Morgunblaðið - 06.07.2017, Blaðsíða 16
16 FRÉTTIRErlent
MORGUNBLAÐIÐ FIMMTUDAGUR 6. JÚLÍ 2017
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. 8-12 og 13-18, fös. 8-14
Hröð og góð þjónusta um allt land
Áratuga
reynsla
Startar bíllinn ekki?
Við hjá Rafstillingu leysum málið
Stefán Gunnar Sveinsson
sgs@mbl.is
Moon Jae-in, forseti Suður-Kóreu, krafðist
þess í gær að refsiaðgerðir alþjóðasamfélags-
ins gegn Norður-Kóreumönnum yrðu hertar í
kjölfar þess að þeir náðu að skjóta á loft lang-
drægri eldflaug (e. ICBM) í fyrsta sinn síð-
astliðinn þriðjudag. Sagði Moon að tilrauna-
skotið hefði verið „stórkostleg ögrun“ og
fordæmdi Norður-Kóreu fyrir kjarnorkuáætl-
un sína. Moon var staddur í Berlín, þar sem
hann ræddi við Angelu Merkel Þýskalands-
kanslara, sem einnig lýsti sig samþykka hert-
um aðgerðum.
Nær alla leið til Alaska
Fyrr um daginn hófu Bandaríkin og Suður-
Kórea tilraunir með eldflaugavarnakerfi sín
og var þeim ætlað að senda skilaboð til Norð-
ur-Kóreumanna í kjölfar tilraunaskotsins.
Heppnuðust tilraunirnar vel að sögn banda-
rískra embættismanna og áttu þær að sýna
að bæði Bandaríkin og Suður-Kórea væru
örugg fyrir hugsanlegum árásum frá Norður-
Kóreu þrátt fyrir að óháðir sérfræðingar
hefðu staðfest að nýja eldflaugin sem Norður-
Kóreumenn búa yfir gæti náð alla leið til
Alaska og jafnvel lengra inn að meginlandi
Bandaríkjanna. Donald Trump Bandaríkja-
forseti hélt uppteknum hætti á samfélags-
miðlinum Twitter og gagnrýndi Kínverja fyrir
aðgerðaleysi sitt gagnvart Norður-Kóreu-
mönnum.
Benti hann meðal annars á að viðskipti á
milli Kína og Norður-Kóreu hefðu aukist um
nærri því 40% á fyrsta fjórðungi þessa árs.
Gaf Trump í skyn að þessar tölur sýndu að
það hefði verið fásinna af sér að reyna að fá
Kínverja til þess að halda aftur af Kim Jong-
un, en hann hefði þurft að reyna það fyrst.
Boðað til fundar í öryggisráðinu
Viðbrögð umheimsins við tilraunaskoti
Norður-Kóreu héldu áfram í gær, en boðað
var til sérstaks fundar öryggisráðsins að
kröfu Bandaríkjastjórnar, sem átti að hefjast
klukkan 19 að íslenskum tíma. Antonio Guter-
res, framkvæmdastjóri Sameinuðu þjóðanna,
fordæmdi tilraunaskot Norður-Kóreumanna
fyrir fundinn og sagði það stórhættulega ögr-
un við umheiminn.
Kínverjar og Rússar hvöttu til þess að báð-
ir deiluaðilar sýndu stillingu og reyndu að
lægja öldurnar. Rex Tillerson, utanríkisráð-
herra Bandaríkjanna, sagði hins vegar að
þjóð sín gæti aldrei sætt sig við að Norður-
Kórea yrði að kjarnorkuveldi.
Þrýst á um hertar aðgerðir SÞ
Bandaríkin og Suður-Kórea prófa eldflaugavarnir sínar í kjölfar tilraunaskots Norður-Kóreumanna
AFP
Ögrun Kim Jong-un fagnar hér tilraunaskoti Norður-Kóreumanna á þriðjudagsmorguninn.
Franska stjórnmálakonan Simone
Veil, sem lést 30. júní síðastliðinn,
verður grafin í Pantheon í París.
Frá þessu greindi Emmanuel
Macron Frakklandsforseti í gær.
Veil var hvað þekktust í Frakk-
landi fyrir hlutverk sitt og baráttu
fyrir lögleiðingu fóstureyðinga en
hún sat jafnframt á Evrópuþing-
inu um hríð og gegndi þar hlut-
verki forseta þingsins. Þá sneri
Veil sér aftur að frönskum stjórn-
málum og sat í ríkisstjórn á 10.
áratugnum.
Veil verður fimmta konan sem
grafin er í Pantheon í París þar
sem margir af merkustu Frökkum
sögunnar hvíla.
Emmanuel Macron, forseti
Frakklands, minntist Veil og sagði
hana vera öðrum innblástur og
Frakklands allra besta. Þá var hún
valin í hóp hinna 40 „ódauðlegu“
af frönsku akademíunni árið 2010,
sem er mikill heiður í Frakklandi.
urdur@mbl.is
Veil grafin í Pantheon
Ein af merk-
ustu Frökkum
sögunnar
AFP
Veil Macron segir Veil vera öðrum innblástur og Frakklands allra besta.
Meirihluti Rússa, eða um 63%, eru á
þeirri skoðun að Sovétríkin hefðu
unnið „föðurlandsstríðið mikla“, líkt
og þeir kalla síðari heimsstyrjöld, án
þess að Bandaríkjamenn og Bretar
hefðu komið þeim til aðstoðar. Þetta
kemur fram í niðurstöðum viðhorfs-
könnunar Levada Center.
Þar kom fram að einungis um 28%
Rússa telji aðstoð bandamanna hafa
skipt máli, og um 9% voru ekki viss
eða vildu ekki svara. Interfax-
fréttastofan rússneska greindi frá
þessum niðurstöðum, en könnunin
var framkvæmd dagana 19. til 22.
maí meðal 1.600 einstaklinga af 48
ólíkum svæðum í Rússlandi. Levada
Center er óháð könnunarfyrirtæki í
Rússlandi og nýtur ekki stuðnings
stjórnvalda þar í landi. Í síðasta
mánuði birti það könnun þar sem
fram kom að meirihluti Rússa telur
að Jósef Stalín, einræðisherra Sov-
étríkjanna, hafi verið merkilegasti
einstaklingur mannkynssögunnar.
ragnheidur@mbl.is
Segja að stríðið hefði
unnist án aðstoðar
Segja Stalín þann merkilegasta
AFP
Stríðslok Stalín var gert hátt undir höfði í Rússlandi í maí síðastliðnum.