráðu þig í
Icelandair Golfers á
www.icelandairgolfers.is
Icelandair Golfers er klúbbur
sem auðveldar þér að spila
golf út um allan heim.
Golfsettið
ferðast frítt!
Þú nýtur þessara hlunninda:
þegar þú ferðast með Icelandair.
aðilum Icelandair Golfers.
FÓTBOLTI Valskonur héldu sigur-
göngu sinni áfram í bikarkeppn-
inni um helgina með því að vinna
öruggan 2-0 sigur á KR í úrslita-
leik Valitor-bikarsins á Laugar-
dalsvellinum. Valsliðið var þarna
að vinna ellefta bikarleikinn í röð
og fór því með bikarinn heim á
Hlíðarenda þriðja árið í röð.
Fyrir nokkrum árum gekk
Valsliðinu oft illa að landa þessum
titli þrátt fyrir nokkra yfirburði
á Íslandsmótinu en nú er raunin
önnur og bikarinn á eflaust orðið
fastan stað í bikarskápnum á
Hlíðarenda.
Rey nslubolt a r n i r R a kel
Logadóttir og Kristín Ýr
Bjarnadóttir sáu um að skora
mörkin en sú síðarnefnda hefði
auðveldlega getað skorað fernu í
þessum leik.
Kristín Ýr var því orðin
langeygð eftir marki þegar
glæsilegur skalli hennar þandi
netmöskvana í seinni hálfleik,
en það mark gerði nánast út um
leikinn. „Við duttum aðeins niður
í smá stress en við erum með
reynsluna á bak við okkur og það
vann með okkur í dag,“ sagði Rakel
Logadóttir eftir leikinn, en hún var
ein af þeim í Valsliðinu sem voru
að vinna bikarinn í fimmta sinn.
Laufey Ólafsdóttir er líka í þeim
hópi en Laufey átti mjög góðan leik
á miðju Valsliðsins í gær.
Bikardrottningin í Valsliðinu
er hins vegar Hornfirðingurinn
Embla Sigríður Grétarsdóttir,
sem varð bikarmeistari fimmta
árið í röð og alls í sjöunda sinn á
sínum ferli. Með þessum sjöunda
bikarmeistaratitli jafnaði hún
met Valskonunnar Guðrúnar
Sæmundsdóttur, sem vann
bikarinn sjö sinnum með Val á
árunum 1984-1995.
„Þetta er bara æðislegt og það er
ógeðslega gaman að vinna þennan
titil,“ sagði Embla í leikslok.
„Íslandsmeistaratitilinn er far-
inn og það skipti því rosalega
miklu máli að ná þessum titli. Við
erum með það gott lið að það hefði
verið hræðilegt að klúðra báðum
titlunum þetta árið,“ sagði Embla,
en það er líka langt síðan hún tap-
aði í bikarúrslitaleik, meira en
áratugur. Embla þurfti að sætta
sig við silfur 1998 og 2000 en eftir
það hefur hún haldið sig við gullið.
Valskonur nýttu sér reynsluna í
sínu liði eftir að hafa rétt sloppið
inn í hálfleikinn án þess að fá á sig
mark.
„Þær komu dýrvitlausar inn í
leikinn um miðjan fyrri hálfleik
og pressuðu vel á okkur. Það hefði
allt getað gerst þá en sem betur fer
róuðum við okkur svolítið niður í
hálfleik. Við vorum uppspenntar
en við komum öflugar inn í seinni
hálfleikinn og kláruðum þetta
svona glæsilega. Það stafaði
ekki mikil ógn af þeim í seinni
hálfleik,“ sagði Embla.
Embla er hluti af hinni sterku
vörn Valsliðsins sem fékk ekki
á sig mark í bikarkeppninni í ár.
Liðið vann þrjá 1-0 sigra á leið
sinni í úrslitaleikinn og hefur nú
haldið marki sínu hreinu í 678
mínútur í bikarkeppninni. Embla
hefur verið á sínum stað í Vals-
vörninni allan þennan tíma.
Það bjuggust ekki margir við
miklu af KR-liðinu, ekki síst eftir
að liðið lenti undir á þriðju mínútu.
„Við áttum góðan kafla í lokin
á fyrri hálfleik en svo datt þetta
allt niður hjá okkur í seinni
hálfleiknum. Við vorum orðnar
þreyttar og það var eins og orkan
væri alveg búin hjá okkur. Við
áttum færi í fyrri hálfleiknum og
vorum þá að spila boltanum vel
á milli okkar. Svo ætluðum við
að halda því áfram en það gekk
ekki,“ sagði KR-ingurinn Katrín
Ásbjörnsdóttir.
„Valsstelpurnar eru rosalega
sterkar og þær halda þetta alveg út
í 90 mínútur. Mér finnst þær vera
besta liðið á Íslandi núna,“ sagði
Katrín. ooj@frettabladid.is
BIKARDROTTNINGIN Í VALSLIÐINU
Valskonur urðu bikarmeistarar þriðja árið í röð eftir 2-0 sigur á KR í úrslitaleik á laugardaginn. Embla
Sigríður Grétarsdóttir hefur þar með orðið bikarmeistari fimm ár í röð og hún jafnaði líka met Guðrúnar
Sæmundsdóttur með því að vinna bikarinn í sjöunda skiptið á ferlinum.
BESTU VINKONUR Laufey Ólafsdóttir
og Rakel Logadóttir fagna hér saman í
leikslok, en þær hafa unnið marga titla
saman. FRÉTTABLAÐIÐ/ARNÞÓR
BIKARMEISTARI Í SJÖUNDA SINN Hallbera Guðný Gísladóttir fagnar sjöföldum bikarmeistara, Emblu Sigríði Grétarsdóttur, með
því að sturta yfir hana úr vatnsbrúsa eins og venjan er á slíkum sigurstundum. FRÉTTABLAÐIÐ/ARNÞÓR
FÓTBOLTI Kolbeinn Sigþórsson
tryggði Ajax 2-2 jafntefli á
útivelli á móti VVV-Venlo í
hollensku úrvalsdeildinni í gær.
Ajax hafði unnið tvo fyrstu leiki
sína á tímabilinu en lenti 0-2
undir í fyrri hálfleik.
Theo Janssen minnkaði muninn
fyrir Ajax á 68. mínútu og mínútu
síðar skoraði Kolbeinn þegar
hann afgreiddi boltann í markið
af harðfylgni. Kolbeinn hefur því
skorað tvö mörk í fyrstu þremur
umferðunum og komið að marki í
öllum þremur leikjunum. - óój
Kolbeinn Sigþórsson hjá Ajax:
Bjargaði stigi
KOLBEINN SIGÞÓRSSON Fagnar hér
marki fyrir Ajax. NORDICPHOTOS/GETTY
FÓTBOLTI Hildur Antonsdóttir
var í minnihluta í Valsliðinu á
laugardaginn enda ein af fáum
sem voru að fagna sínum fyrsta
bikarmeistaratitli.
Hildur, sem verður ekki sextán
ára fyrr en í næsta mánuði, hefur
þó óbeint orðið bikarmeistari
áður. Móðir hennar, Ragheiður
Víkingsdóttir, stýrði Valsliðinu
nefnilega til sigurs í bikarnum
haustið 1995 þegar hún var komin
átta mánuði á leið með Hildi.
Ragnheiður varð alls átta
sinnum bikarmeistari, sex
sinnum sem leikmaður og tvisvar
sem þjálfari (1995 og 2001). - óój
Hildur Antonsdóttir hjá Val:
Fyrst meistari í
móðurkviði
HILDUR ANTONSDÓTTIR Sést hér lengst
til vinstri. FRÉTTABLAÐIÐ/ARNÞÓR