Morgunblaðið - 12.04.1995, Blaðsíða 24

24 MIÐVIKUDAGUR 12. APRÍL 1995
MORGUNBLAÐIÐ
_________________________________________LISTIR_______________________
íslenskt verkefni valið úr hópi 10 norrænna hugmynda um umhverfisvænar innréttingar
Visthollusta ná-
tengd ímynd Is-
lands erlendis
GÖMUL fiskinet, kaðlar, vam-
bir og garnir hafa Öðlast
nýtt líf; sem hráefni í verkum
íslenskra listnema á norrænu hönn-
unar- og iistiðnaðarsýningunni
Varde. Sýningin er í Búdapest sem
stendur og er nú verið að fullvinna
tvö islensk verk vegna smærri sýn-
ingar í tengslum við Varde sem hald-
in yerður í Vín í haust.
Ásrún Kristjánsdóttir yfirkennari
við Myndlistar- og handíðaskóla
íslands segir þá kröfu gerða til
hönnuða nútímans að þeir taki tillit
til umhverfisins og byggi Varde
verkefnið alfarið á visthollum hug-
myndum. Hún segist verða vör við
í samstarfi sínu við erlenda lista-
skóla hversu nátengd hugmyndin
um visthollustu sé íslandi í hugum
útlendinga. Sé ekki vanþörf á að
leggja meira í íslenskt hönnun-
amám, listiðnaðardeildir hér séu
fullar af nemendum sem hugsi
stórt. Aðsókn erlendra nemenda í
textíldeildina hér sé einnig mikil og
einungis hægt að taka við örfáum
vegna þrengsla og bágborins húsa-
kosts.
Farandsýningin Varde er sam-
norrænt verkefni sem unnið er til
að auka veg visthollrar hönnunar
og efla samstarf listaskóla á Norð-
urlöndum. Auk þess er markmiðið
að kynna umheiminum hugmyndir
Norðurlandanna um framtíðarsýn;
marka veginn fram á við en byggja
á gömlum hefðum í norrænni hönn-
un. Hráefnið verður annað hvort
að vera endurnýtanlegt eða eyðast
í náttúrunni. Sýningin var opnuð í
London í fyrravor og eiga nokkrir
íslenskir nemendur verk á henni.
Hún hefur verið sett upp í Róm og
Búdapest í kjölfarið og er á leið til
Berlínar og Vínar. Segir Ásrún ein-
kenna sýninguna af hversu mikilli
alvöru nemendur norrænu skólanna
takist á við verkefni sín.
Innyfli og gúmmíslöngur
Tvær íslenskar stúlkur eiga stór
og viðamikil verk sem sýnd hafa
verið frá opnun Varde í fyrravor.
Annað þeirra er eftir Hildi Bjarna-
dóttur, sem nú er í framhaldsnámi
í New York. Er það gert úr fjórum
2x1‘A metra flekum og ofið úr
næloni og gúmmíslöngum úr hjól-
börðum. Slöngurnar voru fengnar
á bílaverkstæðum í Reykjavík og
notaðar eins og þær komu fyrir,
hvort sem þær voru mislitar,
skemmdar eða bættar. Bútaði hún
þær í sundur og óf saman. „Verkið
er mjög fallegt og hefur vakið gífur-
lega athygli á sýningunum," segir
Ásrún.
Hitt verkið er eftir Valdísi Harr-
ýsdóttur. Það er 1'/2x80 metrar, og
sett saman úr 20-30 einingum sem
ofnar eru úr görnum kinda, svína
og nautgripa. Sjö þeirra eru mótað-
ar eins og pétursskip en garnimar
eru litaðar og ofnar í nælon meðan
þær eru blautar. Á verkið að tákna
upphaf lífs, enda er pétursskip líkn-
arbelgur fyrir skötuegg. „Verkin
vekja mikla athygli því þau eru svo
fáguð að engum kemur til hugar
að þau séu unnin úr þeim efnum
sem raun ber vitni,“ segir Ásrún.
Strangar kröfur
Það eru nemendur hönnunar-
deilda Myndlistar- og handíðaskól-
ans sem taka þátt í stóru Varde
sýningunni að sögn Ásrúnar með
dyggri aðstoð kennara skólans.
Koma þeir úr keramik-deild, graf-
ískri hönnun og textíldeild og
stjórnast ^ val verkanna alfarið af
gæðum. Ásrún hefur auk þess yfir-
umsjón með framkvæmd minni sýn-
ingar sem haldin verður um leið og
Vínarsýningin í haust með for-
merkjunum vistvænt textílefni fyrir
innréttingar. Sá hún um fram-
VERK Ragn-
heiðar Valgerð-
ar sem kynnt
verður í sér-
stakri verka-
skrá sem gefin
verður út í
tengslum við
sýninguna í Vín.
Efnið er í skil-
rúm fyrir inn-
réttingar og
ofið og hleypt
úr köðlum, net-
um og hör.
, LINDA Björk
Árnadóttir með
textílefni úr
krómsútaðri
vömb.
SÚTAÐ vélinda úr kind eftir Lindu. Veitið sex-
hyrndu mynstrinu athygli.
kvæmd verkefnisins á Norðurlönd-
unum og freistuðu tíu textílnem-
endur frá íslandi og grannlöndun-
um þess að koma verki á sýninguna.
íslenska verkið valið
Fór Ásrún með afrakstur vinnu
þeirra til Búdapest þar sem dóm-
nefndin var stödd og var eitt verk
valið til sýningar, verk frá íslandi.
Fjögur önnur verk voru valin til
kynningar í sérstakri sýningarskrá
sem gefin verður út og þeirra á
meðal var verk eftir íslenska stúlku.
Segir Ásrún að unnið hafi verið
með margvíslegar hugmyndir í
tengslum við verkefnið; ofið úr
gömlum segulböndum og búið til
efni úr sælgæti auk þess að kynnt
voru gluggatjöld sem skipta um lit
og lögun eftir hugarástandi eiganda
þeirra. Verkið íslenska sem gerð
verður grein fyrir í skránni er eftir
Ragnheiði Valgerði sem valið hefur
að vinna með fiskinet að Ásrúnar
sögn.
Arfleifð sjósóknar
„Það eru að safnast fyrir haugar
af dóti í tengslum við sjósókn hér
á landi, til dæmis gömul net og
kaðlar. Ragnheiður bjó til efni sem
tók marga mánuði að þróa og ofið
er úr fiskineti, köðlum og líni. Það
er unnið með sérstakri aðferð, með-
al annars hleypt í lút,“ segir Ásrún
en um er að ræða efni í skilrúm
fyrir innréttingar.
Til sýningar í Vín var valið verk-
efni Lindu Bjarkar Árnadóttur, sem
var í fjórða sæti Smirnoff-hönnun-
arkeppninnar ekki alls fyrir löngu.
Er hún með textílefni sem unnið
er úr görnum, vömbum og vélinda.
Aðallega úr kindum, svínum og
nautgripum. „Hún vinnur innyflin
með sútun og höfum við notið góðr-
ar aðstoðar Skinnaiðnaðar hf. á
Akureyri, bæði hvað varðar faglega
ráðgjöf og rannsóknaraðstöðu. Búið
er að vinna gegnsætt hvítglært efni
sem síðan er þrykkt á. Er það gert
með ákveðnum efnum sem ryðga
og mynda brúnleitt mynstur. Einnig
er hún með grófara efni sem nota
má í áklæði. Það er unnið úr vél-
inda með krómsútun og kemur þá
í ljós náttúrulegt sexhyrnt mynst-
ur,“ segir Ásrún og bætir við að
við undirbúninginn og prófun á
ýmsum sútunaraðferðum hafí mikið
verið stuðst við bækur um aðferðir
eskimóa.
Varde sýningin er glæsileg og
vekur mikla athygli og mun Vigdís
Finnbogadóttir forseti opna sýning-
una í Vín í haust að sögn Ásrúnar.
Segir hún umhugsunarefni hvort
ekki eigi að leggja meira undir í
uppbyggingu listiðnardeilda sem
verið hafi hálfgerðar homrekur til
þessa hér. „Það eru miklir möguleik-
ar fyrir hendi því umheimurinn virð-
ist reikna með því að allt vistvænt,
ferskt og náttúrulegt komi frá landi
eins og íslandi. Mér fínnst að við
eigum að nýta okkur þá ímynd sem
aðrir virðast hafa af okkur.“
Drýslar í lyklaleit
KVIKMYNDIR
Lau {{arásbí ó
Riddarar kölska (Tales
From the Crypt: Demon
Knights“) -k
Leikstjóri Emest Dickerson. Handrit
Ethan Reiff, Cyrus Novis, Mark Bis-
hop. Kvikmyndatökustjóri Rick Bota.
Tónlist Ed Shearmur. Aðalleikendur
Billy Zane, William Sadler, Jada Pin-
kett, Brenda Bakke, CCH Pounder,
Thomas Haden Church. Bandarísk.
Universal 1995
SJÓNVARPS-, kapal- og bíó-
myndir byggðar á hryllingssagna-
teiknimyndablaðinu Sögum að
handan („Tales From the Crypt“),
eftir William M.Gaines, eru orðnar
allnokkrar, auk vinsælla sjónvarps-
þátta. Ekki er langt síðan sýnd var
ein þessara mynda hérlendis, þrí-
þáttungur undir stjórn ekki ómerk-
ari manna en Walters Hills, Ric-
hards Donners og hins nýbakaða
Óskarsverðlaunahafa Roberts
Zemeckis. Þetta endurspeglar ást
Bandaríkjamanna á þessu fyrir-
brigði, þeir vilja sínar draugasögur
engu síður en mörlandinn.
Astarþátturinn er ekki augljós í
Riddurum kölska, fáfengilegri
skemmtun sem á sín skástu augna-
blik í brellugerðinni en yfirleitt
kafna þær í hræómerkilegri at-
burðarás, tómatsósu og ofbeldi.
Sagan af riddurum kölska og lykl-
unum sjö er svo auvirðileg að hún
rifjast varla upp. Billy Zane leikur
einn þessara knapa, sem eiga að
vera búnir að standa í leitarstússinu
allt frá því að Guð almáttugur skóp
ljósið, áður ríkti myrkrahöfðinginn
og árar hans. Djöfsi hefur þó ekki
látið deigan síga heldur haft heila
drýslahjörð í snattinu og aðeins
einn lyklanna ófundinn í myndar-
byrjun og er í höndum valmennisins
Braykers (William Sadler). Ef Sat-
an kemst yfír lykilinn hans mun
myrkrið aftur ríkja yfír djúpun-
um...
Þær gerast varla slakari en
þetta. Leikurinn er ekki uppá
marga fiska, enda handritið gjörs-
neytt öllum tilþrifum. Það sem hef-
ur bjargað fjölmörgum B-hryllings-
myndum frá því að snúast upp í
hreinræktuð leiðindi er gálgahú-
mor, sem ekki er að finna hér þó
höfundar leiti. Leikstjórinn, Ernest
Dickerson, gerir lítið af viti og
ætti að snúa sér hið skjótasta að
því sem hann gerir best — að
stjórna kvikmyndatökunni fyrir
Spike Lee.
Sæbjörn Valdimarsson
Gallerí Borg antik
Fjölmennt
á uppboði
MARGT var um manninn á
antik-, húsgagna- og list-
munauppboði sem Gallerí
Borg antik efndi til síðastlið-
inn laugardag. Á þriðja
hundrað manns lagði leið sína
í húsnæði verslunarinnar í
Faxafeni og segir Steinar
Kristjánsson hjá galleríinu að
greiðlega hafi gengið að bjóða
munina upp. Alls voru eitt
hundrað númer á uppboðinu
— allt frá hnífapörum upp í
sófasett og píanó. Allir hlutir
voru seldir hæstbjóðanda og
var sá verðmætasti — sófi —
sleginn á ríflega 130.000
krónur.
Gallerí Borg antik hefur
haldið tvö antikuppboð á
skömmum tíma. Steinar segir
að fólk kunni vel að meta
þessa nýbreytni í listalífi
landsins og ærin ástæða sé
til að halda uppteknum hætti.
Gallerí Borg antik hefur því
í hyggju að gera uppboð af
þessu tagi að mánaðarlegum
viðburði í starfsemi sinni í
framtíðinni og er fastlega
gert ráð fyrir að þráðurinn
verði næst tekinn upp í maí.
Yiður, silfur-
og blaðgull
HÓLMFRÍÐUR Sigvaldadótt-
ir opnar sýningu á verkum
unnum úr samsettum viði,
silfur- og blaðgulli miðviku-
daginn 12. apríl kl. 16.
Hólmfríður útskrifaðist úr
myndmótunardeild MHÍ 1988
og stundaði framhaldsnám við
listaakademíuna í Flórens
1989-92, en þar býr hún og
starfar hluta úr ári. Þetta er
fjórða einkasýning Hólmfríð-
ar, en hún hefur auk þess
tekið þátt í nokkrum samsýn-
ingum. Verkin á sýningunni
eru unnin veturinn 1994-95.
Við opnunina munu Lilja
Valdimarsdóttir og Vala
Gestsdóttir leika á horn og
lágfiðlu.
Sýningin verður opin á opn-
unartíma Gafé Solon íslandus
til 30. apríl.
Málverkasýn-
ingu Elíasar
að ljúka
SÍÐASTA sýningarhelgin hjá
Elíasi B. Halldórssyni í Gerð-
arsafni er um páskana. Á
sýningunni eru rúmlega 100
olíumálverk, abstraktverk og
litlar landslagsmyndir, einnig
smáskúlptúrar sem Elías hef-
ur búið til, aðallega úr fjöru-
reknum hlutum. Laugardag-
inn 15. apríl kl. 16 verða pá-
skatónleikar í vestursal safns-
ins. Flutt verður tónlist eftir
Hándel og Bach. Flytjendur
eru Marta Guðrún Halldórs-
dóttir, sópran, Martial Narde-
au, barokkflauta, Guðrún
Birgisdóttir, barokkflauta,
Örnólfur Kristjánsson, bar-
okkselló, og Christine Lecoin,
semball. Sýningu Elíasar lýk-
ur síðan á sumardaginn
fyrsta, 20. apríl. Þá mun
Marta Guðrún Halldórddóttir
sópransöngkona og Örn
Magnússon píanóleikari halda
tónleika kl. 14 og flytja tón-
list eftir Jón Leifs, Atla Heimi
Sveinsson, Ravel og Sibelius.
Á föstudaginn langa og annan
í páskum verður safnið lokað.