Dagur - Tíminn Reykjavík - 06.03.1997, Blaðsíða 5

VIÐTAL DAGSINS
Jlagur-‘®mritm
Fimmtudagur 6. mars 1997 -17

Hefur látið sér vaxa alskegg
Árni Mathiesen,
þingmaður Sjálf-
stœðisflokks, 39 ára,
hefur látið sér vaxa
alskegg eftir sautján
ára hlé. Árni hefur
lofað konunni
sinni að raka
sig fyrir páska.
Það var orðið svo langt síð-
an ég hafði látið mér vaxa
skegg að ég vildi sjá hvort
mér myndi vaxa skegg aftur. Ég
var með skegg frá tvítugu fram
yfir þrítugt á veturna og rakaði
mig á sumrin. Síðan ég fór í
pólitíkina hef ég ekki verið með
skegg. Þeir segja að það rugli
kjósendurna ef maður breytir
mikið um útlit. Maður tekur
samt áhættuna á miðju kjör-
tímabili,“ segir Árni Mathiesen,
þingmaður Sjálfstæðisflokks.
Árni hefur skipt um útlit og
látið sér vaxa alskegg frá síð-
ustu áramótum en hann hefur
áður verið með skegg í ýmsum
útgáfum, meðal annars yfir-
varaskegg. Hann segist vera
búinn að lofa konunni sinni því
að raka sig fyrir páska enda sé
hann ekki jafn mjúkur á vang-
ann með skeggið.
Vörn gegn
næðingnum
„Þá verður sólin líka komin hátt
á loft og farið að hilla undir
sumarið þannig að það passar
ágætlega,“ segir Árni og bætir
við að það hafi verið mjög þægi-
legt að hafa skeggið í dýralækn-
ingunnm því að það hafi verið
ákveðin vörn gegn næðingnum
að vera með skegg.
Árni hefur fengið alls kyns
viðbrögð við skegginu, bæði
innan þings og utan. Hann segir
að aðrir skeggjaðir þingmenn
hafi verið agalega ánægðir að
fá viðbót í hópinn og Svavar
Gestsson, þingmaður Alþýðu-
bandalags, hafi frætt sig á því
að gerð hafi verið könnun hjá
Verkamannaílokknum í Bret-
landi þar sem fram hafi komið
að það væri óhagstætt gagnvart
kjósendum að hafa skegg. Það
væri ekki til þess fallið að laða
að sér fylgi.
„Þetta getur samt verið eitt-
hvað mismunandi eftir flokk-
um. Ég hef ekki látið gera neina
sérstaka könnun á þessu,“ segir
Árni.
Vinsælt hjá börnum
Skegg Árna hefur vakið mikla
athygli meðal barna og í barna-
afmæli um síðustu helgi var lítil
stúlka mjög upptekin af skegg-
inu.
„Hún þurfti mikið að spyrja,
fá að koma við skeggið og sjá
hvort það væri eins og hárið.
Svo spurði hún að lokum: „Hvar
fékkstu það?“ segir hann. Dótt-
ir Árna, ellefu mánaða, er hins
vegar of ung til að hafa myndað
sér skoðun á skegginu. Ekki er
þó alveg laus við að Árni hafi af
því áhyggjur að hún þekki sig
ekki þegar skeggið hverfur.
„Ég verð sennilega að leyfa
henni að horfa á þegar ég raka
það af,“ bætir hann við.
En hver skyldi hafa verið
ástæðan fyrir því að Árni lét sér
upphaflega vaxa skegg?
„Ég safnaði skeggi þegar ég
sá fram á að geta verið með
frambærilegt skegg en það eru
bráðum sextán eða sautján ár
síðan,“ segir sjálfstæðisþing-
maðurinn og skeggkarlinn Árni
Mathiesen.
-GHS Ámi Mathiesen, þingmaður Sjálfstæðisflokks, hefur breytt um útlit og látið sér vaxa alskegg eftir margra ára hlé.
Árni var með skegg frá tvítugu fram yfir þrítugt. Hann er nú tæplega fertugur. Mynapók
Alþjóðlegt mót í Hornafí ar ðarmanna!
Humarhátíð Hornfirðinga
dagana 4.-6. júlí mun fara
Jram fyrsta alþjóðlega
mótið í Hornaíjarðarmanna. Er
mótið einn liður í 100 ára afmæl-
ishátíð Hafnar í Hornafirði. Nú
þegar hefur boðað komu sína á
mótið mannaspilari frá Noregi.
Má búast við að spilarar frá fleiri
löndum láti skrá sig áður en
langt um líður. Þá eru íslenskir
Hornafjarðarmannaspilarar
hvattir til að koma á Humarhá-
tíðina og taka þátt í þessum tíma-
mótaatburði í Islandssögunni.
Forsprakki Hornafjarðar-
mannamótsins er hinn síungi
skólastjóri, með miklu meiru, Al-
bert Eymundsson. Albert hefur
lengi verið sérstakur áhugamað-
ur um hið gagnmerka spil
flornafjarðarmanna og hefur
undanfarna mánuði verið að
undirbúa þennan merkisatburð.
Albert hefur ráðfært sig við hina
fróðustu menn og hefur fengið
staðfestingu á því hvernig hinar
einu sönnu spilareglur Horna-
fjaröarmanna eru, en Hornfirð-
ingar hafa ekki verið sáttir við
þá útgáfu sem birtist í Spilabók
AB.
Hér á eftir fara spilareglur
sem hafa fengið hornfirska lög-
gildingu sem hinar einu sönnu
Hornafjarðarmannaspilareglur:
Hornafjarðarmanni
Þetta spil sem nefnt hefur verið
Hornafjarðarmanni er eitt af-
brigði mannaspils. Sagt er að
séra Eiríkur Helgason (d. 1954) í
Bjarnanesi sé höfundurinn. Spil-
ið hefur verið vinsælt á Horna-
firði gegnum tíðina og reyndar
víðar.
Tala spilara og spilin
Ilornaljarðarmanni er þriggja
manna spil. Notaður er venjuleg-
ur spilastokkur. Spilaröðin er
venjuleg, ásinn hæstur, nema í
nóló er hann lægstur.
Gjöfin
Fyrst er dregið um hver skuli
gefa. Sá, sem dregur hæsta spilið,
verður í forhönd og sá sem situr
honum á hægri hönd gefur fyrst-
ur. Gefið er sólarsinnis á hefð-
bundinn hátt, fyrst fjögur spil í
mannann og síðan þrjú spil á
hvern spilara. Manninn fær sex-
tán spil en hver spilari tólf. (Ekki
má stokka mannann og lögð er
áhersla á að spilin í mannanum
séu í þeirri röð sem gefin er).
Spilarar skiptast á að gefa.
Sagnir
Það er dregið um sagnir. Sá sem
er í bakhönd (á hægri hönd gef-
anda) dregur ofan af spilabunk-
anum og sýnir spilið sem upp
kemur. Komi upp tvistur til
fimma er spilað nóló. Reynt er að
fá sem fæsta slagi og ásinn er
lægstur. Komi upp sexa til níu er
spilað tromp í þeim lit sem dreg-
inn er. Komi upp tía til áss er
spilað grand. (Alltaf á að setja
þann hluta spilastokksins sem
dreginn er undir þannig að gjaf-
ari fær spilið sem ræður sögn-
inni)
Gangur spilsins
Áður en spilið hefst má sá sem er
í forhönd skipta allt að sjö spil-
um, sá sem er í bakhönd allt að
fimm spilum og sá sem gefur
fjórum spilum eða afgangnum ef
aðrir hafa ekki notað sér for-
kaupsrétt sinn.
Sá sem er í forhönd slær
fyrsta spilinu út og eftir það sá
sem á slaginn í hvert skipti. Sá
spilari sem tekur slag leggur
hann á grúfu fyrir framan sig og
slær út næst.
Útreikningur
f grandi og trompi er gefið eitt
+stig (plús) fyrir livern slag um-
fram fjóra og eitt -stig (rnínus)
fyrir hvern slag undir fjórum. f
nóló er stigagjöfin öfug. Fyrir
hvern slag undir fjórum er gefið
eitt +stig og eitt -stig umfram
fjóra. í grandi og trompi er hægt
að fá mest 8 +stig og 4
-stig en í nóló 4 +stig og 8 -stig.
Spilað er uns einn hefur fengið
10 +stig og þá er gert upp. Hægt
er að stöðva spilið hvenær sem
er og gera upp. Jákvæð stig og
neikvæð eru alltaf í jafnvægi.
Heimasíða
Hornafjarðarmanna
Reglur þessar munu birtast á
heimasíðu 100 ára afmælishátíð-
ar Hafnar í Ilornafirði á næstu
dögum. Þar munu einnig birtast
ýmsir fróðleiksmolar um Horna-
fjarðarmanna og nánari upplýs-
ingar um hið alþjóðlega Horna-
fjarðarmannamót þegar nær
Humarhátíðinni dregur. Heima-
síða Hornafjarðarmannans er:
http://www.eld-
horn.is/HofnlOOara/.