Jazzblaðið - 01.10.1950, Blaðsíða 4
GUÐIVSIJIMDLR R. EIMARSSOM
Guðmundur R. Einarsson fæddist i
Reykjavík þann tuttugasta og sjötta
október 1925. Ungur að aldri fór hann
að leggja eyrun að hljómlist, en hann
var kominn vel yfir fermingu, þegar
hann byrjaði að leika á hljóðfæri, og
var það píanó. Það var í smáum stíl,
meira að segja það smáum, að Guð-
mundur vill ekki láta þess getið.
Guðmundur byrjaði fljótt að kaupa
grammófónsplötur og hlustaði mikið á
þær, meira að segja tók hann til að
spila með þeim, en ekki á píanó —
heldur fékk hann sér stól og trommaði
á setuna.
Nú ekki að sökum að spyrja, hann
ákvað að gerast trommuleikari, og þar
sem Björn bróðir hans var þegar far-
inn að afla sér aukatekna um helgar
við að leika á harmoniku, var Guðmund-
ur ekki lengi að útvega sér trommusett
og byrjaði hann að leika með Birni.
Þetta var veturinn 1944—45.
Næsta haust byi'juðu þeir Gunnar
Egilson, Árni Isleifsson, Axel Krist-
jánsson og Haraldur Guðmundsson að
æfa upp hljómsveit, en þeir höfðu leikið
saman veturinn áður, og fengu þeir
bræðurna Björn og Guðmund með í
hljómsveitina, og varð Björn stjórnandi
hennar.
Hljómsveit þessi byrjaði að leika í
Listamannaskálanum og varð brátt mjög
vinsæl meðal ungu kynslóðarinnar. —
Vorið 1946 byrjuðu þeir að leika í
Breiðfirðingabúð. Síðan hefur hljóm-
sveitin tekið miklum breytingum, bæði
hvað stíl og einstaklinga snertir og er
nú svo komið, að Guðmundur er eini
maðurinn, sem eftir er með Birni úr
hinni fyrstu hljómsveit hans, enda hafa
þeir bræður jafnan verið driffjaðrir
hljómsveitarinnar, Guðmundur engu að
síður en Björn. Þeir, sem kynnzt hafa
Guðmundi, hafa komizt að raun um, að
hann er mjög músíkalskur maður. Hann
getur leikið meira eða minna á flest
öll hljóðfæri og tónlistarsmekkur hans
er góður; það ber hans ágæta plötu-
safn vott um.
Þær plötur, sem Guðmundur heldiu'
mest upp á, eru helzt þær, sem góðir
trommuleikarar leika á, og má þar
nefna plötuna „Shufflin’ at the Iíoly-
wood“, með hljómsveit Lionel Hampton,
en þar leikur Cozy Cole á trommur.
Eftir þessari plötu segist Guðmundur
FRAMH. á bls. 10.
4 JjazzlfaÁiÁ