Lögmannablaðið - 01.02.1999, Blaðsíða 3
Lögmannafélag Íslands varstofnað árið 1911, fyrstuheildarlög um lögmenn voru
sett 1942, lög nr. 61/1942, og síð-
ustu heildarsamþykktir félagsins
stafa frá árinu 1944, það er þær
komu í kjölfar málflutningsmanna-
laganna. Af þessu má þegar sjá, að
mikil tíðindi gerðust í umhverfi
lögmanna með lögfestingu nýju
lögmannalaganna nr. 77/1998, sem
komu í stað laga nr. 61/1942. Um-
skiptin urðu enn meiri vegna
þeirra breytinga, sem orðið hafa í
öllu lagaumhverfi á allra síðustu
árum, eftir að jafnræðisregla, nei-
kvætt félagafrelsi og jafnvel réttlæt-
ið sjálft voru fundin upp!, að sumra
dómi.
Nýju lögmannalögin og nýjar
samþykktir félagsins, sem sam-
þykktar voru á framhaldsaðalfundi
þann 12. nóvember síðastliðinn,
tóku gildi nú um áramótin og gera
stjórn félagsins skylt að leysa
nokkur brýn verkefni á allra næstu
mánuðum. Þessi verkefni snúa
bæði að hinum lögbundnu þáttum
í starfi félagsins, en ekki síður að
nýstofnaðri félagsdeild. Verkefnin
við hina lögbundnu þætti hafa fé-
lagsmenn ekki orðið mikið varir
við, fyrr en nú að fréttir af þeim
birtast í Lögmannablaðinu. Öðru
máli á að gegna um félagsdeildina.
Vitur maður mælti forðum að til
þess að vita, hvaða stefnu ætti að
sigla yrði maður að vita hvar mað-
ur væri.
Stjórnin hefur varið miklu af tíma
sínum að undanförnu í umfjöllun
um félagsdeildina, skipulag henn-
ar, hugsanlega ráðningu starfs-
manns og síðast en ekki sízt fjár-
mál. Ákvörðun var tekin um að
freista þess að finna út hvort-
tveggja, hvar við værum og hvert
skyldi sigla, og reyndar líka hvern-
ig. Þessi ákvörðun á nú að hafa
birzt félagsmönnum í gögnum
vegna skoðanakönnunar um verk-
efni félagsdeildar og hvað lög-
menn eru tilbúnir til að greiða fyr-
ir þjónustu hennar. Vegna þess
meðal annars að útgjöld við hina
nýju Úrskurðarnefnd lögmanna
verða samkvæmt lögunum greidd
af félaginu, er ljóst að árgjöld til fé-
lagsins munu þurfa að hækka, bara
til þess að halda óbreyttri þjónustu.
Stjórnin væntir þess að hin nýja fé-
lagsdeild muni í framtíðinni afla
umtalsverðra sértekna, en í upp-
hafi, að minnsta kosti, mun þurfa
allhátt félagsgjald til þess að deild-
in geti veitt þá þjónustu, sem við
búumst við, að lögmenn vænti.
Hádegisverðirnir eru ekki ókeypis
nú frekar en á barnum í Kansas um
1850 (það var nefnilega ekki
Milton Friedman, sem fyrstur mót-
aði þá reglu í orð.).
Allir sem unnið hafa við breyt-
ingarnar á félaginu hafa verið sam-
mála um það, að upphaflega megi
búast við, að langflestir félagsmenn
muni kjósa að vera einnig í félags-
deildinni. Enginn getur þó vænzt
þess, að lögmenn haldi tryggð við
félagsdeildina nema hún mæti
kröfum félagsmanna gegn viðun-
andi árgjaldi. Upplýsingar um kröf-
ur félagsmanna og hvað þeir eru
reiðubúnir að greiða til þess að fá
þær uppfylltar, eru því algjör for-
senda þess að höfðinglega verði
riðið úr hlaði.
Trúnaðarskyldan á
aungvan vin
Í síðasta tölublaði var vikið að
mikilvægi trúnaðarskyldu lög-
manna. Mér hefur orðið nokkuð
hugleikið að undanförnu, að í
dómsmálum þar sem reynt hefur á,
hvort á rof á trúnaðarskyldu sé
réttmæt, bæði í H 1996.3575 og í
máli netþjónustufyrirtækisins
haustið 1998, hefur enginn talað
máli trúnaðarskyldunnar. Hún átti
þar aungvan vin, fremur en Arnas
Arneus forðum. Ef til vill má freista
þess að bæta hér úr, að því er
varðar lögmenn, við endurskoðun
siðareglnanna, sem nú stendur yfir.
Tilmælum í þá átt hefur þegar ver-
ið komið á framfæri við endur-
skoðunarnefndina.
3Lögmannablaðið
Jakob R. Möller, hrl.
Upplýsingar eru afl þess sem
gera skal
Jakob R. Möller,
hrl., formaður
L.M.F.Í.
Lögmannafélag Íslands
Álftamýri 9, 108 Reykjavík
sími (telephone): 568-5620
bréfsími (telefax): 568-7057
tölvupóstur (E-mail): lmfi@tv.is
heimasíða: www.lmfi.is
Stjórn L.M.F.Í.
Jakob R. Möller, hrl.,
formaður
Ásgeir Thoroddsen, hrl.
varaformaður
Kristinn Bjarnason, hrl.,
ritari
Sif Konráðsdóttir, hdl.,
gjaldkeri
Sigurbjörn Magnússon, hrl.,
meðstjórnandi
Starfsfólk L.M.F.Í.
Marteinn Másson,
framkvæmdastjóri
Hildur Pálmadóttir, ritari
Blaðið er sent öllum félagsmönnum.
Ársáskrift fyrir utanfélagsmenn:
kr. 1.500 + vsk.
Verð pr. tölublað kr. 300 + vsk.
Prentun:
Ísafoldarprentsmiðja
Umsjón auglýsinga:
Öflun ehf., sími 561-4440