Jazzblaðið - 01.09.1951, Blaðsíða 12
sex ára
Þann 1. október eru sex ár síðan Aage
Lorange gerði samning við Sjálfstæðismenn
um að leika í Sjálfstæðishúsinu, sem þá
var verið að byggja.
Hljómsveitin byrjaði að æfa og hélt uppi
reglubundnum æfingum fram til maí næsta
árs, en þá byrjuðu þeir að leika í Sjálf-
stæðishúsinu. Hljómsveitin var því búinn
að leika í húsinu í fimm ár í maí síðast-
liðinn.
Þeir, sem voru í hljómsveitinni auk Aage,
voru Þorvaldur Steingrímsson með altó-
saxófón, klarinet og fiðlu, Poui Bernburg
trommuleikari, Skafti Sigþórsson með altó
og fiðlu, Ólafur Pétursson tenór-saxófón
og harmoniku og Jónas Dagbjartsson með
trompet og fiðlu. Sjöunda manninn réði
Aage í hljómsveitina og var það Einar B.
Waage, sem lék á saxófón og kontrabassa,
en Einar byrjaði ekki strax að æfa með
hljómsveitinni, þar sem hann var við nám
í Bandaríkjunum.
Hljómsveit þessi varð strax stærsta og
fullkomnasta danshljómsveit hérlendis, var
sama við hvaða tegund dansmúsikar hún
reyndi, allt léku þeir með jafn góðum
árangri.
Sjálfstæðishúsið var fyrst í stað rekið
með svokölluðum „restrasjónum", en það
varð aldrei mikil aðsókn að þeim, svo að
nokkru síðar var farið út á þá braut að
halda dansleiki, sem strax urðu mjög vin-
sælir og má segja að síðan hafi verið stöð-
ug aðsókn að dansleikjum þar og sennilega
hvergi eins oft útselt og þar.
Hljómsveit
Aage
Lorange
12 ^azzlfaíiÍ