Morgunblaðið - 25.03.1981, Blaðsíða 21

MORGUNBLAÐIÐ, MIÐVIKUDAGUR 25. MARZ 1981
21
Fer þessu ekki að linna?
íslendingar eru sagðir ræða um veður ofr
veðurfar hvenær sem tveir eða fleiri koma
saman á mannamótum eða hittast á förnum
vegi. Síðustu vikurnar hefur þessi umræða
jafnvel yfirgnæft venjubundið dægurþras
og hápólitískar umræður og ekki að
ástæðulausu. Mörgum er farið að leiðast
hin harða veðrátta og líta löngunaraugum
til betri tíðar og blóma í haga. Mörg
andvörpin má heyra samfara spurningum
eins og: „Fer þessu ekki að linna?“ eða
öðrum ámóta. Myndirnar hér að neðan eru
frá Akureyri, ólafsfirði, ísafirði og Ilellis-
heiði, en þessir staðir hafa ekki fengið hvað
minnstan skerf af þyngslum vetrarins.
Akureyri
Nú er hart í ári hjá smáfuglunum og þiggja þeir með þðkkum það sem að þeim er rétt. Sú
góða vísa er áreiðanlega ekki of oft kveðin að muna eftir smáfuglunum, sérstaklega i
veðráttu sem nú.
Þessi mynd er tekin að Einholti
10, sem er norðarlega í Glerár-
hveríi, en þar eru víða mikil
snjóþynnsli. Ljósmyndari
stendur á snjónum við hlið
þakbrúnarinnar og börnin þrjú
eru við útidyrahurð hússins, en
eigendurnir þurftu að grafa sig
niður að þeim. Strákurinn heit-
ir Magnús Már Lárusson, stelp-
an i miðið Svanhildur Svans-
dóttir og sú dökkhærða lengst
til hægri Gunnhildur Gylfadótt-
ir.
Ljósm. Mbl. Sv.P.
Þessi mynd er tekin í höfninni á ísafirði en höfnin er i
klakaböndum eins og sjá má. Ljósm. Mbi. Úllar.
Þarna virðist vera snoturlega útbúin af manna höndum snjókerl-
ing, karl og barn. Svo er þó ekki. Undir eru, þegar betur er að gáð.
myndarleg tré, sem snjórinn hefur hlaðið sig utan á.
Myndin virðist við fyrstu sýn vera tekin af snjóbreiðu. Ef betur er
að gáð sézt á miðju hennar húsnúmerið 50. Inni i holunni er
inngangur i ibúðarhús og húsnúmerið er á útidyrunum. Dökku
dilarnir þrir ofar á myndinni eru lofttúður hússins, sem eru það
eina sem stendur upp úr snjófarginu.
Hver láir þessum bileiganda þó hann liti vonleysislega yfir
umhverfið? Ljósm. Mbl. Sv»v«r B. MairnÚHNon
Hellisheiði hefur liklega sjaldan eða aldrei verið jafn oft ófær og þennan veturinn. Skaflar meðfram
veginum eru orðnir þar margra metra háir og snjóruðningstæki og blásarar haft þar nægu að sinna.
Ljósm. Mbl. RAX.