Morgunblaðið - 12.07.1994, Blaðsíða 14
14 ÞRIÐJUDAGUR 12. JÚLÍ 1994
ERLENT
MORGUNBLAÐIÐ
Fimm myrt-
ir í Alsír
BYSSUMENN, klæddir eins og
lögreglumenn, skutu til bana
fjóra Rússa og einn Rúmena,
sem störfuðu fyrir alsírska
ríkisolíufélagið, að sögn rússn-
eska sendiráðsins í Algeirs-
borg. Útlendingarnir fimm
voru meðal 15 farþega í rútu
sem flutti starfsmenn olíufé-
lagsins, þegar fjórir eða fimm
menn í einkennisbúningum lög-
reglu stöðvuðu rútuna og skip-
uðu Rússunum og Rúmenanum
að fara út, og skutu þá síðan.
Enginn hefur lýst ábyrgð á
hendur sér, en í hverfinu, þar
sem atburðurinn varð, eru
margir herskáir bókstafstrúað-
ir múslimar.
Alsírmenn
handteknir
TVEIR Alsírmenn, grunaðir
um aðild að morðunum á sjö
ítölskum sjómönnum í borginni
Jenjen í síðustu viku, hafa ver-
ið handteknir, að sögn ítölsku
fréttastofunnar ANSA. Alsír-
mennirnir munu ennfremur
hafa bent á samverkamenn
sína í morðunum.
Grænfrið-
ungar
í haldi
NÍU Grænfriðungar eru í haldi
í Noregi, og skip þeirra hefur
verið fært þar til hafnar.
Norskir strandgæslumenn fóru
um borð í skip Grænfriðunga,
Síríus, á sunnudag og tóku það
í tog. Þeir komu með það til
Egersund í gær. Lögreglan
hafði í gær ekki tekið ákvörðun
um hvað gert yrði í máli Græn-
friðunganna, eða hvort þeir
yrðu kærðir.
A
Forsetakosningar haldnar í Hvíta-Rússlandi og Ukraínu
Lukashenko og
Kuchma sigra
Minsk, Kiev. Reuter.
LÝÐSKJALLARINN Alexander
Lukashenko sigraði um helgina í
fyrstu forsetakosningum Hvíta-
Rússlands. Þá bar Leoníd Kuchma,
forsætisráðherra Úkraínu, sigurorð
af forseta landsins, Leoníd Kravt-
sjúk, í forsetakosningum þar í landi,
samkvæmt fyrstu opinberu tölum.
Eru úrslitin í samræmi við niðurstöð-
ur fyrstu umferðar forsetakosning-
anna í báðum löndum, en önnur
umferð fór fram í gær. Eftir kosn-
ingar í Hvíta-Rússlandi virtist sem
jörðin hefði gleypt Lukashenko og
opinberir embættismenn voru slegn-
ir yfír sigri hans og neituðu að tjá
sig um málð. Talið er víst að kosn-
ing hans muni valda miklu umróti
og erfíðleikum í stjóm landsins.
Yfirburðasigur
Lukashenko, 39 ára, fyrrum
stjórnmálaforingi kommúnista í
hernum og yfirmaður á samyrkju-
búi, vann yfirburðasigur í Hvíta-
Rússlandi, hlaut um 80% atkvæða.
Hefur hann notið góðs af almennri
óánægju með bágan efnahag og
spillingu valdhafanna, en hann öðl-
aðist skyndilegar vinsældir er hann
stýrði þingnefnd sem rannsaka átti
spillingu.
Helsti keppinautur Lukashenkos
var Vjatsjeslav Kebitsj, forsætisráð-
herra Hvíta-Rússlands, og fyrir
kosningar var Kebitsj talinn nokkuð
öruggur um sigur, en hann hlaut
aðeins 17% atkvæða.
Lukashenko lagði áherslu á að
Kebitsj væri einn af ríkjandi vald-
höfum. Lofaði hann m.a. að lækka
verðbólgu, koma á verðstöðvun,
útrýma spillingu, banna einkavæð-
ingu fleiri ríkisfyrirtækja og koma
á nánari tengslum við Rússland.
Hann hefur hins vegar ekki sýnt
fram á hvernig hann hyggst hrinda
þessum hugðarefnum sínum í fram-
kvæmd.
Valdamiklir andstæðingar
Margir óttast að Lukashenko
reynist örðugt að stýra Hvíta-Rúss-
landi, þar sem hann á sér marga
og valdamikla andstæðinga á þingi.
Getur þingið neitað að samþykkja
frambjóðendur Lukashenkos í emb-
ætti forsætisráðherra og sex ráð-
herra annarra, auk þess sem flestir
háttsettir embættismenn fylgdu
andstæðingnum, Kebitsj, að mál-
um.
Kjósendur í Úkraínu höfnuðu
Leoníd Kravtsjúk, forseta landsins,
í kosningum og greiddu Leoníd
Kuchma, fýrrum forsætisráðherra,
atvæði sitt. Mjótt var á mununum
í kosningunum, Kuchma hlaut tæp
54% en Kravtsjúk 46%.
Kuchma er fylgjandi nánari
tengslum við Rússa en Kravtsjúk
lofaði að tryggja sjálfstæði Úkraínu
með umbótum. Með úrslitunum' er
talið að kjósendur hafi viljað lýsa
yfir óánægju sinni með slæman
efnahag. Hann hefur versnað mjög
á síðustu tveimur árum og er nú
mun verri en í Rússlandi. Er talið
að sigur Kuchma muni auka enn á
þann klofning sem er á milli fólks
í austurhluta landsins, sem er fylgj-
andi nánari tengslum við Rússland,
og þjóðernissinnanna í vesturhlut-
anum, en Kuchma sótti langmest
fylgi sitt til austurhlutans.
Arafat
í Mekka
YASSER Arafat, leiðtogi Frelsis-
samtaka Palestínu (PLO), biðst
fyrir í borginni Mekka á sunnu-
dag, þegar hann var í sólarhrings
heimsókn í Saúdí Arabíu, þar sem
hann m.a. ræddi við Fahd kon-
ung. Arafat mun nú setjast að á
Gaza, eftir að hafa haft aðsetur
í Túnis í 12 ár. Palestínskir og
ísraelskir embættismenn funduðu
í Kaíró í gær um frekari sjálfs-
stjórn Palestínumanna á Gaza og
Vesturbakkanum. Shimon Peres,
utanríkisráðherra Israels, sagði
að hann myndi eiga fund með
utanríkisráðherrum Bandaríkj-
anna og Jórdaníu í Jórdaniu í
næstu viku. Hann verður þá fyrsti
ísraelski ráðamaðurinn sem ferð-
ast opinberlega til Jórdaníu, en
stríð hefur formlega ríkt milli
landanna frá því Ísraelsríki var
stofnað árið 1948.
Reuter
Schluter
og Santer
líklegastir
Napólí. The Daily Telcgraph. Morgunblaðið.
JOHN Major, forsætisráðherra Bret-
lands, og Helmut Kohl, kanslari
Þýskalands, virðast hafa náð sáttum
í deilunni um eftirmann Jacques
Delors, forseta framkvæmdastjórnar
Evrópusambandsins. Evrópsku leið-
togarnir á leiðtogafundi sjö helstu
iðnríkja heims í Napólí ræddu eftir-
mann Delors, en ætlunin er að til-
nefna hann á föstudaginn.
Efstir á blaði eru sagðir Poul
Schlúter, forsætisráðherra Dana
1982-1993, og Jacques Santer, for-
sætisráðherra Lúxemborgar. Er
Schlúter sagður eiga meiri möguleika
en Santer, ekki síst þar sem Danir
felldu Maastricht-samkomulagið í
þjóðaratkvæðagreiðslu 1992 og eru
að mörgu leyti taldir deila áhyggjum
Breta af sameiningu Evrópu.
SIEMENS
IMÝ ÞVOTTAVÉL Á NÝJU VERÐI!
• 11 kerfisinnstillingar fyrir suðuþvott,
mislitan þvott, straufrítt og ull
• Vinduhraði 500 - 800 sn./mín.
• Tekur mest 4,5 kg
• Sparnaðarhnappur (1/2)
• Hagkvæmnihnappur (e)
• Skolstöðvunarhnappur
• Sérstakt ullarkerfi
• (slenskir leiðarvísar
Og verðið er ótrúlega gott.
Siemens þvottavél á aðeins
kr. 59.430 stgr.
SMITH & NORLAND
NÓATÚNI 4 • SÍMI 628300
3
cn
LJJ
QC
<
O
2
i/i
O
O
CD
3
Akranes:
Rafþjónusta Sigurdórs
Borgarnes:
Glitnir
Borgarfjöröur:
Rafstofan Hvítárskála
Hellissandur:
Blómsturvellir
Grundarfjörður:
Guðni Hallgrímsson
Stykkishólmur:
Skipavík
Búðardalur:
Ásubúð
ísafjörður:
Póllinn
Hvammstangi:
Skjanni
Sauðárkrókur:
Rafsjá
Siglufjörður:
Torgio
Akureyri:
Ljósgjafinn
Húsavík:
öryggi
Þórshöfn:
Norðurraf
Neskaupstaður:
Rafalda
Reyðarfjörður:
Rafvélaverkst. Arna E.
Egilsstaðir:
Sveinn Guömundsson
Breiðdalsvík:
Stefán N. Stefánsson
Höfn í Hornafirði:
Kristall
Vestmannaeyjar.
Tréverk
Hvolsvöllur:
Kaupfélag Rangæinga
Selfoss:
Árvirkinn
Garður:
Raftækjav. Sig. Ingvarss.
Keflavík:
Ljósboginn
Hafnarfjörður:
Rafbúð Skúla,
Álfaskeiöi
Viljir þú endingu og gæði
velur þú SIEMEIUS
Samþykktir leiðtogafundarins í Napólí
Segja hagvöxt
framundan
Napólí. Reuter.
LEIÐTOGAR iðnríkjanna lýstu því yfir um helgina að loknum
fundi sinum í Napólí, að horfurnar í efnahagsmálum ríkjanna
hefðu ekki verið betri í langan tíma og verulegur hagvöxtur fyrir-
sjáanlegur. Þeir vöruðu einnig stríðsaðila í Bosníu við að fallast
ekki á nýja friðaráætlun og skoruðu á stjórnvöld í Norður-Kóreu
að leyfa eftirlit með kjarnorkuiðnaðinum í landinu. Þá var einnig
samþykkt efnahagsaðstoð við Úkraínu.
I lokayfirlýsingu fundarins var
bent á, að verðbólga væri nú sú
minnsta í þrjá áratugi og skilyrði
fyrir hagvexti góð en því var jafn-
framt lýst yfir, að atvinnuleysi 24
milljóna manna væri „óviðunandi
sóun“. Var heitið auknum fram-
lögum til endurmenntunar og
starfsþjálfunar auk þess sem
reglugerðarskógurinn á vinnu-
markaði yrði grisjaður.
Aðstoð til Úkraínu
Leiðtogarnir vöruðu þjóðarbrot-
in í Bosníu við því að hafna nýrri
áætlun um frið í landinu og sögðu,
að ella væri hætta á að stríðið
blossaði upp aftur enn harðara en
fyrr. Hvöttu þeir til viðræðna við
Norður-Kóreustjórn um kjarn-
orkumálin og veittu Úkraínustjórn
200 milljónir dollara til að greiða
fyrir lokun Tsjernobyl-kjarnorku-
versins. Lýstu þeir verulegum
áhyggjum af efnahagsástandinu í
Úkraínu en landsmenn geta fengið
allt að fjóra milljarða dollara í
efnahagsaðstoð, verði hafist
handa við raunverulegar umbæt-
ur.
Ekki sé allt
sem sýnist
Þrátt fyrir bjartsýni leiðtoganna
á efnahagsmálin benda sérfræð-
ingar á, að ekki sé allt sem sýnist
í þeim efnum. Langtímavextir séu
heldur á uppleið vegna aukinnar
lánsfjárþarfar hinna nýju efna-
hagsvelda í Asíu og megi búast
við verulegri samkeppni um fjár-
magnið þegar fram í sæki. Þá
aukist stöðugt samkeppnin al-
mennt milli gömlu iðnríkjanna og
hinna nýju og sé það meðal ann-
ars skýringin á miklu atvinnuleysi
í Evrópu.