Þjóðmál - 01.06.2010, Blaðsíða 120
118 Þjóðmál SUmAR 2010
Jakob F . Ásgeirsson: Aung San Suu Kyi
og barátta hennar fyrir lýðræði í Búrma,
Bókafélagið Ugla, Reykjavík 2009, 160 bls .
Eftir Sigríði Á . Snævarr
Bók Jakobs F . Ásgeirssonar Aung San Suu Kyi og barátta hennar fyrir lýðræði í
Búrma er í senn læsileg og einstök að því leyti
að hún miðlar annars fjarlægri
sögu beint inn í hjarta íslenskra
lesenda . Ástæðan er ekki sú að
höfundur sé sérfræðingur í Búrma,
þekki landið af eigin raun eða
geri kröfu um að kynna eigin vís
indarannsóknir . Uppspretta áhuga
Jakobs á sögunni og boðskap Aung
San Suu Kyi er sú að höfundur
kynntist örlögum hennar sjálfur úr
návígi, því að saga hennar blandast
inn í endurminningar hans sjálfs
frá náms árunum í Oxford . Fyrir duttl unga
örlaganna var Jakob einn þeirra námsmanna
sem leigðu hús hennar og eiginmanns hennar
Michael Aris, eftir að hún var komin til
Búrma . Húsið var upphaflega tengingin, en
með árunum kynntist Jakob eiginmann inum
og mál þróuðust þannig, að hann tók viðtal
við Michael Aris fyrir Morgunblaðið og skrifaði
pistla á tíunda áratugnum um Suu og Búrma
meðan hann dvaldi í húsi þeirra við 15 Park
Town í Oxford .
Mjög vel hefur tekist til við ritun bókarinn
ar sem skrifuð er á góðu máli . Hið persónu lega
innvaf fellur vel að ævisöguáhuga lesand ans,
sem ósjálfrátt setur sig í spor sögumanns og fer
að spyrja sig sömu spurninga og hann . Þegar
höfundur upplýsir að Búrma sé auðugasta
land Asíu að náttúruauðlindum, en engu að
síður eitt tíu fátækustu ríkja heims, þá fæst
enn staðfest, hve dýrmætt lýðræðið er og
góðir stjórnarhættir . Höfundur
vinnur markvisst að því að vekja
og viðhalda áhuga lesandans og er
bókinni skipt upp í 35 kafla með
lýsandi og áhugaverðum kafla heit
um . Tímatalið í lok bókar er stutt
samantekt á helstu atburðum í
lífi söguhetjunnar sem gott er að
glöggva sig á .
Ég hef engar aðrar forsendur
fyrir því að rita um þessa bók um
fram almenna þekkingu, m .a . að
hafa á sínum tíma lesið pistlana hans Jakobs
um Búrma og nú bók ina og hafa upplifað
sjálf hve persónu leg tenging höfundar að
efni gerir það lesandanum aðgengilegra . Ég
hafði lengi átt bók Suu, Letters from Burma,
án þess að gefa mér tíma til lesturs, en um
leið og ég fékk bók Jakobs í hendur vaknaði
aftur áhugi minn . Þannig skipta tengingar
máli og enn er Suu í fréttum þegar þetta er
skrifað, herforingjastjórnin hefur framlengt
stofufangelsið . Svo er um hnútana búið í Búrma
Bókadómar
_____________
„Þessi hugrakka kona talar fyrir
hönd allra sem leita réttlætis .“
Vaclav Havel