Dagur - 13.06.1986, Blaðsíða 10
10-DAGUR- 13. júní 1986
t
í minningu
Jóns G. Sólnes
Fæddur 30. sept. 1910 - Dáinn 8. júní 1986
Jón G. Sólnes, fyrrum banka-
stjóri og alþingismaður, varð
bráðkvaddur á heimili sínu að
Bjarkarstíg 4 á Akureyri að
morgni sunnudagsins 8. júní. Jón
fæddist á ísafirði þann 38. sept-
ember 1910 og var því 75 ára. er
hann lést. Með honum er geng-
inn einn litríkasti borgari þessa
bæjar. Sönn hetja er horfin af
sjónarsviðinu.
Ég, sem þessar línur rita, átti
því láni að fagna að kynnast Jóni
G. Sólnes náið og eiga við hann
margvíslegt samstarf. Samskipti
mín sem kaupfélagsstjóra og
hans sem bankastjóra Lands-
bankans á Akureyri voru byggð á
gagnkvæmu trausti, en Jón hafði
skarpan skilning á atvinnurekstri
og þörfum hans og var góður ráð-
gefandi í þeim efnum. Við áttum
langvarandi samstarf í stjórn
Laxárvirkjunar og unnum sam-
eiginlega að lausn Laxárdeilu.
Við unnum sameiginlega með
öðrum að því að móta framtíðar-
stefnu Akureyrar í raforkumál-
um og var sú stefna mjög í sam-
ræmi við skoðanir Jóns G. Sól-
nes, sem hann hafði barist fyrir
allar götur frá 1965. Leiðir okkar
lágu saman í bæjarstjórn Akur-
eyrar á tímabilinu 1970-1978 og
einnig þar áttum við margvíslegt
samstarf. Allt samstarf við hann
var skemmtilegt. Jón hafði
ákveðnar skoðanir og einurð til
þess að bera þær fram. Hann var
trygglyndur, traustur og stóð við
orð sín. Um menn með svo
ákveðnar skoðanir sem Jóii G.
Sólnes hafði, samfara hreinskilni
og hispursleysi í framsetningu,
stendur oft styr, ekki síst þegar
menn brjótast í miklu. Pað stóð
stundum styr um Jón G. Sólnes
sem um alla aðra, sem í fylking-
arbrjósti fara. Að leiðarlokum
verður þeirra minnst enn meir en
ella.
Jón G. Sólnes vann bæjarfélagi
sínu, landi og landshluta af heil-
indum. Hann starfaði fyrir Sjálf-
stæðisflokkinn og var bæjarfull-
trúi hans á Akureyri. Hann var
þannig ekki í hópi þeirra, sem
sérstaklega tala fyrir samvinnu-
starfi, en ég var þess oft var að
hann mat samvinnufélögin mikils
og framlag þeirra til atvinnuupp-
byggingar og atvinnuöryggis.
Hann sagði oft í góðlátlegu
gamni, að hann einn hefði leyfi til
þess að bæta V.K. við nafnið sitt,
sem táknaði vinur KEA, og sann-
arlega var hann vinur flestra
þeirra, sem brutust í að byggja
upp bæinn og héraðið.
Á samstarfsárunum áttum við
hjónin og annað samstarfsfólk
sérstaklega yndislegar stundir á
heimili þeirra Jóns og eiginkonu
hans Ingu Pálsdóttur Sólnes, sem
lifir mann sinn. Mikill lánsmaður
var Jón G. Sólnes að eignast
þennan glæsilega og glaðværa
lífsförunaut. Við þökkum allar
þessar samverustundir og önnur
samskipti.
Ég bið Jóni G. Sólnes Guðs
blessunar á vegferðinni miklu í
austrinu eilífa. Ég sendi konu
hans, börnum og fjölskyldunni
allri innilegar samúðarkveðjur
okkar hjónanna.
Valur Arnþórsson,
kaupfélagsstjóri.
Enn einu sinni kveðjum við
félagar í Golfklúbbi Akureyrar
einn af félögum okkar. Að þessu
sinni er það Jón G. Sólnes sem lést
sl. sunnudag 75 ára að aldri.
Enginn kylfingur á Akureyri
hefur leikið golf jafn lengi og Jón
G. Sólnés og enginn einn maður
hefur haft jafn mikil áhrif á fram-
gang íþróttarinnar í bænum og
hann. Jón hóf að leika golf á
fyrsta velli Golfklúbbs Akureyrar
á Gleráreyrum árið 1937 og lék
að heita má stanslaust í 49 ár.
Jón var formaður Golfklúbbs
Akureyrar á árunum 1961-1964,
en áhrif hans á sögu klúbbsins
eru miklum mun meiri. Segja má
að allt frá upphafi hafi hann verið
sá maður sem leitað var til þegar
um stórar ákvarðanir í sögu
klúbbsins var að ræða, þá var
leitað álits hans og ráða og menn
komu ekki að tómum kofanum.
Það yrði of langt mál að reyna
að rekja hér þau mál sem hann
kom í höfn fyrir klúbbinn. Þó
verður ekki komist hjá að nefna
afskipti hans af þeim málum er
klúbburinn var að eignast sitt eig-
ið landsvæði, fyrst við Þórunnar-
stræti og síðan að Jaðri þar sem
Golfklúbbur Akureyrar hefur
yfir að ráða í dag einum besta
velli landsins á stórkostlegu
landi. Þeir sem best muna þessa
tíma fullyrða að þar hafi áhrif
Jóns og dugnaður fyrir hönd
klúbbsins riðið baggamuninn.
Á 50 ára afmæli Golfklúbbs
Akureyrar sl. ár var Jón G. Sól-
nes sæmdur æðsta heiðursmerki
sem íþróttahreyfingin í landinu
veitir. Á 75 ára afmæli Jóns
skömmu síðar hlaut hann heið-
ursmerki golfklúbbsins. Þess'ar
viðurkenningar sýna hversu störf
hans fyrir golfíþróttina og ekki
síst fyrir Golfklúbb Akureyrar
voru metin.
En nú er hann allur, og vissu-
lega erum við félagar í Golf-
klúbbi Akureyrar fátækari eftir.
Glaðværð hans og gáski verða í
minnum höfð, hnyttin tilsvör hans
og glíma við hvítu kúluna heyra
sögunni til, en minningin um Jón
G. Sólnes mun lifa.
Golffélagar á Akureyri senda
eftirlifandi konu hans Ingu og
börnum þeirra hjóna innilegar
samúðarkveðjur og eru þess full-
vissir að minningin um hann mun
auðvelda þeim að bera sorg sína.
Blessuð sé minning Jóns G.
Sólnes.
Stjórn Golfldúbbs Akureyrar.
Hún er oft stutt gangan gegnum
hliðið sem skilur líf og dauða og
þó hún sé fyrirsjáanleg og óum-
flýjanleg hverjum lifandi manni
Yeidivörukynning
Föstudaginn 13. júní verður veiðivöru-
kynning á eftirtöldum merkjum í verslun
okkar:
Mitchell veiðihjól, Mitchell veiðistangir,
Royal Veiðihjól, Hercon veiðistangir,
Sjiortex veiðilínur G.G. spænir.
Asgeir Halldórsson frá Sportvörugerð-
inni ásamt Ólafi Jóhannssyni veiðimanni
verða á staðnum og
eru áhrif þess að sjá samferða-
mann óvænt hverfa gegnum hlið-
ið ætíð mikil og viðkvæm. Maður
er slíkum umskiptum óviðbúinn
og þannig var mér farið þegar ég
frétti lát Jóns G. Sólnes bæjar-
fulltrúa, fyrrverandi bankastjóra
og alþingismanns s.l. sunnudag 8.
júní. Jón varð bráðkvaddur á
heimili sínu að morgni þess dags.
Hann var fæddur 30. september
1910 og var því 75 ára er hann
lést.
Jón kom fyrst til starfa í bæjar-
stjórn Akureyrar sem kjörinn
bæjarfulltrúi 1946 og átti þar sæti
samfleytt til 1978 og síðan aftur á
því kjörtímabili sem nú er að
enda. Hann hefur því setið í
bæjarstjórn Akureyrar í 36 ár
eða lengur en nokkur annar.
Hann var forseti bæjarstjórnar
1962 til 1968 og 1970 til 1974 og
átti lengi sæti í bæjarráði. Störf
Jóns að málefnum Akureyrar-
bæjar eru mikil og farsæl og
áhrifa hans hefur gætt víða. Störf
hans verða ekki tíunduð hér.
Skoðanir Jóns á mönnum og
málefnum hafa oft verið
umdeildar. Það er eðlilegt þegar í
hlut á maður sem gengur til starfa
af slíkri atorku og sannfæringu á
ágæti sinna skoðana og Jón hefur
ætíð gert. En staðgóð þekking
hans á fjármálum og atvinnumál-
um hefur ætíð verið viðurkennd
og þökkuð og hann hefur notið
virðingar þeirra sem átt hafa við
hann samstarf á vettvangi bæjar-
mála, ekki síður þeirra sem verið
hafa stjórnmálalegir andstæðing-
ar hans.
Ég minnist með þakklæti og
virðingu samvinnu og samstarfs
við Jón að málefnum Akureyrar-
bæjar um langt skeið, hjartahlýju
hans og hreinskilni. Innilegar
samúðarkveðjur sendi ég eftirlif-
andi eiginkonu hans Ingu, börn-
um þeirra og fjölskyldum og bið
þeim blessunar Guðs og huggun-
ar í sárum söknuði.
Sigurður Jóhannesson.
Er mér barst sú harmafregn
sunnudaginn 8. júní á hátíðisdegi
sjómanna að Jón G. Sólnes væri
látinn, setti mig hljóðan.
Ég var þá að horfa á róðrar-
keppnina, pollurinn spegilsléttur,
fjörðurinn skartaði sínu fegursta,
skyndilega fannst mér draga ský
fyrir þessa fögru sýn. Góður
drengur er hafði lagt sig allan
fram í áratugi, að skapa þessa
sterku mynd já björtu mynd, af
betri bæ, farsælu mannlífi, góðu
umhverfi, jákvæðri tíð er
horfinn, skarðið er stórt, það
verður seint fyllt.
Mannkostir hans voru miklir,
um þá mætti skrifa stórt.
Glaður og hýr var hann, ætíð
ferskleiki og lífsþróttur var hans
aðalsmerki það var aldrei logn-
molla, þar sem hann fór.
Jón gat virkað hrjúfur, og
stundum harður, þetta var aðeins
skelin, innan við sló gott hjarta,
er vildi öllum vel, og einkum
þeim er minna máttu sín. Það
sýndi hann oft í verki, þó það
færi eigi hátt.
Starfsævi hans var löng, og
litrík, stormasöm á stundum, en
að öllum verkum gekk hann af
atorku og elju, vildi skila árangri.
Að bæjarmálum vann hann í
áratugi, og skilaði góðu verki,
þau djúpu spor er hann markaði
á þeim vettvangi fennir seint í.
Störf bæjarfulltrúa, og þeirra
er láta sveitarstjórnarmál til sín
taka eru mismikið þökkuð, en
ekki er vafi á því að Akureyring-
ar munu minnast starfa Jóns G.
Sólnes að bæjarmálum á Akur-
eyri með virðingu og þökk. Hann
vildi beina bæjarmálum og hags-
munum bæjarins á jákvæðar
brautir og draga fram sem já-
kvæðastar hliðar á öllum málum.
Þau verk er Jón ástundaði í
stjórnmálum ætlaði hann að væru
mannbætandi, og manngildi setti
hann á oddinn.
Við fráfall Jóns hafa Akureyr-
ingar misst afkastamikinn og
góðan borgara, höfum það
hugfast, að þeir einir missa
mikið, er mikið hafa átt.
Dugnaður hans og ósérplægni,
munu lengi verka sem lýsandi
fyrirmyndir, og verk hans, munu
lengi halda minningu hans á lofti.
Það er huggun harmi gegn, að
eiga stórar og bjartar minningar
um Jón G. Sólnes, og hvetur
okkur er enn höndlum lífsljósið,
til dáða, að vinna í anda hans,
byggja upp betri og bjartari
framtíð.
Ég sendi þér og fjölskyldu
þinni Inga mín, mínar dýpstu
samúðarkveðjur, með bæn til
þess er öllu ræður að gefa ykkur
mikinn styrk.
Sverrir Leósson.: