Morgunblaðið - 30.08.1990, Blaðsíða 8
V^terkur og
k_/ hagkvæmur
auglýsingamiöill!
VIÐSKIFn AIVINNULÍF
MORGUNBLAÐIÐ FIMMTUDAGUR 30. ÁGÚST 1990
Fróöleikur og
skemmtun
fyrir háa sem lága!
Ferðaþjónusta
Aherslan verður
*
lögð á gistingu Is-
lendinga á veturna
Rætt við Ármann Eiríksson framkvæmdastjóra
Bandalags íslenskra farfugla
Morgunblaðið/Börkur/Ámi Sæberg
GAMALT OG NÝTT —
Ármann Eiríksson framkvæmdastjóri
Bandalags íslenskra farfugla fyrir
framan Sundlaugaveg 34, sem verða
höfuðstöðvar bandalagsins, en til
stendur að selja húseignina við Lauf-
ásveg (sjá innfelldu myndina), sem
hefur dyggilega þjónað farfuglum í
27 ár.
■imnN'.ii.r.iiiF
Entek hyggst auka markaðs■
hlutdeild í Danmörku
LEKAROR — Þeir hyggjast ná markaði í Danmörku, f.v. Sig-
hvatur Eiríksson framkvæmdastjóri Entek, Knud Rasmussen, sem
hefur haft umsjón með þróunarstarfi „grátröranna." Til hægri við
hann stendur Ingvar J. Karlsson stjórnarformaður Entek.
UM fimmtán þúsund gistinætur
voru nýttar á Farfuglaheimilun-
um í Reyjavík á síðastliðnu ári
og er það ekki nema tæplega
40% nýting á ársgrundvelli.
Hins vegar fer nýtingin upp í
80-85% í júlí og ágúst, sem telst
mjög viðunandi. Armann Eiríks-
son hefur verið framkvæmda-
stjóri Bandalags íslenskra far-
fugla frá 1. maí í vor og segir
hann að ýmsar áætlanir séu
uppi til að reyna að nýta heimil-
in betur yfir vetrartímann. Með-
al annars standi til að vekja
athygli íslendinga á gistiheimil-
um Farfugla, því þeir séu ótrú-
lega fáir, sem láti sér detta þau
í hug þegar vanti gistingu. Enn-
fremur verður heimilið við
Laufásveg í Reykjavík lagt nið-
ur, en því meiri áhersla verður
lögð á hina nýju byggingu við
Sundlaugaveg 34 og verður það
húsnæði opið í fyrsta skipti allt
árið.
Ármann segir að breytingar
hafi hafi orðið gegnum tíðina og
starfsemin eins og hún var hafi
meira færst yfir á Ferðafélag ís-
lands og Útivist. Þeir séu sjálfir
komnir meira í samvinnu við ferða-
skrifstofur, sem leiði af sér að
fleiri hópar komi til gistingar. Það
sé orðið gríðarlega hátt hlutfall
fólks sem komi hingað til lands
t.d. í skipulagðar hálfsmánaðar
ferðir. Mikil aukning sé á frönsk-
um ferðahópum, Svisslendingum,
Þjóðverjum og Norðurlandabúum.
Bakpokafólk ber ekki síður
tekjur inn í landið en
viðskiptamenn
Hann nefnir að Islendingar tali
gjaman um „bakpokafólk eða
jafnvel bakpokalýð“ í neikvæðri
merkingu. Þeir komi hingað með
allt til alls og kaupi ekkert af ís-
lendingum. „Það kom mér því
mjög á óvart þegar ég tók við
þessu starfi, að hingað kemur
mikið af menntafólki, sem vill
greiða lágt verð fyrir gistingu, en
er tilbúið til að leggja peninga sína
í tiltölulega dýrar ferðir eins og
t.d. hálendisferðir. Og aldrei verð
ég var við annað en að þeir kaupi
matvæli hér á landi. Þetta er ferða-
fólk sem ber ekki síður tekjur inn
í landið en jafnvel viðskiptamenn
sem gefa stórfé fyrir að liggja
inni á hóteli yfir blánóttina, en
tíma svo ekki að eyða nokkrum
peningum að deginum," segir Ár-
mann.
„Starfið hjá okkur hefur einnig
breyst á þann hátt, að við höfum
tengst meira alþjóðastjórn far-
fugla (IYHF) og erum meira í al-
þjóðasamstarfi í sambandi við
rekstur á gistiheimilum. Á vegum
alþjóðasamtakanna komu hingað
breskir rekstraráðgjafar sem
lögðu til ýmsar breytingar, til að
laga okkur betur að alþjóðlegum
staðli hvemig gistiheimili farfugla
eiga að vera byggð upp. Meðal
breytinga sem stendur tij að gera
á nýja heimilinu í Reykjavík er að
flytja eldhús, borðsal og setustofu
niður í kjallara en útbúa í staðinn
herbergi hér á fyrstu hæðinni.
Einnig þurfum við að breyta her-
bergjunum, sem nú eru öll átta
mahna, í 2ja-8 manna herbergi
og er stefnt að því að gera það í
vetur.“
Bandalagið hefur starfrækt
heimilið'við Sundlaugaveg í rúm
fjögur ár og við Laufásveg í 27
ár. Stendur til að leggja það síðar-
nefnda niður. og selja húsnæðið.
Ennfremur var í fyrrahaust ráðist
í að kaupa húsnæði við Bjarmastíg
5 á Akureyri, sem hentaði mjög
vel. Nágrannar þess voru ekki
ánægðir með tilhugsunina, að
sögn Ármanns, og söfnuðu undir-
skriftum til mótmæla, sem endaði
með því að byggingarnefnd synj-
aði bandalaginu um rekstrarleyfi.
Stendur því til að selja einnig það
húsnæði og nota ijármunina til að
fullgera húsnæðið við Sundlauga-
veg. „Því húsnæði viljum við koma
í betra horf, þannig að það sé
boðlegt íslendingum, sem eru með
kröfuhörðustu gestum sem fyrir-
finnast. Athygli mín var vakin á
því að þegar fjölskyldur utan af
landi koma til höfuðborgarinnar,
og hafa ekki tök á að gista hjá
ættingjum, vanti tilfinnanlega
ódýrt húsnæði, þar sem það gæti
eldað sjálft. Gistinóttin hér fyrir
félagsmann er 900 kr., en 1150
kr. fyrir utanfélagsmann og af-
sláttur er veittur börnum. Fólk
má leggja til eigin sængurver, en
einnig getum við leigt þau út og
kostar það þá aukalega 200 kr.
hvort sem gist er í eina nótt eða
fleiri. Við viljum því höfða til
landsbyggðarinnar, hvort sem um
einstaklinga, fjölskyldur eða stóra
hópa, s.s. kóra, nemenda og
íþróttafólk, er að ræða. Úti á landi
eru starfrækt 16 farfuglaheimili
og eru sjálfstæðir aðilar víðs vegar
um landið í samstarfi við okkur
og hafa leyfi til að nota merki
farfugla."
Getum gert góða hluti
Starfsmenn Bandalags
íslenskra farfugla eru þrír í fullu
stafi allan ársins hring, 8-10
manns hafa unnið við rekstur
gistiheimilanna í Reykjavík og
tveir landverðir eru í Þórsmörk
yfir háferðamannatímann. „Rekst-
urinn var í járnum á síðasta ári,
en við stefnum að því að vera réttu
megin við núllið á þessu ári. Eig-
infjárstaðan er aftur á móti góð.
Það sem háir okkur eins og öðrum
í ferðaþjónustu er hversu ferða-
mannatíminn er stuttur. En við
sjáum fram á vaxandi ferða-
mannastraum hingað og með vel
hannaðri húseign, réttri skipu-
lagningu og kynningu eigum við
að geta gert góða hluti. Ég er
alveg sannfærður um það, “segir
Ármann Eiríksson.
FYRIRTÆKIÐ Entek hf. á ís-
landi, sem er til húsa í Hvera-
gerði hefur undanfarin tvö ár
verið að þróa nýja framleiðslu
röra úr gúmmíi til dreifingar á
lofti í vatni. Eru þau m.a. notuð
til hreinsunar á skólpvatni, en
einnig til notkunar í fiskeldi;
Fyrirtækið hefur flutt út áveitu-
rör til ýmissa landa. Með þessi
rör verður lögð áhersla á mark-
aðssetningu í Danmörku, þar
sem fyrirtækið hyggst reyna að
ná a.m.k. 2% markaðshlutdeild.
Á íjárhagsáætlun danska ríkisins
og sveitarfélaganna er að leggja
9 milljar d.kr. í hreinsun á skólpi.
Náist þetta markmið þýðir það
sölu upp á 40-50 milljónir árlega
næstu 4-5 árin. Stendur til að
stofna skrifstofu í Danmörku,
sem sjá á um inarkaðsmálin. Allt
eins getur orðið um sjálfstætt
fyrirtæki að ræða og segir fram-
kvæmdastjóri Entek, Sighvatur
Eiríksson að verið sé að leita að
samstarfsaðila, innlendum eða
erlendum, sem væri tilbúinn til
þátttöku í þessu verkefni.
Þróunarstarfinu er nú lokið og
vonast eigendurnir til að geta hafið
framleiðslu af fullum krafti. Meðal
annars er í því skyni er staddur hér
á landi Knud Rasmussen fram-
kvæmdastjóri Oxymaster í Vejle í
Danmörku, sem er umboðsmaður
Entek. Verið er að leita samstarfs-
aðila, sem getur framleitt grindur
úr sýruþolnu ryðfríu stáli og segja
forsvarsmennirnir, að slík fram-
leiðsla geti skapað 30-60 manns
atvinnu, allt eftir því hversu sjálf-
virkar vélar séu notaðar. Ekki er
ljóst, hvort þessir aðilar verða
íslenskir eða danskir. Nú þegar eru
fylgihlutir röranna framleiddir í
Danmörku. „Þessi tegund fram-
leiðslunnar er algjör nýjung," segir
Rasmussen. „Hreinsunarbúnaður-
inn virkar þannig að lofti er dælt
inn í rörin, sem fer síðan út um
örsmá göt og myndar örlitlar loft-
bólur, sem verður til þess að súr-
efnið blandast mjög vel við vatnið
sem hreinsast. Samsvarandi tæki
eru þegar á markaði, en úr öðrum
efnum og með stærri götum, sem
gerir nýtinguna ekki eins full-
komna. Auk þess sparast mikil
orka, þar sem ekki þarf eins stórar
dælur og áður hefur þurft. Einnig
er framleiðsla okkar ódýrari en það
sem er nú þegar á markaði."
FIRMASTOFNUN í ÞÝSKALANDI
Storfondi þýskur lögmaður verður til viðtals ó skrifstofu undirritaðra til
ráðgjafar um stofnun fyrirtækja í Þýskalandi dagana 3.-5. september nk.
Ráðgjöf lögmannsins er veitt þeim sem áhuga hafa, að kostnaðarlausu.
Gjörið svo vel að panta tíma til viðtals.
Lögmenn,
Borgartúni 33, Reykiavík
Sími 29888.