Morgunblaðið - 29.03.2012, Blaðsíða 3

Í KEFLAVÍK
Skúli B. Sigurðsson
sport@mbl.is
Haukastúlkur komu sem „undir-
hundar“ inn í rimmuna gegn deild-
armeisturum Keflavíkur en gengu
úr rimmunni sem valkyrjur með
sópinn fræga á lofti. Með öruggum
sigri í Keflavík í gærkvöldi, 75:52,
tryggðu Haukakonur sig í úr-
slitarimmuna um Íslandsmeistaratit-
ilinn í körfuknattleik og bíða nú eftir
að viðureign Njarðvíkur og Snæfells
klárist.
Sláturhúsið í Keflavík stóð undir
nafni í gærkvöldi en að þessu sinni
voru það gestirnir sem komu sáu og
gjörsigruðu. Haukar komu líkast til
flestum nema sjálfum sér á óvart í
þessu einvígi gegn Keflavík.
En það sem kom undirrituðum
mest á óvart var frammistaða Kefla-
víkur. Þær áttu engin svör gegn
dýrari týpunni af vörn þeirra
Hauka. Haukar höfðu orðið fyrir
blóðtöku fyrir leik þegar þær misstu
tvo byrjunarliðsmenn í meiðsli og
undirritaður vildi á köflum í leiknum
biðja þjálfara Hauka um að taka
tvær í viðbót út af úr byrjunarliðinu
einfaldlega til að jafna liðin út. En
Haukastúlkur bættu hins vegar við
sig liðsmanni fyrir leik í formi frá-
bærs stuðnings úr stúkunni allan
leikinn.
Á meðan var algert andleysi hjá
Keflavík og þær erlendu í röðum
Keflavík virtust áhugalausar fyrir
verkefninu. Pálína Gunnlaugsdóttir
var með sína þekktu baráttu fram á
síðustu sekúndu sem hún spilaði og
það var allt og sumt sem kom gott
frá Keflavík þetta kvöldið.
Enn stórleikur hjá Rhoads
Haukaliðið sýnir þetta kvöldið að
allt er hægt. Gegn öllum veðbönkum
og spám gera þær sér lítið fyrir og
sópa fyrrverandi meisturum Kefla-
vík í fríið og það með stæl. Jence
Ann Rhoads var í sérflokki í þessari
seríu og sýndi enn einn stórleikinn í
gær en hún endaði leik með 31 stig
og 11 fráköst.
En það var varnarleikur Hauka
sem var stóra gjáin á milli liðanna
þetta kvöldið. Haukar þéttu teiginn
vel og færsla leikmanna í hjálp-
arvörninni klikkaði nánast aldrei.
Sóknarlotur Keflavíkur voru þving-
aðar allt kvöldið og fengu þær aldrei
frið þegar kom að skoti á körfuna.
Með sigrinum í þessari seríu
senda Haukastúlkur vissan tón til
þeirra liða sem nú eru eftir í keppn-
inni, þær eru komnar svona langt og
ætla ekki að hætta fyrr en sá stóri
er kominn í hús. Og miðað við þann
leik sem Njarðvík og Snæfell spiluðu
í gær verður virkilega fróðlegt að
fylgjast með þegar annað þeirra stór
skemmtilegra sóknarliða mæta þess-
ari vatnsþéttu vörn sem Hauka-
stúlkur spila þessa dagana.
„Þessi sigur var fyrir Írisi okkar,“
sagði maður leiksins, Jence Ann
Rhoads, við Morgunblaðið eftir leik.
„Við áttum engin svör við frábær-
um leik þeirra og ég vil meina að við
höfum verið að spila við verðandi Ís-
landsmeistara,“ sagði Birna Val-
garðsdóttir eftir leik en vildi ekki tjá
sig um hvort þetta hefði verið henn-
ar síðasti leikur í úrvalsdeildinni.
Gjörsigraðar
í sínu eigin
sláturhúsi
Ljósmynd/Skúli B. Sigurðsson
Mögnuð Jence Ann Rhoads lék frábærlega með Haukum í gærkvöld, skoraði
31 stig, og brunar hér framhjá Eboni Mangum, leikmanni Keflvíkinga.
 Haukar fóru illa með Íslandsmeistara
Keflavíkur  Stórsigur í þriðja leiknum
í Keflavík og 3:0 í einvíginu
ÍÞRÓTTIR 3
MORGUNBLAÐIÐ FIMMTUDAGUR 29. MARS 2012
Ingeborg Eide Garðarsdóttir úrFH náði þriðja sæti í kúluvarpi í
flokki F37 á alþjóðlegu frjáls-
íþróttamóti fatlaðra í Túnis. Inge-
borg kastaði kúlunni 6,96 metra og
setti persónulegt met og um leið Ís-
landsmet í sínum flokki. Árangurinn
tryggir henni farseðilinn Evr-
ópumótinu í Hollandi síðar í sumar.
Helgi Sveinsson og Matthildur Ylfa
Þorsteinsdóttir náðu bæði lágmörk-
um í 100 m hlaupi fyrir Ólympíumót
fatlaðra í London á mótinu en þurfa
síðan að keppa við aðra sem náð hafa
lágmörkunum um farseðlana til
London. Þau eru bæði með keppn-
isrétt á EM, sem og Baldur Ævar
Baldursson sem náði því í bæði lang-
stökki og kúluvarpi.
  
Reykjavík-urborg og
Íþróttabandalag
Reykjavíkur af-
hentu í gær
styrki til þeirra
reykvísku
íþróttamanna
sem tryggt hafa
sér þátttökurétt á
Ólympíuleikunum í London í sumar.
Það eru þau Ásdís Hjálmsdóttir,
spjótkastari úr Ármanni, og Jón
Margeir Sverrisson, sundmaður úr
Ösp. Ásdís og Jón Margeir fengu
hvort um sig 400.000 krónur frá
Reykjavíkurborg og Íþrótta-
bandalaginu sem viðurkenningu fyr-
ir árangurinn.
  
Kjartan Henry Finnbogason,sóknarmaður úr KR, er ekki á
leiðinni til sænska knattspyrnu-
félagsins Hammarby, að sögn yf-
irmanns íþróttamála hjá Stokk-
hólmsliðinu. Gustaf Grauers sagði
við Expressen í gær að of miklu
munaði á því sem félagið væri tilbúið
til að greiða fyrir Kjartan og félag
hans vildi fá fyrir hann.
  
Keflvíkingareru í við-
ræðum við slóv-
enska knatt-
spyrnumanninn
Nejc Kolman en
Zoran Daníel
Ljubicic, þjálfari
liðsins, staðfesti
það við Fót-
bolta.net í gær. Kolman er 23 ára
miðjumaður og lék áður með Pri-
morje í heimalandi sínu en nú síðast
með spænska C-deildarliðinu Fer-
rol. en Keflvíkingar hafa þegar sam-
ið við landa hans, Gregor Mohar.
Fólk folk@mbl.is
KÖRFUKNATTLEIKUR
8-liða úrslit karla, fyrri leikir:
Grindavík: Grindavík – Njarðvík ........ 19.15
DHL-höllin: KR – Tindastóll............... 19.15
SKÍÐI
Skíðamót Íslands hefst á Akureyri í dag kl.
17.30 með sprettgöngu karla og kvenna.
Mótið er síðan sett í Brekkuskóla kl. 20.
KNATTSPYRNA
Deildabikar kvenna, Lengjubikarinn:
ÍR-völlur: FH – Grindavík................... 21.30
Í KVÖLD!
Meistaradeild Evrópu
8 liða úrslit, fyrri leikir:
AC Milan – Barcelona ............................. 0:0
Marseille – Bayern München ................. 0:2
Mario Gomez 44., Arjen Robben 70.
England
C-DEILD:
Sheffield United – Chesterfield .............. 4:1
Staða efstu liða:
Charlton 39 24 10 5 70:31 82
Sheffield Utd 39 23 7 9 77:42 76
Sheffield W. 39 22 8 9 67:45 74
Huddersfield 38 18 17 3 71:38 71
MK Dons 39 18 13 8 73:42 67
Carlisle 38 16 13 9 56:57 61
Skotland
Inverness – St. Johnstone ....................... 0:1
KNATTSPYRNA
ÍBV tryggði sér í gærkvöld þriðja sæti í úrvalsdeild
kvenna í handknattleik, N1-deildinni, með því að sigra
Stjörnuna örugglega, 30:24, í næstsíðustu umferðinni í
Vestmannaeyjum.
Staðan í hálfleik var 14:9 fyrir Eyjakonur sem þar
með mæta liðinu í sjötta sæti í fyrstu umferð úr-
slitakeppninnar en það verður Grótta eða KA/Þór. All-
ar líkur eru á að Grótta verði andstæðingur ÍBV.
Ester Óskarsdóttir var í stóru hlutverki hjá ÍBV í
gærkvöld og skoraði 12 mörk en Ivana Mladenovic
skoraði 6. Hjá Stjörnunni voru Rut Steinsen, Jóna
Margrét Ragnarsdóttir og Hanna Guðrún Stef-
ánsdóttir með 5 mörk hver.
HK vann Hauka, 34:31, og náði Stjörnunni að stigum
í 4.-5. sæti deildarinnar. Nú er ljóst að HK og Stjarnan
mætast í 1. umferðinni. Elín Anna Baldursdóttir skor-
aði 11 mörk fyrir HK og Heiðrún Björk Helgadóttir 7
en Marija Gedroit gerði 12 mörk fyrir Hauka.
Grótta og KA/Þór gerðu jafntefli, 23:23, og þar með
stendur Grótta betur að vígi í einvígi liðanna um 6.
sætið fyrir lokaumferðina, er með 10 stig gegn 9 stig-
um Akureyringa, og auk þess betri útkomu í innbyrðis
leikjum. Sunna María Einarsdóttir skoraði 9 mörk fyr-
ir Gróttu en Katrín Vilhjálmsdóttir 7 mörk fyrir KA/
Þór.
KA/Þór verður því að sigra Íslandsmeistara Vals í
lokaumferðinni til að geta komist upp fyrir Gróttu og í
úrslitakeppnina. Grótta mætir Stjörnunni í síðustu
umferð og myndi gulltryggja sig með jafntefli.
vs@mbl.is
Eyjakonur tryggðu sér þriðja sætið
Tólf Ester Óskarsdóttir átti stórleik með ÍBV
gegn Stjörnunni í Eyjum í gærkvöld.
Toyota-höllin í Reykjanesbæ, undan-
úrslit kvenna í körfuknattleik, þriðji
leikur.
Gangur leiksins: 4:6, 6:13, 10:15,
17:18, 17:26, 17:34, 19:39, 23:45,
29:47, 33:49, 35:61, 37:67, 43:73,
47:75, 52:75.
Keflavík: Pálína Gunnlaugsdóttir 8/5
fráköst, Birna Ingibjörg Valgarðsdóttir
8, Helga Hallgrímsdóttir 7/5 fráköst,
Jaleesa Butler 6/15 fráköst, Eboni
Monique Mangum 6, Hrund Jóhanns-
dóttir 4, Sara Rún Hinriksdóttir 4,
Sandra Lind Þrastardóttir 3/4 fráköst,
Telma Lind Ásgeirsdóttir 2, Soffía Rún
Skúladóttir 2, Aníta Eva Viðarsdóttir 2.
Fráköst: 24 í vörn, 17 í sókn.
Haukar: Jence Ann Rhoads 31/11 frá-
köst/5 stoðsendingar/5 stolnir, Tierny
Jenkins 16/15 fráköst, Gunnhildur
Gunnarsdóttir 12, Margrét Rósa Hálf-
danardóttir 9, María Lind Sigurð-
ardóttir 4, Auður Íris Ólafsdóttir 2,
Sara Pálmadóttir 1.
Fráköst: 28 í vörn, 11 í sókn.
Dómarar: Eggert Þór Aðalsteinsson,
Einar Þór Skarphéðinsson.
 Haukar unnu einvígið 3:0.
Keflavík – Haukar 52:75
Ívar Benediktsson
iben@mbl.is
„Ég gerði mér grein fyrir því um leið og ég meidd-
ist í leiknum að um væri að ræða slæm meiðsli og
að sennilega væri krossbandið slitið. Ég hef lent í
þessu áður á hinu hnénu,“ sagði Íris Sverrisdóttir,
körfuknattleikskona úr Haukum, í samtali við
Morgunblaðið í gær.
Hún hafði þá nýverið fengið staðfestingu á að
krossband og liðband í hægra hné væri slitið. Það
þýðir að hún verður sennilega frá keppni næstu 11
mánuði því hún fer ekki í aðgerð vegna kross-
bandsslitsins fyrr en í júní þegar liðbandið verður
gróið.
Íris var í leik með Haukum
gegn Keflavík í öðrum undan-
úrslitaleik liðanna í Iceland Ex-
press-deildinni á Ásvöllum á
mánudagskvöldið þegar kross-
band í hægra hné slitnaði þeg-
ar hún var á leið fram völlinn í
sókn. Þess utan slitnaði fyrr-
greint liðband.
„Þetta er leiðinlegur endir á
góðu tímabili hjá mér,“ sagði
Íris sem leikið hefur vel í vetur
og var m.a. valin í úrvalslið deildarinnar fyrir síð-
ari hluta mótsins fyrir skömmu. Hún hefur verið
mikilvægur hlekkur í liði Hauka sem hefur frum-
kvæði í undanúrslitaeinvíginu við Íslandsmeistara
Keflavíkur um Íslandsmeistaratitilinn.
Þekki ferlið sem framundan er
„Ég sleit krossband í vinstra hné 2005 og þekki
þetta ferli sem framundan er þótt vissulega séu
meiðslin alvarlegri núna þar sem liðband er slitið
ofan á annað.
En ég fer til sjúkraþjálfara á morgun [í dag] og
byrja að búa hnéð undir aðgerðina. Ég veit ekki
hversu lengi ég verð frá keppni en ég ætla mér
ekki að flýta mér neitt heldur gefa mér góðan tíma
til þess að jafna mig,“ sagði Íris spurð hvort hún
reiknaði með að leika eitthvað á næsta keppn-
istímabili.
„Leiðinlegur endir á góðu tímabili“
Íris
Sverrisdóttir