Morgunblaðið - 02.04.1986, Blaðsíða 43
, „MOftfiUNBIjAftip, MH?V«jJDAGIjR2;AmÍL1986
i43
Jón Sigmjóns-
son - Minning
Fæddur 14. október 1909
Dáinn 22. mars 1986
Hinn 14. október 1909 eignuðust
hjónin í Litlu-Brekku á Höfðaströnd
þau Helga Jónsdóttir og Siguijón
Jónsson son. Drengurinn, sem
skírður var Jón Gunnlaugur, var
þriðja barn þeirra, en fyrir áttu þau
tvær dætur, Guðrúnu og Kristínu.
Á nútímamælikvarða hefði fjöl-
skyldan í Litlu-Brekku ugglaust
verið talin fátæk og kjör barnanna
í uppvextinum kröpp. En í þeim
mun ríkara mæli hlutu þau það sem
alsnægtakynslóð okkar tíma skort-
ir: Sterk fjölskyldubönd og náin
tengsl við móður náttúru.
Hið nána samneyti við ástríka
foreldra, menn og málleysingja
mótaði mjög lífsviðhorf Jóns á
uppvaxtarárum hans.
Þegar Jón var 7 ára fluttu for-
eldrar hans að Móafelli í Fljótum
og voru þar um fjögurra ára skeið
og síðar á öðrum bæjum þar í
sveit,_ en árið 1926 fluttu þau að
Ytri-Á í Ólafsfirði til Guðrúnar dótt-
ur sinnar, er þar bjó. Jón var þá
enn í foreldrahúsum ásamt yngri
bróður sínum, Jóhanni.
Er Jón óx úr grasi kom í ljós að
hann var mikill hagleikspiltur og
hafði mikinn áhuga á handmennt-
um, einkum þó smíðum. Því varð
það úr árið 1931 að hann réðst í
trésmíðanám hjá Eggert Guð-
mundssyni er lengi rak verkstæði
á Glerárgötu 3b á Akureyri.
Síðar gerðist Jón meðeigandi í
verkstæðinu og að lokum eignaðist
hann það einn og rak það allt til
síns hinsta dags, en hann lést á
FSA 22. mars sl. eftir þriggja mán-
aða legu þar.
Jón var mikill gæfumaður á lífs-
leiðinni. Hann var vel af Guði gerð-
ur og dáður af þeim er til hans
þekktu. í foreldrahúsum bjó hann
við gott atlæti. Starf hans var
honum hugleikið. Síðast en ekki síst
eignaðist hann góða konu og fjöl-
skyldu sem var honum mjög kær.
21. nóvember 1936 kvæntist Jón
eftirlifandi konu sinni, Birnu Finns-
dóttur frá Ytri-Á í Ólafsfirði. Þau
bjuggu alla tíð á Akureyri og lengst
af eða frá 14. maí 1938 í Holtagötu
2.
Jón og Bima eignuðust 3 böm:
Helgu sém gift er Grétari Ólafssyni,
Kristínu sem er gift Rafni Sveins-
syni og Sigurjón, en hans kona er
Þóra Hjaltadóttir. Eina dóttur, Hlíf,
eignaðist Jón áður en hann kvænt-
ist.
Heimili þeirra Jóns og Birnu var
alla tíð rómað fyrir gestrisni. Þang-
að sóttu ættingjar og vinir til að
njóta góðgerða og hressandi sam-
ræðna við húsráðendur. En á heim-
ilið komu líka margir sem þau hjón-
in vom beðin að hýsa og veita beina
um lengri eða skemmri tíma. Öllum
var jafn vel tekið. Allir fundu að
þeir voru velkomnir.
En hvernig stóð á öllum þessum
gestagangi meira og minna ókunn-
ugs fólks?
Hér var oftast á ferð fólk frá
tveimur byggðarlögum, sem bjó við
erfiðar og ótryggar samgöngur,
Ólafsfirðingar og Grímseyingar.
Þetta fólk átti ýmis erindi til
Akureyrar. Ungt fólk á leið í eða úr
skóla. Sjúklingar er biðu eftir
sjúkrahússplássi eða fari heim að
lokinni sjúkrahússlegu. Sumir vom
í viðskiptaerindum, aðrir höfðu þar
viðdvöl á lengri leið.
Það var dýrt að búa á gistihúsi
og stundum var þar ekkert pláss
að fá. Þá var leitað til þeirra sem
höfðu húsrými og þó frekar hjarta-
rými til að greiða götu þeirra sem
í vandræðum vom.
Holtagata 2 varð þá gjarnan fyrir
valinu.
Sjálfur varð ég þeirrar gæfu
aðnjótandi að vera heilan vetur í
fóstri hjá þeim Jóni og Birnu er ég
var en á barnsaldri.
Ég minnist þess frá þeim dögum
og oft seinna er ég dvaldi í Holta-
götunni að oft var þröngt, því einn
kom þá annar fór. Húsakynnin vom
ekki stór en öllum var komið fyrir.
Umgangur var að sjálfsögðu
mikill og nánast á öllum tímum
sólarhringsins. Helsta farartækið
við útbyggðir Eyjaíjarðar var þá
Drangur og ferðir hans vom mjög
háðar veðri og vindum einkum yfir
veturinn.
Öllum var veittur beini áður en
ferð var hafin eldsnemma að morgni
og einnig er komið var, jafnvel á
miðri nóttu.
Þau hjónin vom einkar samhent
í þessu sem öðm. Alla tíð vom þau
veitendur, sem af mikilli ástúð og
ósérplægni greiddu götu hvers
manns er á dyr þeirra knúði.
Jón var mikill náttúmunnandi.
Einkum hafði hann dálæti á fuglum.
Hann safnaði að sér hvers kyns
fróðleik um þá og margar stundir
var hann við athuganir á lifnaðar-
háttum þeirra. Þá átti hann nokkurt
safn eggja og uppstoppaðra fugla.
Jón var reyndar safnari að eðlis-
fari og á síðari ámm þegar frístund-
imar urðu fleiri, fór æ meiri tími í
söfnun og grúsk af ýmsu tagi.
Hann átti t.d. margt merkilegra
steina.
Fyrir nokkmm ámm hóf Jón
söfnun tímarits- og blaðagreina um
einstakar fugla- og dýrategundir.
Af mikilli kostgæfni kembdi hann
þá staði þar sem eitthvað hafði
verið skrifað um þessar tegundir.
Síðan klippti hann efnið saman og
gerði úr bækur sem hann batt sjálf-
ur.
Ég veit að af þessu hafði hann
ómælda ánægju.
Já, Jóni Sigurjónssyni var margt
vel gefið. Eitt skal að lokum nefnt.
Það var einstaklega létt lund og
dagfarsprýði. Hann var glaðvær og
gamansamur, fljótur að sjá spaugi-
legu hliðarnar á hlutunum.
Ég tel að návist hans hafi verið
mannbætandi og hveijum manni
kær. Því éignaðist hann stóran
vinahóp. Þessi vinahópur eygir nú
tómleika er Jón er horfinn yfir
móðuna miklu.
Mér er orða vant er ég kveð
frænda minn kæran er hann leggur
upp í hinstu förina. En þakkir fylgja
honum frá litlum dreng er hann
fóstraði einn betur fyrir margt
löngu og gerði síðan margan greiða
í gegnum áranna rás.
Guð launi Jóni öll hans góðu verk
og blessi honum þessa för.
Hreinn Bernharðsson
V^terkurog
kJ hagkvæmur
auglýsingamiðill!
s fltoigMtilfrlteftifo
NiJK-ÐSS’fOHSMj
Ouncc to rtpo****
ffljfflBS&k,. NowuUO""44
.N0N-DRH>C0KrMT
ADHESIVE
Chance to reposition.
l Nowasteormess.
m, Easytousfc
Chancetorepo*^
k Nowaju°rmT
JHIXOð
ILiwn-dm’KSk
DUNLOP THIXOFIX;
brúnleitt hlaup sem
ekki drýpur og
límir næstum allt
Thixofix var fyrst og fremst lagað til þess að líma harðplast, en er auk þess
alhliða griplím sem límir flest annað en einangrunarplast. Hinir sérstöku
eiginleikar límsins gera það miklu þægilegra í notkun en flest önnur
griplím. Þetta lím er mjög sterkt og eru höfuðkostir þess: • Það er hlaup-
kennt og drýpur ekki, er þar af leiðandi þrifalegra og miklu fljótlegra í
notkun. • Hefur langan „opnunartíma", eða allt að 25 mínútur. Líming
getur því farið fram frá 7-25 mínútum frá því límið er borið á. • Hægt er
að stilla nákvæmlega af hina límdu fleti eftir.að þeir hafa verið settir saman.
ÚTSÖLUSTAÐIR
• BYKO: HAFNARFIRÐI • BYKO: KÓPAVOGI • BYGGINGAMARKAÐURINN: MÝRARGÖTU REYKJAVlK
• SAMBANDtÐ BYGGINGAVÖRUR: SUÐURLANDSBRAUT • NYBORG: SKÚTUVOGI4 REYKJAVlK • MALNINGAV.
P. HJALTESTED: REYKJAVfK • HUSASMIÐJAN: REYKJAVlK • LITAVER: REYKJAVÍK • MÁLARINN: REYKJAVlK
• OFNASMIÐJAN: REYKJAVlK • BB BYGGINGAVÖRUR: SUÐURLANDSBRAUT REYKJAVlK • BB BYGGINGAVÖR-
UR: NETHYL 2 REYKJAVlK • BYGGINGAVÖRUDEILD KEA: AKUREYRI • FRIÐRIK BERTELSEN: REYKJAVlK • JON
FR. EINARSSON: BOLUNGARVlK • SG-BUÐIN: SELFOSSI • JARN OG SKIP: KEFLAVlK • KAUPFÉLAG RANG-
Æ|NGA: HVOLSVELLI • KF. AUSTUR SKAFTFELLINGA: HÖFN HORNAFIRÐI • TRÉSMIÐJA FLJÓTSDALS-
BJARNI DAGUR/SfA