Morgunblaðið - 23.06.2011, Blaðsíða 33
MENNING 33
MORGUNBLAÐIÐ FIMMTUDAGUR 23. JÚNÍ 2011
Höggmyndir eftir Steinunni Þór-
arinsdóttur skreyta nú Dag Hamm-
arskjöld-torgið í New York, en höf-
uðstöðvar Sameinuðu þjóðanna eru
við enda torgsins. Steinunn kallar
sýninguna Borders, en á henni eru
26 líkneski, þrettán úr járni og
þrettán úr áli. Hún hannaði sýning-
una eftir lögun torgsins, sem er
ílangt, en sýningin heitir Borders á
ensku, eða landamæri.
Umferð um torgið er jafnan tals-
verð og hefur aukist umtalsvert eftir
að myndirnar voru settar upp, sam-
kvæmt upplýsingum frá almenn-
ings- og skemmtigarðadeild borgar-
innar og gestir hafa líka átt
samskipti við listaverkin eins og sjá
má á myndunum. Í kynningu frá al-
mennings- og skemmtigarðadeild-
inni segir að verk Steinunnar falli
einkar vel að torginu í ljósi pólitísks
hlutverks þess sem einskonar inn-
gangur að Sameinuðu þjóðunum, en
höggmyndirnar, sem standa ýmist
eða sitja á torginu, spegli hver aðra í
gegnum garðinn, myndi einskonar
ósýnileg landamæri og fyrir vikið
bregði áhorefndur sér í hlutverk
sendiherra þar sem þeir fara á milli
líkneskjanna sem séu táknmyndir
fyrir fjölbreytni menningar og
mannlífs.
arnim@mbl.is
Fram og aftur yfir landamærin
Landamæri Eins og sjá má á myndinni speglast höggmyndir Steinunnar eftir Dag Hammarskjöld-torginu.
Sendiherrar Gestir og gangandi hafa átt ým-
is samskipti við verkin, notað þau sem stat-
ista á myndum, sem eyrarún eða sem svæfil.
Díana Rós A. Rivera
diana@mbl.is
Ásdís Óladóttir hefur gefið út sjöttu ljóðabók
sína, Mávur ekki maður.
Ásdís segist ekki beint geta sagt hvert um-
fjöllunarefni bókarinnar er. Hins vegar hafi
hún ort um einhvers konar hamingju, sjálf-
hverfu og geðveiki. „Mér finnst sjálhverfan
vera mikil í okkar þjóðfélagi og sérstaklega
mikil í kringum góðærið. Ég fjalla svolítið um
það og geðveikina sem leiðir af þessari sjálf-
hverfu. Spurð að því hvort bókin sé í raun um
manneskjuna tekur hún undir það. „Já, bara
eins og aðrar bækur, þær eru allar um fólk.
Þetta snýst allt um fólk í sínum ýmsu mynd-
um,“ segir hún.
Ásdís segist alltaf vera að semja. „Ekki alla
daga en flesta daga. Ég er allavega með þetta í
huganum og þetta fer alltaf á blað á endanum.
Þannig er það bara,“ segir Ásdís að lokum. Ljóðskáld Ásdís Óladóttir er iðin við skrifin.
„Þetta fer alltaf á
blað á endanum“
Morgunblaðið/Ernir
Magnús Pálsson myndlistarmaður
var útnefndur borgarlistamaður
Reykjavíkur 2011 í Höfða í gær af
borgarstjóranum í Reykjavík, Jóni
Gnarr. Magnúsi var veittur ágraf-
inn steinn, heiðursskjal og viður-
kenningarfé og félagar úr Caput,
Tónlistarhópi Reykjavíkurborgar
2011, fluttu tónlistaratriði.
Einar Örn Benediktsson, formað-
ur menningar- og ferðamálaráðs
Reykjavíkur, gerði grein fyrir vali
ráðsins á listamanninum og þar
kom fram að Magnús væri heiðr-
aður fyrir fjölþætt framlag til þró-
unar listalífs í Reykjavík, einkum á
sviði myndlistar, en þar hafi hann
reynst virtur frumkvöðull og síung-
ur eldhugi í sextíu ár.
Útnefning borgarlistamanns er
heiðursviðurkenning til handa
reykvískum listamanni sem með
listsköpun sinni hefur skarað fram
úr og markað sérstök spor í ís-
lensku listalífi. Þeir einir listamenn
koma til greina við útnefningu
borgarlistamanns sem búsettir eru
í Reykjavík. Viðurkenningin hefur
verið veitt frá 1995 og kom þá í stað
eins árs starfslauna.
Ljósmynd/Signý Pálsdóttir
Viðurkenning Jón Gnarr, borgarstjóri í Reykjavík, útnefnir Magnús Páls-
son borgarlistamann Reykjavíkur 2011 í Höfða.
Magnús Pálsson borgar-
listamaður Reykjavíkur
Græni Hatturinn Akureyri
sími 461 4646 / 864-5758
Forsala á alla viðburðina hafin í Eymundsson
Föstudagurinn 24. júní
Hundur í Óskilum
Tónleikar kl. 21.00
Miðaverð kr. 1500.-
Laugardagurinn 25. júní
Magnús og Jóhann
Tónleikar kl.22.00
Miðaverð kr. 2500.-
Leikhúsin í landinu
www.mbl.is/leikhus
Uppselt Örfá sæti laus FarandsýningU Ö F
Tjarnarbíó
5272100 | tjarnarbio@leikhopar.is
Ferðasaga Guðríðar / The saga of Gudridur
Fös 24/6 á íslensku kl. 20:00
Lau 25/6 á íslensku kl. 16:00
Sun 26/6 kl. 20:00
sýnd á ensku / in english
Sýnd á ensku 26.júní / In english 26.june
Hetja / Hero
Fös 24/6 á íslensku kl. 18:00
Lau 25/6 á íslensku kl. 20:00
Sun 26/6 kl. 16:00
sýnd á ensku / in english
Sýnd á ensku 19. og 26.júní / In english 19. and 26.june
Sirkus Íslands:Ö faktor
Fös 1/7 kl. 19:30
Lau 2/7 kl. 14:00
Lau 2/7 kl. 18:00
Sun 3/7 kl. 14:00
Sun 3/7 kl. 18:00
568 8000 – borgarleikhus.is – midasala@borgarleikhus.is
Húsmóðirin (Nýja sviðið)
Fim 23/6 kl. 20:00 aukasýn
Sýningum lýkur í júní. Ósóttar pantanir seldar daglega
Húsmóðirin -HHHH E.B. Fbl