Morgunblaðið - 16.07.1996, Blaðsíða 18
18 ÞRIÐJUDAGUR 16. JÚLÍ 1996
MORGUNBLAÐIÐ
ERLENT
*
Bandaríkjaferð forsætisráðherra Israels
Netanyahu kveðst
hvergi hafa hvikað
Jerúsalem. Reuter.
BENJAMIN Netanyahu, forsætis-
ráðherra ísraels, sneri heim á
sunnudagskvöld eftir vikulanga
heimsókn til Bandaríkjanna og lét
svo um mælt að Bandaríkjastjórn
hefði valdið arabískum leiðtogum
vonbrigðum með því að reyna
ekki að knýja hann til að breyta
stefnu sinni í friðarmálum.
Netanyahu sagði að stjórn Bills
Clintons Bandaríkjaforseta hefði
nú „skilning á að ný stjórn hefur
verið kjörin, með eigin stefnu sem
miðar að því að tryggja varanleg-
an frið“. „Það sem ég sagði í
Washington endurspeglar það
sem ég hef sagt hér í ísrael fyrir
og eftir kosningarnar í maí. Eg
hvikaði hvergi frá afstöðu minni.“
Netanyahu sagði að arabar
hefðu vonað að stjórn Bandaríkj-
anna reyndi að knýja hann til að
fallast á tilslakanir og hefðu orðið
fyrir vonbrigðum með „skilning“
hennar á afstöðu nýju stjórnarinn-
ar í ísrael. Sýrlensk stjórnvöld
hafa líkt Netanyahu við Adolf
Hitler og Palestínumenn hafa lýst
afstöðu hans sem „stríðsyfirlýs-
ingu“.
Netanyahu heimsækir Hosni
Mubarak, forseta Egyptalands, á
fimmtudag í fyrstu ferð sinni til
arabaríkis frá því hann náði kjöri.
Yasser Arafat, leiðtogi sjálfstjórn-
arsvæða Palestínumanna, sagði
eftir fund með Mubarak um helg-
ina að þeir hefðu rætt leiðir til
að blása lífi í friðarumleitanirnar
þrátt fyrir stífni Netanyahus.
Indland og Bangladesh
Reuter
AL GORE, varaforseti Bandaríkjanna (t.h.), var furðu lostinn í gær þegar hann fékk nær fyrirvara-
laust um það tilkynningu, að ekkert yrði af fundi hans með Boris Jeltsín Rússlandsforseta, sem
fara átti fram í Moskvu í gær. Á myndinni með honum er Viktor Tsjernomyrdín, forsætirsráð-
herra Rússlands, sem átti klukkustundar langan fund með Gore.
Mannskæð floð 1
monsúnrigningum
Kalkútta, Ujjain. Reuter.
ÖTTAST var í gær að 135 manns
hefðu látist og um 1,9 milljónir
manna misst heimili sín vegna mik-
illa skriðufalla og flóða í austur-
hluta Indlands og Bangladesh í kjöl-
far stanslausra monsúnrigninga í
fjóra sólarhringa.
Talsmenn stjómvalda í sambands-
ríkinu Vestur-Bengal segja að mælst
hafi sextíu millimetra rigning á
svæðinu síðan á fimmtudag. Her-
menn hafa verið kallaðir út til að
aðstoða við björgunarstarf og
hreinsa brak af þjóðvegum. Stjóm-
völd í Vestur-Bengal hafa komið á
fót rúmlega 500 neyðarbúðum og
sent í flýti lækna og miklar birgðir
af hrísgrjónum, hveiti og segldúk til
nauðstaddra. Um 20 fórust af völd-
um flóðanna í Assam í norð-austur-
hluta Indlands og þar munu um 1,7
milljón manna hafa orðið heimilis-
lausir. Þar rigndi enn ákaft í gær
að sögn sjónarvotta. í Bangladesh
hfrðust mörg hundrað manns á þök-
um húsa sinna og vatnsborð fljóta
hélt áfram að hækka.
Hindúar fagna nú nýju tungli og
er mikið um hátíðarhöld af þessu
tilefni í Indlandi. Embættismenn í
bænum Ujjain í Madhya Pradesh
skýrðu frá því í gær að 39 manns,
þar af fimm börn, hefðu troðist
undir eða kafnað er hópur heittrú-
aðra hindúa flykktist niður mjóan
stiga í musteri.
Vangaveltur um heilsufar Borisar Jeitsíns glæðast á ný
Gat ekki hitt A1 Gore
Moskvu. Reuter.
BORIS Jeltsín, Rússlandsforseti,
frestaði á síðustu stundu fundi sem
hann átti að eiga með A1 Gore,
varaforseta Bandaríkjanna, í gær.
Hin skyndilega frestun fundarins
er olía á eld vangaveltna um slæmt
heilsufar forsetans.
Minna en einni klukkustund
áður en bandaríski varaforsetinn
og fylgdarlið hans átti að hitta
Jeltsín var þeim tikynnt, að forset-
inn hefði ákveðið að taka sér
tveggja vikna frí sér til heilsubót-
ar. Af fundum Gores og Jeltsíns
gæti þó orðið á hressingardvalar-
stað forsetans í nágrenni Moskvu,
einum degi síðar en áætlað var,
þ.e.a.s. í dag. Tilkynningunni
fylgdu gamalkunnar yfirlýsingar
um, að ekkert alvarlegt amaði að
forsetanum.
Blaðafulltrúi Jeltsíns, Sergei
Medvedev, sagði enga ástæðu til
fljótfærnislegra yfirlýsinga um að
eitthvað alvarlegt hefði gerzt. „Það
er rangt. Forsetinn er þreyttur,
mjög þreyttur og hann þarfnast
einfaldlega góðrar hvíldar."
Medvedev sagði Jeltsín hafa verið
ráðlagt af læknum að leita sér
hvíldar eftir að kosningarnar væru
afstaðnar, en hann hefði ekki virt
ráðleggingar þessar eftir sigurinn
3. júlí sl., heldur hafi hann haldið
áfram vinnu, aðallega við undir-
búning nýrrar ríkisstjórnar.
Hin skyndilega ákvörðun mun
vafalaust hleypa nýjum krafti í
vangaveltur um hvort Jeltsín, sem
nú er 65 ára að aldri, muni yfir-
leitt geta setið út kjörtímabilið.
Á blaðamannafundi í Kreml í gær
dró Gore enga dul á óánægju sína
með hina óvæntu breytingu dag-
skrár heimsóknar sinnar. Hin
skyndilega frestun fundar hans með
Jeltsín vekur minningar um heim-
sókn hans til írlands á árinu 1994,
þegar honum reyndist ekki mögu-
legt að yfirgefa flugvél sína til að
hitta írska forsætisráðherrann.
Stefnubreytingar í hjúskaparmálum að vænta hjá ensku biskupakirkjunni
Karl gæti kvænst
aftur en samt
orðið kóngur
LÍKLEGT þykir að hindrunum,
sem að óbreyttu kæmu í veg fyr-
ir að Karl Bretaprins yrði vígður
í hjónaband í ensku kirkjunni,
verði senn rutt úr vegi. Biskupa-
nefnd kirkjunnar hefur skipað
nefnd sem fengið hefur það hlut-
verk- að endurskoða stefnu kirkj-
unnar til hjónavígslu fráskilinna.
Nefnd biskupanna mun að lík-
indum ljúka störfum á næsta ári
en verði það niðurstaða hennar
að breyta beri samþykktum kirkj-
unnar þarf álitið að hljóta sam-
þykki kirkjuþings.
Stefnubreyting af hálfu kirkj-
unnar myndi nær sjálfkrafa leiða
til gagngerrar endurskoðunar á
breskum stjómlögum, þ.m.t. lög-
um frá 1701 sem banna að þjóð-
höfðingi sé kaþólskur eða kvænist
kaþólikka og lögum frá 1772 sem
kveða á um að meðlimir konungs-
fjölskyldunnar geti ekki gengið í
hjónaband án leyfís þjóðhöfðingj-
ans.
Sömuleiðis þykir líklegt, að
endurskoðun myndi leiða til þess
að afnumið yrði það ákvæði sem
útilokar fyrsta barn þjóðhöfðingja
frá ríkíserfðum, og reyndar öðram
titilerfðum, sé það stúlka.
Embættismenn stjómarinnar
og fulltrúar hirðarinnar hafa um
skeið verið þeirrar skoðunar að
þessi aldagömlu lög mæti engan
vegin þörfum samtímans. Þess
vegna gæti lagaframvarp um
breytingar á þessum lögum séð
dagsins ljós óháð því hvað gerist
á vettvangi ensku biskupakirkj-
unnar.
Samkvæmt lögum kirkjunnar
er hjónavígsla til lífstíðar. Þess
vegna væri það því nær óhugs-
andi að erkibiskupinn af Kantara-
borg vígði Karl prins sem konung
hefði hann gengið gegn kirkjulög-
unum með því að kvænast að nýju.
Eigi hins vegar sér stað stefnu-
breyting í átt til aukins sveigjan-
leika að lokinni vinnu biskupa-
nefndarinnar yrði sú hindrun ekki
lengur fyrir hendi.
Díana prinsessa af Wales íhug-
ar þessa dagana hvað hún tekur
sér fyrir hendur í framtíðinni. í
skilnaðarsáttmálanum er ekkert
tekið á því efni. Formlega er litið
á hana áfram sem hluta af kon-
ungsfjölskyldunni þar sem hún er
móðir Vilhjálms prins, sem geng-
Reuter
KARL prins fylgist með hátíðahöldum í Bandar Weri Begaw-
an í Brúnei i tilefni 50 ára afmælis soldánsins af Brúnei í
gær. Hann var því víðsfjarri er dómstóll steig fyrsta skrefið í
að ógilda að lögum hjónaband þeirra Díönu prinsessu.
ur næstur Karli föður sínum að
ríkiserfðum.
Bráðaþirgðaskilnaður
veittur
Hermt er, að Díana muni af-
sala sér öllum skyldum i þágu
breska heraflans, og íhugi form-
lega tillögu að hún einbeiti sér
að störfum í þágu líknarfélaga.
Þessu mun hún velta fyrir sér í
sumarleyfi en hún heldur ásamt
sonum sínum í leyfi til Frakklands
í vikunni.
I fríinu mun hún hafa félags-
skap af Söra Ferguson, öðru nafni
Fergie, fyrrverandi eiginkonu
Andrésar Bretaprins, og dætrum
hennar tveimur.
Dómstóll í London veitti Karli
og Díönu bráðabirgðaskilnað að
lögum í gær og tók athöfnin þrjár
mínútur en 30 skilnaðarmál önnur
voru afgreidd við sama tækifæri
einnig. Kom það í hlut sama dóm-
ara og ógilti hjónaband systkina
Karls, Önnu prinsessu og Ándrés-
ar prins, og hjónaband hjákonu
hans, Camillu Parker-Bowles.
Gert er ráð fyrir að hann veiti
þeim fullnaðarskilnað 28. ágúst
nk.
Lýbía
Skotbardagi
eftir knatt-
spyrnuleik
Tripoli. Reutcr.
AÐ minnsta kosti 20 manns biðu
bana í óeirðum sem blossuðu upp
á knattspyrnuieik í Tripoli, höfuð-
borg Líbýu, í vikunni sem leið, að
sögn líbýskra stjómarandstæðinga
og stjórnarerindreka á sunnudag.
Óeirðirnar blossuðu upp á leik
tveggja knattspyrnufélaga frá Tri-
poli 9. júlí og annað þeirra naut
stuðnings al-Saidis, sonar Muamm-
ars Gaddafis, leiðtoga Líbýu. Stuðn-
ingsmenn hins liðsins, sem voru
óánægðir með dómgæsluna, hróp-
uðu vígorð gegn Gaddafi og lífverð-
ir al-Saidis hófu skothríð á þá.
Áhorfendur skutu á móti og margir
féllu í skotbardaganum en aðrir
biðu bana í miklum troðningi sem
skapaðist.
Yfirvöld í borginni leystu bæði
félögin upp vegna óeirðanna. Þjóð-
arsorg ríkti vegna mannfallsins á
sunnudag, öllum veislum í hótelum
og veitingahúsum var aflýst og
dagskrá ríkissjónvarpsins var að-
eins í svart-hvítu. Fjölmiðlar í Líbýu
greindu ekki frá tölu látinna og
þætti lífvarðanna en viðbrögð yfir-
valda bentu til þess að mannfallið
hefði verið mikið.
Einn stjórnarerindrekanna sagði
að allt að 50 manns hefðu fallið í
óeirðunum.