Organistablaðið - 01.11.1981, Blaðsíða 13

Ólafsdagar í Þrándheimi
1982. Norræn kórvika
frá 26. júlí - 1. ágúst.
Norræn kórvika fyrir söngvara, sem
vanir eru að syngja ikór, verður íDóm-
kirkjunni í Niðarósi, undir stjórn dóm-
organistans Per Fridtjov Bonsaksen.
Fyrirhugað er að syngja Requiem eftir
W.A. Mozart og að taka þátt í
Úlafsvöku og "Olsokmessen".
Nánari upplýsingar gefur ritari
kórvikunnar:
Beatrix Nilssen, Dybdahlsvej 23 A,
N - 7000 Trondheim.
sími: (075) 68 505.
Þar fást einnig umsóknareyðublöð.
Heimsókn André Isoir
André Isoir, organisti við kirkju St,
Germain de Pres í París heimsótti Island í
apríl síðastliðnum. Hann hélt þrenna
tónleika, eitt námskeið og fyrirlestur.
Fyrirlesturinn fjallaði um gamla franska
orgeltónlist, en á því sviði er Isoirsérfróður.
Hann útskýrði hvernig gamla franska
orgeltónlistin óx úr dansinum á 1 6. öld og
hvernig improvisation hefur haft áhrif á
hana, svo að á tímabili var lítið skrifað
niöur og improvisationin stóð í miklum
blóma.
Tónleikarnir voru haldnir í Fíladelfiu-
kirkju, Skálholtskirkju og Landkotskirkju
og efnisskráin var miðuð við sérkenni, getu
og stærð orgelsins á hverjum stað, þannig
að triosónata Bachs í C-dúr hljómaði
frábærlega vel í Skálholtskirkju og hin
volduga F-dúr tokkata hans hafði sína réttu
umgjörð í Landakotskirkju. i Fíladelfíukirkju
spilaði hann aukalega improvisation um
sálminn „Lofið vorn Drottin" og var það
mjög skemmtilegt fyrir áheyrendur og
lærdómsríkt fyrir organista. Orgelstíll Isoirs
tilheyrir augljóslega franska skólanum, en
þrátt fyrir það hefur hann sterkan
persónulegan stíl, sem gerir hann að
einum besta organista okkar tíma. það yrði
of langt mál, ef telja ætti upp frá mörgum
sjónarhornum allar hliðar getu hans, sem
er jafn ríkuleg og persónuleiki hans er
lifandi, en þess hljóta allir er þátt tóku í
námskeiðinu að hafa notið.
Námskeiðið var tileinkað César Franck og
kenndi André Isoir organistum túlkun
verka hans. Athyglisvert er að minnast
athugasemda Isoir um spilatækni César
Francks sem byggist á píanótækni vegna
þess að á hans tíma voru organistar
aðallega píanóleikarar en sem kunnugt er
hefur cembaloleikari aðra handbeitingu en
píanóleikari, sem leiðir af sér að til þess að
geta túlkað barokktónlist þarf aðra
handbeitingu en til að túlka rómantíska
orgeltónlist.
Af öðru en orðum Isoir var hægt að læra,
því það að fylgjast með honum er hann
spilaði, var kennsla út af fyrir sig, svo og
trillurnar hans.
Eftir námskeiðið var asi á honum því
hann ætlaði að ganga á Heklu, og sýnir það
vel hversu mannlegur hann er þrátt fyrir að
hann er mikill listamaður. Með þakklæti
segjum við: „Merci André”.
Orthulf Prunner.
Áttunda alþjóölega
organistakeppnin
„GRAND PRIX
DE CHARTRES"
verður í París dagana 23. ágúst til
19. september 1982.
Innritun lýkur 30. apríl 1982.
Þátttaka er heimil öllum organ-
istum sem fæddir eru eftir 1.
janúar 1 947.
ORGANISTABLAÐIÐ 13