Dagblaðið Vísir - DV - 13.06.2008, Blaðsíða 6
föstudagur 13. júní 20086 Fréttir DV
Sandkorn
n Stórvinirnir Auðunn Blöndal og
Eiður Smári Guðjohnsen njóta
lífsins þessa dagana. Í gær gerðu
þeir sér glaðan dag og skelltu sér í
skvass í Sporthúsinu. Vel fór á með
þeim félög-
um en Eiður
Smári er í
mánaðarfríi
frá æfingum
hjá Barcelona.
Daglega ber-
ast nú fréttir
og „ekkifrétt-
ir“ þess efnis
að Eiður Smári sé á leið frá félag-
inu. Hann hefur verið orðaður við
hin ýmsu lið, nú síðast West Ham
og Newcastle.
n Ísbjarnarveiðar í Skagafirði hafa
vakið misjafna hrifningu fólks,
jafvel þótt helstu spekingar séu
nú komnir á þá skoðun að nán-
ast hefði verið ógjörlegt að svæfa
bjössa og dúllast með hann á milli
landa eða leggja út í aðrar flóknar
björgunarað-
gerðir. Skot-
veiðimenn
hafa sjálfir
tekið nokkr-
ar rimmur
um réttmæti
bjarnar-
drápsins á
spjallþráðum
á internetinu. Einn þeirra fullyrðir
að þegar sé búið að samþykkja nýtt
nafn á sýslur í Húnaþingi, eins og
sjá má á meðfylgjandi mynd sem
dreift var á umræddum spjallþráð-
um.
n Hinum frjálslynda Sigurjóni
Þórðarsyni þykir lítið koma til við-
bragða ríkisstjórnarinnar við áliti
Mannréttindanefndar Sameinuðu
þjóðanna. Á vefsíðu sinni hneyksl-
ast hann mjög á þeirri röksemda-
færslu Helga Hjörvar, þingmanns
Samfylkingar-
innar, að það
væri of dýrt að
bæta öllum
sjómönnum
skaðann sem
þeir hafi orðið
fyrir vegna
kvótakerfisins
þar sem þeir
séu svo margir. Eins og flestum
er kunnugt um er Helgi haldinn
alvarlegum augnsjúkdómi og því
hefur Sigurjón talið sig hafa fundið
leið til að ná til hans þegar hann
klykkir út með: „Hvernig ætli Helga
Hjörvar litist á að hætta að greiða
blindum bætur á þeim forsendum
að þeir væru allt of margir?“
n Grímuverðlaunin verða veitt við
hátíðlega athöfn í Þjóðleikhúsinu
föstudagskvöldið 13. júní. Spenn-
andi verður að sjá hvort sýning-
ar Landnámsseturs Íslands sópi
að sér jafnmörgum verðlaunum
og í fyrra en þá hlaut Benedikt
Erlingsson þrenn Grímuverðlaun
fyrir einleik sinn Mr. Skallagríms-
son og stóð
uppi sem
sigurvegari
kvöldsins.
Nú er spurn-
ing hvort
Brynhildur
Guðjóns-
dóttir verði
jafnhlutskörp
fyrir sýningu sína um Brák, fóstru
Egils Skallagrímssonar, en hún er
tilnefnd til fernra verðlauna.
Hrói Höttur
fékk þrjú ár
„Það verður gott að fá niðurstöðu
í málinu,“ sagði Rannveig Rafns-
dóttir í viðtali við DV í mars síðast-
liðinn en í gær fékkst niðurstaða í
fjársvikamáli sem hún var ákærð
fyrir. Hún fékk þriggja ára fangelsi
fyrrir að hafa svikið út 75 milljón-
ir króna hjá Tryggingastofnun yfir
fjögurra ára tímabil.
Ásamt Rannveigu voru 13 af 15
sakborningum sakfelldir fyrir að-
ild sína að málinu, refsing var þó
í mörgum tilvikum skilorðsbund-
in. Samverkamenn hennar höfðu
fengið peningana inn á reikning-
inn sinn og vissu að um illla feng-
ið fé væri að ræða. Aðeins einn
sakborningur var staddur í héraðs-
dómi í gær þegar dómari las upp
niðurstöðuna. Hún brast í grát þeg-
ar hann sagði henni að hún þyrfti
að afplána þrjá mánuði af níu mán-
aða fangelsi sem hún fékk.
Gríðarleg umsvif
Það var ekki fyrr en í júní 2006
sem upp komst um umfangsmikil
fjársvik Rannveigar. Þá kom í ljós
að hún hafði gefið út nærri átta
hundruð tilhæfulausa reikninga til
þess að svíkja út fé. Peningana lagði
hún inn á ýmsa reikninga en sjálf
hagnaðist hún um þrjátíu milljónir
á svikunum. Alls sveik hún tæpar
76 milljónir út úr Tryggingastofn-
un á fjórum árum. Sjálf hafði hún
starfað hjá Tryggingastofnun í tutt-
ugu ár.
„Ég játaði brotin,“ sagði Rann-
veig en henni var það talið til tekna
í héraðsdómi að hún var sam-
vinnufús hjá lögreglunni og veitti
mikilvæga aðstoð við að upplýsa
alla þræði fjársvikanna sem voru
gríðarlega umfangsmikil.
Fékk þrjátíu milljónir
„Þetta var bara svona Robin
hood-dæmi,“ sagði Rannveig um
fjársvikin og skírskotaði til sögu-
hetjunnar Hróa hattar sem stal frá
þeim ríku og gaf þeim fátæku. Hún
sagði fleiri hafa fengið peningana,
eða eins og hún orðar það í mars:
„Þetta fór ekki allt til mín.“
Rannveig sagðist sjálf bera höf-
uðábyrgðina í málinu. Hún lenti í
óreglu og eitt leiddi af öðru.
„Þetta fór bara úr böndunum,“
sagði Rannveig sem aldrei dró úr
eigin ábyrgð.
Þarf að endurgreiða allt
Þegar Rannveig var spurð í hvað
peningarnir fóru sagðist hún enga
hugmynd hafa um það. Hún hafi
átt við áfengis- og fíkniefnavanda
að stríða og því hafi meginþorr-
inn staðið straum af þeirri neyslu.
Hún sagði í mars að hún væri hætt
í óreglu og væri að vinna við að
koma sér aftur á beinu brautina.
Meðal annars hefði hún sótt nokk-
ur námskeið hjá námsflokkunum.
Þar á meðal tölvunámskeið.
Hún hafði ekki unnið í rúmt ár
þegar rætt var við hana síðast enda
óþægilegt að hafa dómsmálið hang-
andi yfir sér. Núna er því lokið.
Brast í grát
„Auðvitað liggur þetta þungt á
manni,“ sagði Rannveig um mál-
ið og svaraði því aðspurð að henni
þætti leitt að svo margir hafi verið
ákærðir í þessu máli. Auk henn-
ar var sonur hennar dæmdur en
héraðsdómur leit svo á að hann og
Rannveig hefðu verið höfuðpaurar
málsins.
Aftur á móti mætti enginn nema
einn sakborningur í dómsupp-
kvaðningu í gær. Það var stúlka á
þrítugsaldri. Dómarinn útskýrði
sérstaklega fyrir henni að hún hefði
hlotið níu mánaða dóm. Þar af voru
sex mánuðir skilorðsbundnir. Hún
var kærasta sonar Rannveigar og
því hafi peningarnir verið lagð-
ir inn á reikninginn hennar. Þegar
dómari sagði henni að hún yrði að
afplána þriggja mánaða fangelsis-
vist brast hún í grát. Og gekk með
tárin í augunum út úr salnum.
„Auðvitað liggur þetta
þungt á manni.“ valur Grettisson
blaðamaður skrifar: valur@dv.is
Fjársvikakonan rannveig rafnsdóttir var dæmd í þriggja ára fangelsi í gær fyrir að
svíkja út 75 milljónir króna á fjögurra ára tímabili. Einn sakborningur mætti í dóms-
uppkvaðningu í gær en hún brast í grát þegar dómarinn tilkynnti henni að hún yrði
að afplána þrjá mánuði af níu mánaða fangelsisvist. Alls voru 13 manns dæmdir.
Í uppnámi stúlkan sem
mætti í dómsuppkvaðningu
grét eftir að dómari
kunngerði niðurstöðuna. Hún
þarf að dúsa í fangelsi i þrjá
mánuði vegna fjársvika
rannveigar rafnsdóttur.