Fréttablaðið - 19.04.2011, Blaðsíða 2
19. apríl 2011 ÞRIÐJUDAGUR2
DÓMSMÁL Lögreglustjórinn á
höfuðborgarsvæðinu hefur ákært
karlmann á þrítugsaldri fyrir
ólögmæta meðferð fundins fjár.
Manninum er gefið að sök að
hafa slegið eign sinni á farsíma
að verðmæti 173.700 kr. í hús-
næði Háskólabíós við Hagatorg í
Reykjavík. Þar starfaði maðurinn
sem húsvörður.
Auk kröfu ákæruvaldsins um
refsidóm yfir manninum krefst
eigandi símans þess að hann verði
dæmdur til að greiða skaðabætur
að fjárhæð 173.700 krónur. - jss
Óskilamunur í Háskólabíói:
Húsvörður sló
eign á farsíma
LÖGREGLUMÁL Maðurinn sem leitað
var að í New York eftir að greint
var frá því í fjölmiðlum á föstu-
daginn að hann væri grunaður um
fjárdrátt frá íhaldshópi Norður-
landaráðs er kominn í leitirnar
heill á húfi, samkvæmt upplýsing-
um úr utanríkisráðuneytinu.
Eins og fram kom á föstudag
var maðurinn starfsmaður íhalds-
hóps Norðurlandaráðs á Íslandi
með aðsetur á skrifstofu Sjálf-
stæðisflokksins. Hann var leystur
frá störfum vegna gruns um að
hann hefði misnotað aðstöðu sína
og dregið sér á annan tug milljóna
af reikningum ráðsins.
Það var á skrifstofu Sjálfstæðis-
flokksins sem grunsemdir um
misferli vöknuðu við athugun
á reikningum vegna starfsemi
íhaldshópsins og kærði
skrifstofan málið til lögreglunnar.
Grunaður um fjárdrátt:
Maðurinn kom-
inn í leitirnar
Neistaflug frá pitsubakstri
Slökkviliðið var kallað að pitsustað
við Laugaveg upp úr klukkan ellefu á
sunnudagskvöld þar sem neistaflug
stóð upp úr reykháfi. Enginn eldur
logaði á staðnum og reyndist neista-
flugið koma úr pitsuofninum, því það
hætti um leið og slökkt var á honum.
LÖGREGLUMÁL
SKIPULAGSMÁL Ítarleg úttekt var
gerð á ástandi húsa í miðborginni
árið 2008. Þeir eigendur bygginga
þar sem endurbóta var krafist
skiptu hundruðum, segir Magn-
ús Sædal Svavarsson, bygginga-
fulltrúi hjá Reykjavíkurborg.
Húseigendur fengu bréf heim
þar sem óskað var eftir því að
þeir gengju betur frá húsum
sínum, ellegar yrði dagsektum
beitt. Engar sektir hafa þó verið
sendar út, nú þremur árum síðar,
sökum þess ástands sem skall á
skömmu eftir úttekt borgarinnar.
„Við tókum miðborgina fyrst í
gegn, því þar er mjög víða pott-
ur brotinn,“ segir Magnús. „Við
fórum kerfisbundið yfir svæð-
ið og sendum út bréf þess efnis
að ef menn sinntu ekki málum,
gæti verið gripið til þvingunar-
aðgerða í formi dagsekta. En það
hefur enn ekki verið tekið á þeim
málum.“
Magnús segir að dagsektum
verði aldrei skellt á fyrirvara-
laust, en hafi ekkert verið aðhafst
verði hvert og eitt tilvik metið
fyrir sig og tillögur um tíma-
frest lagðar fram fyrir viðkom-
andi aðila. Eigendur hafi þó and-
mælarétt. Ef slíku sé beitt verði
málið lagt fyrir borgaryfirvöld.
Sé úrskurður yfirvalda sá að eig-
andi þurfi að sinna endurbótum á
húsi sínu hafi viðkomandi 30 til 40
daga til að sinna málum.
„Ýmsir tóku sig þó til þegar við
sendum út bréfin,“ segir Magnús.
„En það sem þarf að gerast er að
við Íslendingar förum að haga
okkur eins og siðaðar þjóðir og
halda mannvirkjum okkar við. Við
verðum að fara að taka okkur á.“
Páll Hjaltason, formaður skipu-
lagsráðs, segir sífellt verið að
vinna í því að bæta ásýnd mið-
borgarinnar. Það hafi ekki þótt
vænlegt til árangurs að beita dag-
sektum í því árferði sem nú er í
samfélaginu, en verið sé að skoða
hinar ýmsu leiðir til þess að bæta
ástandið.
„Þetta er orðin hálfgerð sorgar-
saga,“ segir Páll. „Þessi hús eru
mestmegnis í eigu bankanna eða
undir vernd þeirra á einn eða
annan hátt.“
Páll segir þó vissulega tvinn-
ast inn í þetta varanlegri lausnir
á skipulagsmálum heldur en ein-
faldlega að bæta ásýnd einstakra
húsa. Samantekt um eignarhald á
húsunum liggi fyrir og verið sé að
útfæra hvernig sanngjarnast væri
að leysa úr vandanum.
sunna@frettabladid.is
Hundruð bygginga
í miðborg niðurnídd
Skipulagsnefnd Reykjavíkurbogar sendi hundruð aðvarana til húseigenda árið
2008 vegna niðurníddra bygginga. Hótað var dagsektum ef ekkert yrði að gert.
Enginn hefur verið sektaður og segir byggingafulltrúi marga hafa tekið sig á.
RÚSTIR EINAR Baldursgata 32 í Reykjavík er rústir einar eftir mikinn bruna. Ekkert
hefur verið aðhafst varðandi endurbætur á húsinu. FRÉTTABLAÐIÐ/VALLI
PÁLL HJALTASON MAGNÚS SÆDAL
SVAVARSSON
ALLIR Í KAFI Leikurinn gengur út á að
koma bolta í körfu andstæðingsins á
botni sundlaugar.
HEILSA Sundruðningur, sem hefur
verið vinsæl íþróttagrein víða um
heim, barst nýverið til Íslands.
Ástralski skiptineminn Bobby
Chen á heiðurinn að fyrsta Sund-
ruðningsfélagi Íslands.
„Ég hef æft sundruðning af
kappi í Ástralíu og það var annað
hvort að leggja sundbuxurnar á
hilluna eða að stofna félag,“ segir
Bobby.
Sundruðningur er þrívíddar
liðaíþrótt þar sem leikmenn
keppa um að koma bolta í körfu
andstæðinganna á botni sund-
laugar. Boltinn er fylltur salt-
vatni og sekkur niður á botn.
Íþróttagreinin á rætur að rekja
til Þýskalands og er mikið spiluð
í Danmörku, Noregi, Finnlandi,
Svíþjóð og Kólumbíu.
Sex leikmenn eru í hverju
liði en auk þess eru varamenn á
bakkanum. Bobby segir venju-
lega spilað á nokkru dýpi, lág-
markið er þrír metrar.
- ve / sjá Allt í miðju blaðsins
Ný íþrótt komin til landsins:
Leika ruðning
í sundlaugum
Um 200 börn læra í Hörpu
Um 200 börn leggja stund á tónlistar-
nám í Tónskóla Hörpunnar. Skólinn
sinnir hljóðfærakennslu í tíu grunn-
skólum Reykjavíkur, auk þess sem
kennsla fer fram í aðalstöðvum skól-
ans í Grafarvogi. Sú málvenja hefur
myndast að þær eru nefndar Harpan,
segir í tilkynningu frá Tónskólanum.
MENNING
ORKUMÁL Hópur lífeyrissjóða hefur
ákveðið að hefja áreiðanleikakönn-
un á orkufyrirtækinu HS Orku
vegna mögulegra kaupa á fjórð-
ungshlut í fyrirtækinu.
Í tilkynningu frá lífeyris-
sjóðunum segir að þetta sé næsta
skref í viðræðuferlinu við Magma
Energy, en verði af umræddri
fjárfestingu er gert ráð fyrir að
greiddir verði um 8,06 milljarðar
króna fyrir hlutinn.
Þá hefur Magma boðið sjóðunum
að auka hlut sinn í HS Orku upp í
33,4 prósent með kaupum á nýjum
hlutum í febrúar á næsta ári.
Í tilkynningunni segir enn
fremur: „Aðilar eru sammála
um að verði af fjárfestingunni
verði lífeyrissjóðunum tryggð rík
minnihlutavernd með setu fulltrúa
lífeyrissjóðanna í stjórn HS Orku
og formlegri aðkomu að öllum
meiriháttar ákvörðunum á vegum
félagsins.“
Það er þó háð því að eignar-
hlutur lífeyrissjóðanna verði ekki
lægri en 22,5% í fyrirtækinu.
Kaupin eru einnig háð útkomu
áreiðanleikakönnunarinnar sem
og samþykkis stjórna lífeyrissjóð-
anna sem um ræðir, en ákvörðun
mun sennilega liggja fyrir í næsta
mánuði. - þj
Lífeyrissjóðir undirbúa innreið sína í íslenskan orkuiðnað:
Gera áreiðanleikakönnun á HS Orku
VILJA HLUT Í HS ORKU Lífeyrissjóðirnir
sem hafa hug á að kaupa hlut í HS Orku
hafa ákveðið að láta gera áreiðanleika-
könnun á fyrirtækinu. FRÉTTABLAÐIÐ/VILHELM
NÍGERÍA, AP Goodluck Jonathan var í gær útnefndur
sigurvegari forsetakosninga í Nígeríu, fjölmenn-
asta ríki Afríku. Jonathan, sem tók við forseta-
embættinu í þessu mikla olíuríki um mitt síðasta
ár, fékk rúmlega tíu milljónum atkvæða meira en
helsti keppinautur sinn, Muhammadu Buhari. Auk
þess sigraði Jonathan í nógu mörgum fylkjum til
að ekki þyrfti að kjósa aftur milli tveggja efstu.
Miklar óeirðir upphófust eftir að úrslitin urðu
ljós, en landið er skipt milli fátækra múslima í
norðurhlutanum og kristnum mönnum í hinum
olíuríka suðurhluta.
Óeirðaseggir kveiktu í húsum þar sem fánar
stjórnarflokksins blöktu við hún og skothvellir
heyrðust í mörgum borgum og bæjum.
Í gegnum árin hefur ofbeldi og svindl einkennt
kosningar í landinu og tveir stærstu stjórnarand-
stöðuflokkarnir höfðu kært niðurstöður kosning-
anna strax í gær. Flestar eftirlitsstofnanir voru
þó á því að kosningarnar hefðu farið löglega fram,
þar sem til að mynda var færri kjörkössum stolið í
þessum kosningum en þingkosningunum í síðasta
mánuði. - þj
Goodluck Jonathan sigraði í forsetakosningum í Nígeríu með miklum mun:
Endurkjörinn í skugga óeirða
ENDURKJÖRINN Goodluck Jonathan var endurkjörinn forseti
Nígeríu í kosningum um helgina. FRÉTTABLAÐIÐ/AP
SUÐUR-AFRÍKA Ítalski súkkulaði-
framleiðandinn Pietro Ferrero
lést þegar hann féll af reiðhjóli í
Höfðaborg í gær. Ferrero hefur
verið við störf í Suður-Afríku
undanfarið.
Ferrero var stjórnarformaður
Ferrero Group, sem framleiðir
meðal annars Nutella-súkkulaði-
álegg og Kinder-eggin. Faðir
Ferrero er sagður ríkasti maður
Ítalíu. - sv
Súkkulaðiframleiðandi lést:
Datt af hjóli í
S-Afríku og dó
Vilhjálmur, er allt með kyrrum
kjörum?
„Já, því miður.“
Lítið þokast í kjaraviðræðum. Vilhjálmur
Egilsson er framkvæmdastjóri Samtaka
atvinnulífsins.
SPURNING DAGSINS
fyrir 12 mánaða og eldrihipp.is
Við lífrænt