Morgunblaðið - 31.12.2000, Blaðsíða 1
TBL. 88. ÁRG.
SUNNUDAGUR 31. DESEMBER 2000 PRENTSMIÐJA MORGUNBLAÐSINS
Gleðilegt nýár!
Matthías Johannessen lætur af
starfí ritstjóra Morgunblaðsins
MATTHÍAS Johannessen lætur
af starfi ritstjóra Morgunblaðsins
nú um þessi áramót. Hann hefur
verið ritstjóri Morgunblaðsins í
rúmt 41 ár eða lengur en nokkur
annar maður. Matthías á að baki
tæplega hálfrar aldar starf á
Morgunblaðinu, en hann kom
fyrst til starfa á blaðinu árið 1951,
þá 21 árs að aldri.
Matthías Johannessen var ráð-
inn einn af ritstjórum Morgun-
blaðsins í ágúst 1959 og starfaði
þá m.a. með Valtý Stefánssyni,
sem verið hafði ritstjóri Morgun-
blaðsins frá 1924. Valtýr gegndi
því starfi til dauðadags árið 1963.
Samanlagt nær ritstjóraferill
Valtýs og Matthíasar yfir 76 ár af
87 ára sögu Morgunblaðsins.
Þegar Matthías var ráðinn rit-
stjóri Morgunblaðsins starfaði
hann við hlið þeirra Valtýs,
Bjama Benediktssonar og Sigurð-
ar Bjarnasonar frá Vigur.
Skömmu eftir ráðningu Matthías-
ar sem ritstjóra hvarf Bjarni
Benediktsson á ný til ráðherra-
starfa, en hann var einn af rit-
stjórum Morgunblaðsins frá 1956-
1959.
í maímánuði 1960 var Eyjólfur
Konráð Jónsson ráðinn einn af rit-
stjórum blaðsins og gegndi hann
því starfí til ársloka 1974.
Matthías og Eyjólfur Konráð
störfuðu því saman sem ritstjórar
Morgunblaðsins í u.þ.b. einn og
hálfan áratug.
Sigurður Bjarnason frá Vigur,
sem starfað hafði um nokkurt
skeið sem stjórnmálaritstjóri
Morgunblaðsins, var ráðinn einn
af ritstjórum Morgunblaðsins
1956. Hann lét af ritstjórastarfi
árið 1970, þegar hann varð sendi-
herra í Kaupmannahöfn. Samstarf
þeirra Matthíasar stóð því í rúm-
an áratug.
Styrmir Gunnarsson var ráðinn
einn af ritstjórum Morgunblaðsins
í nóvember 1972 og hefur sam-
starf þeirra Matthíasar við rit-
stjórn Morgunblaðsins því staðið í
nær þrjá áratugi.
Þegar Matthías Johannessen
var ráðinn ritstjóri Morgunblaðs-
ins 29 ára gamall höfðu bækur
hans, Njála í íslenzkum skáldskap,
í kompaníi við allífið og ljóðabókin
Borgin hló, vakið athygli og sam-
töl hans við fólk, sem birtust á síð-
um blaðsins undir heitinu: í fáum
orðum sagt, eitthvert mest lesna
efni Morgunblaðsins. Úrval þeirra
samtala kom löngu síðar út á
nokkrum bókum.
Á starfsárum sínum á Morgun-
blaðinu í hálfa öld hefur Matthías
Johannessen verið mikilvirkur rit-
Matthías Johannessen
höfundur og gefið út nokkra tugi
bóka.
í samtali við Morgunblaðið í
gær kvaðst Haraldur Sveinsson,
stjórnarformaður Árvakurs hf.,
útgáfufélags Morgunblaðsins,
vilja fyrir hönd stjórnar Árvakurs
hf. færa Matthíasi beztu þakkir
fyrir framúrskarandi og árangurs-
rík störf í þágu Morgunblaðsins.
„Alþjóð veit að hann hefur verið
ein styrkasta stoðin við að efla og
tryggja stöðu Morgunblaðsins á
íslenzkum fjölmiðlamarkaði."
Haraldur Sveinsson vildi einnig
fyrir sina hönd persónulega og
annarra stjórnarmanna í Árvakri
þakka náið og traust samstarf,
sem Matthías hefði haft við stjórn
félagsins alla sína ritstjóratíð.
Eiginkona Matthíasar er Hanna
Johannessen. Þau eiga tvo syni,
Harald Johannessen, ríkislög-
reglustjóra, sem er kvæntur
Brynhildi Ingimundardóttur, og
dr. Ingólf Johannessen, lækni.
Barnabörn þeirra Matthíasar
og Hönnu eru fjögur, Matthías,
Kristján, Svava og Anna.
í Morgunblaðinu í dag birtist
Reykjavíkurbréf undir nafni
Matthíasar Johannessens. Er það
í fyrsta sinn sem sá þáttur blaðs-
ins er skrifaður undir nafni.
í fyrsta tölublaði Morgunblaðs-
ins á nýju ári verður skýrt frá um-
fangsmiklum breytingum á rit-
stjórn Morgunblaðsins í kjölfar
þess, að Matthías Johannessen
lætur nú af störfum við blaðið.
Við þessi þáttaskil fylgja þær
óskir frá samstarfsmönnum
Matthíasar á Morgunblaðinu að
þeir megi njóta leiðsagnar hans og
ráðgjafar enn um langan aldur.
Sprengjutilræði
á Filippseyjum
Uppreisn-
armenn
grunaðir
Manila. AP, Reuters.
ÞRETTÁN manns að minnsta kosti
létust og yfir 90 særðust þegar fald-
ar sprengjur sprungu á fimm stöðum
í Manila, höfuðborg Filippseyja, í
gær. Vaknaði strax grunur um að ísl-
amskir uppreisnarmenn bæru
ábyrgð á tilræðunum. Talsmaður
annars tveggja líklegustu uppreisn-
arhópanna vísaði þó strax ábyrgð á
voðaverkunum á bug.
I stuttu sjónvarpsávarpi nokkrum
tímum eftir að sprengjurnar
sprungu reyndi Joseph Estrada for-
seti að róa fólk. „Ég fullvissa ykkur
um, að við munum beita öllum lög-
gæzluafla vorum til að stöðva þetta
ofbeldi," sagði hann. Tilræðin hafa
bætt gráu ofan á svart á það ástand
sem nú ríkir í stjómmálalífi Filipps-
eyja, en það hefur verið í uppnámi að
undanförnu vegna málaferla sem í
gangi eru gegn Estrada forseta.
Enginn hafði í gær lýst ábyrgð á
tilræðunum á hendur sér, en lögregl-
an gaf í skyn að hún teldi Abu
Sayyaf-hópinn standa að baki þeim,
hinn minni tveggja þekktra her-
skárra hópa aðskilnaðarsinnaðra
múslima á Suður-Filippseyjum.
-----H-«-------
Vínveitinga-
bann á gaml-
árskvöld
Indianapolis. Rcuters.
EIGENDUR margra vínveitinga-
staða í Indianaríki í Bandaríkj-
unum eru æfir vegna reglna um
vínveitingaleyfi sem gæti eyðilagt
fyrir þeim viðskiptin á gamlárs-
kvöld.
Vínveitingaleyfi í Indiana eru
vanalega bundin þeim takmörk-
unum að ekki megi veita áfengi á
sunnudögum. Að sögn Cliffords
Ongs, formanns nefndarinnar sem
tekur ákvarðanir um vínveitinga-
leyfi í Indiana, hefur um þriðj-
ungur hinna 10.000 vínveitinga-
staða ríkisins leyfi til vínveitinga á
sunnudögum, en til þess að öðlast
það þurfa veitingahúsarekendur
að gangast undir strangt pröf.
Eigandi stors veitingastaðar í
Indianapolis áttaði sig ekki á því
fyrr en of seint að vínveitingaleyfið
hans væri af þessum völdum ekki
gilt á gamlárskvöld, en þá eiga 500
manns pantað borð hjá honum. Var
það mál manna i Indianapolis að
veitingahúsarekendur sem lentu í
þessari stöðu myndu samt veita
áfengi og hætta á 1.000 dollara
sekt, andvirði 86.000 króna.
Ong varaði við því að til greina
kæmi að refsa þeim sem veittu
áfengi í leyfisleysi á gamlárskvöld
með því að banna þeim að veita
nokkrar veigar á degi heilags Pat-
reks í marz.
MORGUNBLAÐIÐ 31. DESEMBER 2000