Dagblaðið Vísir - DV - 24.03.2001, Blaðsíða 6
LAUGARDAGUR 24. MARS 2001
6
Fréttir 3>V
Rannsóknarnefnd flugslysa birtir skýrslu um flugslysið í Skerjafirði:
Eldsneytisskortur
líklegasta skýringin
- ótal margt athugavert viö viðhald og skráningu vélarinnar
í skýrslu Rannsóknarnefndar
flugslysa á flugslysinu i Skerjafirði
í byrjun ágúst síðastliðinn, sem
varð fimm manns að bana og veitti
hinum sjötta alvarlega áverka, segir
að nefndin telji líklegustu orsök
slyssins vera þá að hreyflinum
barst ekki nægt eldsneyti með þeim
afleiðingum að hann missti afl. Síð-
an telur nefndin að flugmaðurinn
hafi misst stjórn á flugvélinni sem
ofreis og féfl svo í bröttu gormaflugi
ofan í sjóinn. Auk þess kemur fram
að margt var athugavert við viðhald
og skráningu flugvélarinnar, sem
var í eigu Leiguflugs ísleifs Ottes-
ens hf. Jafnframt var farþegalisti
vélarinnar mjög ónákvæmur, flug-
vélin var þyngri viö flugtak en leyfi-
legt var og þyngdarmiðjan var aftan
við leyffleg mörk.
Föðurnöfn vantaöi
Flugið örlagaríka var 22. ferð vél-
arinnar þennan dag og hafði flug-
maðurinn unnið samfleytt í rúma 13
tíma, mun lengur en heimilt er í
vinnutímareglum flugmanna.
Jafnframt kemur fram í skýrsl-
unni að skráningar hafi ekki verið
fyrir hendi um þær 22 ferðir sem
vélin fór þennan dag, sem og að
Flugslysiö í Skerjafiröi
Lítil flugvél hrapaöi í sjóinn hinn 7. ágúst 2000 meö þeim afleiöingum aö fimm létust og sá sjötti liggur enn þungt hald-
inn á sjúkrahúsi. Rannsóknarnefnd flugslysa hefur nú lokiö viö skýrslu um slysiö, tæpum átta mánuöum eftir slysiö.
Skýrslan skoðuö
Friörik Þór Guömundsson, faöir eins
fórnarlambs flugslyssins í Skerjafirði
í ágúst sl., sést hér skoöa skýrslu
Rannsóknarnefndar flugslysa.
Leiguflug ísleifs Ottesens hf. skilaði
ekki inn eldsneytis- og olíuskrá þeg-
ar gögn vélarinnar voru færð rann-
sóknamefndinni. Eiganda flugvéla
ber lagaleg skylda til þess að halda
þessa skrá. Aðrar skrár leiguflugs-
ins voru ófullnægjandi, þar með tal-
in nafnaskrá farþega, en fóðurnafns
300 farþega, sem fluttir voru með
vélinni þennan dag, er einungis get-
ið í 37 tilvikum.
Leiðbeiningar til flugmanna varð-
andi ýmsar breytingar sem gerðar
höfðu verið á flugvélinni vantaði,
sem og fleiri gögn og merkingar í
vélina, svo sem upprunalegar við-
haldsbækur hennar, yfirlit yfir við-
gerð á hjólabúnaðinum sem fram-
kvæmd var sama dag og slysið varð,
hleðsluskrár og jafnvægisútreikn-
inga og fleira.
Fram kemur í skýrslunni að öðr-
um flugmönnum sem flugu þessari
vél fyrir hönd leiguflugsins var ekki
kunnugt um að þær breytingar sem
framkvæmdar höfðu verið á flugvél-
inni hefðu haft áhrif á leyfðan há-
marksflugtaksþunga hennar. Þessir
flugmenn staðfestu jafnframt að
þeir teldu eldsneytismæla vélarinn-
ar óáreiðanlega.
Rannsóknarnefndin segir að
skoðun flugvélarinnar sem fram-
kvæmd var áður en flugvélin var
samþykkt inn í evrópskt flugum-
hverfl hafi ekki verið fullnægjandi
og telur að Flugmálastjórn heföi átt
að ganga eftir frekari upplýsingum
varðandi endurnýjun viðhalds-
gagna vélarinnar.
Fleiri rannsóknir í gangi
Skýrslan var birt í gær, sjö og
hálfum mánuði eftir slysið. Útkomu
hennar hefur ítrekað verið frestað,
en skömmu eftir flugslysið sögðu
forráðamenn rannsóknarnefndar-
innar að vinnan við skýrsluna
myndi taka nokkrar vikur. Mikil
úlfúð hefur risið á mifli rannsókn-
araðila og aðstandenda fórnar-
lambanna vegna skýrslugerðarinn-
ar, en aðstandendur fórnar-
lambanna hafa gagnrýnt störf
nefndarinnar harðlega. Rannsókn
nefndarinnar er gerð til þess að
stuðla að flugöryggi á íslandi og
koma í veg fyrir frekari flugslys, og
leggur hún fram ýmsar tillögur til
úrbóta í skýrslu sinni.
Skömmu eftir slysið fóru aðstand-
endur fórnarlambanna fram á lög-
reglurannsókn á slysinu, þar sem
niðurstöður rannsóknamefndarinn-
ar eru ekki gildar fyrir dómstólum.
Rannsókn lögreglunnar á málinu
stendur enn yfir. Eftir helgina má
búast við því að birt verði niður-
staða sjálfstæðrar rannsóknar á
slysinu sem aðstandendur fórnar-
lambanna hafa unnið að.
-SMK
„Velkomnir eða óvelkomnir í eigin landi“ - ráðstefna á Húsavík:
„Skrattinn er óskemmtilegt veggskraut"
- sagði Davíð Oddsson forsætisráðherra
„Velkomnir eða óvelkomnir i eig-
in landi?“ var yfirskrift ráðstefnu
sem haldin var á Húsavík í gær, þar
sem fjallað var um þjóðgarða og
friðlýst svæði og búsetu og atvinnu-
sköpun á og í grennd við slík svæði.
Andstæð sjónarmið og árekstrar
hafa verið nokkrir í málum sem
þessum og nægir að benda á Mý-
vatnssveit í því sambandi. Á fundin-
um voru ráðherrar, þingmenn,
sveitarstjórnarmenn, sérfræðingar
og fufltrúar ýmissa náttúruverndar-
samtaka, sem reifuðu málin frá mis-
munandi sjónarhornum. „Ég vona
að þessi umræða leiði okkur skref
fram á við í þá átt að samræma bú-
setu og náttúruvernd," sagði Pétur
Snæbjörnsson, stjórnarformaður
Atvinnuþróunarfélags Þingeyinga
sem stóð fyrir þessari ráðstefnu.
Augljóst var að þarna voru til
umfjöllunar mál sem brenna á
mörgum. Davíð Oddsson forsætis-
ráðherra setti ráðstefnuna og ræddi
um afstöðu manns til náttúrunnar
og manninn í náttúrunni á ýmsum
tímum. „Öldum saman þótti sú nátt-
úra ein fögur sem gaf fyr-
irheit um góða upskeru
og skjólgóða byggð,“
sagði Davið og kvað ís-
lendinga eiga allt undir
því að vemda náttúruna
og nýta hana um leið.
„Ég er þeirrar skoðunar
að aldrei verði skilið á
milli náttúruverndar og
nýtingar okkar mann-
anna á náttúrunni. Heil-
brigð náttúruvernd hlýt-
ur alltaf að horfa til gró-
andi þjóðlífs og efnalegr-
ar framþróunar.“
Davíð minntist á marg-
vísleg óhæfuverk manns-
ins gagnvart náttúrunni,
sérstaklega í austan-
tjaldslöndunum, „en slík
óhæfuverk gefa mönnum
ekki frítt spil til aö mála
skrattann á vegginn.
Skrattinn er óskemmti-
legt veggskraut. Æ ofan í æ spá
sjálfskipaðir umhverfisvitringar því
að mannkynið sé nú endanlega
DV-MYND BRINK
Ráðstefna á Husavík
Fjallað var um vinnu og búsetu í nágrenni þjóögaröa og
friðlýst svæði.
komið fram á ystu brún. Jafn oft
hafa slíkar spár verið afsannaðar."
Og Davíð benti á að ný tækni og
nýir orkugjafar hefðu
komið fram og leyst aðra
af hólmi. „Steinöld lauk
ekki vegna þess að það
skorti steina og grjót,
heldur vegna þess að
menn fundu hagkvæmari
og betri aðferðir til að
smíða verkfæri."
Á fundinum fluttu þeir
Peter Prokosch frá Noregi
og Roger Crofts frá
Skotlandi fyrirlestra um
þjóðgarða á norðurhjara
og í Skotlandi með hlið-
sjón af umræðunni á Is-
landi sem þeir voru báðir
vel kunnugir. Ræddar
voru hugmyndir um
Vatnajökulsþjóðgarð, Val-
gerður Sverrisdóttir iðn-
aðarráðherra fjallaði um
atvinnustarfsemi á frið-
lýstum svæðum og marg-
hliða umræða fór fram um
skipulagsmál náttúruverndarsvæða
og sambúð byggðar við þjóðgarða og
friðlýst svæði. -JS
Ur felum
Eftirað Björn
Grétar Sveinsson,
fyrrum forseti Verka-
mannasambands ís-
lands, gerði frægan
starfslokasamning við sambandið
var eins og jörðin hefði gleypt hann,
en Björn Grétar
dró sig algjörlega
út úr aflri opin-
berri umræðu í
þjóðfélaginu. Hann
„dúkkaði“ svo
skyndilega upp i
dægurmálaþætt:
Rásar 2 á dögunun
og spáði þar rét
um framvindu sjómannaverkfallsins
sem þá var að hefjast. Nokkrum dög-
um síðar hringdi hann síðan inn í
sama þátt, þegar rætt var um lög
ríkisstjómarinnar á verkfallið, og
vildi leggja orð í belg. Ýmislegt bend-
ir því til þess að Björn Grétar hafi
hug á því að komast í hringiðuna að
nýju og í kastljós fjölmiðlanna.
Hvað vill Steingrímur?
Vinstri grænir hafa látið að því
liggja að þeir ætli að vera virkir í
sveitarstjórnarkosningum á næsta
ári og bjóða fram sem viðast. í heita
pottinum voru
menn að velta fyr-
ir sér hvað flokk-
urinn muni gera á
Akureyri, en þar
studdi Steingrím-
ur J. Sigfússon
framboð Akureyr-
arlistans dyggilega
fyrir kosningarnar
1998 og „grét“ á kosningavöku meö
öðrum sem að þeim lista stóðu.
Þrátt fyrir að Ákureyrarlistinn, sem
að stóðu m.a. Alþýöubandalag og Al-
þýðuflokkur, hafi ekki náð miklum
árangri í þeim kosningum fór hann
í meirihluta með Sjálfstæðisflokkn-
um og virðist það samstarf hafa
gengið ágætlega. Ásgeir Magnús-
son, oddviti listans, er hins vegar
„vel vinstri grænn" þannig að það
verður gaman að sjá hvað gerist að
ári og hvort menn ganga ekki
óbundnir til kjörklefanna sam-
kvæmt venju.
Vinir vinna saman
Lifeyrissjóður Norðurlands hefur
að undanförnu látið talsvert fyrir
sér fara og viðskiptafræðingurinn og
fyrrum áróðursmeistari sægreif-
anna, Bjarni
Hafþór Helgason,
sem þar hefur haf-
ið störf, er greini-
lega að vinna fyrir
kaupinu sínu. Líf-
eyrissjóðurinn hef-
ur verið í herferð
varðandi viðbótar-
lífeyrissparnað
undir stjórn Bjarna Hafþórs og fyrir
nokkrum dögum gat að líta auglýs-
ingar í fjölmiðlum þar sem birt var
mynd af Eggerti Skúlasyni, um-
sjónarmanni fjármálaþáttarins Pen-
ingavit á Stöð 2, og frá því greint að
Eggert ávaxti sitt pund með viðbót-
arlífeyrissparnaði hjá Lífeyrissjóði
Norðurlands. Fyrir þá sem ekki vita
eru þeir Bjarni Hafþór og Eggert
perluvinir og oft samstiga í lífinu,
sem sést m.a. á þvi að báðir eru þeir
í námi í vetur til að verða löggiltir
verðbréfamiðlarar.
Ingibjörg fékk járn
Fyrsti rafræni lyfseðillinn hér á
landi var afgreiddur í lyfjaverslun á
Húsavík í fyrradag og var það Ingi-
björg Pálmadóttir heilbrigðisráð-
herra sem fékk
sendan þangað lyf-
seðil sem land-
læknir sjálfur gaf
út. I heita pottin-
um voru menn að
velta fyrir sér
hvaða lyfi land-
■| læknir hefði „ávís-
að“ á ráðherrann
og var m.a. stungiö upp á blóðþrýst-
ingslyfi í því sambandi. Hið rétta
mun hins vegar vera að þegar land-
læknir komst að því að ráðherrann
hefði ekki haft tíma til sláturgerðar í
haust ákvað hann að skrifa upp á
járn fyrir Ingibjörgu sem sótti járnið
sitt svo í lyfjabúðina, án lyfseðils.