Dagur - 13.08.1982, Blaðsíða 6

„Nú væri ha
heilu sv
úr öskuhí
Steindór Steindórsson fyrrverai
Nú á dögunum geta skólamenn valið um mun flem kosti . . .
í gær var Steindór Steindórs-
son fyrrum skólameistari átt-
ræður. Af því tilefni átti Dag-
ur við hann stutt spjall á heim-
ili hans að Munkaþverárstræti
40, Akureyri.
Steindór fæddist að Möðru-
völlum í Hörgárdal 1902 en
ólst upp að Hlöðum hjá Stef-
áni Stefánssyni og Margréti
konu hans. Alla tíð síðan hef-
ur hann kennt sig við þann
stað.
Steindór tók gagnfræða-
próf á Akureyri og stúdents-
próf utanskóla í Reykjavík en
fór síðan til Hafnar þar sem
hann lagði stund á náttúruf-
ræði.
ÍHöfn
Að loknu stúdentsprófi hafði ég
nokkuð jafnan áhuga á náttúru-
fræði og íslensku og varð nú að
gera upp við mig að hvoru ég
ætti að snúa mér. Mig langaði til
að sjá mig um í heiminum og
ákvað því að taka þann kostinn
sem ekki væri hægt að leggja
stund á hérna heima, þ.e. nátt-
úrufræðina. Ég held að tiltölu-
lega fáir af skólafélögum mínum
hafi verið ákveðnir í því hvað
þeir hyggðust leggja fyrir sig að
loknu stúdentsprófi og það var
því fleirum en mér þraut að
velja. Margir fóru í guðfræði
enda fylgdu prestsembættunum
yfirleitt góðar bújarðir. Það
hefði aiveg eins getað hvarflað
að mér.
Nú á dögum geta skólamenn
valið um mun fleiri kosti og
skóiakerfið steypir ekki alla í
sama mótið eins og þá. Nú velja
menn hver sína braut fyrr en þá
tíðkaðist og ég held að enn veit-
ist ungu fólki jafn erfitt að velja.
Það var auðvitað erfiðleikum
bundið að fara í nám á þessum
tíma. Ég vann fyrirmérþartil ég
lauk stúdentsprófi með því að
taka þá vinnu sem ég fékk besta.
Eftir að til Hafnar kom fékk ég
100 kr. styrk á mánuði en auk
þess var ég svo heppinn að Stef-
án gamli sem ég ólst upp hjá lán-
aði mér það sem upp á vantaði
svo ég gæti verið í Höfn. Menn
komust langt með að vinna fyrir
námskostnaði hér heima á sumrin
en í Höfn var það ógerlegt því að
sumarfríið var stutt og það mátti
gott heita, ef maður fór heim til
Islands á sumrin, að maður ynni
þar fyrir fargjaldinu fram og til
baka. Það var tiltölulega lítið
brot manna sem gat veitt sér
þann munað að læra í skóla í þá
tíð.
Það var orðið lítið eftir af ís-
lenskum stúdentum í Höfn þeg-
ar ég var þar vegna þess að eftir
1918 var Garðstyrkurinn úr
sögunni og við það fækkaði ís-
lenskum námsmönnum í Höfn
geysilega mikið.
Það sem setti endahnútinn á
mína Hafnarvist var það að ég
veiktist af berklum. Það var
ákaflega mikið um berkla í Höfn
og ég varð fyrir barðinu á þeim
eins og fleiri. Af þessum 20-30
manna hóp íslenskra náms-
manna í borginni minnir mig að
5-6 hafi veikst af berklum. Ég
tafðist í námi við þetta um eitt
ár. Um þær mundir var kominn
menntaskóli hér á Akureyri.
Jónas frá Hriflu, sem réð þá öllu
í landinu, greip mig glóðvolgan í
rúminu og það var ekki um ann-
að talað en ég tæki að mér nátt-
úrufræðikennsluna í skólan-
um. Þegar ég var búinn að
ljúka prófi árið 1930varég send-
ur hingað í Menntaskólann og
var þar næstu 42 árin, lengst af
sem kennari, en síðustu árin sem
skólameistari. Þaraðaukivarég
gamall nemandi, gagnfræðingur
1922, þannig að eiginlega má
segja að ég hafi verið viðloðandi
skólann frá 1920 þar til ég hætti
árið 1970. Hermann Stefánsson
hefur samt 3 ár fram yfir mig.
Hann kom ári á undan mér og
hætti 2 árum seinna. Það vorum
við bekkjarbræðurnir, ég,
Hermann og Brynjólfur Sveins-
son, sem þá höfðum verið hér
lengst. Jónas Snæbjörnsson var
að vísu lengst allra fram að þeim
tíma. Núna eru menn farnir að
byrja þarna svo ungir að þeir
verða örugglega miklu lengur.
Æskan breytist
ekkert í eðli sínu
Ýmislegt hefur náttúrlega breyst
við skólann síðan ég kom. Þá var
hann þriggja vetra gagnfræða-
skóli með svona í kring um 100
nemendur. Nú er hann búinn að
vera menntaskóli í 50 ár og nem-
endafjöldi á seinni árum hátt á
sjötta hundraðinu. Einnig hefur
skólinn breyst með breyttu
skólakerfi. Upphaflega var hann
6 vetra skóli og tvískiptur en síð-
an breyttist hann í 4ra vetra
skóla. Deildum hefur líka
fjölgað. Fyrsta veturinn var ein-
ungis starfrækt máladeild. Síðan
bættist við stærðfræðideild. Á
minni tíð bættist við náttúru-
fræðideild og nú hefur allt breyst
6 - DAGUR -13. ágúst 1982