Morgunblaðið - 16.05.1996, Blaðsíða 80

<Ö>
m
AS/400 er...
...mest selda
fjölnotenda
vidskiptatölvan í dag
cO> NÝH E R J I SKAFTAHUÐ 14 . siMi Í69

OPIN KERFI HF.
Sími: 567 1000
HP Vectra
MORGUNBLAÐIÐ, KRINGLAN 1, 103 REYKJAVÍK. SÍMl 669 1100, SÍMBRÉF 569 1181,
PÓSTHÓLF 3040, NETFANG MBL(SCENTRUM.IS / AKUREYRl: HAFNARSTRÆTl 85
FIMMTUDAGUR 16. MAÍ 1996
VERÐ í LAUSASÖLU 125 KR. MEÐ VSK
Norðurheim-
skautsráðið
Ráðherrar
við stofn-
fund í júlí
UTANRÍKISRÁÐHERRAR Banda-
ríkjanna og Rússlands, þeir Warren
Christopher og Jevgeníj Prímakov,
munu að öllum líkindum sækja
stofnfund Norðurheimskautsráðs-
ins, sem nú er ákveðið að verði í
Ottawa í Kanada 9.-10. júlí. Hall-
dór Ásgrímsson utanríkisráðherra,
sem er í vinnuheimsókn í Kanada,
segir að stofnun ráðsins muni nú
ekki frestast frekar.
„Það er ljóst að utanríkisráðherra
Bandaríkjanna kemur til að undir-
rita stofnyfirlýsinguna, sem er mjög
mikilvægt því að Bandaríkjamenn
hafa ekki viljað taka þátt í málinu
með þeim hætti fram að þessu.
Þetta mun hafa mikla þýðingu og
þetta mál er að komast á meiri
skrið en nokkru sinni fyrr,“ segir
Halldór.
Stofnríki Norðurheimskautsráðs-
ins verða norrænu ríkin fimm, Rúss-
land, Bandaríkin og Kanada. Gert
er ráð fyrir að utanríkisráðherrar
allra ríkjanna átta sæki stofnfund-
inn.
NAMMCO-aðild rædd
Halldór hitti í gær að máli Ron
Irwin, ráðherra málefna Norður-
svæða og frumbyggja í Kanada,
Fred Mifflin sjávarútvegsráðherra
og Lloyd Axworthy utanríkisráð-
herra. Meðal þess, sem Halldór
færði í tal við ráðherranna var
hugsanleg aðild Kanada að Norður-
Atlantshafssjávarspendýraráðinu
(NAMMCO). Halldór segir Kanada-
menn ekki hafa gefið nein skýr
svör, en fram hafi komið að þeir
séu jákvæðir í garð aukins sam-
starfs á sviði nýtingar sjávarspen-
dýra.
Góður andi í garð íslands
„Það ríkir góður andi í garð ís-
lands hér og við teljum að þessi
dagur í Ottawa hafi verið mikilvæg-
ur til að koma á góðu sambandi
við Kanadamenn fyrir framtíðina,"
segir Halldór.
Hann var í gær viðstaddur fyrir-
spurnatíma Chrétiens forsætisráð-
herra í þinginu í Ottawa. Þingheim-
ur vottaði utanríkisráðherra virð-
ingu sina með lófataki.
Morgunblaðið/Jón Stefánsson
SLÖKKVILIÐSMAÐUR sprautar vatni inn um brotinn glugga og félagi hans brýtur rúður til þess að hægt sé að koma vatni að eldinum.
Tuga milljóna króna tjón er trésmíðaverkstæði í Hafnarfirði brann
Húsið fullt af timbri og
fuðraði upp á svipstundu
TUGA milljóna króna tjón varð i
stórbruna í Glugga- og hurðasmiðju
Sigurðar Bjarnasonar við Dalshraun
17 í Hafnarfirði í gærkvöldi. Húsið,
sem er eitt stærsta trésmíðaverk-
stæði bæjarins og var fullt af timbri,
fuðraði upp á svipstundu og fengu
slökkviliðsmenn úr Hafnarfirði og
Reykjavík ekki við neitt ráðið. Mik-
ill eldsmatur var einnig í lakk- og
límbirgðum. Eldsupptök eru ókunn.
Húsið var mannlaust en eigna-
tjónið er gífurlegt. Jónas Sigurðsson
framkvæmdastjóri segir tjónið nema
tugum milljóna og ólíklegt að trygg-
ingar bæti það að fullu.
Slökkviliðið í Hafnarfirði fékk til-
kynningu um eldinn kl. 20.06. Eldur-
inn var svo mikill að biðja varð um
aðstoð og sendi Reykjavíkurslökkvil-
iðið tvo bíla á staðinn.
Breiddist ótrúlega hratt út
Slökkvistarfið beindist ekki sízt
að því að veija næstu hús, en um
tíma óttuðust menn að rúður
spryngju í veitingastaðnum
Kentucky Fried Chicken, sem stend-
ur örskammt frá trésmiðjunni.
Slökkvistarfi lauk að mestu um kl.
22 í gærkvöldi. Vakt, var höfð við
brunarústirnar í nótt.
Kristín Helgadóttir, fram-
kvæmdastjóri á Kentueky Fried
Chicken, sá loga koma upp úr þaki
húss trésmiðjunnar. „Húsið varð al-
elda eins og skot. Eldurinn breiddist
ótrúlega hratt út,“ sagði Kristín.
Hún sagði að klukkustund eftir að
hún varð eldsins vör hefði húsið virzt
brunnið til kaldra kola.
Gífurlegan hita lagði af eldinum
og sagði Kristín að starfsfólk veit-
ingastaðarins hefði þegar í stað beð-
ið gesti að forða sér og vísað bílum
frá. Bílalúgur staðarins snúa að
húsinu sem brann og eldurinn kom
upp á kvöldmatartíma þannig að
mikil umferð var við veitingahúsið.
Kristín sagði stefna í að þrífa yrði
staðinn vegna sóts.
Mökkinn lagði yfir
Kaplakrikavöll
Fjöldi fólks varð vitni að brunan-
um, enda var knattspyrnuleikur að
hefjast á Kaplakrikavelli, sem er
nokkurn spöl frá trésmiðjunni.
Reykjarmökkinn frá eldinum lagði
yfir völlinn. Slökkviliðið kvartaði
undan því að fótboltaáhugamenn af
yngri kynslóðinni hefðu misst áhug-
ann á íþróttinni um stundarsakir og
þvælzt fyrir slökkvistarfinu.
Verkalýðsfélög eitt hundrað starfsmanna við gerð Hvalfjarðarganga
Kröfur um sérstakan kjara-
samning kynntar Fossvirki
Sólin eyk-
ur fram-
leiðslu
GRÍÐARLEG grænmetisfram-
leiðsla er í gróðurhúsum þessa
dagana vegna sólar. Verð á
kílói af tómötum og gúrkum
er nú 50% lægra en á sama
tíma í fyrra, að sögn Kolbeins
Ágústssonar hjá Sölufélagi
garðyrkjumanna.
Kolbeinn segir að mikið ber-
ist að af gúrkum og þó sérstak-
lega tómötum vegna bjartviðr-
isins og enn meira sé á leið-
inni. Algengt verð á tómötum
út úr stórmarkaði er nú tæpar
400 krónur ogtæpar 200 krón-
ur á gúrkum. Gæðin eru einnig
mikil, vegna góðrar tíðar.
VERKALÝÐSFÉLÖG starfsmanna
við Hvalfjarðargöng hafa samræmt
kröfugerðir um kaup og kjör.
Kröfugerðirnar voru kynntar Foss-
virki, sem annast gerð ganganna,
í gærmorgun. Loftur Árnason yfir-
verkfræðingur staðfesti við Morg-
unblaðið í gær að kröfugerðin hefði
verið afhent og sagði að hún væri
til skoðunar hjá Vinnuveitendasam-
bandi Islands.
Rafiðnaðarsamband íslands
kynnti hinum verkalýðsfélögunum
sína kröfugerð fyrr í mánuðinum
og þar kom meðal annars fram að
ef viðræður yrðu ekki hafnar í
gær, 15. maí, yrði heimildar leitað
til verkfalls. Segir Guðmundur
Gunnarsson formaður Rafiðnaðar-
sambandsins að framhaldið ráðist
af viðbrögðum forsvarsmanna
Fossvirkis.
Erfiðara að koma frá sér vatni
Kröfurnar varða um 100
starfsmenn og segir Guðmundur
þær koma til af því að ekki hafi
verið unnið við framkvæmdir á
borð við fyrirhugaða gangagerð
áður.
„Göngin halla niður á við og
verða undir sjávarmáli. Það er mun
erfiðara að eiga við göng af því
tagi, til dæmis að koma frá sér
borvatni og vatni sem hugsanlega
kemur fram í göngunum. Hingað
til hafa menn verið að bora gegnum
fjöll og þó að vatn bijóti sér leið inn
í göngin rennur það bara út aftur.
Þarna verður um þveröfug áhrif að
ræða,“ segir liann.
Verkalýðsfélögin vilja að settur
sé saman sérstakur kjarasamningur
um vinnu við slíkar aðstæður, að
sögn Guðmundar. „Við höfum nefnt
þetta áður í óformlegum viðræðum
við Fossvirki og látið í það skína
við Vinnuveitendasambandið fyrr í
vetur en þeir hafa svarað því á
þann veg að óþarfi sé að semja
sérstaklega. Þetta séu venjulegar
byggingaframkvæmdir."