Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Dagur

og  
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 . . . . .
PDF  | HQ_PDF  | JPG  | TXT  |
Skoša ķ nżjum glugga:
PDF  | HQ_PDF  | JPG  | TXT  |


Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Dagur

						6. nóvember 1987 - DAGUR - 15
/' dagsljósinu
Iþróttasjóður lagður niður og
framlas ríkisins til ÍSl skert
í fjárlagafrumvarpi ríkisstjórn-
arinnar fyrir árið 1988 er gert
ráð fyrir rúiiniin 14 milljónum
króna til íþróttasambands
Islands, en sambandið sótti um
31,5 miUjónir. Á yfirstandandi
ári fékk sambandið 26,2 millj-
ónir og þykir mönnum niður-
skurðarhnífnum beitt ótæpi-
lega. Jafnframt er gert ráð fyr-
ir að leggja íþrótta- og félags-
heimilasjóð ríkisins niður á
þeirri forsendu að sveitarfélög-
in yfirtaki rekstur þeirra.
Hermann Sigtryggsson er
íþróttafulltrúi Akureyrarbæjar
og jafnframt stjórnarmaður í
íþróttasambandi íslands. Hann
hefur því góða yfirsýn yfir stöðu
íþróttamála og þróun fjárveit-
inga. Hvernig horfir stefna ríkis-
stjórnarinnar í íþróttamálum við
honum?
„íþróttasjóður er strikaður út á
fjárlögum 1988 og við erum ekki
alveg búnir að átta okkur á því
hvernig við bregðumst við því.
íþróttasjóður skuldar Akureyrar-
bæ 6 milljónir, vegna skíðalyft-
unnar, íþróttahallarinnar og
fleiri mála. Ég tel að þessi sjóður
sé mjög mikilvægur fyrir sveitar-
félög og félög um land allt sem
eru að byggja íþróttamannvirki.
Hér á Akureyri eru golfklúbbur-
inn, skautafélagið, KA og Þór
stórir aðilar í sambandi við bygg-
ingu íþróttamannvirkja og skuld-
ir sjóðsins við þau félög eru um
15 milljónir króna. Það eru því
ekki einungis sveitarfélögin sem
eiga í hlut, heldur líka hin ýmsu
félög um allt land. Minni sveitar-
félög og íþróttafélög á lands-
byggðinni byggja nánast ein-
göngu á framlögum úr íþrótta-
sjóði.
Ég tel að hér hafi ekki verið
mjög fagmannlega að verki stað-
ið hjá starfsmönnum fjármála-
ráðuneytisins í sambandi við
niðurskurðinn. Mér sýnist líka að
það verði að breyta lögum til að
þetta geti náð fram að ganga því
íþróttasjóður er löggildur."
- Hvað kemur þá í staðinn?
Eiga sveitarfélögin að fá meiri
fjármuni sem þau úthluta síðan
til íþróttamála?
„Maður hefur heyrt að ein-
hvers konar framlög til sveitarfé-
laga eigi að koma þarna í staðinn
en það er ábyggilega miklu erfið-
ari úthlutunarleið því mikill bar-
dagi er um fjármagn innan sveit-
arfélaganna. Ég er því dálítið
hræddur við þessa skyndilegu
breytingu. Ég er ekki að segja að
það megi ekki endurskoða
íþróttalögin, eða lög um íþrótta-
sjóð, en það er mál sem þyrfti að
taka sinn tíma og kunnugir að
fást við það."
„Mikil vonbrigði"
Hermanni finnst flausturslega að
þessum breytingum unnið og seg-
ir það mjög hæpið að leggja
íþrótta- og félagsheimilasjóð nið-
ur og jafnvel ekki löglegt. Hann
nefndi áðan skuldir íþróttasjóðs
við Akureyrarbæ og íþróttafélög
í bænum, en heildarskuldir sjóðs-
ins eru nú 180 milljónir og skuldir
félagsheimilasjóðs eru hátt í 60
milljónir. Eiga sveitarfélögin að
standa skil á þessum skuldum?
Fá þau fjármagn til þess? Hvers
vegna þessar krókaleiðir?
Víkjum nú að framlagi ríkisins
til íþróttasambands íslands. Sam-
bandið fór fram á 31,5 milljónir
króna fyrir starfsemina á árinu
1988 sem er eðlileg verðlags-
hækkun frá árinu 1987 en þá fékk
ISÍ 26,2 milljónir króna. Hækk-
unin er því 20% samkvæmt þess-
ari beiðni en hvað gerist? ÍSÍ fær
14 milljónir á fjárlögum 1988.
Þetta er skerðing upp á 45% frá
árinu áður og miðað við þá upp-
hæð sem farið var fram á er hér
um niðurskurð að ræða upp á
55%.
Ég spurði Hermannum hugs-
anlegar ástæður fyrir skertu
framlagi ríkisins til ÍSÍ. Kemur
lottóið kannski eitthvað við
sögu?
„Það er mikill misskilningur ef
fólk heldur að íþróttahreyfingin
vaði í peningum þótt lottóið
gangi vel. Auðvitað er þetta
mikilvæg fjáröflunarleið, en við
verðum að hafa það í huga að
hlutur íþróttasambandsins í
hagnaðinum af lottóinu fer beint
til aðildarfélaganna. Hér er um
„Það er óhætt að segja það að fyrstu viðbrögð okkar eru mikil vonbrigði.
Þessar aðgerðir brjóta í bága við stefnuyfirlýsingar allra flokka," segir
Hermann Sigtryggsson.                                                          Mynd: tlv.
að ræða 18 sérsambönd, 28 hér-
aðssambönd og 314 íþrótta- og
ungmennafélög, eða alls 360 fé-
lagasamtök. Ef við deilum heild-
arupphæðinni niður á þessi fé-
lagasamtök þá koma aðeins 300
þúsund krónur í hlut hvers
félags. Auðvitað fá sumir meira
og aðrir minna. Þessi viðbót sem
lottóið gefur er geysileg hjálp en
þó ekki nema lítill hluti af rekstr-
arkostnaði íþróttahreyfingarinn-
ar.
Lottóið var aðeins hugsað sem
leið til að bæta hag íþróttahreyf-
ingarinnar. Menn voru bjartsýn-
ir, sáu fram á að geta grynnkað á
Þessi mynd var tekin af framkvæmdum hjá Golfklúbbi Akureyrar í sumar. Skuldir íþróttasjóðs við GA, Skautafélag
Akureyrar, KA og Þór vegna framkvæmda nema 15 milljónum króna.                                             Mynd: rþb.
skuldum og farið að beita sér að
uppbyggingu í auknum mæli.
Þegar ríkið bregst við á þennan
hátt er ekki nema von að menn
verði svekktir. Það er óhætt að
segja það að fyrstu viðbrögð okk-
ar eru mikil vonbrigði. Þessar
aðgerðir brjóta í bága við stefnu-
yfirlýsingar allra flokka."
Fagrar yfirlýsingar
Ef við skoðum þetta nánar þá
kemur í ljós að stjórnmálaflokk-
arnir hafa allt annað í stefnuskrá
sinni en það að leggja niður
íþróttasjóð og skera niður fram-
lög til íþróttasambands íslands. í
ályktun Alþýðuflokksins, flokks
fjármálaráðherra, um íþróttamál
segir m.a. þetta:
„íþróttasjóður ríkisins verði
efldur verulega, svo að hann geti
sinnt hlutverki sínu betur en ver-
ið hefur.
Alþýðuflokkurinn telur þörf á
auknum framlögum ríkisins til
íþróttahreyfingarinnar, þannig
að hún geti sinnt mikilvægu hlut-
verki sínu betur í framtíðinni."
Hliðstæðar yfirlýsingar má
finna hjá flestum ef ekki öllum
stjórnmálaflokkum.         Tökum
Framsóknarflokkinn sem dæmi:
„Framsóknarflokkurinn         vill
beita sér fyrir eflingu íþróttasjóðs
ríkisins í því skyni að sjóðurinn
geti betur sinnt hlutverki sínu en
nú er." Og Borgaraflokkurinn er
sama sinnis: „Mikilvægt er að fé-
lagsheimilasjóður og íþróttasjóð-
ur ríkisins verði efldir, svo að
íþrótta- og félagsleg uppbygging
geti átt sér stað sem víðast um
land."
Hermann Sigtryggsson bendir
á að lottóið sé hugsað til þess að
bæta hag sveltandi íþróttahreyf-
ingar en eigi ekki að koma í stað-
inn fyrir ríkisframlög. Þá bendir
hann á að getraunir (1X2) hafa
verið á niðurleið og verði jafnvel
reknar með tapi. Þar missir
íþróttahreyfingin töluvert fjár-
magn sem hún bætir sér upp með
lottóinu.
Jón Baldvin Hannibalsson,
fjármálaráðherra, virðist hins
vegar á þeirri skoðun að lottóið
geri það að verkum að óhætt sé
að skera niður framlög ríkisins til
ÍSÍ, eins og fram kemur í ræðu
hans á Alþingi 15. október
(0023D Sameinað þing, 15. okt.
1987):
„Að því er varðar ábendingar
um að hlutur íþróttahreyfingar-
innar sé lítill í þessu fjárlagafrum-
varpi og þá eru menn með í
huga þær tölur að fjárveiting á
yfirstandandi ári til íþróttasam-
bands íslands svo að ég taki dæmi
eru 26,2 millj. kr. en í frumvarpi
fyrir 1988 14,4 millj. kr. Og þá er
spurningin út frá þessu dæmi:
Lýsir þetta nú einhverjum óskap-
legum fjandskap og illvilja núver-
andi stjórnarmeirihluta í garð
íþróttahreyfingarinnar? Því fer
fjarri. Alþingi hefur samþykkt
lög um sérstaka fjáröflun til
íþróttahreyfingarinnar, Ung-
mennafélagsins og Öryrkja-
bandalagsins, lög um lottó. Og
auðvitað til að styrkja fjárhag
þessara þjóðþrifasamtaka."
„Vonum að menn
sjái að sér"
Hermann vonast til að menn sjái
að sér í þessum efnum. „Mér hef-
ur fundist að allir sem við höfum
leitað til, alþingismenn í stjórn
og stjórnarandstöðu, hafi tekið
okkur vel og vilji jafnvel leiðrétta
þetta. Þarna hafi jafnvel verið
mistök á ferðinni. Það hjálpar
okkur líka þegar menn eins og
Steingrímur Hermannsson gagn-
rýna þessar hugmyndir opinber-
lega og við vonum bara að menn
sjái að séT í tíma," sagði
Hermann.
Við ræddum um eflingu
íþróttastarfs á landinu og íþróttir
sem fyrirbyggjandi heilsugæslu-
starf. Hann sagði að á trimmráð-
stefnu á dögunum hefði aðstoð-
arlandlæknir tekið heils hugar
undir það að íþróttir ættu að vera
á heilsufarsáætlun þjóðarinnar.
Að lokum komum við aftur inn
á íþróttafélög á Akureyri. Þá
sagði Hermann meðal annars:
„Golfklúbbur Akureyrar hefur
verið með framkvæmdir upp á
tugi milljóna á síðustu árum.
Sömu sögu má segja af KA, en
húsið þeirra hefur kostað um 16
milljónir króna og Þór er að gera
áætlanir um hús upp á 40 milljón-
ir króna. Skautafélagið er með
framkvæmdir upp á 10 milljónir.
Þessi félög eru með langan
skuldahala og verða að byggja á
framlögum úr íþróttasjóði, fram-
lögum bæjarins, eigin fjáröflun-
arleiðum svo og gríðarlegri sjálf-
boðavinnu. Síðan kostar almenn-
ur rekstur auðvitað sitt, kostnað-
ur við þjálfun o.fl. Félögunum
veitir ekki af öllum þeim pening-
um sem hægt er að fá og þau ættu
að fá. Það er hagur íþróttafélag-
anna á Akureyri að íþróttasjóður
verði efldur og framlög til
íþróttahreyfingarinnar verði ekki
skért."                                   SS
					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20