Morgunblaðið - 13.11.2010, Blaðsíða 1
LAUGARDAGUR 13. NÓVEMBER 2010
íþróttir
Körfubolti Stórleikur hjá Pavel Ermolinskij þegar KR vann Njarðvík í Vesturbænum
á sama tíma og Tindastóll lagði Stjörnuna óvænt í Ásgarði með sigurkörfu Friðriks 4
Íþróttir
mbl.is
Víðir Sigurðsson
vs@mbl.is
Ítalska stórliðið Juventus hefur
komist að samkomulagi við Fram
um að fá hinn 17 ára gamla miðvörð
Hörð Björgvin Magnússon lánaðan
frá janúar og fram í júní á næsta ári.
Þorvaldur Örlygsson, þjálfari Fram,
hefur dvalið með Herði í höfuð-
stöðvum félagsins í Tórínó undan-
farna daga og staðfesti þetta við
Morgunblaðið í gær.
„Það er reyndar eftir að ganga frá
einhverjum atriðum á milli félag-
anna en að grunni til er komið sam-
komulag um að hann fari til félags-
ins í janúar. Ítalirnir vildu semja við
hann strax en niðurstaðan varð sú að
hann yrði þarna í hálft ár til að byrja
með, til að sjá hvernig honum líkaði
og félli inn í umhverfið, og þá hefur
Juventus möguleika á að ganga frá
kaupum á honum 1. júlí,“ sagði Þor-
valdur, nýkominn af æfingu hjá
Herði með akademíu félagsins.
„Juventus er komið með geysi-
öflugt unglingastarf og ætlar greini-
lega að byggja mun meira á eigin
ungu leikmönnum en áður. Hörður
sýndi á æfingunum hérna að hann er
í góðri stöðu gagnvart jafnöldrum
sínum hjá Juventus og virðist eiga
fullt erindi í þetta,“ sagði Þorvaldur.
Hörður hefur leikið 6 leiki með
Fram í úrvalsdeildinni undanfarin
tvö ár og hann spilaði alla leiki árs-
ins með U19 ára landsliðinu. Bæði
með yngra liðinu, þar sem hann var
fyrirliði, og svo með eldri hópnum
sem lék í undankeppni Evrópumóts-
ins í haust.
Hörður lánaður til Juventus
Sautján ára Framari á leið til ítalska stórveldisins
Vildu fá hann strax Lánaður frá janúar og fram að 1. júlí
Ívar Benediktsson
iben@mbl.is
„Það eru vissulega vonbrigði að allir strákarnir
skyldu falla út í annarri umferð og því eigum er
enginn Íslendingur í átta manna úrslitum. Ekki
síst þar sem staða okkar gagnvart þeim útlend-
ingum sem taka þátt nú er jafnari en stundum
áður,“ sagði Árni Þór Hallgrímsson, landsliðs-
þjálfari í badminton, í gær þegar ljóst var að
enginn sjö íslenskra keppenda komst inn í átta
manna úrslit á Iceland International-mótinu í
badminton sem stendur yfir í TBR-húsunum við
Gnoðarvog.
Nokkrar vonir voru bundnar við að Helgi Jó-
hannesson og Magnús Ingi Helgason kæmust
upp úr annarri umferðinni. Þegar á hólminn var
komið tapaði Helgi fyrir Svíanum Tobias Kruse-
born í tveimur settum, 21:19 og 21:13. Eftir afar
jafna fyrstu lotu sem Svíinn vann naumlega
byrjaði Helgi betur í annarri lotu en missti
fljótlega frumkvæðið og Kruseborn réð lögum
og lofum og vann nokkuð þægilegan sigur.
Magnús Ingi náði sér aldrei á strik gegn
Mikkel Mikkelsen frá Danmörku og tapaði í
tveimur lotum, þar af 21:3 í þeirri síðar.
Tveir Íslendinganna léku oddalotu gegn and-
stæðingum sínum. Atli Jóhannesson tapaði fyrir
Kim Bruun, Danmörku, 15:21 , 21:19 og 10:21
og Kári Gunnarsson beið lægri hlut í oddalotu
fyrir Niklas Hoff, 21:19, 19:21 og 21:14, í hörku-
skemmtilegum leik.
Ragna Ingólfsdóttir, Tinna Helgadóttir og
Katrín Atladóttir komust örugglega í þriðju um-
ferð í einliðaleik kvenna.
Í tvíliðaleik karla féllu íslensku keppendurnir
þeir Arthúr Geir Jósefsson og Einar Óskarson
úr leik fyrir dönskum andstæðingum. Þá féllu
Kristinn Ingi Guðjónsson og Ólafur Örn Guð-
mundsson einnig úr leik fyrir dönskum and-
stæðingum. Í dag leika þeir Helgi Jóhannesson
og Magnús Ingi Helgason ásamt Atla Jóhann-
essyni og Kára Gunnarsyni við danska andstæð-
inga.
Magnús Ingi Helgason og Tinna Helgadóttir
ásamt Kára Gunnarsyni og Katrínu Atladóttir
féllu úr leik í tvenndakeppninni fyrir dönskum
andstæðingum.
Morgunblaðið/Eggert
Úr leik Helgi Jóhannesson er úr leik í einliðaleik á alþjóðamótinu í badminton. Hann tapaði fyrir sænskum spilara í annarri umferð síðdegis í gær.
Enginn áfram í einliðaleik
Vonbrigði, segir landsliðsþjálfarinn Ragna, Tinna og Katrín allar áfram í
þriðju umferð í einliðaleik Framundan hörkuleikir í tvíliðaleik karla
Ragnheiður
Ragnarsdóttir,
sundkona úr KR,
gerði sér lítið
fyrir og bætti
eigið Íslandsmet
í 100 metra
skriðsundi í gær
þegar hún kom í
mark á Íslands-
meistaramótinu í
Laugardalnum á
54,65 sekúndum. Árangurinn er
enn eftirtektarverðari en ella í ljósi
þess að skammt er síðan reglur
voru hertar varðandi sundfatnað.
Fyrra met Ragnheiðar var 11/100
úr sekúndu frá því nýja.
sindris@mbl.is »3
Bætti metið
sitt í nýjum
fötum
Ragnheiður
Ragnarsdóttir
Gróttumenn
komust á topp 1.
deildar karla í
handknattleik í
gærkvöldi þegar
þeir lögðu
Stjörnuna, 33:30,
í íþróttahúsinu á
Seltjarnarnesi.
Það var ekki fyrr
en í síðari hálf-
leik sem Gróttu-
menn náðu sér á strik. Þeir voru
þremur mörkum undir að loknum
fyrri hálfleik, 16:13, en sneru þá við
blaðinu og tryggðu sér kærkominn
sigur.
Sigurður Eggertsson fór mikinn í
liði Gróttu og skoraði 11 mörk og
Þórir Jökull Finnbogason skoraði
sjö. Tandri Konráðsson var at-
kvæðamestur hjá Stjörnunni með
12 mörk. iben@mbl.is
Grótta sneri
við blaðinu í
síðari hálfleik
Sigurður
Eggertsson
Enski knattspyrnumaðurinn Ian
Jeffs gekk í gær til liðs við Eyja-
menn á nýjan leik og samdi við þá
til eins árs.
Jeffs, sem er 28 ára miðjumaður,
lék með Eyjamönnum í þrjú ár áður
en hann gekk til liðs við Örebro í
Svíþjóð. Hann kom síðan aftur til
Eyja í hálft ár en hefur síðan spilað
með Fylki og Val.
Jeffs lék 20 leiki með Vals-
mönnum í úrvalsdeildinni í sumar
og skoraði þrjú mörk. Hann hefur
samtals leikið 106 leiki í efstu deild
hér á landi og skorað í þeim 14
mörk.
Eyjamenn hafa þar með fengið
tvo nýja leikmenn í sinn hóp fyrir
komandi keppnistímabil. Þeir
sömdu á dögunum við Selfyssinginn
Guðmund Þórarinsson. vs@mbl.is
Jeffs til Eyja
á nýjan leik
Morgunblaðið/Árni Torfason
Aftur „heim“ Ian Jeffs klæðist bún-
ingi ÍBV á nýjan leik næsta sumar.