Dagblaðið Vísir - DV - 27.07.1991, Blaðsíða 5
LAUGARDAGUR 27. JÚLÍ 1991.
5
Fréttir
Lýsismengunin á Ströndum:
Rannsókn lokið þó
orsökin sé enn óljós
- sérstök nefnd skipuð vegna mengunaróhappa
Magnús Jóhannesson siglingamálastjóri og Eiður Guðnason umhverfis-
ráðherra á fundinum i gær. DV-mynd JAK
„Það er talið fullvíst að mengunin
eigi rætur að rekja til dauðrar
rauðátu en það liggur hins vegar
ekki fyrir hvaö hefur orsakað það
að rauðátan hefur drepist," sagði
Eiður Guðnason umhverfisráð-
herra á blaðamannafundi sem
haldinn var vegna lýsismengunar-
innar á Ströndum í gær.
Þar var skýrt frá því að rannsókn
málsins á tilraunastofum væri að
mestu lokið en að Landhelgisgæsl-
an og rannsóknarskip Hafrann-
sóknastofnunarinnar myndu halda
áfram að fylgjast með framvindu
mála á mengunarsvæðinu.
„Það hafa verið settar fram tilgát-
ur um orsakir rauðátudauðans, t.d.
seltulækkun vegna bráðnandi haf-
íss, eitraðir þörungar eða einhverj-
ir sérstakir sjúkdómar í þessum
rauðátustofni," sagði Eiður, en á
fundinum kom fram að sérfræðing-
ar treysta sér ekki til þess að segja
til um hvað af þessu, ef eitthvað,
orsaki rauátudauðann.
„Það má geta þess að undanfarin
rúm fjörutiu ár, eða frá 1950, er
kunnugt um sjö tilvik af svona
mengun og þar af hafði hún aðeins
borist á land í þremur tilvikum.
Við erum þannig að fást hér við
býsna sjaldgæft fyrirbæri og áreið-
anlega mjög lítt rannsakað," sagði
Eiður.
Talið er að myndun grútarflekkj-
anna fari minnkandi, þó ekki sé
hægt að útiloka að þeir berist
áfram í fjörurnar. Hafrannsókna-
stofnun telur ekki líklegt að meng-
unin komi til með að hafa nein af-
gerandi áhrif á lífríkið í sjónum,
þó hún gæti hugsanlega haft ein-
hver staðbundin áhrif.
Dr. Amór Sigfússon fuglafræð-
ingur sagði að erfitt væri að meta
áhrif mengunarinnar á fugladauða
þar sem ekki liggja fyrir nein gögn
til samanburðar, þ.e. hversu mikið
af fuglinum drepst af náttúrunnar
hendi. Hann mælti með því að
fylgst yrði með þessu svæði næstu
ár til að fá samanburð.
„í framhaldi af þessu máli hefur
umhverfisráðuneytið ákveðið að
skipa sérstaka aðgerðanefnd vegna
svona meiri háttar mengunaró-
happa á sjó en hún á að koma sam-
an þegar um meiri háttar mengun-
aróhöpp er að ræða eða þegar
hætta er talin á slíku,“ sagði Eiður.
Hlutverk nefndarinnar yrði að
meta mengunarhættu, skipuleggja
rannsóknir á lífríki, leiðbeina um
viðbrögð og samræma aðgerðir
einstakra stofnana. Einnig ætti
nefndin að meta árangur þeirra
aðgerða sem gripið er til hverju
sinni og gera tillögur um úrbætur.
Nefndin er skipuð fulltrúa um-
hverfisráðuneytisins, auk fulltrúa
Geislavarna ríkisins, Hafrann-
sóknastofnunar, Náttúrufræði-
stofnunar og Siglingamálastofnun-
ar.
-ingo
HeimiHaðveiða
1.097 hreindýr
Ákveðið hefur verið að á tímabil-
inu 10. ágúst til 15. september næst-
komandi verði heimilt að veiða allt
að 1.097 hreindýr í Norður-Þingeyj-
arsýslu, Múlasýslu og Austur-
Skaftafellssýslu.
Tvær breytingar verða á reglum
umhverfisráðuneytisins í ár. í stað
þess að tilgreina einungis heildar-
fiölda þeirra dýra sem heimilt er að
veiða í hveiju sveitarfélagi er nú
mælt nákvæmlega fyrir hve marga
tarfa, kýr og kálfa megi veiða.
Einnig tekur sú breyting gildi að
sveitarfélögin greiði tiltekiö gjald
fyrir hvert dýr, sem síðan verði notað
til rannsókna, en tekjur af veiðunum
renni til sveitarfélaganna. -ingo
Skotveiöifélagið:
Fráleittaðfá
ekkiaðvera
meðíráðum
„Við teljum það fráleitt að fá ekki
að vera með í ráðum þegar ráðstafa
á heilum hreindýrastofni sem er óve-
fengjanlega eign þjóðarinnar allrar,"
sagði Sólmundur Tr. Einarsson,
formaður Skotveiðifélags íslands, er
DV innti hann eftir viðbrögðum skot-
veiðimanna við nýrri reglugerð um
hreindýraveiðar.
í reglugerðinni kemur fram að ekki
er heimilt að selja veiðileyfi heldur
er þeim úthlutað til sveitarfélaga sem
svo fela sérstökum hreindýraeftir-
Utsmönnum veiðarnar.
í nýju reglunum eru einnig gerðar
tvær breytingar. Sveitarfélögin
greiða nú tiltekið gjald fyrir hvert
fellt dýr, sem notað verður til rann-
sókna, en geta svo ráðstafað tekjun-
um að eigin vild. Einnig verður nú
reynt að halda eðlilegu hlutfalU miUi
kynja með því að mæla fyrir um hve
marga tarfa, kýr og kálfa má veiða á
hverju svæði.
„Við teljum það mjög jákvætt að
reynt sé að stjórna veiðunum á þenn-
an hátt en allt annað í þessari nýju
reglugerð er gömul lumma tU þess
eins að þóknast landeigendunum fyr-
ir austan," sagði Sólmundur.
Þetta býður upp á fyrra fyrirkomu-
lag, að menn geti komist í veiðarnar
á bak við tjöldin og jafnvel greitt fyr-
ir, að sögn Sólmundar. Hann benti
einnig á að þarna væri verið að færa
mönnum tekjur á silfurfati, því sveit-
arfélögin greiða tæpar þrjár mUljón-
ir króna fyrir dýrin á meöan hægt
er að fá tæpar fjörutíu miUjónir fyrir
kjötið.
-ingo
E3 Handskiptur / Sjálfskiptur □ Aílstýri og veltistýrishjól H Framdrif
M Hvarfakútur 0 Þriggja ára ábyrgð
Verð frá kr. 795.840,-