Organistablaðið - 01.07.1993, Blaðsíða 23

STARFIÐ FRAMUNDAN:
Barnakórar við kirkjur
Námskeið fyrir stjórnendur barnakóra
Nú eru nær 25 bamakórar starfandi við kirkjur landsins. Söngstjórar þessara kóra hafa
myndað með sér óformleg samtök til þess að styðja megi sem best við þennan
vaxtarbrodd söngstarfs kirkjunnar. Kirkjuráð hefur veitt styrk til að greiða laun
starfsmanns sem vinnur að útgáfu söngefnis fyrir barnakórana, og er söngstjórum og
kórum til aðstoðar.
Margrét Bóasdóttir, söngkona í Skálholti hefur verið ráðin til þessa starfs, tímabundið
í hálfa stöðu, og er starfið undir umsjón embættis söngmálastjóra.
Dagana 16. - 20. ágúst nk. verður haldið námskeið í Skálholti fyrir stjórnendur
barnakóra. Leiðbeinandi verður Sue Ellen Page frá Bandaríkjunum, en hún hefur m.a. verið
kennari á sumamámskeiðum í Princeton fyrir barnakóra og kórstjóra síðan 1980.
Allir kórstjórar em velkomnir meðan rými leyfir.
Allar upplýsingar veitir Margrét Bóasdóttir, Skálholti, sími 98-68971, fax 98-68994.
*
Hljómdiskur væntanlegur í Arnesprófastsdæmi
í vinnslu er hljómdiskur með sálmum, ættjarðarlögum og öðrum verkum eftir Pálmar Þ.
Eyjólfsson, organista og tónskáld á Stokkseyri. í gegnum árin hefur Pálmar látið mörg
lög fara frá sér en fæst þeirra hafa heyrst utan prófastsdæmisins. Á disknum verða um
þrjátíu lög, sum fyrir einsöngvara en önnur kórlög. Flytjendur eru flestir kirkjukórar
Árnesprófastsdæmis, nokkrir aðrir kórar í Árnessýslu og einsöngvarar, auk þess sem
Jónas Ingintundarson leikur eitt lag á píanó og Haukur Guðlaugsson annað á orgel.
Fyrsti hljómdiskurinn með nýja
Klais-orgelinu í Hallgrímskirkju
í niars og maí var fyrsti hljómdiskurinn hljóðritaður þar sem leikið er á nýja Klais-
orgelið í Hallgrímskirkju. Orgelsjóður kirkjunnar stendur að útgáfunni í samvinnu við
Tæknirekstrardeild Ríkisútvarpsins. Allur ágóði af sölu disksins rennur í orgelsjóðinn.
Það er Hörður Áskelsson sem leikur á orgelið. Á disknum eru eftirfarandi verk: Batalha de
sexto.Tom eftir Pedro de Araujo; sálmforleikurinn Schmiicke Dicli, o liebe Seele og
Fantasía og fúga í g-moll eftir Johann Sebastian Bach; Sálmforleikur um sálm sem aldrei
var sunginn og Toccata eftir Jón Nordal; Cantabile og Kórall III i a-moll eftir César
Franck og Snertur fyrir Hörð og nýja orgelið eftir Þorkel Sigurbjörnsson. Tónmeistari
við upptökuna var Bjami Rúnar Bjarnason.
23 ORGANISTABLAÐIÐ