Dagblaðið Vísir - DV - 02.07.1996, Blaðsíða 23

ÞRIÐJUDAGUR 2. JULI1996
27
DV
Tölvudiskur um
íslenska tungu
Verkeöiisstjórn stjórnar Lýð-
veldissjóðs og Námsgagnastofn-
un undirrituðu hinn 8. maí sl.
samning um að standa saman að
gerð og útgáfu alfræðiverks með
vinnutitlinum Alfræði íslenskr-
ar tungu. Um er að ræða geisla-
disk fyrir tölvur sem miðast er
við að muni koma að notum í
skólum, allt frá grunnskóla til
háskóla. Viðfangsefni verksins
verður íslensk tunga en skrifað-
ar verða flettugreinar um fjöl-
mörg atriðisorð úr öllum þeim
fræðigreinum sem tunguna
snerta, hvort sem fjallað er um
hljóð, orð eða texta.
Ljoö um reiði,
sársauka og ást
Út er komin ljóðabókin, í
fjörutíu daga, eftir Þorgerði Sig-
urðardóttur sem er starfandi
myndlistarmaður. Bókin hefur
að geyma 32 ljóð og fjórar lit-
myndir hennar. Ljóðin og mynd-
irnar eru frá sumri og hausti
1994 og er tilurð verksins skiln-
aður eftir 28 ára hjónaband. Það
lýsir reiði, sársauka og ást. Þetta
er fyrsta ljóðabók höfundar en
hún hefúr haldið fjölda einka-
sýninga á grafíkverkum sínum
heima og erlendis auk þess að
taka þátt í samsýningum víða
um heim. Höfundur gefur bókin
út og er bókin til sölu i bóka-
verslunum.
Bjartur og frú
Emilía til himna
Út er komið tímaritið Bjartur
og frú Emilía, fyrsta tölublað
ársins 1996, og er það að þessu
sinni tileinkað himnaríki. í
tímaritinu leggja 12 skáld út af
tíu til fimmtán heilögum orðum
úr Jóhannesarguðspjalli hvert,
auk þess sem Kristín Arngríms-
dóttir var fengin til að teikna
þrjátíu myndir úr himnaríki svo
lyfta megi lesendum upp í enn
hærri hæðir. Tímaritið fæst í
áskrift auk þess sem það fæst
einnig í bókaverslunum Máls og
menningar og Eymundsson.
Gönguleiðir
Út er komin sjötta bókin í rit-
röðinni Gönguleiðir á íslandi hjá
útgáfufélaginu Víkingi. Höfund-
urinn er Einar Þ. Guðjohnsen,
einn þekktasti ferðafrömuður ís-
lands, en hann lést á síðasta ári.
Hann skildi eftir sig bók í hand-
riti sem fjallar um svæðið fi'á
Rauðasandi til ísafjarðardjúps
og kemur h’ún nú samtímis út á
íslensku, ensku og þýsku. Allar
bækurnar eru litprentaðar og
brotið er handhægt þannig að
bækurnar fara vel í vasa.
Frumsamdar
smásögur í RÚV
Fyrr á þessu ári auglýsti Rík-
isútvarpið, rás 1, eftir frum-
sömdum íslenskum smásögum
til flutnings í sumardagskrá
sinni. Alls bárust 225 smásögur
og valdi þriggja manna dóm-
nefnd 20 þeirra til flutnings. Sög-
urnar eru frumfluttar á sunnu-
dögum kl. 18.00 og endurteknar
næsta fostudag kl. 10.15. Lesur
sagnanna fer fram tímabilið 16.
júní-1. september.
Ljóð á landi og sjó
Utgáfufélagið Dimma hefur
gefið út bókina Ljóð á landi og
sjó eftir álenska skáldið og sjó-
manninn Karl-Erik Bergman.
Bókin er úrval ljóða úr 7 bókum
sem út komu á tímabilinu
1957-1993 en Aðalsteinn Ásberg
Sigurðsson valdi ljóðin og ís-
lenskaöi þau. Karl-Erik Berg-
man e.r meðal þekktustu höf-
unda á Álandseyjum. í skáld-
skap hans birtast hugleiðingar
um lífið og tilveruna á sjó og
landi og á margt þar eflaust er-
indi við íslenska lesendur. -ggá
Menning
Pulp meö tónleika á íslandi:
Spilum líklega með
Damon Albarn
- segir Russel Senior Pulp-piltur og spáir stuöi
Pulp tryllir landann í kvöld, þriðjudaginn 2. júlí, í Laugardalshöll.
Eins og alþjóð veit mun ein vin-
sælasta sveit Breta trylla landann á
tónleikum í Laugardcdshöll annað
kvöld, þriðjudaginn 2. júlí. Hér er
að sjálfsögðu verið að tala um Pulp
sem hefur slegið allverulega í gegn
og trónað á toppi metsölulista víða
um heim. Það er mikill fengur í að
fá að berja sveitina augum enda er
hún þekkt fyrir líflega sviðsfram-
komu og var valin besta tónleika-
sveitin á síðustu Brit-verðlaunahá-
tíð. Það orð hefur farið af þeim
Pulp-piltum að þeir séu nokkuð
villtir og hefur sá orðrómur einkum
verið tengdur söngvara þeirra, Jar-
vis, en sögur af uppátækjum hans
hafa flogið viða um heim.
Jarvis er aiveg klikk
DV ræddi við einn meðlim hljóm-
sveitarinnar, Russel Senior, til að
heyra hvemig hljóðið væri í þeim
pg hvað þeir hefðu í huga að bjóða
íslendingum upp á. Russel sagði að
þeir ætluðu að leggja sig alla fram
til að tónleikarnir mættu vera sem
eftirminnilegastir og bestir. Hann
sagði að þeir væru þó búnir að læra
að vera ekki með of miklar vænting-
ar og of mikla tilhlökkun þar sem
það sannaði sig að það væri greið
leið til vonbrigða. Best væri að gera
ekki of mikið úr málunum og þá
kæmi venjulega mesta stuðið. Hann
sagði Pulp hafa verið á fullu í tón-
leikaferðum undanfarið og því hefði
fylgt mikið fjör. En hvernig er að
eiga við frægðina, er hún erfið?
„Nei, í raun ekki. Samt væri gott að
geta öðru hverju horfið inn í mann-
fjöldann. Annars er þetta ekki svo
mikið mál. Það er enginn sem neyð-
ir mann til að vera í sviðsljósinu all-
ar stundir og ef maður sleppir því
að fara á heitu klúbbana þar sem
maður þekkist þá er þetta ekkert
mál. Annars hef ég heyrt að þetta sé
vandamál sem ekki þekkist á ís-
landi, þar fái maður alveg að vera í
friði.“
Pulp, sem í upphafi hét fullu
nafni Arabacus Pulp, er engan veg-
inn ný af nálinni. Russel sagði að
þeir hefðu verið að spila saman í 14
ár, voru þeir ekki bara krakkar þá?
„Nei, í raun ekki,“ sagði hann og
hló. „Við erum ekki jafn ungir og
margir halda kannski." Meira um
það vildi hann ekki gefa upp. Er
Jarvis jafn mikill villingur og sagn-
ir herma? „Já, því verður í raun
ekki neitað að hann er þrælklikkað-
ur!“ En hvað um aðra hljómsveitar-
meðlimi, er sömu sögu að segja um
þá? „Jah, ég veit nú ekki. Allavega
held ég að við þjáumst ekki af
neinni ýktri athyglisþörf."
Michael Jackson
er móðursjúkur
Það vakti heimsathygli þegar Jar-
vis lenti saman við Michael Jackson
á síðustu Brit verðlaunahátíð.
Margar sögusagnir voru á kreiki
um hvað hefði gerst, en Michael
Jackson gaf út harmrænar yfirlýs-
ingar með tárin í augunum um sið-
leysislega hegðun þar sem sagt var
að siðferðiskennd hans og barna-
kórsins sem söng með honum hefði
verið djúpt særð! En hvað gerðist í
raun og veru? „Þetta var ekki plan-
að, þetta bara gerðist og í raun var
þetta ekki svo mikið mál. Við vor-
um bara að fylgjast með honum,
mér fannst hann bara fyndinn en
Jarvis var orðinn rosalega pirraður
á honum. Við vorum búnir að vera
þarna allt kvöldið og Jarvis var bú-
inn að drekka töluvert þannig að
þetta gerðist í raun bara óvart.
Hann réðst ekki á nein börn eins og
sum blöðin sögðu. Hann stökk bara
upp á sviðið, öskraði nokkar vel
valdar móðganir að Michael
Jackson um perraskap hans og var
síðan stuggað strax í burtu af örygg-
isvörðum. Það var aldrei nein
ástæða til að gera stórmál úr öllu
saman en Jackson liðið þurfti að
blása þetta upp til að láta Pulp líta
illa út en á endanum held ég að
þetta hafi frekar verið okkur til
góðs. Þetta var allt bara móðursýki
í Jackson-genginu og algjör óþarfi
að gera stórmál úr þessu, algjört of-
sóknaræði. Það fyndna er að flest-
um fannst þetta bara sniðugt."
Hvað er áhugaverðast við með-
limi Pulp? „Ég veit það varla, okkur
finnst góðir sveppir, ætli það sé
ekki það markverðasta við okkur.“
Russell sagði að Pulp ætlaði að
slá botninn í hljómleikahald með ís-
landsferðinni. Þeir væru búnir að
fara út um alla Evrópu, ætla síðan
að halda tvenna eða þrenna hljóm-
leika í Englandi og fara svo í frí frá
þessari plötu. Hér er Russel að sjálf-
sögðu að tala um breiðskífuna
Different Class sem er nýjasta og
vinsælasta plata hljómsveitarinnar
til þessa.
Sá orðrómur gengur fjöllum
hærra að Damon Albarn, hin eina
og sanna söngspíra Blur, sem fór
héðan á laugardagsmorgun, yrði
sennilega samferða þeim til lands-
ins og tæki lagið með þeim. Aö-
spurður um þetta sagði Russel að
hann teldi það mjög líklegt þótt ekk-
ert væri endanlega ákveðið. „Það er
enginn rígur á milli allra þessara
bresku banda,“ sagði Russel. „Okk-
ur kemur öllum ágætlega saman og
fólk verður að passa sig á því að
trúa ekki öllu sem það heyrir."
Með það kvaddi Russel enda er
mikill undirbúningur að baki svona
tónleikaferðum. Þaö er full ástæða
til að benda fólki að missa ekki af
tækifærinu til að upplifa tónleika
með Pulp, enda ekki um neinn smá-
viðburð að ræða. Miðar rokseljast,
svo munið að tryggja ykkur aðgang
í tíma.
-ggá
Aðstandendur verksins Ef ég væri gullfiskur. Aftari röð frá vinstri: Rósa G.
Þórsdóttir, Eggert Þorleifsson, Kjartan Guðjónsson, Þórhallur Gunnarsson,
Sigurður Karlsson, Pétur Einarsson, Elfar Bjarnason og Helga Stefánsdótt-
ir. Fremri röð: Halldóra Geirharðsdóttir, Sóley Eiíasdóttir, Árni Ibsen og Guð-
laug Elísabet Ólafsdóttir.
Ef ég væri
gullfiskur
- nýr íslenskur farsi
Nú er orðið ljóst að næsta leikár
hjá Leikfélagi Reykjavíkur muni
hefjast á nýju íslensku verki eftir
Árna Ibsen, Ef ég væri gullfiskur,
en æfingar hafa staðið yfir nú í vor
á verkinu. Ef ég væri gullfiskur
flallar á gamansaman hátt um „stór-
fjölskylduna" í íslenskum samtfma
og er farsi að frönskum hætti en
með íslensku inntaki. Þar er beitt
viðteknu formi 19. aldar farsans
sem Georges Feydeau fullkomnaði
og er enn með öruggu lífsmarki. í
seinni tíð hafa menn lítt reynt að
halda lífi í þessari grein leikritunn-
ar og sker Ámi Ibsen sig úr hópi ís-
lenskra leikskálda en hann hefur
nær eingöngu beint sjónum sinum
aö þessu listformi. Skemmst er að
minnast leikrita hans, Himnaríki-
geðklofans, gamanleiks sem gekk
fyrir fullu húsi allan síðasta vetur
hjá Hafnarfjarðarleikhúsinu Her-
móði og Háðvör og gerði víðreist á
leiklistarhátíðir víða um Evrópu, og
Fiska á þurru landi en verkið var
sýnt í Hafnarfirði 1993. Auk þess
hefur Ámi samið og þýtt fjölda ann-
arra leikrita. í leikhópnum eru
margir nýir leikarar sem koma til
liðs við Leikfélag Reykjavíkur í
þessu verki.
-ggá