Morgunblaðið - 15.07.2000, Blaðsíða 48

48 LAUGARDAGUR 15. JÚLÍ 2000
MORGUNBLAÐIÐ
Dýraglens
Grettir
Ljóska
ÞAfc ERU EKKIMIKLAR SVIFTINSAR... HVEfLýJKA ER ÓSVIPUÖ HVERNI6 fcATT PÉR EIGIN- Y ÉG VILDI LEGAÍHUG rf EKKIHJAKKA Aþ FARA ÚT ( S í S/(WA J RETTA ?(JJW ^./^ðRINU ^
rkml
Vv)

Ferdinand
Og við byrjum að borða um leið og
Kvistur kemur með sykurpúðana.
BREF
TIL BLAÐSINS
Kringlunni 1 103 Reykjavík # Sími 569 1100 S Símbréf 569 1329
Keppendur á Ólympíumóti fatlaðra í Sydney. F.v. Pálmar Guðmunds-
son, Geir Sveinsson, Einar Trausti Sveinsson, Bjarki Birgisson, Gunnar
Örn Ólafsson og Kristín Rós Hákonardóttir.
fatlaðra í Sydney
IF leitar stuðnings fyrirtækja
Frá Ónnu Karólínu
Vilhjálmsdóttur:
í GÓÐRI trú um velvilja og stuðn-
ing við fatlað íþróttafólk, sendir
Iþróttasamband fatlaðra þessa dag-
ana út bréf til fyrirtækja víða um
land þar sem óskað er eftir stuðn-
ingi við þátttöku íslands í Ólympíu-
móti fatlaðra í Sydney dagana 18,-
29. október 2000. Staðfest var á
blaðamannafundi 8. júlí sl. að sex
keppendur fara á vegum íþrótta-
sambands fatlaðra á Ólympíumót
fatlaðra í Sydney og er í bréfinu
óskað eftir styrk frá fyrirtækjum,
um upphæð sem nemur 1000 krón-
um á hvern keppanda.
Keppendur sem valdir hafa verið
á Ólympíumót fatlaðra í Sydney ár-
ið 2000 eru; Kristín Rós Hákonar-
dóttir, IFR, Pálmar Guðmundsson,
ÍFR, Bjarki Birgisson, ÍFR og
Gunnar Örn Ólafsson, Ösp / SH
sem keppa í sundgreinum og frjáls-
íþróttamennirnir, Geir Sverrisson,
Breiðabliki og Einar Trausti
Sveinsson, Kveldúlfi / UMSB.
Landsliðsþjálfarar ÍF í sundi eru
Kristín Guðmundsdóttir og Inga
Maggý Stefánsdóttir og landsliðs-
þjálfari ÍF í frjálsum íþróttum er
Kári Jónsson.
Kristín Rós, Pálmar og Geir eiga
að baki glæsilegan feril á sviði
íþróttanna, þau hafa öll staðið í eld-
línunni undanfarin ár og skilað
glæsilegum árangri á fjölda alþjóð-
legra móta. Þau eru í hópi þess
íþróttafólks sem hefur háð baráttu
jafnt í keppninni sjálfri sem utan
vallar. Þar hefur átt sér stað marg-
vísleg barátta fyrir viðurkenningu á
því að árangur fatlaðs íþróttafólks
sé metinn að verðleikum. Sú bar-
átta hefur verið sérlega lærdómsrík
fyrir alla þá sem komið hafa að máli
og án efa á hún eftir að standa lengi
enn. Það sem áunnist hefur er fyrst
og fremst vegna þrautseigju og
metnaðar þess fatlaða íþróttafólk
sem í gegnum árin hefur unnið
glæsilega sigra á alþjóðavettvangi.
Þetta fólk er fyrirmynd þeirra
sem á eftir koma en í hópnum nú
eru þrír nýliðar á Ólympíumóti fatl-
aðra. Það eru þeir Bjarki Birgisson,
Gunnar Örn Ólafsson og Einar
Trausti Sveinsson, allt ungir og
mjög efnilegir íþróttamenn sem
spennandi verður að fylgjast með á
mótinu.
Ólympíumót fatlaðra í Sydney er
framundan og að baki eru þrotlaus-
ar æfingar og undirbúningsvinna
þeirra sem þar munu mæta til leiks
frá 125 löndum. íslensku keppend-
urnir munu nú sem fyrr stefna til
sigurs en hvernig sem útkoman
verður er alveg ljóst að öll sem eitt
munu þau Kristín Rós, Pálmar,
Bjarki, Gunnar Örn, Geir og Einar
Trausti gera sitt allra besta til að
ná sem bestum árangri fyrir ís-
lands hönd.
Iþróttasamband fatlaðra þakkar
þeim fjölmörgu aðilum sem stutt
hafa Iþróttasamband fatlaðra vegna
þátttöku Islands á Ólympíumótinu í
Sydney en kostnaðarsamur undir-
búningur vegna þjálfunar og þátt-
töku í mótum erlendis hefur staðið
yfir allt frá Ólýmpíumóti fatlaðra í
Atlanta árið 1996. Margvíslégur
stuðningur og veívilji fyrirtækja og
annarra aðila hefur verið grundvöll-
ur að fjölbreyttu starfi íþróttasam-
bands fatlaðra og án slíks stuðnings
væri ekki mögulegt að taka þátt í
svo kostnaðarsömu verkefni sem
Ólympíumóti fatlaðra í Sydney.
‘L ANNA KARÓLÍNA
VILHJÁLMSDÓTTIR,
framkv.stj. íþrótta-
og útbreiðslusvjðs ÍF.
-------------------------
Allt efni sem birtist í Morgunblaðinu og Lesbók' er varðveitt í uppíýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.