Alþýðublaðið - 03.09.1987, Blaðsíða 4

MMBUBLOIB
Fimmtudagur 3. september 1987
Á dögunum blossuöu aftur upp árekstrar, milli lögreglu og verkamanna I Suður-Kóreu. Myndin er frá Taejon i miðhluta landsins.
Óeirðirnar í Suður-Kóreu halda áfram.
Ríkisstjórnin og stjórnarandstaðan reyna
að komast að samkomulagi, í þá átt að
koma á beinum forsetakosningum og
raunverulegu lýðræði.
Verkamenn í verkfalli eyðilögðu
fyrír nokkrum dögum, járnbraut-
arstöð í miðhluta Suður-Kóreu.
Um það bil 100 lögreglumönnum
tókst ekki að koma í veg fyrir að
mörg hundruð kolanámumenn yf-
irtækju Daeshon — brautarstöð-
ina, og stöðvuðu allar lestarferðir í
marga klukkutíma. Það var ekki
fyrr en vara-lögreglulið var kallað
út, að þeim tókst að flæma verka-
mennina á burt með táragasi.
Lögreglan handtók 17 námu-
verkamenn. Ennfremur brutust út
óeirðir í Taejon, milli lögreglu og
stúdenta, sem lýstu yfir stuðningi
við kröfur verkamanna um hærri
laun og frjáls verkalýðsfélög.
Stjórn iðnaðarsamsteypunnar
Hyundai, tókst daginn eftir óeirð-
irnar, að ná samningum við
40.000.00 verkamenn sem höfðu
verið í verkfalli. Verkamennirnir
hófu strax vinnu á ný.
Stjórn fyrirtækisins hafði meðal
annars, gengið að kröfum verka-
manna um, að fulltrúar þeirra
tækju þátt í launasamningum í ný-
stofnuðu verkalýðsfélagi. Verka-
lýðsfélögin og forráðamenn iðnað-
arfyrirtækjanna í Suður-Kóreu,
álíta að samningarnir í Hyundai
geti orðið afgerandi fyrir þau 430
fyrirtæki, þar sem verkamenn voru
í verkfalli.
Fleiri hópar eru komnir í verkfall
t.d. 3.000.00 leigubílstjórar hér og
þar í landinu.
Að mati fréttaskýrenda er þessi
órói á vinnumarkaðinum, það verð,
sem stjórnin verður að greiða vegna
tilrauna til að koma á raunverulegu
lýðræði. Forseti landsins Chun-
Doo-Hwan gaf loforð um það 1.
júlí. Á meðan breiðast verkföllin
út. Eftir margra mánaða stúdenta-
óeirðir, eru það verkamenn i Suður-
Kóreu sem nú mótmæla á götum úti
og krefjast hærri launa og frjálsra
verkalýðsfélaga en þau hafa verið
bönnuð til þessa.
Þrátt fyrir að enn er ekki búið að
setja þessi lög, hefur ríkisstjórnin
ekki blandað sér í deilurnar á
vinnumarkaðinum, síðan Chun
Doo Hwan forseti varð að lúta í
lægra haldi vegna pólitískra upp-
þota og kröfunnar um lýðræðisleg-
ar breytingar.
Fleiri en 900 uppþot
Nú hafa orðið fleiri en 900 upp-
þot á vinnumarkaðinum í Suður-
Kóreu og hundruð þúsunda verka-
manna farið í kröfugöngur. Á ein-
um degi í byrjun vikunnar sem leið
voru 186 uppþot út af þessum mál-
um. Sumstaðar hafa verkföllin end-
að með bardögum t.d. í borginni
Ulsan, en þar börðust þúsundir
verkamanna við lögregluna á göt-
um úti. Þessir verkamenn unnu allir
hjá Hyundai sem er stærsta fyrir-
tækið i landinu.
Atvinnumálaráðuneytið í Suður-
Kóreu, hefur upplýst að rúmlega
500 deilumál á vinnumarkaðinum
hafi verið leyst, en ca. 400 séu
óleyst. Þessi óleystu mál eru í sam-
bandi við þær greinar iðnaðar sem
eru mest áriðandi fyrir efnahag
Suður-Kóreu svo sem í bifreiðaiðn-
aði, skipaiðnaði, kolanámum og
samgöngumálum.
Einn af leiðandi mönnum í
stjórnarandstöðunni segir: „Vanda-
málin á vinnumarkaðinum, eru
mörg og þau eru stór, en þau verður
að leysa, ef okkur á að takast að
koma á raunverulegu lýðræði í
landinu.“
Chun Doo Hwan forseti bannaði
verkföll, sem leiða áttu til betri lífs-
kjara þau sjö ár sem hann hefur
stjórnað, þar til endurbóta-herferð-
in hófst. Verkfallsbannið var sett,
til að halda launum niðri og vernda
samkeppnisaðstöðu Suður-Kóreu á
heimsmarkaðinum.
Með því að setja sér ákveðið tak-
mark í útflutningsgreinum, hefur
Suður-Kóreu tekist að margfalda
útflutning sinn síðastliðin sjö ár.
Nú er Suður-Kórea það land, sem
Japanir óttast hvað mest í sam-
keppninni á heimsmarkaðinum.
Nú vilja verkamenn í Suður-
Kóreu fara að sjá breytingar og þær
strax! „Við höfum fórnað okkur
fyrir þróunina í föðurlandi okkar,“
sagði verkfallsmaður „en nú viljum
við fá okkar sneið af kökunni, og
krefjumst þess að farið sé með okk-
ur eins og menn. “
Eftir því sem gengur og gerist á
hinum alþjóðlega vinnumarkaði,
eru verkamenn í Suður-Kóreu illa
launaðir. Á sama tíma hafa at-
vinnurekendur auðgast svo mjög,
að annað eins hefur ekki þekkst áð-
ur í Suður-Kóreu. Velsæld þessi
hefur aukist jafnt og þétt samhliða
ört vaxandi framleiðslu og fram-
leiðni. í flestum tilfellum í þessu
launastríði, krefjast verkamenn
þrjátíu prósent launahækkunar.
Verkamenn eiga skilið
að hlustað sé á þá
Chan Doo Hwan forseti viður-
kennir, að þjóðfélaginu beri skylda
til þess að gefa gaum að því sem
verkamennirnir eru að segja. Hann
hvetur atvinnurekendur til þess að
samþykkja kröfur verkamanna,
jafnframt því sem hann hvetur
verkamenn til að lægja mótmæl'a-
öldurnar. Ríkisstjórnin hefur í
hyggju að setja lög um ákveðin lág-
markslaun, og stjórnmálamennirn-
ir eru sammála því að leyfa frjáls og
óháð verkalýðsfélög. Þrátt fyrir að
þessar endurbætur eru í sjónmáli
halda uppþot og óeirðir áfram og
áhyggjur ríkisstjórnarinnar af
efnahagsástandinu aukast. Hag-
fræðingar ríkisstjórnarinnar telja
að Suður-Kórea muni tapa tólf
milljónum dollara á dag, í bifreiða-
iðnaðinum og vefnaðariðnaðinum,
ef verkföllin halda áfram og ekki
kemst á friður á vinnumarkaðin-
um.
Enginn efast um það, að ferskir
vindar blása í Suður-Kóreu. Þessar
breytingar til hins betra lýsa sér
kannske best í orðum, sem höfð eru
eftir Chung Ju Yung stjórnarfor-
manni í Hyundai samsteypunni.
Hann Iýsti því yfir nýlega, að þessar
vinnudeilur yrðu leystar fljótt og
sársaukalaust, „nú þegar atvinnu-
rekendur eru virkilega farnir að
skilja kröfur verkamanna.“
Hagfræðingar ríkisstjórnarinnar
óttast samt að hinn mikli hagvöxtur
sem jókst um fimmtán prósent á
fyrstu .sex mánuðum ársins muni
falla niður í sex prósent á seinni
helmingi ársins, ef vinnudeilur
halda áfram og jafnframt ef laun-
þegar fái launahækkun sem svarar
til fimm eða sex prósent, svo mikið
ber á milli þegar verkamenn krefj-
ast þrjátíu prósent launahækkun-
ar!
(Det fri Aktuelt)