Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Morgunblašiš

og  
S M Þ M F F L
. . 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 . .
PDF  | HQ_PDF  | JPG  | TXT  |
Skoša ķ nżjum glugga:
PDF  | HQ_PDF  | JPG  | TXT  |



Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Morgunblašiš

						14
MORGUNBLAÐIÐ FÖSTUDAGUR 4. AGUST 1989
Sumartónleikar í Skálholti:
Messá eftir Hjálmar H.
Ragnarsson frumflutt
Djasspíanistinn Cab Kaye heldur tónleika í Listasaíhi Sigurjóns Ólafs-
sonar á föstudagskvöld kl. 20.30.
Hundadagar '89:
Djass í Listasafiii Sigurjóns
DJASSPÍANISTINN og söngvarinn Cab Kaye heldur tónleika í Lista-
sa&ii Sigurjóns Ólafssonar í kvöld, föstudagskvöld, kl. 20.30. Með hon-
um leika tveir kunnir djassleikarar, þeir Steingrímur Guðmundsson
trommuleikari og bassaleikarinn Tómás Einarsson.
Cab Kaye fæddist! Ghana í Afríku
en fluttist með foreldrum sínum
barnungur til Englands. Þar kynntist
hann snemma djassinum og hóf að
leika á trommur, m.a. með hljóm-
sveit Billy Cotton. Cab Kaye hefur
starfað mikið í Bandaríkjunum og
þá með nokkrum frægustu djasslei-
kurum sögunnar, t.d. Dizzy Gillespie
og Charlie Parker, fyrst og fremst
sem píanóleikari þó hann hafi einnig
tekíð á trommum í viðlögum.
Á efnisskránni í Listasafninu
verða m.a. ýmsir þekktir djass-
„standardar" og eigin tónsmíðar
Cabs.
Aðgöngumiðar eru seldir í ís-
lensku óperunni dag hvern milli kl.
16 og 19 og við innganginn í Lista-
safninu hálftíma.fyrir tónleikana.
(Úr fréttatilkynningu)
SÍÐUSTU tónleikar sumarsins á
vegum Sumartónleika í Skál-
holtskirkju verða dagana 5., 6.
og 7. ágúst og að þessu sinni
verða tvær tónleikaskrár. Þrenn-
ir tónleikar verða, laugardag 5.
ágúst kl. 15 og 17, sunnudag kl.
15 og mánudag kl. 15. Á laugar-
dags- og sunnudagstónleikunum
verða flutt söngverk eftir Hjálm-
ar H. Ragnarsson af sönghópnum
Hyómeyki. Flutt verða Ave
María og messa. Á laugardags-
og mánudagstónleikunum kl. 17
og 15 leika Elísabet Waage og
Peter V. Lunel verk fyrir hörpu
og flautu. Meðal efhis á þeim
dagskrám eru verk eftir J.S.
Bach, S. Natra, I. Yun, W. Al-
wyn, C. Nielsen, V. Persichetti
og Atla H. Sveinsson.
Á þeirri efnisskrá sem byggir á
söngverkum eftir Hjálmar H. Ragn-
arssön verður m.a. frumflutt messa.
Messan er í hefðbundnu formi,
byggir á messuþáttunum Kyrie,
Gloria, Credo, Sanctus-Benedietus
Söngnámskeið Svan-
hvítar Egilsdóttur
Söngnámskeið á vegum Svanhvítar Egilsdóttur verður dagana 20.
ágúst til 2. september nk. í húsnæði Tónlistarskólans í Reykjavík á
Laugavegi 178. Þetta er 5. námskeiðið á vegum Svanhvítar hér á Iandi.
Svanhvit, sem er Hafhfirðingur
að uppruna, byrjaði snemma nám í
píanóleik, lærði söng hjá Franz Mixa'
og síðar í Leipzig, Vín og Graz. Eft-
ir stríð hélt hún námi sínu áfram í
Mílanó og Salzburg. Um 1960 var*
hún ráðin prófessor við Tónlistar-
háskólann í Vínarborg þar sem hún
hefur starfað síðan, segir í fréttatil-
kynningu.
Svanhvít hefur haldið fjölmörg
námskeið víða um heim, t.d. í Japan,
Finnlandi, Taiwan og sl. tvö sumur
í „Mozarteum" í Salzburg, auk nám-
skeiðanna á Islandi.
Undirleikari á ¦ námskeiðinu er
Adrian De Wit. Hann er fæddist í
Hollandi 1952, lærði píanóleik, semb-
alleik og hljómsveitarstjórn í heima-
landi sínu. Hann lauk námi í tónlist-
arháskólanum „Mozarteum" í Salz-
burg hjá píanóleikaranum Erica Fris-
er.
De Wit hefur spilað á fjölmörgum
tónleikum í Evrópu, bæði sem ein-
leikari og sem undirleikari, einnig í
útvarps- og sjónvarpsupptökum, m.a.
með söngkonunni Eddu Moser.
/f£*\
Svanhvít Egilsdóttir
Upplýsingar og innritun á nám-
skeiðið er í Hljóðfæraverslun Leifs
H. Magnússonar.
Morgunblaðiö/Einar Falur
Sönghópurinn Hljómeyki á æf-
ingu.
og Agnus Dei. Aður hafa verið flutt-
ir tveir þættir úr messunni, Gloria
árið 1982 og Credo árið 1987 en
það er fyrst nú um helgina sem
messan verður frumflutt í heild.
Peter V. Lune flautuleikari og
Elísabet Waage hörpuleikari mynda
saman dúó, sem tekið var inn í
dagskrá Young Musician, undir
verndarvæng Yehudi Menuhin. Yo-
ung Musician er stofnun er hefur
það markmið að gefa ungu tónlist-
arfólki tækifæri til að koma fram.
Peter V. Lunel kemur frá Hol-
landi. Hann hóf tónlistarnám sitt á
blokkflautu og hélt tónleika á það
hljóðfæri áður en hann sneri sér
¦ að þverflautunni. Hann lærði fyrst
hjá Paul Loewer en síðan hjá Abbie
de Quant. Einnig hefur hann sótt
námskeið hjá András Adorján, Pet-
er-Lukas Graaf og Geoffrey Gil-
bert. Kennaraprófi lauk hann 1988
en einleikaraprófi 1989.
. Elísabet Waage lauk prófi úr
Konunglega tónlistarháskólanum í
den Haag undir handleiðslu Edward
Elísabet Waage hörpuleikari og
Peter V. Lunel flautuleikari.
Witsenburg. Hún hefur haldið tón-
leika á íslandi, í Hollandi, Noregi
og Wales. Hún hefur leikið með
hljómsveitum og kammerhópum og
fyrir íslenska Ríkisútvarpið.
Aðgangur að öllum tónleikunum
er ókeypis. Messa verður sunnudag
kl. 17. Séra.Guðmundur Óli Ólafs-
son predikar en organisti er Hilmar
Örn Agnarsson. Flutt verða tónverk
úr dagskrám helgarinnar við guðs^
þjónustu. Rútuferðir verða frá BSÍ
á sunnudögum kl. 11.30 frá
Reykjavík og til baka aftur kl.
17.40.
Utanríkisráðherra ræðir við kanadíska ráðamenn:
Hugmyndir uþpi um atlögu N-Atlants-
hafsþjóða gegn Grænfriðungum
Treysti Grænfriðungum varlega þrátt fyrir nýjustu yfírlýsingar, segir Jón Baldvin
Ottawa. Frá Karli Blöndal, fréttaritara Morgunblaðsins.
JÓN Baldvin Hannibalsson utanríkisráðherra átti viðræður um
síðastliðna helgi við John Crosbie, utanrikisviðskiptaráðherra
Kanada, og Clyde K. Wells, forsætisráðherra Nýfiindnalands.
Utanríkisráðherra var í Kanada i fylgd með með Vigdísi Finn-
bogadóttur, forseta íslands. Jón Baldvin ræddi við Wells um sam-
starf á sviði sjávarútvegsmála en einnig var rætt um sameigin-
lega áróðursherferð gegn umhverfisverndarsamtökum Grænfrið-
unga, Greenpeace.
Utanríkisráðherra kvaðst í við-
tali við Morgunblaðið hafa rætt
við Wells um vandamál í sjávarút-
vegi á Nýfundnalandi. Helsti
vandinn sem sjómenn þar eiga við
að etja er ofveiði. Jón Baldvin
sagði að þar væri helst um að
ræða ofveiði erlendra þjóða á svo-
kölluðum Head and Tails-banka
rétt fyrir utan 200 mílna lögsögu
Kanada. Þjóðirnar sem hér ræðir
um eru Spánverjar, Portugalar,
Sovétmenn og Japanar.
Óskað hefur verið eftir sam-
starfi um nýtingu fiskistofna í
Norður-Atlantshafi en aðildarríki
Evrópubandalagsins neita að
virða niðurstöður kanadískra
vísindamanna. Sagði utanríkis-
ráðherra að ofan á þetta bættist
að stærð fiskistofna á þessum
slóðum hefði verið ofmetin. Til
dæmis hefði aflamark á þorski
verið 296.000 tonn árið 1988 en
mætti ekki fara yfir 135.000 tonn
á næsta ári eigi að halda stofnin-
um við. Atvinnuleysi á Nýfundna-
landi er nú um 20 prósent og er
það mest vegna samdráttar í sjáv-
arútyegi. Minnkaður kvóti getur
því haft svipuð áhrif á atvinnu-
leysi þar og olía á eld.
„Clyde Wells var þeirrar hyggju
að vandamál íslands og Ný-
fundnalands væru svipaðs eðlis.
íbúar á báðum stöðum væru háð-
ir sjávarútvegi. Sagði hann að það
væri mikilvægt að fá að læra af
reynslu og aðferðum hvorra ann-
arra og koma á samstarfi milli
vísindamanna þjóðanna," sagði
Jón Baldvin Hannibalsson. „Hann
lagði til að eflt yrði samstarf þjóða
við og í N-Atlantshafi gegn veið-
um þjóða á borð við Spánverja,
Portúgala, Sovétmanna og Jap-
ana vegna þess að það væri allra
hagur að draga úr ofnýtingu á
þessu hafsvæði."
Jón Baldvin og Wells ræddu
einnig selveiðar. „Hlunnindaveið-
ar voru einnig- til umræðu. Wells
sagði að sel hefði fjölgað gífurlega
og æti hann sennilega meiri fisk
en kanadíski flotinn veiddi. Auk
þess ber selurinn orma sem við
þekkjum. Þetta hefur gerst í kjöl-
far ofsóknarherferðar Grænfrið-
unga á hendur veiðiþjóðum og nú
er tími til kominn til að snúa blað-
inu við og þar með áliti almenn-
ings," sagði ráðherra.
Hugmyndir um samstarf af
þessu tagi eru hins vegar á frum-
stigi. Wells er tiltölulega nýkom-
inn í embætti og hann ræður að-
eins ríkjum í hluta Kanada þ.e.a.s
Nýfundnalandi. Jón Baldvin sagði
að næsta skrefið yrði það að
leggja þetta mál fyrir ríkisstjórn
Kanada í höfuðborginni Ottawa.
Ráðamenn þar myndu síðan út-
lista nánar hugmyndir um sam-
eiginlega áröðursherferð íslands,
Kanada og ef til vill fleiri ríkja
gegn „óhróðurssamtökum" á borð
við Grænfriðunga.
Aðspurður um nýjustu yfirlýs-
ingar Grænfriðunga, um að þeir
séu hættir áróðursherferð sinni
gegn íslenskum sjávarafurðum
þar sem íslendingar hafí látið af
hvalveiðuni, sagðist Jón Baldvin
telja að þær væru seint á ferð-
inni, en seint væri betra en aldr-
ei. Hann sagði að grænfriðungar
hefðu þegar valdið veiðiþjóðunum
við norðanvert Atlantshaf miklu
tjóni með aðgerðum sínum, til
dæmis hefðu þeir valdið stórskaða
í inúítabyggðum í Kanada og á
Grænlandi með herferð sinni gegn
selveiðum. Þeir hefðu einnig ætlað
að gera ísland að fornminjasafni,
en mistekist. „Ég ber enga virð-
ingu fyrir fólki sem gengur fram
í heigulshætti og biðst ekki afsök-
unar á gjörðum sínum fyrr en
afleiðingarnar eru orðnar óbæri-
legar," sagði ráðherra. „Þegar
þeir koma núna og segja að nú
skuli þeir styðja Islendinga, þá
segi ég seint er betra en aldrei.
Ég segi það vegna þess að mál-
staður umhverfisverndar og
mengunarvarna er alvarlegri en
svo að þjóðir sem eiga líf sitt
undir verndun umhverfisins, eins
og við, getum treyst á slíka banda-
menn," sagði Jón Baldvin og bætti
við að hann treysti grænfriðung-
um varlega þrátt fyrir yfírlýsingar
þeirra.
Jón Baldvin sagðist telja full-
komlega ljóst að íslendingar ættu
að fara að gera ráðstafanir til
þess að fækka sel og hefja hrefnu-
veiðar að nýju. Það væru hvort
tveggja mál sem við þyrftum að
ræða við Nýfundnalandsmenn.
Utanríkisráðherra átti einnig
viðræður við John Crosbie en hann
vann að gerð fríverslunarsamn-
ings Bandaríkjastjórnar og
Kanada. Þeir ræddu einnig undir-
búning Fríverslunarbandalags
Evrópu (EFTA) og Evrópubanda-
lagsins (EB) að samkomulagi fyr-
ir sameiginlegan markað EB-
rfkja. Þeir ^omust að þeirri niður-
stöðu að margt væri sameiginlegt
með viðræðum þessum nú og
samningnum sem Crosbie stóð að
við Bandaríkjamenn en hann gekk
í gildi 1. janúar á þessu ári.
					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20
Blašsķša 21
Blašsķša 21
Blašsķša 22
Blašsķša 22
Blašsķša 23
Blašsķša 23
Blašsķša 24
Blašsķša 24
Blašsķša 25
Blašsķša 25
Blašsķša 26
Blašsķša 26
Blašsķša 27
Blašsķša 27
Blašsķša 28
Blašsķša 28
Blašsķša 29
Blašsķša 29
Blašsķša 30
Blašsķša 30
Blašsķša 31
Blašsķša 31
Blašsķša 32
Blašsķša 32
Blašsķša 33
Blašsķša 33
Blašsķša 34
Blašsķša 34
Blašsķša 35
Blašsķša 35
Blašsķša 36
Blašsķša 36