Vefhringur Landsbókasafns Íslands - Háskólabókasafns

• Tímarit.is virkar ekki í Mac OS X 10.7 (Lion)

  Um er að ræða vandamál með PDF skjöl í nýja stýrikerfinu. Virðist hafa áhrif á Safari, Firefox og Opera. Virðist ekki hafa áhrif á Google Chrome þannig að hægt er að nota þann vafra til að komast hjá vandamálinu.

  Frekari upplýsingar má finna á heimasíðu Apple: https://discussions.apple.com/thread/3191937?start=0&tstart=0 [enska]

  
  
• Af hverju sé ég ekki mynd af blaðsíðunni?

  Efni á Tímarit.is er á PDF skráarsniði. Nýlegir vafrar geta sumir hverjir birt PDF skjöl án viðbótarforrita.

  Séu PDF myndir ekki að birtast þá gæti þurft að setja upp Adobe Reader sem finna má hér: http://get.adobe.com/reader/. Algengt er að þessi hugbúnaður sé þegar til staðar og er studdur í öllum helstu vöfrum og stýrikerfum.

  
  
• Af hverju vantar blöð inn í á tímabili?

  Ætíð er reynt að hafa rit heil inn á Tímarit.is. Þannig ætti aldrei að vanta inn árganga eða hluta árganga. Eina undantekningin er þegar myndun rits er ólokið og vantar þá yngsta efnið.

  Hafa ber þó í huga að útgáfa margra dagblaða hefur truflast í gegnum árin vegna verkfalla. Allnokkur útgáfustopp eru vegna þessa.

  Þannig er ætíð gott að athuga fyrsta blað eftir slíka eyðu og sjá hvort þar sé fjallað um lok verkfalls.

  
  
• Hvernig finn ég ákveðna grein?

  Sé blaðið sem greinin birtist í komið á Tímarit.is má yfirleitt finna greinina með því að nota leitarmöguleika á forsíðu vefsins. Getur þá verið gagnlegt að smella á 'Ítarleit' og takmarka leitina við umrætt blað og líklegt tímabil birtingar.

  Vanti þig frekari aðstoð við heimildaleit, þá veitir Upplýsingadeild Landsbóksasafns Íslands - Háskólabókasafns aðstoð við slíkt. Frekari upplýsingar má finna á vef Landsbókasafnsins undir heimildaleit.

  
  
• Hvernig finn ég efni sem er ekki á Tímarit.is?

  Upplýsingadeild Landsbókasafns Íslands - Háskólabókasafns getur aðstoðað við leit á efni sem er ekki að finna á Tímarit.is. Frekari upplýsingar má finna á vef Landsbókasafnsins undir heimildaleit.

  
  
• Hvað kostar Tímarit.is?

  Allt efni á Tímarit.is er aðgengilegt á endurgjalds.

  Í nokkrum tilvikum hafa eigendur höfundarréttar takmarkað birtingu efnis á vefnum og eru þá ekki birtir nýjustu árgangar viðkomandi blaða (t.d. síðustu þrjú ár Morgunblaðsins).

  Það efni má hinsvegar nálgast úr gestatölvum í Þjóðarbókhlöðunni.

  
  
• Þarf ég að skrá mig inn?

  Nei.

  Efni á Tímarit.is er öllum opið og óþarfi að stofna reikning og skrá sig inn til að nýta það.

  Innskráðir notendur geta hinsvegar bókamerkt blaðsíður og haldið utan um slík bókamerki.

  
  
• Hvað ræður efnisvali á Tímarit.is?

  Safnið hefur markað sér ákveðna stefnu um hvaða efni er yfirfært á stafrænt form (PDF).

  Ávallt er reynt að hafa efnið heildstætt, t.d. allt efni fram til 1920 eða einstaka titla frá upphafi útgáfu dagsins í dag.

  Eftirspurn eftir efninu skiptir einnig máli og jafnframt styrkir. T.d. styrkti Árvakur hf myndun Morgunblaðsins og 365 miðlar ehf myndun sinna blaða. Alþingi veitti einnig styrk til stafrænnar endurgerðar á þeim dagblöðum síðustu aldar sem hætt er að gefa út. Þá hafa ýmsir hagsmunaaðilar greitt fyrir myndun tímarita sem þeir gefa út.   

  
  
• Getið þið myndað blaðið mitt?

  Ef beiðni berst um stafræna endurgerð einstakra blaða eða tímarita, sem ekki falla undir forgangsefni, er venjulega gerður samningur við hagsmunaaðila / útgefanda / eiganda efnisins. Í þeim tilfellum sem þetta hefur verið gert er venjulega samið um ákveðið verð og að útgefandinn afhendi jafnframt stafrænar útgáfur af nýjasta efninu til varðveislu í safninu.

  Fyrirspurnir um myndun blaða skal senda til upplys@bok.hi.is.

  
  
• Takið þið við efni sem skannað er annars staðar?

  Nei.

  Landsbókasafn Íslands - Háskólabókasafn myndar efni og birtir á vefnum Tímarit.is. Vinnsla efnisins, allt frá myndun til langtímavarðveislu, fer fram á grundvelli samhæfðra vinnsluferla. Í þeim felst myndun efnis, skráning og vinnsla lýsigagna, gæðaeftirlit, ljóslestur, birting, tenging við leitarvélar, afritun, vistun og langtímavarðveisla gagna í stafrænu formi. Auk þess eru búin til mismunandi skjöl s.s. TIFF, PDF og textaskrár.

  Vegna þess hversu samhæft vinnsluferlið er og umfang þeirrar vinnu sem því fylgir að taka við skönnuðu efni frá öðrum í stafrænu formi og gera það hæft til birtingar, er einungis birt efni sem er unnið í safninu sjálfu á vefnum Tímarit.is.

  Aðeins er tekið við gögnum þegar um er að ræða frumgögn úr umbrotsforritum (jafnan á PDF sniði) og þá einungis ef form og skipuleg þeirra er þannig að auðvelt sé að vinna úr þeim.

  
  
• Hvernig prenta ég út PDF myndir?
  Til að prenta út hluta af síðu þá þarf einfaldlega að þysja inn á síðunna þannig að einungis sá hluti sem prenta á út sjáist. Síðan er prentara táknið valið og birtist þá skjámynd.

  

  Þessi skjámynd gæti verið eilítið breytileg eftir stýrikerfi, vafra og prentara. Það mikilvæga hér er að velja Current view í Print range hluta hennar (þegar valið í skjámyndinni hér fyrir ofan).

  Ætti að birtast í glugga til hægri mynd af því hvernig þetta muni prentast sbr. Preview: Composite hluta skjámyndarinnar hér að ofan.

  Til að prenta síðuna í heild sinni væri All valið í Print Range.

  Til að prenta er OK valið og ætti þá síðan að prentast út.