Skessuhorn - 26.11.2014, Blaðsíða 64
64 MIÐVIKUDAGUR 26. NÓVEMBER 2014
Arnþór Pálsson körfuboltamaður,
kokkur og móttökustjóri hjá Hót-
el Egilsen, hefur verið búsettur í
Stykkishólmi að mestu frá eins árs
aldri. „Maður segir nú eiginlega
ekki frá því en ég er fæddur 1985 á
Selfossi,“ segir hann og glottir við,
augljóslega að grínast. „Pabbi er frá
sveitabæ við Flúðir í Hrunamanna-
hreppi en ég kom hingað í Hólm-
inn ársgamall og hef mestmegn-
ið verið hér síðan. Þó var ég tvö
ár í Fjölbrautaskóla Vesturlands á
Akranesi og bjó þá á heimavistinni
þar. Þá var þetta þannig að það var
útibú hér í Stykkishólmi frá fjöl-
braut á Akranesi og maður gat tekið
fyrsta námsárið þar. Svo var nám-
inu haldið áfram á Akranesi.“
Körfuboltinn lokkaði
Arnþór dvaldi þó ekki lengi við
á Skaganum. Heimabærinn með
spennandi körfuboltamenn-
ingu kallaði á hinn unga Hólm-
ara. Körfuboltinn var hans helsta
áhugamál. Það gilti bæði um hann
og fleiri. „Þegar ég var í fjölbraut-
inni á Akranesi var Fjölbrautaskóli
Snæfellinga stofnaður í Grund-
arfirði. Við ákváðum þá nokkrir
félagarnir héðan úr Stykkishólmi
að flytja til baka og heim. Með því
lengdum við aðeins námið okkar
en gátum á móti spilað næstu árin í
unglingaflokki í körfuboltanum.“
Fyrirkomulagið í framhaldsskóla-
málum á Snæfellsnesi, þar sem skól-
ann vantaði, kom einmitt í veg fyrir
að það væru til unglingalið í körfu-
boltaíþróttinni. „Það hafði aldrei
verið slíkt lið í Hólminum vegna
þess að unga fólkið flutti alltaf burt
úr bænum til að fara í framhalds-
nám eftir grunnskólann. Þarna var
ég tvö ár í unglingaflokki en tók svo
eitt ár í meistarflokki.“
Stofnuðu Mostra
og gekk vel
Körfuboltaspil í meistaraflokki
reyndist hins vegar afar tímafrek
iðja. Arnþór ákvað að draga aðeins
saman seglin en þó ekki hætta al-
veg. „Ég hafði hreinlega ekki næg-
an tíma til að sinna þessu. Það gilti
um fleiri. Þá stofnuðum við annað
körfuboltalið sem hét Mostri eins
og golfklúbburinn hér í Stykkis-
hólmi. Við fengum eiginlega að
notfæra okkur nafn hans því það
er svo dýrt að stofna nýtt félag.
Við vorum með Mostra þar til fyrir
tveimur árum. Þá komst liðið upp
Slagorð Skráargatsins er „Einfalt
að velja hollara“. Í því felst ein-
mitt grundvallarmarkmið merk-
isins, þ.e. að einfalda neytendum
val á hollari matvöru. Ef varan ber
merkið þýðir það að hún uppfyll-
ir ákveðin skilyrði varðandi inni-
hald næringarefna sem skilgreind
eru fyrir hennar matvælaflokk.
Hún inniheldur þá minni og holl-
ari fitu, minni sykur, minna salt og
meira af trefjum og heilkorni en
aðrar vörur í sama flokki sem ekki
uppfylla skilyrðin til að bera Skrá-
argatið.
Nú er ár liðið síðan innleiðingu
Skráargatsins lauk hér á landi. Í
frétt frá Matvælastofnun og Land-
læknisembættinu, sem halda utan
um verkefnið, segir að strax hafi
mátt merkja að matvælafyrirtæki
færu að nýta sér merkið í aukn-
um mæli til þess að beina athygli
neytenda að vörum sínum og
þróa hollari vöru í samræmi við
markmið og skilyrði Skráargats-
ins. „Þetta er mjög æskilegt þró-
un því hún stuðlar að auknu úrvali
af hollum matvælum á markaði.
Þessi aukning skráargatsmerktra
vara á markaði sýnir að neytend-
ur hafa tekið vel á móti Skráargat-
inu. Þar sem Skráargatið er opin-
bert merki er mikilvægt að fylgj-
ast vel með þeim vörum sem nota
merkið. Matvælastofnun og heil-
brigðiseftirlit sveitarfélaga fylgj-
ast sérstaklega með því að farið sé
eftir reglum um notkun Skráar-
gatsins og geta neytendur á Íslandi
treyst því að svo er. Við eigum enn
langt í land til að geta borið okkur
saman við samstarfsþjóðirnar um
Skráargatið, Svíþjóð, Noreg og
Danmörku, en þróun Skráargats-
ins hér á landi sýnir að við erum á
réttri leið og því ber að sjálfsögðu
að fagna líka. Nú er „einfalt að
velja hollara“ – kynntu þér málið
á skraargat.is,“ segir í tilkynningu
frá MAST.
mm
Skráargatið gerir einfaldara að velja hollara
Körfuboltakappi í ferðaþjónustu í Hólminum
í 1. deild. Það þótti okkur of mik-
ið. Umfangið við að reka lið þegar
komið er svo hátt var meira en við
réðum við. Því ákváðum við að gefa
liðinu frí þegar þarna var komið.
Liðsaflinn var líka orðinn dreifð-
ur, margir fluttir suður og svona.
Það var því erfitt að halda úti æf-
ingum. Sjálfur spilaði ég ekki með
þetta síðasta tímabil vegna þess að
ég sleit hásin í fyrsta leiknum. En
þetta var mjög gaman. Við fengum
oft ungu strákana úr Snæfelli og
leyfðum þeim að spila með okkur.
Þeir fengu þarna leikreynslu og það
var mjög jákvætt.“
Ferill í ferðaþjónustu
Samhliða öllu þessu haslaði Arn-
þór sér völl í starfsferli innan ferða-
þjónustunnar sem er blómstrandi
atvinnugrein í Stykkishólmi. Hann
byrjaði á því að vinna á veitingahúsi
sem bar nafnið Fimm fiskar en heit-
ir nú Plássið. „Þar var alls kyns mat-
ur í boði. Við vorum mikið í sjávar-
réttum en vorum svo sem með allt
í boði. Ég byrjaði sem pizzastrákur
og fór svo í hamborgarana og síð-
an aðstoðarkokkur, svo kokkur og
að lokum yfirkokkur í tvö ár þar til
staðurinn skipti um eigendur.“
Undanfarin tvö ár hefur Arnþór
svo starfað á Hótel Egilsen. Það er
lítið tíu herbergja hótel í einu af
gömlu fallegu húsunum mitt í hjarta
Stykkishólms. „Þar er ég aðeins í
eldhúsinu en hótelið er ekki með
eigin veitingastað þannig séð. Við
erum bara með morgunmat. Síð-
an björgum við okkur ef það koma
hópar sem vilja mat eða veitinga-
staðir annars staðar í bænum eru
lokaðir. Það kemur stundum fyrir
nokkra daga á ári um vetrartímann
að það er enginn veitingastaður op-
inn í Stykkishólmi. Ástæðurnar veit
ég svo sem ekki. Eflaust er ströggl
að hafa opið allt árið.“
Þróast yfir í dýrmæt
heilsárs störf
Þrátt fyrir þetta er ýmislegt að
breytast í ferðaþjónustunni í Stykk-
ishólmi. Hún er að þróast úr því að
vera atvinnuvegur sem veitir störf
yfir sumartímann í að verða vett-
vangur fyrir fjölda heilsársstarfa.
Arnþór hefur sjálfur reynt þessa
þróun í störfum sínum innan grein-
arinnar í bænum undanfarin ár.
„Umferð ferðamanna hefur aukist
mjög mikið. Fyrir nokkrum árum
var lítið sem ekkert opið í Hólmin-
um yfir vetrartímann. Sumrin voru
hins vegar góð og það hafa þau
verið í fjölda ára. Núna hafa gisti-
möguleikar stóraukist og það er
opið yfir vetrartímann. Síðasti vet-
ur var mjög góður í ferðamennsk-
unni og stefnir í að verða enn betri
nú. Það er ágætt með bókanir hjá
okkur til að mynda. Allt skapar
þetta atvinnu árið um kring. Ætli
við séum ekki sex talsins hjá okkur,
reyndar í mismunandi stöðugild-
um. Sumir eru í hlutastörfum. Lík-
lega eru þetta fjögur heil stöðugildi
og svo eitt starf við að sjá um þvotta
bæði fyrir okkur og aðra sem reka
hótel hér í bænum. Það munar al-
veg um þetta,“ segir hann.
Hefur ánægju af sam
skiptum við ferðafólkið
Á Hóteli Egilsen gegnir Arnþór
stöðu móttökustjóra. Í því felst
meðal annars að sjá um bókanir.
„Það má segja að ég sé í afgreiðsl-
unni. Það eru mikil samskipti við
ferðamennina í þessu starfi. Mér
finnst það mjög gaman, ég hef
ánægju af því að vera í kringum
ferðafólk og aðstoða það. Þetta er
fín breyting frá því að vera í eld-
húsinu. Nú hittir maður fólkið og
getur spjallað við það. Þó kæmi það
mér ekkert á óvart að ég færi aftur
að elda.“
Að sögn Arnþórs eru það helst
erlendir ferðalangar sem gista á
Hótel Egilsen. „Þó er líka eitthvað
um að fyrirtækjahópar að sunnan
komi og gisti hjá okkur. Á veturna
koma erlendu feðamennirnir mikið
á bílaleigubílum og virðast næstum
því vera í hálfgerðum óvissuferð-
um. Fólkið ekur um landið án þess
þó að hafa skipulagt ferðina í smá-
atriðum og er bara að skoða sig um.
Þeir sem koma á sumrin eru miklu
skipulagðari og virðast fylgja ferða-
áætlunum. Þá er líka mjög víða
fullbókað þannig að fólk verður að
skipuleggja ferðirnar fyrirfram. Það
er meira los á þessu á veturna, yfir-
leitt er þá hægt að fá gistingu með
stuttum fyrirvara.“
Líkar vel í Hólminum
Arnþór Pálsson segir aðspurður að
það sé mjög fínt að búa í Stykkis-
hólmi. „Í bænum er allt til alls.
Helsti gallinn, ekki síst fyrir ungt
fólk, er kannski að leigumarkað-
urinn fyrir húsnæði er ekki nógu
góður. Það er erfitt að finna hús-
næði. Hér hafa mörg hús verið seld
og eru notuð sem sumarhús. Þetta
hefur rýrt leigumarkaðinn. Það
er mikil eftirspurn en lítið fram-
boð. Þetta endurspeglast svo í hárri
leigu miðað við svona lítið bæjar-
félag. Svona ástand hjálpar ekki
ungu fólki sem vill setjast hér að.
Það hefur þó dregið úr því að unga
fólkið flytjist á brott eftir að fjöl-
brautaskólinn kom í Grundarfirði.
Sá skóli breytti miklu. Hérna hef-
ur líka aðeins fjölgað störfum fyr-
ir háskólamenntað fólk. Samt flytur
mikið af unga fólkinu á brott. Stór
hluti af mínum árgangi til dæmis er
búsettur annars staðar en þó ekki
allir,“ segir hann að lokum.
mþh/ Ljósm. Eyþór Benediktsson.
Arnþór Pálsson starfar á Hóteli Egilsen í Stykkishólmi. Hér er hann framan við
inngangsdyr þar sem hann er móttökustjóri.
Arnór í uppstillingu með félögunum í körfuboltaliðinu Mostra þegar það var á
toppnum til þessa árið 2012.
Reiðubúinn að taka við gestum. Arnór segist hafa mikla ánægju af því að hitta
ferðalanga og spjalla við þá.