Morgunblaðið - 30.04.1997, Blaðsíða 17

MORGUNBLAÐIÐ
MIÐVIKUDAGUR 30. APRÍL 1997 17
LAIVIDIÐ
Rætt um breyttan lífsstíl
Þórshöfn - Guðrún Eggertsdóttir,
hjúkrunarfræðingur og ljósmóðir á
Kópaskeri, var fyrir skömmu með
athyglisverðan fyrirlestur undir fyr-
irsögninni „Breyttur lífsstíll". Fyrir-
lesturinn var öllum opinn og var
haldinn í Svalbarðsskóla í Þistilfirði.
Guðrún kynnti rannsóknarverk-
efni sem hún hefur unnið að í Öxar-
fjarðarhéraði ásamt Sigurði Hall-
dórssyni héraðslækni. Verkefnið
fólst í könnun á því hve algengir
áhættuþættir slagæðasjúkdóma hjá
íbúum Öxarfjarðarhéraðs eru og
hvort breyttur lífsstíll geti dregið
úr þeirri áhættu. Með faglegri ráð-
gjöf og einföldum mælingum heima
í héraði var stefnt að minnkun
áhættuþátta.
Guðrún og Sigurður hófu könnun
sína í mars ’96 og voru boðaðir til
þátttöku allir á aldrinum 35-65 ára
í héraðinu. Þátttaka var mjög góð
eða 97% og hópurinn var tekinn í
kólesterol- og blóðþrýstingsmæl-
ingu, vigtun og viðtal með heilsu-
kúrvu. Einnig var boðið upp á ráð-
gjöf um breytingu á lífsstíl; fæðis-
breytingum, hreyfingu og reykinga-
varnir.
Eftir 6 mánuði var hluti hópsins
aftur kallaður í viðtal og voru þá
endurteknar fyrri mælingar og
spurt um breytingar á hreyfingu
og mataræði. Að sögn Guðrúnar
Ieiddi þessi rannsókn til mikillar
umræðu heima í héraði
og breytinga á lífsstíl
hjá mörgum. Nokkrir
greindust með áhættu-
þætti og fengu viðeig-
andi meðferð.
Skoðun nauðsynleg
Fyrirlestur Guðrún-
ar vakti mikinn áhuga
hjá áheyrendum og
einnig sló hún á létta
strengi og minnti fólk
á það að heilsugæslu
ætti að nota eins og
bifreiðaeftirlit; það er
að láta tékka á málun-
um áður en illa er kom-
ið. Það þykir sjálfsagt
að fara með bíla í skoð-
un og eftirlit reglulega
og það sama ætti að gilda um
mannslíkamann.
Slagæðasjúkdómar eru algengir á
íslandi og draga árlega flölda manns
til dauða. Þeir eru um 50% dánaror-
saka karla á aldrinum 34-74 ára
og um 26% kvenna á sama aldri.
Hátt kolesterol í blóði, háþrýstingur,
reykingar og sykursýki eru á meðal
stærstu áhættuþátta. Sýnt hefur
verið fram á að meðhöndlun þessara
þátta er árangursrík leið til að
minnka líkur á slagæðasjúkdómum.
Kostnaður við eftirlit og sérhæfðar
rannsóknir vegna áhættuþátta æða-
sjúkdóma er oft mikill,
ferðalög fólks í dreif-
býli dýr, svo ekki sé
minnst á þau íjárútlát
sem fylgja hveijum ein-
staklingi sem fær sla-
gæðasjúkdóm. Með
markvissu eftirliti, ein-
földum rannsóknum og
fræðslu frá fagfólki,
sem miðar að breyttum
lífsstíl og því að gera
einstaklinginn sjálfan
ábyrgan fyrir heilsu
sinni, gæti verið hægt
að minnka þann kostn-
að.
Guðrún Eggertsdótt-
ir hefur ekki kvartað
yfir faglegri einangrun
í fámenninu á Kópa-
skeri, heldur hefur hún nýtt sér þá
kosti sem finnast í litlu læknishér-
aði, meðal annars með því að fram-
kvæma þessa rannsókn ásamt Sig-
urði Halldórssyni, lækni. í júnímán-
uði fer Guðrún til Finnlands á nor-
rænt hjartaþing hjúkrunarfræðinga
og hjartalækna og kynnir þar niður-
stöður úr rannsókninni og með því
er þessu verkefni Guðrúnar lokið.
Guðrún hefur um árabil starfað
farsællega á Kópaskeri en skiptir
nú um starfsvettvang og tekur
bráðlega við stöðu yfirljósmóður á
Landsspítalanum.
Guðrún Eggerts-
dóttir, hjúkrunar-
fræðingur og ljós-
móðir.
Morgunblaðið/Ágúst Blöndal
GUÐMUNDUR „í Dagsbrún" Stefánsson festir skilti á hús sitt.
Gömul hús merkt
Neskaupstað - Víða hér í bær
eru komin upp skilti á gömul
hús með nafni þeirra og bygg-
ingarári. Hér eins og víða ann-
ars staðar á Iandinu var húsun-
um gefið nafn áður en götu-
heiti og húsnúmer komu til
sögunnar.
Þetta er skemmtilegt fram-
tak og kemur í veg fyrir að
nöfn þessara gömlu húsa
gleymist. En þann dag í dag
er dálítið um að fólk hér í bæ
sé frekar kennt við húsin sem
það á heima í eða átti heima
í heldur en föðurnöfn sín.
Aðalhvatamaður að þessari
merkingu húsanna er Gísli
Sighvatsson, skólastjóri Nes-
skóla.
Sjúkrahús Þingeyinga
Deildum
ekki lokað
Húsavík - Bæjarstjórn Húsavíkur
samþykkti á síðasta fundi sínum
eftirgreinda tillögu bæjarráðs:
„Bæjarráð samþykkir að leggja
til við bæjarstjórn að Sjúkrahúsi
Þingeyinga verði veittur styrkur á
árinu 1997 að upphæð 2.300.000
kr. í því skyni að koma í veg fyrir
lokun fæðingardeildar, skurðstofu
og neyðarþjónustu sjúkrahússins á
komandi sumri ef nauðsyn krefur.
Fj'árveitingunni verður mætt
með lækkun á liðnum „Sérstök
lækkun skulda" á fjármagnsyfirliti
bæjarsjóðs í gildandi fjárhagsáætl-
un.“
Hestadagar í
Stykkishólmi
Stykkishólmi - Hestaeigendafélag
Stykkishólms hélt opið mót fyrir
hestamenn laugardaginn 19. apríl á
félagssvæði sínu í Stykkishólmi.
Þetta er annað árið sem félagið stend-
ur fyrir svona móti.
Mótið var mjög vel sótt og komu
hestamenn með hesta sína af öllu
Vesturlandi. Mótið hófst kl. 10 og
lauk ekki fyrr en seinni part dags.
Veðrið var mjög gott eins og það
hefur verið síðustu daga, sannkallað
vorveður. Skráningar voru 68. Keppt
var í 4 flokkum og fóru 5 efstu hest-
ar í hveijum flokki í uppröðun.
Úrslit urðu þau að í barnaflokki
sigraði Sigríður Sigurðardóttir á
hestinum Þætti. í unglingaflokki
hestinum Torfa. í B-flokki sigraði
Kveikur og eigandi hans er Ólöf
Guðmunsdóttir og í A-flokki Gjafar
eigandi Siguijón Helgason og knapi
Halldór Sigurðsson. Gjafar sigraði
einnig í töltkeppninni og var svo kos-
inn glæsilegasti hestur mótsins.
Hestamenn í Stykkishólmi voru
ánægðir með hve vel tókst til með
mótshaldið og ekki síður hve margir
þátttakendur voru í barnaflokki en
þeir voru 13.
Ritun sögu Akraness
Á FUNDI bæjarstjórnar Akraness
þann 22. apríl sl. var m.a. samþykkt-
ur samningur við Gunnlaug Haralds-
son, þjóðháttafræðing, um ritun
sögu Ákraness. Á sama fundi var
samþykkt samkomulag Akranes-
kaupstaðar og Jóns Böðvarssonar
um að fella niður samning við hann
um sama efni, sem gerður var í
ágúst 1987. Jón Böðvarsson ritaði
bókina Akranes sem kom út árið
1992 og íjallaði um sögu Akraness
frá landnámi til ársins 1885 og var
kominn áleiðis með 2. bindi verksins
en af ýmsum ástæðum m.a. persónu-
legum aðstæðum höfundar, varð að
samkomulagi að ekki yrði um frek-
ari útgáfu að ræða á því verki.
Gunnlaugur Haraldsson mun rita
þijú bindi af sögu Akraness og fjalla
um tímabilið frá 1700 til ársins 2000.
Gert er ráð fyrir að ritverkið verði
gefíð út í heild árið 2001 og er áætl-
að að blaðsíðufjöldi verði um 1350-
1500 síður. Gunnlaugur Haraldsson
er Akurnesingur að góðu kunnur
fyrir farsæl störf um árabil við
Byggðasafn Akraness og nærsveita
og fyrir vandað verk við ritun sögu
Akraneskirkju, svo nokkuð sé nefnt.
Tótanef í
Mýrdal
Fagradal - Við gamla þjóðveg-
inn inn Höfðabrekkuheiðar
rétt innan við Konnahamar í
svokölluðum Lambaskörðum
er að finna ýmsar kynjamynd-
ir í landslaginu og þar má sjá
þennan karl sem er á mynd-
inni. Þetta er móbergsklettur
sem er sorfinn af vatni og
vindum. Kletturinn hefur ver-
ið kallaður Tótanef í höfuð á
Þórarni Einarssyni sem lengi
bjó í Vík.
Morgunblaðið/Jónas Erlendsson
Morgunblaðið/Sig. Fannar.
NÝJA verslunar- og þjónustumiðstöðin sem stendur
við Austurveg á Selfossi.
Ný verslunar- og
þj ónustumiðstöð
Selfossi - Ný verslunar- og þjón-
ustumiðstöð er nú risin í miðbæ
Selfoss. Framkvæmdir hafa staðið
yfir í tæpt ár og eru það JÁ Verk-
takar á Selfossi sem hafa unnið að
verkinu. Húsið er 1.600 fm að flat-
armáli og er á 4 hæðum, 400 fm
hver hæð.
Hérðasdómur Suðurlands hefur
fest kaup á annarri hæð hússins
og verður þar með starfsemi sína
ásamt Fasteignamati ríkisins. Oðr-
um hæðum hefur ekki verið ráðstaf-
að að öllu leyti en fyrsta hæðin er
fyrirhuguð undir verslanir. Mikil
eftirspurn hefur verið eftir plássi í
húsinu enda er húsnæðið í hjarta
Selfossbæjar, þar sem mikil umferð
fer í gegn á degi hveijum.
Iðnaðarmenn hafa verið önnum
kafnir við að leggja síðustu hönd á
verkið. Ekki hefur verið gefinn út
formlegur tími á opnun húsnæðis-
ins, en fyrirhugað er að hluti þess
verði tekinn í gagnið um mánaða-
mótin.
Gæludýra-
grafreit-
ur í Hvera-
gerði
Hveragerði - Lionsklúbbur
Hveragerðis hefur sent bæjar-
yfirvöldum í Hveragerðisbæ
erindi þar sem óskað er eftir
landi undir gældudýragraf-
reit. Að sögn Ævars Axels-
sonar, sem er félagi í Lions-
klúbbnum, hefur þessi hug-
mynd verið rædd af alvöru
innan félagsins um nokkurt
skeið.
„Við hugsum okkur þetta
sem fallegt svæði með stígum
og gróðri, þar sem fólk getur
greftrað gæludýr sín gegn
ákveðnu gjaldi er renna myndi
í sérstakan líknarsjóð Lionsfé-
laga. Ég held að það sé mikil
þörf fyrir grafreit af þessu
tagi. Margir bindast gæludýr-
um sínum miklum tilfinninga-
böndum og við efumst ekki
um að þessi þjónusta yrði
mikið notuð ef hún væri fyrir
hendi.“
Bæjarstjóm Hveragerðis-
bæjar tók erindið fyrir nýlega
og var málinu vísað til um-
fjöllunar í umhverfís- og
skipulagsmálanefnd.